174
48
26
港鐵旺角站 E1 出口, 步行約2分鐘 繼續閱讀
所有分店 (2)
電話號碼
21914967
營業時間
今日營業
11:00 - 01:00
星期一至日
11:00 - 01:00
付款方式
Visa Master AlipayHK 支付寶 現金 銀聯
其他資料
Wi-Fi
酒精飲品
電話訂座
加一服務費
當面支付
食評 (264)
等級4 2019-07-17
179 瀏覽
今日出旺角做完野後有點肚餓,一諗起前幾日食完泰國菜,食完總是覺得未夠喉,橫掂今日約左朋友食午飯,就不如又去食泰國菜啦!嘻嘻!!在旺角,見到呢間泰國菜位於朗豪坊隔離的一座大廈,都算蠻方便的。上到去,地方不是太大,但好有泰國氣色。天花鋪滿色彩繽紛的紙傘,周圍放了好多佛教神像和公仔。我們安排入座後就睇下有什麼好野食先!餐牌入面每個菜都有張相,可以方便客人睇到實物的樣子,都幾細心呀!我地睇睇下,侍應就俾左另一份餐牌話俾我地知,下午茶時間就到,可以睇下下午茶餐。咁我地就睇睇下午茶有什麼好食先!見到下午餐都幾抵食,仲包埋飲品,我想講佢個餐牌好貼心,佢餐飲係寫得好清楚跟餐如果想飲特別飲品時係加幾多錢,唔使食客自己計差價,真好!我們又見餐牌啲小食又幾吸引,所以就點了幾個下午茶餐和兩個小食。第一個下午茶餐到,呢碗係鴨絲湯河,湯底味道濃沃,鴨絲份量都幾多,好有鴨味,啲湯雖然濃,但唔會搶走鴨絲的味道,河粉份量都適中,唔會覺得下午茶餐就會俾少啲既感覺。第二個下午茶餐係泰式咖喱海鮮配白飯,入面有蝦,魷魚,蟹柳等等,咖喱味香,唔會太辣,份量都適中。第三個下午茶餐係乾炒豬肉河,炒河炒得算乾身,豬肉份量都夠多,還加左一些菜,食落都好飽肚。我地還叫左兩個小食,一個係炸蝦餅,一個係炸軟殼蟹,炒蝦餅炸得好金黃,香口,蝦餅有四件(每件半舊),但每舊都算大件,啖啖蝦肉,好味!炸軟殼蟹有一隻全隻軟殼蟹份量,外脆內軟,點埋個沙律醬就梗加可口!我地跟餐叫左幾杯飲品,一杯係龍眼冰,入面有幾粒龍眼肉,飲落幾清甜。第二杯係鹹檸七,鹹檸檸加多七喜唔使多講一定係絕配!最後一杯係大樹菠蘿冰,入面有好多大樹菠蘿絲,唔太甜,飲到大樹菠蘿香味。 繼續閱讀
(以上食評乃用戶個人意見 , 並不代表OpenRice之觀點。)
去開旺角買電話,想搵一間唔會太多人嘅餐廳,記得朗豪坊隔離有座叫朗晴坊嘅大廈,裡面有間好地道嘅泰國餐館,連侍應都係泰國人,價錢又實惠,一於去食多次午市時段來到,仲有午市套餐,送埋飲品,抵上加抵喇泰式冬陰公湯湯($51)正宗泰式冬陰公味道,配合好多香料同香茅,酸中帶辣,惹味非常。河粉煮得非常滑溜,鮮蝦更令冬蔭公帶點鮮味喇沙雞絲米粉($49)米粉好掛湯,每條米粉都吸收了喇沙湯底的精隨。喇沙微微辣,椰香味很突出,仲食到粒粒花生碎,味道香濃泰式椒鹽軟殼蟹($76)軟殼蟹最緊要「脆」,呢隻蟹只用上薄薄的炸漿,咬落去啖啖都係蟹肉,咬一口,蟹汁爆出,卜卜脆,份外好食泰式芒果糯米飯($68)芒果用上白花芒,肉質較結實,食落較為清香,香甜並重。椰奶加上入口軟熟嘅黑糯米,特別加上咗卜卜米,口感層次豐厚椰汁冰(免費),海底椰冰($5)餐飲選擇豐富,一般嘅飲品都唔使加錢,就算係一些特飲,都只係加$5 ,食完辣野之後飲番一杯,絕對解渴,絕對抵飲午市餐牌翻面米線湯河各適其適,樣樣有齊唔夠仲可以加小食添食飽仲可以叫甜品午市時段免加一,豐儉由人泰國人侍應,好熱情好親切 繼續閱讀
(以上食評乃用戶個人意見 , 並不代表OpenRice之觀點。)
等級4 2019-04-28
656 瀏覽
在旺角先看過中醫,服藥過後半小時就得要吃飯,走到附近的>>>真心泰國菜館<<<,享受一下泰國風味。 餐廳裝修不是走華麗風格,然而各款裝飾讓食客感到濃濃的泰國風情。 餐牌設計簡簡單單的,用中、英、泰文註明食物名稱及價錢。 這次選擇了乾炒海鮮河(HKD56),不消一會,已經可以開餐。這個份量在我而言是恰到好處,配搭不同種類海鮮,例如蝦、青口及魷魚等等,還有雞蛋,味道更香;炒粉麵最棹忌的是油份太多,然而這個炒河沒有這個問題喲。 侍應推介搭配指定飲品,可享套餐價錢,更加抵飲,所以點了一杯少冰的鹹檸檬七喜(加HKD5)。其他泰國餐廳會把七喜原罐奉上給食客時,不過這裡的安排是已經是一杯倒好的飲品,方便快捷。咸檸檬看似很小,但這樣的份量已經足夠,令甜甜的七喜中,滲著鹹鹹酸酸的味道。 小食是泰國炸春捲(HKD55),是素菜,即叫即炸,需要稍候片刻,但等待是值得的,這樣才夠香脆哦。點些甜辣醬,更加開胃。 侍應雖然看似泰國人,但因操流利廣東話,無需擔心溝通問題。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-10-07
14 瀏覽
去完泰國旅行 開始掛住泰國菜就去咗旺角一間泰國餐廳食晚飯食物既選擇都幾多可以選擇套餐或散叫我哋叫咗一個套餐,串燒同埋炒菜泰式豬頸肉炒公仔麵公仔麵有一陣麻油香味豬頸肉嘅數目都幾多抵食👍🏻👍🏻串燒方面我哋揀咗雞同豬啲肉好林 好juicy值得一讚個沙嗲汁沙嗲汁好濃 仲可以食到少少花生啦好野味!同啲串燒好夾蝦醬炒通菜通菜好夠味 有蝦醬嘅咸香味!跟餐仲有嘢飲同甜品送幾抵食!!!最後埋單 人均都係130幾蚊已經可以食到好飽下次可以再嚟 繼續閱讀
(以上食評乃用戶個人意見 , 並不代表OpenRice之觀點。)
等級4 2019-10-03
19 瀏覽
今天考試完成後,還要繼續工作,期間朋友致電相約晚膳,就想起有一間泰國菜館的燒雞非常美味,所以相約在朗豪坊等生菜包飯套餐生菜包通常需要散叫,這個配搭比較優惠,朋友說有點辣,但是辣妹如我覺得剛剛好,肉碎帶一點魚露的香味套餐附送一杯飲品,選擇了泰式凍檸檬茶,泰式紅茶配青檸,不會太甜,增進食欲口味清新泰式燒雞(半隻)外皮燒得香脆,淡淡的香料味道,雞肉香滑,配上兩種醬汁:酸甜醬及泰式辣醬,一口接一口完全停不了椰汁糕上層椰汁糕,下層大菜糕,不會太甜,口感比較爽口 繼續閱讀
(以上食評乃用戶個人意見 , 並不代表OpenRice之觀點。)