真心泰國菜館 (已結業)

今日陪住個外地遊客行旺角，其實個人已經好耐好耐沒來過旺角，因為真係人~太~多~了~午餐吃飯都係，朗豪坊完全人多又唔平，就openrice一下附近，發現隔離朗晴坊就有一間樓上舖吃泰國菜，好似都幾多人like，一於去試試。裝修非常有泰國風，不過是日星期六，即使係樓上舖都一樣人多，用餐全程基本都維持到8-9成滿，而且我發現好多應該係附近返工放飯的員工，唔係遊客！！Wow，好似發現咗好地方喔~打開餐牌，第一感覺係。。。好平！大多數碟頭粉/麺/飯都係30-50蚊，某部分飲品仲唔使加錢，超抵！！雞絲扎肉撈麺，撈麵調味惹味非常，扎肉爽口彈牙，不喜歡吃辣的朋友讃好吃。泰式炒貴刁，酸酸甜甜的味道很開胃，附贈一大把花生碎，拌勻之後，香味更上一層樓。份量頗大，芽菜、雞蛋、蝦混在一起，啖啖滋味。泰式燒豬頸肉，齋吃肉有點不太夠味道，然後發現，原來個沾醬才是亮點。一入口，辣，但辣完嗰一下之後，成個味道唔同曬，好難形容，反正辣度消散得好快，後調是各種混醬的綜合味道，非常適合我這種重口味人士。可惜朋友怕辣，不敢同我分享，不過變相益咗我一個人吃曬成碟肉芒果糯米飯，每逢去泰國餐廳必點之選。這裡的糯米飯是黑糯米，熱辣辣還有

今晚和老朋友旺角飯聚，去了真心泰國菜館簡單晚飯，我們點了個二人套餐分享。冬陰椰汁雞湯 - 非常特別，有著冬陰公獨特的香辣，也有著雞湯的香滑，更有椰汁的香濃，很是好喝！西蘭花炒鮮蝦 - 蝦肉爽口，不過不失。肉碎生菜包 - 單看外觀想像不到其辣度少，正好適合小弟胃口，用新鮮生菜包裹，正好平均一下香辣肉碎的重口味。炒貴勺 - 有嫩滑的雞肉做主菜，貴勺炒得香口得來麵身相當彈牙，加上花生碎伴碟，撈匀吃非常好味。整體食物泰味出色，製作認真，地點也方便，是簡單飯聚的好地方。

與朋友們做完運動，肚空空想找一些飽肚餐廳，經過發現朗豪坊發現隔離朗晴坊開了一間泰國菜館，即管試試！店面不大但裝修很有特式，放滿東南亞色彩的紙傘，而且坐得舒適晚市竟然有六十幾蚊套餐揀，十分抵食！我們二人點了綠咖哩米線及冬蔭公炒麵綠咖哩米線十分高水準，青咖哩質感濃厚，米線質地彈牙，而且很索汁。雞肉有以香茅醃製過，十分香口冬蔭公炒麵泰式風味十足，不太辣但炒得十分乾身香口，料也不少，值得一試加點了一份串燒，質素也不錯，咬落有肉汁，雖然沒有肥膏但也不鞋，不錯餐飲點了咸檸七，只需加$5，很抵飲甜品椰汁西米糕出奇地好食！椰香味濃郁，香滑軟熟，必點！值得推介這間泰菜店！

同朋友喺朗豪坊行街行到冇留意時間😂餓餓地就行過隔離朗晴坊搵野食睇到有泰國野食🇹🇭🤤即刻衝上去上到去原來已經係下午茶時間嘩！一睇餐牌好抵食呀😋😋同朋友一人試一個餐.我就叫菠蘿炒飯🍍大大碟仲好足料🤤❤️啲飯粒係粒粒分明唔會痴埋一舊舊👍🏻滿分呀另外，我再加錢配左杯椰汁 🥥個人覺得太甜😣但都香椰奶味嘅唔會話溝左太多水..至於朋友就叫左雞絲湯河我試左一啖覺得個湯唔錯啊不過份量就相對少啲如果好肚餓嘅就建議食炒飯會飽肚啲喇.但整體黎講呢間嘅下午餐質素都唔錯值得再食

餐廳是傳統泰國裝飾，座位勁多。看過餐牌後，有幾款二人餐都好吸引，而且價錢都合埋。咖哩係我愛吃的黃咖哩，咖哩味道濃郁又香。跟4件蒜蓉包，蒜蓉包好有蒜蓉味，都未食已嗅到勁香蒜味，全件包放入黃咖哩汁內，吸哂醬汁，包邊都好脆。熱辣辣炸泰式春卷，春卷皮勁脆。係傳統泰式春卷，春卷內全是粉絲。蝦醬炒通菜，蝦醬味勁香，好嘢味。細細碟份量唔會太多，可能係二人餐。落單時還怕食唔哂，現在剛剛好，唔洗浪費食物。二人餐還跟餐飲和甜品。凍椰汁，有椰味又唔會太甜。而甜品係西米椰汁糕，未見過咁大隻，好滿足。

今日約咗朋友去朗豪坊睇戲，睇戲之前我哋就去咗附近朗晴坊食飯，朋友話想食泰國菜，就揀左去真心泰國菜館。兩點鐘左右去到都幾多人喺度食lunch，餐牌都有幾多選擇，朋友就話要飲冬陰功湯，不過餐牌只係見到有泰式冬陰功湯河，只係$46又幾抵食！👍食落仲好好味添😋，不過就辣左少少，可惜我就唔係好食得辣，所以另外叫咗個泰式菠蘿炒飯，有新鮮菠蘿，味道吾錯！食泰國菜，梗係要食蝦醬炒通菜！熱辣辣剛剛炒起，夠晒惹味！朋友吾食肉，所以叫多個蒜蓉炒西蘭花🥦，啲菜都炒得好爽口，好味！

旺角出名多美食，梗有一間系左右，好似7-11甘。今次光顧了一間泰國菜，系朗豪坊附近，電影旁邊。是三五知己一起吃飯聊天的好去處，因為價錢好便宜，包吃到飽。泰式小食拼盤(蝦餅，魚餅，春卷，雞翼)，蝦餅好厚身肉質彈牙，乾身不會太油，魚餅有香菜，好有泰式口味。雞翼炸得香脆脆。想像不到，份量如此勁大份，真的好抵食。泰式燒豬頸肉，配獨式醬料，必點的美食，燒得好惹味，吃不停口。椰菜苗炒咸豬肉，椰菜苗是近來最好喜歡吃的菜，貪其有咬口好香菜味。椰汁綠豆冰，香甜椰汁，吃過炸物後，超消暑解渴。店舖佈置好有泰國 Feel，林林總總，真的好少有的，最值得讚是招待的女侍應，真的好有禮貌和甜美。

就到聖誕，約閏密們聚聚，大家都想去旅行，但都無錢無假，只好去食下泰國野，黎個味雷旅行。 黎到呢間餐廳，勁有異國風情，好多傘，唔知有咩意思架呢？ 真心好似去左泰國咁，中英menu。 好多基本泰國野都有， 叫左幾樣特別點既菜式。 鹽燒魚，我未食過，但朋友去泰國食過，原來唔係想像中咁咸，魚味好鮮好香，肉係實身果種但再搭真點好有魚油同魚香。 好特別。 咖哩南瓜包，本身擔心咩配料都無，原來內藏好多蝦同魷魚，仲有好林既南瓜，又香又好食，黃咖哩唔辣，岩晒唔食辣既我，個包好香好脆。 泰國必食pad Thai,炒到同泰國一樣味，會諗內面廚師會唔會就係泰國人？ 馬拉盞炒通菜，份量比平時餐廳多，又香又濃味但唔會太咸，好欣賞。海鮮粉絲煲，原以為唔辣，點知係酸辣🤦🏻‍♀️ 不過好足料，粉絲好入味，我唔食得都食左幾啖，所以叫左個椰青解解辣。清甜椰清😍仲有甜品送，唔會太甜，味道不錯。 舒服靜靜地既地方，上菜快，員工態度良好。

到旺角真是人山人海， 行過小小到砵蘭街 ， 抬頭看到一間泰國菜館， 上到菜館見裡面有泰國feel 陳設裝修， 天花板掛滿雨傘， 顏色奪目。一向為食嘅我哋一於坐低感受下泰國風味菜館。 泰式炒貴刁 泰式雙丸河 炸蝦餅鮮椰青及檸檬蘇打水 紫米糖水 炒貴刁有大大隻蝦 ，味道酸酸甜甜好開胃， 雙丸河(豬肉丸及魚丸)， 食到泰國味道，上枱已經聞到好香， 熱騰騰，香噴噴的蝦餅，一放入口食到又香又彈牙， 點埋甜酸醬， 難以抗拒。 飲杯冰凍檸檬梳打及鮮椰青， 真係完美配搭， 已經食得飽飽 ， 仲有紫米糖水奉送， 真係開心。 食完講句泰文 '阿來阿來'！

到旺角朗晴坊見到大大個招牌真心泰國菜館，到二樓，裝修有特色，有泰國風味。菜牌面以木造，食品價格普遍都好超值，除單叫食品外，還有非常抵食的晚市套餐，每樣都唔過$70 ，真係午餐都食唔到這個價錢呀。 點了泰式生菜包飯$68，肉碎都幾辣，非常惹味，包上生菜可中和辣味, 好正宗的泰國風味。再叫了泰式串燒$85，一碟半打有六串，選擇了牛肉同雞肉。自己較喜愛食雞肉，肉質較嫩滑，牛肉點起沙爹醬好夾，有粒粒花生，好香。另一晚餐叫了咖喱海鮮飯$89，唔算太辣，有蝦，魷魚同蟹柳，但海鮮比較細件，咖哩汁加了蛋好滑，汁夠多可撈飯。飲品加了$5 叫了凍咖啡同青檸梳打還送上甜品，有紫米糕同椰汁糕。晚飯食泰國菜呢個價錢，真係好超值呀！

和男朋友到旺角吃個晚飯☺️ 隨便選了一間泰菜 估不到 是一餐很有驚喜的晚餐！餐廳的裝飾都很精緻 點了吃泰菜必點的冬陰公湯 有2隻大蝦🍤 蝦非常新鮮 很彈牙而湯味亦很濃郁 很夠辣度👍🏻另外點了泰式金邊粉金邊粉炒得非常夠火喉👍🏻 而且味道方面 很有真正在泰國吃的風味配料有蝦 而且數量都不少的😁這裡的蝦醬炒飯有很多配料 最喜歡的是炒飯裡面有豆角粒咬下去時很有層次 而飯亦炒得很乾身 主角蝦醬是這個炒飯的靈魂！蝦醬濃度適中！很惹味也不會很咸三色冰椰汁很濃👍🏻甜品有桂花榚和椰汁榚 2款都很清甜 👍🏻

最近旺角無甚麼新的餐館，在朋友的推薦下去了一間比較舊的泰國餐館，反而有驚喜。這間泰國餐館在一棟舊式的商業大廈，但其實地點非常方便，就在朗豪坊旁邊。一搭入餐館，就會感受到濃濃的泰國風，除了播住泰文歌之外，所有店員都是講泰文，當然也會講中文啦。餐館主打一人晚餐，一共有10款選擇。今次點了泰式炒公仔麵及馬拉棧豬頸肉飯。泰式炒公仔麵比較濕，冬蔭公味都很足，而且不是很辣，非常適合我👍馬拉棧豬頸肉飯的豬頸肉比較少，但馬拉棧很適合送飯，所以很快就食完了😂

近排唔知點解對泰國菜上咗癮，啱啱過完個blue Monday之後，即刻搵埋朋友周圍搵下邊度有好食嘅泰國菜。有同事介紹呢間泰菜係旺角都算幾出名，又幾近地鐵站唔難去，提議不如去呢間試吓啦。佢係樓上鋪，行樓梯一層就到。餐廳裝修都有種泰國味道。餐牌都有唔少餸嘅選擇，我個friend兩個人嗌咗一個二人套餐，入面包括蒜蓉包，青咖喱，菜，春卷同飲品。我個朋友仲覺得唔夠食，叫左八舊炸蝦餅。最先來就係個青咖喱雞，俾我想像中大份好多，仲有好多雞塊係入面。本身以為啲雞會好嚡，但係原來幾嫩。青咖哩香料味濃而不辣，亦都唔會好水咁，忍唔住叫左個飯刷哂佢。我地都好貪玩攞埋塊蒜蓉包去點咖哩食，好滋味。炸蝦餅係今餐嘅重點之一，見到有啲人之前都話呢度嘅炸蝦餅係做得好出色。果然冇令我失望，炸蝦餅個size好大舊，睇得出係新鮮炸起，舊舊都熱辣辣，外層非常酥脆香口，蝦膠極彈牙，加埋個泰式辣醬真係停唔到，一舊一舊咁清哂成碟8舊。泰式炸春卷好足料，有粉絲木耳等材料， 皮薄得黎唔會食落去成口油。佢都好貼心有埋個泰式辣醬去蘸。蝦醬炒通菜夠鑊氣，炒得夠香之餘又唔算好油！蝦醬嘅味道唔會太強烈，食左咁多肉點都要搵啲蔬菜調劑下。飲品都值得一讚

都好一陣子冇食過泰國嘢，突然間心血來潮揀咗間泰國菜餐廳。呢間餐廳喺朗豪坊隔離，購物完咗就過咗去食。同一棟樓有唔少餐廳選擇，不過食泰國菜就好似得呢間。泰式炒貴刁，去泰國餐廳必食嘅，係我嘅最愛，同埋可以測試一間餐廳嘅水平。炒貴刁濕身嘅程度啱啱好，餡料有豆腐粒、花生粒，唔會好辣，幾鍾意佢個蝦，堅有蝦味。份量方面都幾豐富。真心招牌炒飯，有雞肉同埋芋頭，賣相係金黃色都幾得意。最初聽個名唔知係咩嚟嘅，不過見有相大概都有啲信心，所以即管試咗，雞肉同芋頭嘅配搭都幾特別，味道ok。我同朋友點左碟小食，就係泰式燒豬頸肉。豬頸肉燒成一片片，大塊得嚟但又薄身，鍾意食燒物類既朋友可以一點。串燒可以揀牛肉、豬肉、雞肉，三款之中其中兩款，一共有六串。串燒配有特製醬汁，一定要點，因為點完之後味道層次豐富好多。最後送埋個西米露，以甜品作結嘅一餐，特別令人食得滿意。

今日朋友去開旺角, 四圍都係人, 又唔想食譚仔南記, 有人提意去食泰國野~ 我突然醒起係朗豪坊UA正門側邊有坐細細地既大廈(朗晴坊), 佢成揀大廈都係餐廳來的~ 2樓有1間叫真心泰國菜, 之後都同朋友去食過~ 都幾扺食架~ 今晚一於再去~ 坐底我地叫咗三個晚餐, 有青咖哩雞扒米線$62,(青咖哩好香, 雞扒一D都唔乾, 好嫩, 好多肉汁~ ) 炒香葉肉碎飯$68,(上菜仲配咗三大塊生葉俾你包黎食~ 好細心, 肉碎炒得好惹味~ 好好送飯~) 同埋泰式豬頸肉炒公仔麵$68,(炒得好有鑊氣, 香辣酸好平衡~ 好出色的一個炒公仔麵) 套餐有野飲送, 好扺~ 最後我地仲叫咗個芒果糯米飯SHARE, 真係飽到出街~ 值得推介~ GOOD~