真心泰國菜館 (已結業)

旺角泰國菜何其多，朋友有好介紹，便來這名字有趣的泰國菜館回味一下泰國情懷。餐牌別出心裁，每桌款式不同，而不是隨便把A4紙過膠，不禁為它拍個照。在朗晴坊按二字樓，推進門令你突然置身泰國裡。整個店裝飾佈置都份外有心，每處裝潢令了感受到濃濃泰國風味。先叫了個冬陰椰子雞湯。不會辣，怕辣的我也喝了兩小碗。很喜歡它微甜的椰奶香味，配合雞件和小量蕃茄，開胃之選。與友人各選一款晚市套餐，$68還送飲料和甜，十分便宜。這是黃咖哩米線，食物比餐牌更漂亮更吸引。咖哩不辣，濃濃的椰香味，我和友人都十分滿意，而且這個價錢份外物超所值。另外是咖哩雞排飯。咖哩汁很濃厚，可以叫薄餅配著吃。清一點有蟹肉扒西蘭花，蛋白加蟹肉份量很多，完美散布每棵西蘭花，味道清新，營養價值高。然後叫了餐飲，有泰式奶茶和椰子冰。正式的泰國味道，令我們很想立即飛往泰國待個週未。最後以椰汁糕最完美結束。這餐廳完全由泰國人打理，每樣菜式都正常和傳統。服務上一點都不會待慢客人，笑容滿面，令你吃得開懷。

係旺角睇完戲，搵地方食飯，諗倒去朗豪坊旁邊呢間平價泰國菜，好彩因為時間尚早,所以仲有位，之後都以經好快爆滿店鋪裝修好有泰國風情，餐牌價錢都幾抵。食泰國菜每次都一定要食生蝦刺身，食落感覺到好新鮮!!生蝦既口感配埋泰式汁冇得頂！呢間既冬陰公湯味都好濃，同埋唔算好辣，飲完好開胃，可以係咁食野泰國菜，當然都要食埋蝦醬炒通菜！夠晒惹味！泰式炒飯香口足料，不過因為太飽都食唔哂 ! 不過因為太飽都食唔哂 正體好正宗泰國價，價錢親民，值得推介俾朋友下次再黎

喺朗豪坊行完街，想搵啲抵食又唔貴嘅嘢試下行到戲院隔離，原來有個位叫朗晴坊，上樓仲有餐廳可以食飯喺樓下睇下餐牌，見到有泰國菜，心思思想食啲辣辣地嘅嘢，所以就揀咗呢間餐廳試下見到呢啲套餐幾抵，又送甜品又包埋飲品有麵同飯可以揀多人仲可以揀啲套餐因為套餐冇我哋想食嘅嘢，所以我哋另外再喺餐牌度揀嘢食我哋揀咗個菠蘿炒飯呢個菠蘿炒飯一路食一路有驚喜，因為畢一匙羹已經又有蔬菜又有肉再食又發現原來仲有啲魷魚同蝦等嘅海鮮再加上有埋菠蘿嘅甜味，成個飯口感豐富呢個小食拼盤我哋叫咗個大嘅，份量十足我最鍾意食呢隻魚餅，因為佢加咗啲泰式嘅香料，有少少似冬陰功的味道同埋全部小食都炸得好香脆，就算慢慢食，凍咗都依然好好味仲有叫左個串燒啲串燒即叫即燒，再配埋啲泰式串燒醬，非常之惹味食到最尾仲有個甜品呢度環境坐得舒服，同埋最得意嘅地方係全部餐廳嘅職員都係泰國人(因為佢哋私下會講泰文)，但係又可以用到廣東話同我哋溝通同埋佢哋本身係泰國人，相信整出嚟嘅食物都比較正宗見到佢哋午餐同下午茶都幾抵，下次要早啲嚟再試下

今日小兒又要去朗豪坊睇巴士模型，所以去咗朗豪坊，行完大約6點左右，又要揾野食，老婆話想食泰菜，醒起附近有間泰式餐廳開咗好多年，上咗去試。餐廳環境以擺設，裝修都以泰式風格為主， 感覺舒服好坐。 餐廳員工都係泰國人為主。餐牌嘅選擇都好多，應有嘅泰國菜都有。冬陰功(s)去食泰國菜當然要飲下冬陰公喇，呢個冬陰功用原隻大蝦，菇，南薑，香茅，辣椒等造成，辣味好足夠，辣得來唔會遮蓋咗青檸檬嘅酸味， 幾開胃。菠蘿海鮮炒飯呢個炒飯用咗好多不同嘅配料， 我哋差不多食到落嚟先可以完全數得出有幾多種， 海鮮，肉鬆，腰果，菠蘿 ，提子乾，雜豆， 仲有一種類似臘腸嘅肉粒，我哋問店員， 店員稱原來泰國都有一種好似中式臘腸嘅臘腸， 因為用咗咁多材料所以味道方面都好豐富， 應該用咗少少黃薑粉調味。泰式小食拼盤(大)春捲係用粉絲，木耳絲，蘿蔔絲 ，肉絲嚟做餡， 幾豐富。蝦餅炸得好脆身， 裏面嘅蝦膠彈牙。魚餅係冬陰功味嘅裏面有幾款香料。雞翼炸到有少少脆，有少少香茅嘅味道。Singha 泰國啤酒我之前都未試過飲泰國啤酒，今次試下，幾 ok,易入口，唔苦， 夠凍。

朋友請食飯，叫我諗食咩...諗吓法國菜又食咗，平時又成日打邊爐/放題，諗諗吓不如食泰國野，因為晏晝同事講起去泰國而我又好耐無食過，就提議食泰國野。朋友揀咗地點要求喺旺角，我就提議黎真心泰國菜，因為之前都有食過。我先上到餐廳等朋友，等緊時有個小插曲。話說我坐低後隔離枱有兩位女士坐低，其中一個簡直十足十三八上身（即係佢一開聲講野就會覺得好煩好高音好大聲咁講野）我比佢煩咗五分鐘頂唔順後同職員要求調位，職員同意後都有同我講唔好意思（其實都唔關個職員事）服務都幾好幾有禮貌。個餐牌都好有特色，用木造。朋友到咗後揀咗個套餐，有4樣野食+2杯野飲，另散叫咗個冬蔭公湯。青檸梳打要加$5先上咗個春卷，即炸。好熱好脆然後上咗個冬蔭公湯（細Size)有好多菇，內裡有兩隻蝦，重點係個湯，夠酸夠辣。啱哂我口味😋咖喱豬配蒜蓉包，咖哩味都夠，不過嫌太過水狀，但蒜蓉包嘅蒜蓉牛油好夠味，加返分😋炒通菜好好味，馬拉盞好多。埋單計埋加一都係$400

今日放工同朋友兩個人去搵食🤩想食下泰國菜，記得朗豪坊隔離有一棟野朗睛坊？！個到有好多餐廳，所以係樓下已經有好多牌同Banner,見到間泰菜館叫真心泰國菜～見到價錢都OK，所以想試下佢有幾真心😂入到去職員都係泰國人，而且裝修好特別！充滿泰國氣氛！天花板有好多傘倒吊，裝修好有特色！由於我放工收五點幾所以六點鐘嚟到，所以餐廳唔多人，職員好快俾我哋入座，俾咗杯水同埋Menu！我哋因為兩個人我哋又唔想食肉，所以叫咗馬拉盞炒通菜通常都係泰國菜必食嘅！穩陣惹味！叫左個蝦醬炒飯！有臘腸蝦醬炒埋食完好想再食！叫咗個炒金邊粉，但Menu上邊係寫住貴习🤔究竟係咪同一樣野呢？🤔

大概11點幾去食 唔知點解忽然好想食泰國嘢一抬頭就見到呢一間餐廳😂😂叫咗個金邊粉同豬頸肉炒公仔麵兩個都超級大份食唔晒真係兩個人share都夠飽！👍🏻👍🏻👍🏻啲嘢食都熱辣辣好有鑊氣個炒金邊粉味道啱啱好又唔會炒得太濕香港來講都算唔錯👍🏻👍🏻個炒公仔麵就好有胡椒味 但係真係好大個 分量好似有兩個公仔麵😱😱😂不過太多麵顯得豬頸肉好少😂😂杯嘢飲就有少少貴 都幾細杯下不過下次經過想食都會再幫襯👍🏻👍🏻

早前跟朋友去了朗豪坊逛街，因為就快轉季可以去朗豪坊看看有哪些特價產品。買到一袋二袋的時候當然就要找地方吃飯。於是我們就隨即去了附近的餐廳吃午餐。這間位於朗晴坊的真心泰國菜館食完都覺得幾好。而且正正就是朗豪坊隔離，所以我們一買完衣服就可以走過去食，都真是幾方便。埋單$239，除了我，還有二位朋友一起吃，平均$80一個人，價錢覺得都幾經濟平民化，而且印象最難忘的是跟餐叫飲品平好多。下次去完朗豪坊要食飯都應該會記得有這間餐廳。哈哈。我們叫了泰式豬頸肉湯河，$42 。泰式撈檬粉，$45。泰式芒果蟹肉炒飯，$52。跟餐叫飲品又平好多。如我們叫了熱的雪梨茶，加$5。還有兩杯鹹檸檬七喜，分別都是加$5。啊，我忘記了我們還叫了一個馬拉盞炒通菜，$85。食完三個餐，再加一碟炒菜，真是10分飽。先講泰式芒果蟹肉炒飯，這個我最喜歡。不單止份量夠大碟，而且裏面真是食到有芒果和蟹肉。還有一點點蛋絲和番茄粒和蔥花。每一粒飯都炒得幾分明。重點是清清又啖啖肉的蟹肉配上酸酸甜甜的芒果，醒胃又清新。其次想講的是泰式豬頸肉湯河，豬頸肉有燒過的豬肉香，爽口得來又夠煙韌，但是肉質也不會覺得很硬或者老身，所以都幾滿意。至於湯河軟

話說最近朋友迷上了泰國嘢，餐餐放飯都要食泰國嘢，我諗我一個星期都有3餐食緊啦😂😂😂😂Any肥，為左唔出力諗食咩，我都係順佢意，佢話食邊間就邊間，今日就嚟try try係旺角屹立多年不倒嘅真心泰國菜館。旺角有兩間，一間係朗晴坊，一間係女人街嘅小巷到，不過兩間嘅裝修都好精緻，俾人一種去左泰國旅行嘅感覺。未入門口就見到兩個金金地色嘅泰國妹公仔，入到鋪頭，天花掛左好多唔同花色嘅傘作背景，又見到牆上掛左泰王嘅相，鋪頭仲放左很多小小的擺設，真的很有心思。鋪頭朝早十一點開門，睇過餐牌我發現午市嘅餐比晚市貴好多，不過可能份量唔同啦…同埋比較過兩間嘅餐牌，我發現女人街嘅分店價錢較朗晴坊那一間便宜一點。乾炒鮮蝦河 $52睇個樣係唔係好唔泰國嘢呢？其實唔係架，食落都好唔泰國嘢架😂😂😂真係豉油味嘅炒蝦河加啲芥蘭咋，食落係同香港茶記一樣嘅。佢都夠鑊氣，香口嘅，有啲油啦…唯一就係隻蝦唔掂，蝦似係事先滾熟再炒嘅，唔爽口，食落有少少嘅老。睇住朋友叫個啲真係好泰國嘢架，我覺得唔係鋪頭問題嘅，係我問題我都唔知點係一間超多選擇嘅泰國菜館，萬中選一咁簡中左茶記嘅餸。點個陣我以為會係泰國醬炒，以為佢可能用馬拉盞個啲啦…係我諗多

馬拉盞通菜一向是我在泰國餐廳必點的，通常味道都不會差太遠，這家的馬拉盞特別多，每口都充滿蝦的咸香味，通菜份量很多，滿滿一碟，新鮮爽口，顏色翠綠，是我食過最好食的馬拉盞通菜，配白飯一起吃會更滋味。雞扒咖喱粉河粉不是太油，咖喱味很香，有點辣，雞扒肉軟稔，雞皮香脆，是跟餐的另有飲品，幾十元如此質素，cp值高。生蝦有八隻，醬汁顏色不常見，應是自家制，少少辣，怕辣的朋友適合食，虎蝦大隻，肉很厚，肉質結實証明新鮮。

今日同友人黎到旺角繁華鬧市既地方，食一間一直都好想去試既泰國菜，地方雖然比較隱蔽，唔太認識路可能會去錯。鋪面唔算大，勝在裝修佈置比較重泰國風味但可能坐位相對近，所以比較吵雜Menu十分有特式，利用木板同雕花做封面相當吸引人一人套餐：馬拉盞通菜拼豬頸肉配白飯（$68）本身馬拉盞炒通菜味道已經十分惹味加上豬頸肉，不過豬頸肉比較硬身泰式炒貴刁（$85）味道比較淡，還可以香脆蒜蓉包（$48）金黃色嘅蒜蓉包，不惜為餐前的小食另外套餐附送甜品，椰汁味比較重，不錯👍

今晚在最旺的旺角吃泰國菜，上到「真心泰國菜館」，又是最旺的泰國菜館，幾乎座無虛位，幸好早定位免得先吃「滿座羹」！菜館的天花用雨傘作裝飾感覺不錯！今晚食乜？！乾炒鮮魷河$85，泰式咖喱海鮮配白飯$89，轉特飲三色冰加$10，奉送甜品桂花糕，泰式煎薄餅$65。朋友話乾炒鮮魷河味道略嫌比較清淡少少，但清淡比較啱我，河粉切得較大片，有不一般的感覺，炒河粉有鑊氣，鮮魷夠新鮮，口感爽脆。泰式咖喱海鮮配白飯，泰式咖喱有蛋，又滑又香，我們用泰式煎薄餅佐泰式咖喱汁吃，味道更有層次，就算不沾咖喱汁吃，熱熱的煎薄餅都可口，海鮮就有青口、鮮蝦、日式蝦柳、鮮魷、都算不錯！我沒有品嚐三色冰，但有吃清甜爽滑的桂花糕。

去旺角想吃平價泰國菜，必定要去朗晴坊，因為這小店正宗，價錢又便宜。內裏佈置的猶太式風情。我們點了泰式紅火炒通菜，紅火炒通菜微辣，炒得鑊氣，十分惹味。另外點了一人晚市套餐，泰式冬陰公炒麵，炒麵不會太油膩，份量又多，冬陰公味酸酸辣辣，很開胃，麵炒得很乾身。雞肉牛肉串燒各三串，配上特製泰式醬汁，十分滋味，忍不住多吃2串。飲品點了龍眼冰，甜度適中，龍眼肉清甜，凍飲解辣一流。還附送甜點，桂花糕，為這頓晚餐劃上句號。

係朗豪坊睇完戲，搵地方食飯，又不想在朗豪坊內食飯，人多等位太久，便走出朗豪坊找一下，在朗豪坊戲院對開有一座大廈朗晴坊，該大廈有很多食店，當中我們選了2樓的真心泰國菜館，菜館食品菜式並不太多花巧，全是傳統泰國菜式，價錢也很平民化。我們點了一個冷盤泰式刺身蝦，喇沙雞肉金邊粉，豬肉生菜包飯，檸檬梳打及紅棗茶。刺身生蝦值得推介，正宗泰國蝦，蝦味鮮甜爽口而配上秘製醬汁，少少甜辣很開胃﹐而生菜包配飯在別的泰國菜館是沒有的﹐我覺得這樣對人數少來說﹐是不錯的選擇﹐而醬汁跟刺身生蝦的是一樣的。如果在旺角行完街睇完戲找地方食飯﹐這間是不錯的選擇。

同兩個好姊妹之前一齊去泰國，今晚聚會好想重嘗舊日味道，就搵下旺角邊度有。就搵到呢間係朗豪坊隔離既泰國菜。 呢度真係好有東南亞風味，見到有幾位店員都係泰國人，感覺更有像真。 海鮮粉絲湯，比相像中入味，以為外國野會整既粉絲無咁好食，點知都係好出色。泰式鹽燒魚，好滑，本身怕好咸，但原來食落魚鮮味反而更濃。咖哩海鮮南瓜包，個咖哩味恰到好處，南瓜好入味清甜，估唔到我地三個會完整咁清晒佢。食泰國野，一定唔小得叫金邊粉，完全係水準之上。估唔到會搵到間咁有泰國味道既餐廳，以後掛住泰國味時，搵到好去處啦。