真心泰國菜館 (已結業)

就到聖誕，約閏密們聚聚，大家都想去旅行，但都無錢無假，只好去食下泰國野，黎個味雷旅行。 黎到呢間餐廳，勁有異國風情，好多傘，唔知有咩意思架呢？ 真心好似去左泰國咁，中英menu。 好多基本泰國野都有， 叫左幾樣特別點既菜式。 鹽燒魚，我未食過，但朋友去泰國食過，原來唔係想像中咁咸，魚味好鮮好香，肉係實身果種但再搭真點好有魚油同魚香。 好特別。 咖哩南瓜包，本身擔心咩配料都無，原來內藏好多蝦同魷魚，仲有好林既南瓜，又香又好食，黃咖哩唔辣，岩晒唔食辣既我，個包好香好脆。 泰國必食pad Thai,炒到同泰國一樣味，會諗內面廚師會唔會就係泰國人？ 馬拉盞炒通菜，份量比平時餐廳多，又香又濃味但唔會太咸，好欣賞。海鮮粉絲煲，原以為唔辣，點知係酸辣🤦🏻‍♀️ 不過好足料，粉絲好入味，我唔食得都食左幾啖，所以叫左個椰青解解辣。清甜椰清😍仲有甜品送，唔會太甜，味道不錯。 舒服靜靜地既地方，上菜快，員工態度良好。