真心泰國菜館 (已結業)

今日約咗朋友去朗豪坊睇戲，睇戲之前我哋就去咗附近朗晴坊食飯，朋友話想食泰國菜，就揀左去真心泰國菜館。兩點鐘左右去到都幾多人喺度食lunch，餐牌都有幾多選擇，朋友就話要飲冬陰功湯，不過餐牌只係見到有泰式冬陰功湯河，只係$46又幾抵食！👍食落仲好好味添😋，不過就辣左少少，可惜我就唔係好食得辣，所以另外叫咗個泰式菠蘿炒飯，有新鮮菠蘿，味道吾錯！食泰國菜，梗係要食蝦醬炒通菜！熱辣辣剛剛炒起，夠晒惹味！朋友吾食肉，所以叫多個蒜蓉炒西蘭花🥦，啲菜都炒得好爽口，好味！