真心泰國菜館 (已結業)

今日放工朋友話想嚟食泰國野，於是就黎左呢度~好耐之前都有黎過呢為座大廈，先發現宜家多咗好餐廳呀~去到店員就俾份餐牌我地，封面係木製既好特別呢~今次我哋叫生蝦刺身，食得出好新鮮呀!!好鍾意生蝦既口感同醬汁，正之後仲有我最愛既炒貴刁，大大碟又唔會太油，一上菜就撈兩下就開始食啦。仲有泰式咖哩炒蝦，D蝦好大條呀~原本諗住食炒貴刁已經好飽，但係愈食咖喱就覺得好似爭D野咁，所以我哋再追加蒜蓉包!!點住咖喱汁食平日夜晚放工黎食就最岩啦

同朋友行朗豪坊睇戲，見到間真心。就試試。入到店內。午飯時間都多人，午餐都多選擇，最後點了牛肉扎肉河湯底濃。大碗👍🏻👍🏻👍🏻👍🏻👍🏻湯底有鴨材料。牛肉好味。唔痴牙，扎肉帶有小小黑椒，好味。叫了碟咸魚炒芥蘭。即炒，正。咸魚味香配合芥蘭好爽甜。真心好味炸蝦餅，真心推介，外翠內彈牙，點小小泰式醬真係好好味👍🏻👍🏻👍🏻👍🏻，雖然份量小，但真係好味。咸零7泰式炒貴勺，望就好似辣味重，其實甜味都好重。好開胃。真心正

今日去旺角逛街, 突然下起雨來, 自然的向天上一望, 見到「真心泰國菜」的招牌, 在大廈的二樓。 使我想起至愛的泰國芒果糯米飯, 就走上去了。門外擺設充滿泰國風情, 内裏更加別緻。菜牌也特別。 食品選項頗多, 約有過百項, 價格亦大眾化。 乾炒鮮蝦河 : 蝦新鮮爽口, 但如果可加點調味，應更可口。 炒河粉內另有蛋絲和芥蘭段, 有些鍋氣。 泰式墨魚丸湯河 : 墨魚丸是爽口的, 亦有墨魚粒在丸中, 增加口感。 另有芽菜丶豬油渣粒和炸蒜粒, 河粉亦滑。 泰式炸蝦餅(4件) : 是兩個大的炸蝦球切半, 成4件。 炸得外皮香脆, 內裏全是熱呼呼的蝦膠。 配以泰式甜酸醬, 非常滋味。 泰式芒果糯米飯 : 我很喜愛吃芒果糯米飯。 這個煙韌的糯米飯(黑白糯米)上面蓋滿香香的椰奶, 加上甜甜的芒果, 美味午餐可免費或以優惠價配上飲品。 海底椰青檸梳打 (+$10) : 青檸梳打加入了一條條滑滑的海底椰, 清清涼涼的。 三色冰 (+$10) : 綠粉條丶大樹菠蘿條和椰果粒, 加入椰汁和冰而成。 不會太甜, 合我口味。只在晚市收"加一", 價錢頗實惠呢。

今晚媽媽表示想吃泰菜，剛好在朗豪坊看完電影，故來了這裡吃個泰菜！門面裝修精緻，充滿泰國風味，猶如置身泰國一樣！環境方面很是不錯！來到泰菜館，當然點點我最喜愛的泰式炒粉，就是最愛它的甜甜酸酸，而且配料十足，而且粉量也頗多，吃得我們津津有味。另外，酸酸辣辣怎可少得泰式鳳爪？鳳爪是主角，但配菜們也為這菜式大大加分！蕃茄、洋蔥、生菜，吃得出來頗為新鮮，而且味道十足！惹味！這碟雜菜最欣賞的是有蒜粒粒在面，使菜式十分香口，由於媽媽想吃清淡點，這道菜就可以滿足她了！每樣蔬菜也有點，十分合適我們。這杯是咸檸水也是清熱之選，難得在泰國菜地方，點杯暖暖酸酸的飲品，醒胃非常！最愛的甜品，桂花糕和椰汁糕，為這飯加上完美句點。

今日食晏，同事話想食泰國菜，近近地就去咗朗晴坊呢間真心泰國菜館。餐廳裝修擺設很有泰國風味。我食咗海鮮炒貴叼，同事就揀咗海鮮炒河。午餐包一杯野飲，我哋都揀咗椰汁，同事就要咗青檸梳打。食物質素不過不失，海鮮質素一般，好在唔會太油膩。我杯椰汁香濃，同事話佢杯青檸梳打OK。餐後仲送咗甜品，係一碗綠豆沙。甜品幾好食，有少少驚喜。

呢度嘅裝飾好靚，四周都有唔同裝飾，天花板有好多紙傘同燈飾，佈置得好有心思連menu都設計得咁有心思食泰國菜點少得椰青椰青唔記影相，椰青清甜肉薄，好飲又好食揀咗馬拉盞炒通菜。泰式香葉辣椒膏炒蜆。唔好以為得個殼好睇唔好食，呢度嘅食物一向有水準而且侍應好nice，每次叫佢哋都笑容滿面通菜唔夠鑊氣，油比較多，不過都唔差，通菜都夠嫰夠爽口呢個炒蜆真係不得了，一上枱已聞到陣陣金不換香葉味！食蜆最忌有沙，呢碟蜆冇沙之餘仲好鮮甜飽滿！加埋個汁，真係冇得彈，可以撈幾碗飯梗係即刻叫個飯黎送喇呢度嘅飯用碟上，食起黎冇用碗咁方便，不過無阻我哋雅興最後仲送上甜品，椰汁西米糕好香甜，令人想一試再試可惜實在太飽，無力再戰，另一件甜品較一般，唔係我杯茶。連埋單都跟返四周裝飾，用木為主，用木造成書咁，好特別

好味泰菜，今日中午又同三個同事去搵晏仔食！行行下走到去朗晴坊樓下見就決定上去食泰菜。食晏時間坐位有時迫，無法喇旺角都預左會這樣。👩🏻‍🍳👩🏻‍🍳海鮮冬陰公湯飯$46香中帶辣愈食愈惹味😋通菜炒豬頸肉 $52豬頸肉爽口彈牙有嚼勁，與恰當調味料腌制過令人咂嘴！海鮮炒河 $52同樣有鑊氣，醬油份量恰到好處，河粉盡吸醬汁味道一流😋！泰式金邊粉 $52酸酸甜甜很開胃，料足味香鑊氣足，最重要是炒得一點都不油膩！👍午市套餐都跟一杯 $0 蚊餐飲，仲有是日糖水添！

喺旺角行街搵食～第一次去呢間餐廳，入到去無乜人，有點擔心，餐廳在二樓，裝修幾特別，有啲油紙傘喺天花我哋叫左個二人餐有咖哩蝦、芒果炒飯、燒豬頸肉、椰菜炒咸魚，包左兩杯飲品同甜品另外可以加薄餅，不過我哋怕食唔哂，無加到，先嚟椰菜炒咸魚，這貌似唐生菜的椰菜口感十分好，有點似介蘭，加左咸魚炒好香口，之後的芒果炒飯也不錯（佢應該有蟹肉，不過我食唔到）炒飯好香口，不錯咖哩蝦有點失望，只有5隻蝦，沒有鮮蝦味，咖哩味亦淡燒豬頸肉係我至愛燒得剛好飲品叫左杯海底椰同椰汁，幾好飲，但杯椰汁特別多冰如果下次食應該會叫一人餐，椰汁少冰

今日約左媽媽行旺角朗豪坊，朗豪坊既餐廳都食過了，今次去附近朗晴坊同媽媽食泰菜。餐廳裝飾好特別，有好多彩色傘，菜單係木造的，滿有風味，我地點左一個小食，一個檬粉，一個米線餐。小食炸蝦餅上菜熱辣辣，咬落彈牙，一碟有8件，最適合人多分享。泰式撈檬粉檬粉比我想像中唔同，似米線多d,但雞都算嫩滑、生菜新鮮，有大量乾蔥。青咖哩米線餐第一次食咖哩米線，感覺都唔錯，米線盡吸青咖哩湯汁，不錯。最後跟餐叫杯凍檸茶，再送個地道泰式甜品，內有椰汁糕有西米、芋頭粒。

看戲看到做了master，睇戲前，係旁邊大廈搵食先😋泰式香辣海鮮炒飯91份量十足，有冬陰公味，配料爽脆，青口🦐🦑青瓜香葉等微辣開胃。凍海底椰冰35入面既海底椰好香甜爽口，又幾好食喎！鴨絲魚蛋湯米53個樣好靚，湯頭好掂檔，味道濃郁，魚旦彈，鴨肉香且量不少，加了蔥蒜芽菜的幼米粉特別滋味。椰青48椰肉好滑溜，清甜。送的椰汁西米糕特濃的椰奶香，不太甜作結。食後感：雖然上樓泰菜，但散點價錢唔特別便宜，叫餐抵食好多，味道快靚正！

晚飯時間去朗晴坊，通常都大排長龍，好彩呢間餐廳在2樓，如果唔驚既話行樓梯上都得。生蝦刺身好新鮮，正！！金邊粉，味道唔錯～4人餐入面既椰青飯，幾特別，上面白色一塊塊本身我們以為係魷魚，原來係椰子肉！入面飯同餸都好足，一開始分黎食要好小心唔好跌左d餸在枱面上菜都炒得幾好味整體來說泰國菜味道唔錯～幾抵食！下次再去食！

係朗豪坊旁有棟成棟都係餐廳的大廈，外面地方狹窄，但入到去又幾舒服，幾乾淨。二樓係泰國餐廳，有set dinner 一個主菜一杯飲品同一個甜品。豬頸肉撈公仔麵，夠穩陣，大大碟，又不太鹹。豬頸肉幾煙韌有咬感。如果set 不喜歡食，就可以不叫set可以食個海南雞飯，雞肉香嫩無骨，雞油飯又香又軟熟，配上海南醬汁，辣辣地醒胃，又平又幾好食。飲品可以試下紅毛丹菠蘿冰，特飲加$5紅毛丹包含菠蘿，幾特別，幾好食。椰青$48大大個，非常多汁厚肉。食完不夠飽，叫埋芒果糯米飯，即叫即整，糯米飯熱辣辣香噴噴，芒果一片片香甜多汁。讚

旺角有間泰國餐馆，是個人特別喜歡首選光顧的泰國餐廳，因為這間泰國餐館環境舒適，佈置很有泰色風味， 菜式 烹調製造 方面，適合香港人口味。今次來到這間餐廳 ，入座後先柯打咗個一人滋味套餐$68， 泰式雞扒 咖哩 炒河， 咖哩炒河份量多， 可以一齊分享， 還有一杯餐飲， 如果要轉特飲只須加五蚊， 仲有甜品椰汁糕贈送。 食完呢個餐 ，個肚已經飽咗一大半。 再嚟多個 飯後甜品 小食， 芒果 椰汁 糯米飯， 芒果鮮甜 切片， 還有 香濃 椰汁 ，覆蓋 著 煙韌的糯米飯， 糯米飯 沾滿了濃香的椰汁 再加入芒果片 一齊食 ，軟滑入口更加 軟綿綿 ，味道酸酸甜甜， 我們 很快便把整碟泰式椰汁芒果糯米飯吃光。

10年前是這裡的常客， 覺得佢既米粉好正。 轉工之後都無再返來。 今日竟然有機會， 店內裝修依舊， 好有泰特色， 坐位多，坐得舒服。 午市套餐 $3x-$5x ， 包埋飲品，實在超抵， 去邊到搵。 餐飲洗唔洗加$，一目了然🤣🤣🤣🤣椰汁冰， 正！我叫返最普通的泰式生牛肉湯河， 任轉米粉、河粉、 金邊粉。 用鴨湯底， 香濃但唔會咸。 半生熟牛, 有4-5 塊， 配菜仲有炸蒜、芽菜、 蔥、 米粉任轉炸軟殻蟹一黎到見到一隻蟹眼碌碌望住我。 係原隻， 仲有肉。 午餐送芋頭紫米露， 咁既價錢真難得。 👍🏻👍🏻👍🏻👍🏻

下午來試過真心泰國菜館(通菜街），發現菜色豐富，價格低，服務熱誠，便想上網留下紀錄，誰知尋找資料中發現原來她有分店，位於朗豪商場旁的朗晴坊，雖然是舊式大廈改革而成，但位置方便到達，恰好正考慮與友人晚飯的地方，但即管致電訂位，好快便訂定了。晚上跟朋友會合，來到這泰國餐館，地方較通菜街的大一點，可能晚市，客人也多，不過多見即時入座的，預約的較少，本人早致電留座，給予的位置也較寬敞。天氣太熱，先叫杯消暑凍飲，椰奶及青檸茶，清新消暑，讚👍🏼晚上的選擇較多，還有套餐，不過我們選了自己喜愛的菜色，也沒有專門選套餐。我們點了咖哩炒大蝦，咖哩配上雞蛋香炒大蝦仁，好味道。加上咖哩汁配搭泰式煎薄餅，簡直是絕配。串燒也得香很嫩，燒得很入味，特別是燒牛串，外脆內軟，五成熟，入口肉汁四濺，必食之選。餐廳送上甜品，都很好吃！