相馬日式火鍋 觀塘 (已結業)

我同朋友鍾意食大閘蟹，而且又好大食，但又唔想淨係食蟹喎。於是上網搵到呢間滿足兩個願望，超正😍一入到去都見到好多火鍋配料選擇👍跟住拿拿臨坐低開始叫嘢，揀咗甜豉油湯底。🦀首先萬眾期待嘅大閘蟹，係非常大隻。內裏當然係啖啖肉，仲要非常鮮味，同埋好多膏。甜豉油湯底偏鹹，蟹肉都幾配合個湯。🦑🐟海鮮方面都有幾多種類，而且全部肉都好肥厚。除咗蟹柳少少失色之外，其他海鮮都好新鮮。🐂🐔肉方面，我哋試咗美國特選牛肩、胛優質雞腿肉。味道ok，質感唔錯唔會太鞋，呢個價錢嚟講算係咁。總括嚟講如果大食，又鍾意食蟹同食肉，食呢間好抵👍

同男朋友去食飯，想食火鍋所以去左觀塘的相馬火鍋食任食大閘蟹海鮮火鍋放題。有海鮮食，有肉食，又有點心食。我哋每人食左一隻大閘蟹，叫左其他海鮮，海的海鮮有好多款，每樣叫少少都有好多。因為鐘意食肉，所以叫左比較多，牛肉紅通通，油脂分佈好均勻，未食都流晒口水，食落口牛肉味好重，好新鮮，豬肉粉嫩粉嫩，睇得出好新鮮，就咁煮下已經好好食👍。雞腿肉唔會有雪藏味，好好味呀！我地仲叫左中式點心，有蝦餃，燒賣，生竹牛肉，包，馬拉糕……佢仲有各種熟食，湯，糖水……實在係好多野食，食到肚滿腸肥🫠

係openrice見到好多人推薦觀塘相馬火鍋的任食大閘蟹海鮮火鍋放題。一於相約朋友去試一試，去到見到間舖都好大，都乾淨企理，裝修同其他火鍋店都差唔多，不過我哋唔係食裝修，我哋係黎食食物的，所以講番野食先。佢哋的主角係大閘蟹，當然就要食大閘蟹啦！啲蟹膏多到滿曬，又鮮甜。海鮮都有好多款揀，有蜆、日本帶子、螺、琵琶蝦、藍尾蝦、紅虎蝦、大頭蝦、青口、鮑魚、扇貝、帆立貝、廣東蠔，每樣都好好食，好鮮甜。肉就有牛肉、豬肉和雞肉，每樣都好新鮮。不過我地好海鮮多D，所以主要食海鮮。另一樣值得推介的係佢哋的雞翼，即叫即整，有不同口味，真係彩蛋🎉🥚，有蒜蓉牛油雞翼、芝士雞翼、蜜糖雞翼、黑椒雞翼、土匪雞翼、水牛城雞翼和麻辣雞翼。絕對係高質的火鍋放題，下次又再嚟食過！

朋友去外國讀書，要好耐先至見到面，所以一班同學朋友仔去聚一聚，10幾20人去觀塘相馬火鍋食任食大閘蟹海鮮火鍋放題。因為好多人所以點左幾種湯底，有甜豉油湯、蕃茄湯，豚肉湯和胡椒雞湯！大閘蟹好正，好好味！每個人都可以揀自己鐘意食的野，各種海鮮，牛肉，豬肉，雞肉，串燒，炸物，點心……每様都好新鮮，好好味！相馬的雞翼好有驚喜，有好多種口味，雞翼即叫即製，好juicy！牛肉和豬肉肥瘦適中，配合甜豉油湯煮好好味，雞肉亦好新鮮。炸物都有好好選擇，即叫即炸，所以好香脆可口，我真心推薦炸雞，新鮮熱辣又juicy，完全食唔停口😂😂即將離港的同學仔仲食左好多點心，因為唔知幾時可以再食，宜家可以任食就食盡佢。

男朋友突然想食大閘蟹，所以訂左枱放工去觀塘相馬火鍋食任食大閘蟹海鮮火鍋放題套餐。身為主角的大閘蟹果然係搶手貨，每一枱都有仲的身影。我同男朋友都唔蝕，2個人食左12隻蟹😂😂😂，啲蟹膏好味到可以撈幾碗白飯！我哋仲叫左其他海鮮，蜆、日本帶子、螺、琵琶蝦、藍尾蝦、紅虎蝦、大頭蝦、青口、鮑魚、扇貝、帆立貝、廣東蠔，每樣都食D。相馬火鍋的雞翼都好正，仲有唔同口味選擇。我同男朋友都好鍾意食雞翼，每種口味都比我哋食勻曬。雞翼口味包括蒜蓉🧄牛油🧈雞翼、芝士🧀雞翼、蜜糖🍯雞翼、黑椒雞翼、土匪雞翼、水牛城雞翼和麻辣雞翼。我鐘意食蒜蓉牛油雞翼，蒜蓉和牛油的味好突出，男朋友鐘意水牛城鷄翼，辣辣地惹味開胃。

Happy Friday, 當然要同fd 聚一聚，相約去觀塘相馬火鍋食任食大閘蟹海鮮火鍋放題套餐食餐好的輕鬆一下。話明大閘蟹放題咁當然唔少得呢位主角啦，大閘蟹高質，又多膏，超好味！除了大閘蟹任食，其他任食食物都唔輸蝕，蜆夠曬鮮甜、日本帶子大大隻、螺鮮味彈牙、蝦大大隻新鮮甜美、仲青口、鮑魚、扇貝、帆立貝、廣東蠔食。牛肉，豬肉，鷄腿肉肥瘦適中，好新鮮，見到都覺得好食呀😋除了海鮮和肉，鐘意食丸的朋友都有口福，丸都好多選擇，有豬肉丸、墨魚丸、牛丸、貢丸、蟹籽丸、芝士丸、午餐肉，泰式庶蝦棒……真係食丸都食飽😂😂❗️大胃口的朋友❗️食完海鮮，肉唔夠喉，唔夠飽都唔緊要🉐佢地仲有串燒、炸物、點心、各種飲品可以任食任飲。

今日一家五口食晚餐，個個都海鮮控，就去左觀塘相馬火鍋食任食大閘蟹海鮮火鍋放題套餐，細佬勁大食，任食食到飽都得。每位408 +1我哋一家都係辣王，所以叫左個中華辣湯底，一嚟到就拎大閘蟹🦀️🦀️先。呢個任食大閘蟹海鮮火鍋放題套餐除了大閘蟹係任食，其他野都係任食任飲架，任食肉，任食海鮮，任食炸物，任食串燒，任食點心，任食雪糕，任飲飲品……總之你見到的都可以任食任飲。將D大閘蟹放入中華辣湯度，蟹肉吸左D湯汁，勁正，拆開蟹蓋，見到D蟹膏多到滿，鮮味十足。個湯煮過蟹，湯汁吸收曬蟹的精華，再用黎煮其他野更惹味。除了蟹之外，佢仲有好多海鮮，有蜆、日本帶子、螺、琵琶蝦、藍尾蝦、紅虎蝦、大頭蝦、青口、鮑魚、扇貝、帆立貝、廣東蠔……淨食海鮮都有賺。海鮮之外肉都唔少得的，牛肉、豬肉、雞肉、丸……真係食到捧住個肚出去呀😂😂😂

同男神傾左咁耐，終於俾我約到佢出街，所以我揀左間火鍋放題，希望同佢嘅距離可以透過一齊打邊爐傾計而更進一步。黎到餐廳，環境乾淨企理，暖色燈光令人感到安心溫暖，邊爐嘅蒸汽模糊左我地個樣，令我地都好快卸下心防。男神鍾意食大閘蟹，所以我揀左呢間評價唔錯嘅大閘蟹放題同佢試。果不其然，大閘蟹嘅質素令佢好滿意，係咁話啲蟹好靚，啲蟹膏又多又好有鮮味，當然我都有呢種感覺，見到佢食得咁開心我都好滿足。作為食肉獸嘅我就嗌左優質豚肉同美國特選牛肩胛，呢兩款肉都深得我心，肉質夠好先會稍微煮一煮就鮮味滿溢。另外仲有中式點心同日式炸物，水準都相當唔錯，湯底我地嗌左豚骨湯，佢嘅濃厚程度都值得驚嘆，真心好適合打邊爐～

今日同朋友周圍覓食，誤打誤撞之下就嚟咗呢間令我哋好驚喜嘅放題火鍋，一問之下竟然仲有大閘蟹，咁我哋梗係忍唔住入咗嚟啦。環境方面，店內以暖色系為主，仲擺放左好多達摩公仔，好有少女心好得意呀～既然係黎食大閘蟹放題，咁就要好好嘗試一下。一開頭都有啲擔心大閘蟹會唔會有啲細隻，但大閘蟹上嚟之後發現擔心完全係多餘嘅。啲大閘蟹唔單止好大隻，仲每一隻都爆膏爆黃，今次我哋忍唔住食咗好多，就算冒着痛風嘅風險我哋都要食盡佢！另外佢個海鮮拼盤都真係好出色，有唔同嘅貝類，龍蝦，三款唔同嘅蝦，仲有大大隻元貝青口同帶子，真係想要咩就有咩。啲海鮮都好新鮮，淥完之後都冇縮水，性價比極高。美國特選牛肩胛都係一個驚喜，雖然我哋平時唔係食肉獸，但因為好重牛味都忍唔住食咗三四碟。爭啲唔記得講個湯底～我哋嗌咗豚骨湯底，集鮮美香濃於一身，更加能夠突出食材本身嘅味道，完全唔會令食材失色呀😍

臨近拍拖一周年，男朋友突然話要帶我去食放題，我本身半信半疑啲放題火鍋嘅質素，估唔到呢間俾咗好大嘅驚喜我。男朋友鍾意食豚肉，呢間優質豚肉佢真係好鍾意。豚肉入口軟嫩，帶香濃肉味，我地食完都讚不絕口。海鮮拼盤啲海鮮嘅種類都非常豐富，有龍蝦、手掌咁大嘅扇貝同元貝、仲有其他貝類同蠔，當然仲有其他款式。D海鮮食落都非常之新鮮，鮮味十足。胡椒雞湯係我哋嘅養生之選，微辣嘅胡椒味加上濃郁嘅雞湯，同食材嘅味道相得益彰，食落非常舒服～餐廳仲做緊大閘蟹放題，全部都係大隻膏蟹，橙黃色嘅大閘蟹真係好吸引，下次再黎我一定會瘋狂order大閘蟹🦀️

今日同朋友嚟觀塘食好西，佢話之前嚟過呢間放題火鍋覺得好唔錯，就拉埋我一齊嚟食。首先講下環境，火鍋店嘅出面已經有好大一幅價錢海報供我地參考，令我地一目了然，環境都好闊落，坐得幾舒服。一間好嘅火鍋放題就會有各式各樣嘅食物，例如日式炸物加埋各款口味單骨雞翼，令我地可以用呢啲口感豐富嘅小食填下肚再開始正餐。我地叫左甜豉油湯底，湯底偏甜又唔會太濃郁，用黎淥牛肉就好似食緊壽喜燒咁～肉類我哋就嗌左美國特選牛肩胛同優質豚肉，肉味好濃郁又好新鮮，性價比極高。我哋嗌咗豚骨湯底黎打邊爐，用豬骨熬製而成，非常養生，但味道又相當濃郁，好適合淥各種嘅食材。除咗以上嘅嘢，大閘蟹放題都係一個大熱～佢哋嘅大閘蟹每隻都大大隻同好新鮮，搣開嗰陣會有好多橙色嘅蟹膏流出黎，想去食嘅人一定唔可以錯過大閘蟹放題，因為真係勁容易回到本！❤️

無論係咩季節我都係好鍾意打邊爐，所以今日特登同男朋友嚟呢間評價唔錯嘅放題火鍋～首先我哋嗌咗個甜豉油湯底，唔會好甜，清淡嘅湯底可以令食材嘅鮮味更加突出。打邊爐一定唔少得蔬菜同丸類，所以我哋一開始就拎咗啲豆卜、冬菇等等嘅食材去令到個湯底更鮮美。跟住講吓呢間火鍋嘅重點菜式。海鮮拼盤款式繁多，有蠔，蝦，元貝等等，新鮮之餘都好啱甜豉油湯底，完全突出左食材原本嘅鮮味。肉類我哋就主要嗌咗美國特選牛肩胛，勁重牛味，肉質又好鮮嫩，鍾意牛嘅朋友一定唔可以錯過啦。跟住就係我哋兩個都期待咗好耐嘅大閘蟹放題，因為大家都知過咗當季嘅大閘蟹就唔好食，所以趁呢兩個月食好食滿。呢間餐廳嘅大閘蟹果然無令到我失望，除咗份量好大隻之外，滿滿嘅蟹膏同蟹黃都令到我嘅味蕾得到極大滿足，呢個放題真心好抵～

星期五晚上同男朋友行觀塘，行行下就黎左呢間邊爐放題。佢個大閘蟹放題睇落真係好吸引，我就諗住一試究竟。店舖位置好容易搵，而且位同位之間相當寬闊，坐得好舒服～坐低巡視一輪，見到自助吧有好多種唔同嘅食材任君選擇，例如粟米、芽菜、南瓜等等，健康又多選擇。海鮮拼盤啲海鮮非常新鮮，色彩光澤都係上品，而且好似扇貝、元貝、帶子呢啲食材，擺落火鍋一陣之後完全唔會縮水，仲吸曬啲湯汁，非常美味～我地叫左豚骨湯底，濃厚豚骨味道，打邊爐一絕!!優質豚肉同美國特選牛肩胛都好令我地感到驚喜，好難得邊爐放題嘅豚肉係咁鮮，一啲梅味都無。牛肉就更加不在話下，好新鮮又無雪味，令人好想一試再試。最後壓軸嘅係我最期待嘅大閘蟹放題，呢間嘅大閘蟹唔似出面食嗰啲又細又無膏，反而啖啖肉又好多膏，仲要勁新鮮!! 諗住今個月同下個月黎多幾次，因為淨係食咁高質嘅大閘蟹其實都回到本。

同屋企人黎觀塘附近做嘢，相約喺呢間邊爐放題食晚餐。環境燈火通明令人感到舒服又安心，員工服務態度好好，令我地都覺得好窩心呀。好似好少見火鍋放題出現中式點心，有蝦餃、燒賣等等，餐廳喺呢方面都好有新意，可以同時滿足年輕人同屋企長輩嘅需求～湯底我地嗌左胡椒雞湯，濃味得黎養胃又養身，飲碗湯後成身熱辣辣，冬天飲左呢碗湯一定好舒服。海鮮、肉類都好新鮮，特別係海鮮拼盤，多選擇之餘又完全無雪味，認真抵讚！大閘蟹放題都係非常高質嘅賣點，見到唔少人為左呢個大閘蟹放題慕名而來。果然無令我失望呢，大閘蟹大隻又多膏，蟹膏夾雜住汁一齊流出黎，未開始食，淨係見到，啲口水就幾乎停唔到了，蟹味好濃，鮮香味完全喺口腔入面滿瀉，令我食完都好意猶未盡，真係要黎多幾次。

屋企附近之前開左間任食打邊爐，除左有高質牛肉、海鮮，仲有難得一覓嘅大閘蟹放題🦀️一直都好想同朋友去試試，今日終於有機會啦。行入餐廳見到燈光充足，場地都好闊落，令人耳目一新!!咁我地坐低就即刻嗌野食啦。肉類方面我地嗌左優質雞腿肉同美國特選牛肩胛，嫩滑嘅雞腿肉🍗同有豐富牛味嘅特選牛肩胛令我地都印象好深刻，會想再嗌多幾碟～呢間火鍋放題嘅海鮮拼盤種類都好豐富，有唔同種類嘅大蝦、帶子、生蠔，仲有其他貝類，一次過滿足曬我地想食海鮮嘅唔同願望～我地揀左甜豉油湯底黎打邊爐，甜豉油將海鮮同肉類嘅鮮味完全引發出黎，令呢餐邊爐更添滋味❤️值得一提嘅係餐廳而家有大閘蟹放題，橙黃色又大隻嘅大閘蟹整齊排列喺餐盤上面，令人一眼望到就流曬口水。拆開大閘蟹之後真係哇左出聲，大隻之餘仲要好多膏，食落口鮮香四溢 !! 我地都忍唔住一輪又一輪係咁encore了～不過除左大閘蟹、海鮮同肉類呢啲係任食之外，餐廳仲有中式點心、日式炸物、炸雞翼呢啲小食任君選擇，真係揀到人眼花撩亂。另外，甜品方面雪櫃擺放左唔同口味嘅雪條，啱曬我呢啲選擇困難症～遲啲到秋冬更加要打多啲邊爐，以後就認住呢間架啦。