相馬日式火鍋 觀塘 (已結業)

今次特登同朋友黎試大閘蟹海鮮火鍋放題🍲呢度基本都可以食3個鐘，晚市更加有無限時添，而價錢星期一至五係$498一位，呢度既食物質素絕對對得住呢個價錢呀！😋主角大閘蟹好新鮮，蒸到熱晒上枱，每隻都好大好多膏，食到好滿足！🦀火鍋方面我地簡佐蕃茄湯，清清地，健康啲，淥埋海鮮整蕃茄海鮮湯岩岩好😆海鮮有好多種，全部都好新鮮，有啲蝦上到枱仲見到有啲郁動，好誇張🦐全部都好鮮好好味，鮑魚都唔會太熟太難咬，全部都口感好好。肉類方面都好唔錯，每次份量好多，優質豚肉同埋美國特選牛肩胛肉味都好濃，唔會太肥或者太瘦，有埋蕃茄湯既味更鮮，肉質好好，好正！🐷🐮😚另外呢度仲有任食既熟食，日式炸物好香脆！有好多唔同款，炸丸食到食唔到口🤣蝦多士，炸蝦，燒甜蕃薯都有，樣樣都好好味！炸粉唔會太厚，唔會食到成口油，好好食！🤤

今次同屋企人黎到觀塘呢間任食大閘蟹海鮮火鍋放題，我地食平日20:30-23:30，$428一位。呢度座位好闊落，坐得好舒服，店員態度好好，好主動咁介紹有咩湯底俾我地👍🏻我地一家都係大閘蟹迷，果然無令我地失望！隻隻蟹都好靚，啲膏好多好黃油，好好食！🦀其他海鮮都好新鮮，完全係腥臭味。啲琵琶蝦好大隻🦞，扇貝都係好肥好大，啲螺好甜好爽口，全部都好鮮味！我地都係牛肉控，呢度既美國特選牛肩胛好靚，唔會太肥，又好有牛味，口感好好。我地簡佐中華辣湯做湯底，同牛肉好夾，令牛肉更香更好食！🍲呢度除咗火鍋配料任食仲有熟食任食，啲點心都好正，燒賣牛肉球都好好食，燒賣有蝦肉，好正！😋

今次黎到相馬試呢個任食大閘蟹海鮮火鍋放題，淨係見到menu已經好興奮，除咗主角大閘蟹，多款海鮮，一般肉類，仲有唔同既熟食任食！🐮🐷🐙🦑🦐🦀🦞我地係平日中午黎食，12:30-15:30 3個鐘，$398一位。今次簡佐甜豉油湯底，唔會太濃，可以襯托返食材鮮味。肉類方面優質雞腿肉、優質豚肉同埋美國特選牛肩胛都好高質😋雞腿肉淥完出黎仲好滑，唔會鞋口！豚肉好香豬肉味，一片片薄片淥完口感好好，仲好嫩！牛肉更加正，好濃牛味，每片脂肪分佈好平均！🤤海鮮都唔輸蝕，有太多款，海蝦、生蠔，琵琶蝦，海螺…講得出都有😆仲要全部都好鮮味，鮑魚勁大隻，生蠔淥完都好肥美，不得了！去到主角大閘蟹絕對食到停唔到口，size適中，爆膏，好好味！🤩

今日同朋友慶祝生日，朋友就好鍾意食大閘蟹同海鮮，我於是就book咗呢一間可以任食大閘蟹海鮮放題，我哋去到嘅時候都見到有好多人，好彩有book咗位！今次我哋都係食任食大閘蟹海鮮火鍋放題，佢就限時3小時，不過他的大閘蟹海鮮，火鍋，放題都是任食的！我哋好鍾意食大閘蟹和海鮮，一嚟到嘅時候都叫咗好多隻大閘蟹。每隻大閘蟹都非常大隻，他們的膏非常多黃油，非常正！佢哋除咗大閘蟹都仲有其他海鮮，就例如有帆立貝、鮑魚等等。我哋每款都叫咗少少，加落我哋個甜豉油湯底令到個海鮮更加鮮甜！我哋亦都有叫咗佢哋嘅牛肉同埋豬肉，加落個湯底度食也是非常好食😋除咗海鮮同火鍋之外佢哋嘅放題亦都不能不推介，佢有單骨炸雞翼，即叫即正點心，每款熟食都非常吸引，亦都非常好食！除咗有好多嘢食之外飲品非常之多，除咗有啲罐裝飲品，汽水等等，佢哋仲有一啲自家製嘅飲品，好似竹蔗茅根咁樣可以清熱氣非常適合打邊爐時候飲👍🏻👍🏻

成班朋友揀緊放題大閘蟹，今次簡相馬因為3小時任食時間最多，見佢啲食評都讚好（中哂伏🤨），又方便我哋多d時間吹水，一於就試吓佢。值得一讚嘅係上大閘蟹速度好快，同埋三個鐘真係好足夠時間慢慢食，但大閘蟹嘅質素都幾失望，好少膏，無蟹味，全部都係蟹公，細隻都預咗但係隻隻都係咁少高膏仲有好多其他海鮮，例如琵琶蝦、帶子、蠔、蜆等等，但水準都係一般啲蝦好多都係梅。海鮮都只係叫咗第一轉，之後都冇在加。牛肉頭兩轉都正常，之後質素就麻麻地，飲品選擇好少，主要都係汽水茶類，雪糕櫃有三款雪糕自己筆，我地食五點，雪櫃入邊啲雪糕已經見底一直都冇加過，見到都唔想食，另外得兩款雪條，失望！佢仲有其他炸物同埋點心，普通正常唔係話特別好食總括嚟講四百幾蚊有好多選擇，大閘蟹真係唔推介，唔好諗住嚟食放題大閘蟹，你只會失望而回，海鮮又麻麻，肉類有一般，如果你睇到呢度，勸你快啲揀過第二間😎

今日放假就同朋友諗住去食個火鍋午餐，咁就可以食到晏晝，今次食呢個任食大閘蟹海鮮火鍋放題，係每人限時可以食三個鐘，佢午餐仲係平啲嘅添每位只係398。一坐低我哋就叫咗個甜豉油湯底，而且仲有唔同嘅海鮮我哋叫咗大閘蟹、帆立貝、扇貝等等，放落個湯底度令到個湯底非常鮮甜！佢哋嘅大閘蟹亦都非常肥美，每隻有大有多膏🤤🤤自己印象最深刻嘅就係佢哋嘅牛肉，牛肉嘅雪花非常均勻，切得非常薄片刀工很好，好快就淥熟可以食得，而且牛肉想來嘅時候擺盤亦都非常整齊。佢哋仲有其他唔同嘅餸食例如單骨雞翼炸物等等，我哋食過都覺得非常之好食，真係食三個鐘食到好鬼飽😍

今日同男朋友去咗觀塘食任食大閘蟹海鮮火鍋放題，依間放題可以食足三個鐘，佢又唔同時段限制入座，可以準時去到就準時入座。我哋都係食足三個鐘非常滿足！我哋一嚟到就叫咗唔同嘅海鮮，佢嘅大閘蟹非常吸引，每一隻搣開嘅時候都有好多膏食，而且有好多肥美嘅肉🤤熟悉我哋亦都叫咗好多即叫即正嘅點心，例如有燒賣蝦餃等等。其他食物方面亦有不小選擇，海鮮有鮑魚，帶子，而肉類就有美國特選牛肩胛，優質豚肉等。另外呢到唔同嘅無酒精飲品供應☺️今次我哋係夜晚五點食到八點，就每位408，食咗三個鐘有咁多嘢食我覺得都幾抵食！

又係食大閘蟹嘅時候本身今年想搵下有冇第二度任食大閘蟹嘅地方有就係有但係價錢、食物、時間、地點都係差少少最後都係去番舊年食過嘅相馬日式火鍋到再食過因為主打都係想食大閘蟹所以呢個價錢仲可以食到其他任食海鮮真心超值最緊要係比其他放題時間再長啲可以食足3個鐘咁就慢慢食都得大閘蟹無限任叫但係當然要襯熱食先係最好一次過叫太多放起到只會影響到自己進食體驗所以每次我都係4隻1人2隻咁去處理到食緊第2隻嘅時候先再落柯打叫咁樣就可以啱啱好唔使點樣等食到熱辣辣嘅大閘蟹大閘蟹入面真係超多膏、超香真係食唔停口蟹肉再沾少少蟹醋更加鮮甜除左大閘蟹其他海鮮都幾吸引都忍唔住叫左兩輪海鮮食蝦都有5款選擇蜆同貝類都有幾款仲有點心同炸物食當然目的係為左食大閘蟹呢啲今次就直接無視了而今次食嘅牛感覺係比舊年好食最初諗住食少少但最後都叫多左4盤呢一餐真係相當滿足最後每人食左8隻大閘蟹

又到大閘食季節！食食食⋯又想食大閘蟹，又想食火鍋，今次揀咗哩間，一次過滿足2個願望。點餐形式，海鮮（鮑魚、生蠔、大頭蝦、藍蝦、帶子、蜆、鑽石蜆、扇貝）、小食用紙點大閘蟹、豬、牛肉向職員點蔬菜、丸丸、醬油、飲品、雪糕自助（從頭到尾6步可以行完）大閘蟹好細隻，多數都多膏，偶然1～2隻比較差（蟹高灰灰黃黃，肉質霉霉地），蟹膏蟹肉都無乜蟹鮮味。但我心中任食係咁上下，有咁嘅質素都ok啦。起碼唔係死蟹臭蟹。是公是乸由廚房出無得揀。火鍋豬肉、牛肉各只有1款，肉質軟滑唔嚡，但就無乜肉味，比預期好，食得過。火鍋海鮮一般般唔太新鮮，但d蝦全部好大隻，大頭蝦好多膏，藍蝦、蠔有d腥，鮑魚有咬口，貝類全無味。好多人攞咗蟹醋以為喺豉油，瓶身大大隻字寫住蟹醋，睇清楚至攞。蟹醋無落薑又無落糖味道又淡，薑茶又淡又無薑味又唔熱。蔬菜好新鮮，粟米好嚡，丸丸、腸仔急凍貨無特別。㨂咗3小時放題，我哋食得比較慢，最後連雪條都食唔到。環境衛生麻麻，出餐快，點完幾分鐘後出到，座位好窄，座正轉角位，出入都好易撞到隔離枱張凳。本身OpenRice 已訂了座，前幾日心血來潮睇吓細節，條款及細則寫明「經OpenRice 訂座不可享用大閘放題

今日同朋友唔係觀塘做完gym，想搵火鍋放題食，就俾我哋見到間就得任食大閘蟹海鮮火鍋放題的！而且除咗有好多唔同嘅用來仲有大閘蟹海鮮豐富的蛋白質！因為做運動非常肚餓，我哋就叫左好多大閘蟹食，每件都好大隻，入面又夠曬多膏，食到舔舔脷🤤除咗大閘蟹加好多其他海鮮可以用來做火鍋材料，例如有鮑魚，帆立貝等。除咗海鮮，佢嘅火鍋配料都仲有好多，而且滾起嘅時候個湯底非常香🤤我哋仲叫咗好多牛肉豬肉同埋雞肉，每款肉類嘅質素都非常之好，例如牛肉切得非常薄片，而且雪花非常平均！除咗火鍋同埋海鮮之外，佢哋仲有熟食的放題，例如有點心同埋炸雞翼，有唔同嘅味道而且非常香脆！超級推薦💯

今日同朋友想食打邊爐，上網見到有間好豐富嘅火鍋喺觀塘apm附近，我和朋友就想去試一下，餐廳都非常多人座位十分滿，好彩我哋兩個人都有位可以入去坐低！今次我哋去食每人四百幾蚊嘅任食大閘蟹海鮮火鍋放題，顧名思義我哋可以任食大閘蟹海鮮、火鍋配料、和放題的食物。食得最多嘅朋友係火鍋配料，就係佢哋嘅大閘蟹😍每隻大閘蟹一搣開都好多膏，而且食落亦都好鮮甜非常好食😋佢啲海鮮都勁有鮮味，雖然湯底都好惹味，但係唔會重口味到完全覆蓋海鮮嘅鮮味。而且佢啲海鮮唔會有沙嘅存在，想要感受到更多嘅鮮味可以使用豚過湯煲。佢啲牛肉都勁好食，配埋個豚骨湯底簡直一流，連豉油都可以唔使要！

今日同老公出街食晚飯，我地揀左任食大閘蟹海鮮火鍋放題，最近開返晚市所以好多人等位，但係我哋都好想食打邊爐，而且佢哋嘅晚市套餐亦都好抵食，成人180分鐘任食每位400幾！佢呢度嘅任食大閘蟹海鮮火鍋放題真係非常豐富，可以食到好飽好飽！講返佢哋嘅大閘蟹，真係好大隻而且令人非常有驚喜，每一隻入面嘅高亦都非常之多，真係非常好食！除咗海鮮，仲有好多其他打邊爐嘅火鍋料可以叫🤤就好似有牛肉雞肉等等！佢哋嘅牛肉雪花亦都非常之平均，用湯底烚完之後亦都非常入味！佢哋仲有其他唔同款式嘅熟悉，例如單骨雞翼，即叫即蒸點心等等。食完之後非常飽而且好滿足☺️

超抵食大閘蟹放題🦀❤️❤️❤️3個時段 3個鐘頭任食大閘蟹，火鍋，海鮮，點心，雞翼，炸物，雪糕雪條‼️我食20:30-23:30時段，每人$428(未計加一)​✨打邊爐先揀湯底，可以鴛鴦湯底✅會先來一碟豬肉，牛肉☺️自助區有菜，丸，少量打邊爐配料🤪唯一覺得衛生情況欠佳，豉油溝水咁稀🥲​✨自動上大閘蟹好加分👏💯每次每人兩隻🦀 食到咁上下唔洗叫竟然識自動上蟹💯 最後總共上咗4 round🦀❤️ 食到停唔到手😋有公有乸，隻隻都堅多膏‼️依家10月份食乸好靚‼️而佢都係上蟹乸較多👍記得手套問佢攞先有😇​✨任食海鮮都好抵‼️ 有鮑魚，蜆，生蠔，蝦，帶子，螺，扇貝等等款式多而且好靚👍​最後有榴槤雪條做總結 好滿足🥰今次主要喺食大閘蟹放題，海鮮係bonus🫶記得千祈唔好對打邊爐有期望😇❌員工服務態度也一般大閘蟹放題只接受打電話/whatsapp預約📞​味道👅👅👅👅抵食🤑🤑🤑🤑環璄⭐️⭐️服務👍🏻👍🏻👍🏻番兜🍉🍉🍉🍉(最高分x5）​

媽咪話懶得煮飯所以帶咗佢嚟附近嘅日式相馬火鍋放題店食嘢，估唔到最近佢哋推出咗個大閘蟹放題套餐，都係任食幾正！媽咪急不及待就叫咗大閘蟹！啲大閘蟹隻隻都係咁巨型，打開入面仲要有滿滿嘅蟹膏，Jeng ah🤤打邊爐呢間都算幾多嘢食，我叫咗好多海鮮，全部都係勁新鮮，一啲海水腥味都冇👍🏻肉類都有齊豬雞牛，因為自己唔想食太多牛肉，所以主要都係食豚肉，佢哋嘅豚肉切到好薄，而且肥瘦剛好，幾好味！跟住仲擺咗好多唔同嘅丸子同蔬菜🥰芝士丸同埋蟹籽丸都係打邊爐必食㗎😋最後估唔到竟然打邊爐食到大閘蟹之餘仲有中式點心！即刻叫咗牛肉球🤤除咗牛肉球仲有蝦餃燒賣添🤩

今日同朋友喺觀塘上完堂之後，非常肚餓，我哋就見到有一間食日式火鍋嘅放題任食，我哋就決定入去試吓呢一間。我哋今次係食任食大閘蟹海鮮火鍋放題，佢有好多唔同款式嘅海鮮，火鍋材料同埋熟食選擇！今次我哋就叫咗甜豉油湯底，嚟到嘅時候香香甜甜，令人非常開胃！我哋仲叫咗唔同嘅火鍋肉類，例如有牛肉豚肉等等，啲牛肉豚肉朔左湯底之後，都非常入味，不用用醬汁也可以。另外這個火鍋放題的重點是大閘蟹，每人有一隻大閘蟹，大閘蟹的大小也很大。識落嘅時候大閘蟹亦都非常肥美，而且好多膏非常之正🥰除咗大閘蟹同埋火鍋材料之外，佢都有好多熟食係放題咁樣食嘅！仲有好多唔同嘅海鮮可以用來打邊爐，佢哋嘅帶子每一隻都好大隻，而且亦都非常鮮甜！