相馬日式火鍋 觀塘 (已結業)

臨近拍拖一周年，男朋友突然話要帶我去食放題，我本身半信半疑啲放題火鍋嘅質素，估唔到呢間俾咗好大嘅驚喜我。男朋友鍾意食豚肉，呢間優質豚肉佢真係好鍾意。豚肉入口軟嫩，帶香濃肉味，我地食完都讚不絕口。海鮮拼盤啲海鮮嘅種類都非常豐富，有龍蝦、手掌咁大嘅扇貝同元貝、仲有其他貝類同蠔，當然仲有其他款式。D海鮮食落都非常之新鮮，鮮味十足。胡椒雞湯係我哋嘅養生之選，微辣嘅胡椒味加上濃郁嘅雞湯，同食材嘅味道相得益彰，食落非常舒服～餐廳仲做緊大閘蟹放題，全部都係大隻膏蟹，橙黃色嘅大閘蟹真係好吸引，下次再黎我一定會瘋狂order大閘蟹🦀️