相馬日式火鍋 觀塘 (已結業)

又貴又難食嘅火鍋，根本唔值成400元一位，冇下次。啲蝦又霉，螺又臭，有乜邊樣好食；湯底更差。廣告太誤導，成世人未食過差成咁嘅火鍋，百幾蚊一位嘅火鍋質素都好過呢間嘢

最近社交平台一直彈出相馬嘅廣告，見有海鮮又有蟹鉗咁豐富（依家係送鑽石蜆任食），諗住try try就訂咗位😛。🍲湯底：優惠期間湯底免費升級為黑蒜同辛辣湯，不過兩款湯底味道都比較淡，我個人就鍾意重口味嘅🥺，所以唔太啱我。🍤小食：打邊爐前叫咗啲炸物同雞翼試試，款式非常多，雞翼有七種口味，不過全部都係炸過再另加調味料。本身幾期待蝦多士，但咬落去油浸味太重接受唔到😢。甜番薯仔同蝦球幾好食，不過都係建議上碟時加張吸油紙會好好多。🦪海鮮：成個套餐最吸引莫過於海鮮任食🤤，有七款海鮮咁多，包括大頭蝦、虎蝦、廣島蠔、青口、日本帶子、蜆、蟹棒，預早訂位仲有得任食蟹鉗！首先不得不提佢哋啲蝦真係好新鮮，拎到出嚟隻腳仔仲郁緊，肉質亦爽脆彈牙食得出鮮味。蟹鉗係急凍冰鮮嘅，唔太適合打邊爐。🥩肉肉：牛肉係美國特選牛肩胛，每一片好平均，解凍做得唔錯，帶有微微牛騷味，但點都估唔到豬肉更加好食，肥瘦適中肉質細嫩，仲有少少彈牙添😳。🥬菜類：所有蔬菜丸類都係自助吧自取，雖然冇蓋但係整體環境都乾淨企理。蔬菜非常新鮮而且refill速度非常快，其他鍋餚例如牛丸、金菇、芝士腸、響鈴應有盡有。🍨甜品：自助吧旁邊仲有雪糕櫃，客人自己手動潷

🍲火鍋特輯🍲相馬日式火鍋（觀塘店）地理位置🔆🔆🔆🔆🔆食物質素❤️‍🔥❤️‍🔥❤️‍🔥❤️‍🔥❤️價格定位💸💸💸整體評分🌟🌟🌟🌟一早上網做好功課bookmark咗哩間好耐，終於有時間出嚟試下佢🤩哩到晚市120分鐘放題沿用美國特選牛肩胛，色澤自然偏紅，感覺新鮮💁🏻‍♀️美國牛無和牛咁重脂肪比例，相對會重牛味少啲油香🤏🏼另外都升級咗鹿兒島黑豚肉，哩嗰就會多番啲油脂感，香口之餘，一般豬肉我會烚耐啲，哩隻就算比我烚多咗陣都唔會硬哂👏🏼外面自助吧食物選擇齊全，提一提烏冬唔喺急凍嗰隻💁🏻‍♀️晚市就算人流旺都保持整潔同埋唔會吉盤💯留意到哩到仲有雞翼串燒炸物等即叫即做食品，推薦一定要叫炸物，炸得啱啱好脆卜卜，又唔會滲哂油👏🏼記得早少少嗌，事關炸都要啲時間㗎❕

今次係第一次食相馬觀塘分店120分鐘美國特選牛肩胛放題再upgrade埋鹿島島黑豚肉😚湯底個鍋可以揀一人一煲或者一大煲齊齊十下十下（大鍋係可以揀鴛鴦底）口味都幾多下，我就揀咗中華辣湯🌶眾所週知日式既辣湯新極有限🤫都有好處既，冇重慶麻辣個啲咁重口味，所以都唔會冚曬食材本身既味道😬美國牛肩胛肉偏向係多瘦少肥，唔會有日本雪花和牛個啲食完成口油既感覺～睇番個人口味，我自己就好中意呢到肉味重再帶少少油香既肉👻另外店員服務都好好，態度友善而且手腳快冇甩漏，每次追加野都好快上到菜，同埋會主動加湯👏🏻整體感覺💛8.75/10

老媽子鐘意食蝦，見到社交平台有任食唔同款蝦既放題，又見open rice 都好多好評，雖則有少少負評，都想黎試下！點知，一去到見到個門面，已經覺得有出入，入到去d座位好細，四個人坐得好逼，但其實仲有好多6人座位冇人坐，自助吧鼓油無咩味，蔬菜種類少，又冇蓋蓋住！ 本身對milktop雪糕抱好大期望，點知得3款味，仲要比人筆到好底，見到都唔再筆，反而泰國紫米雪條唔錯！肉類都尚可，但主題蝦同海鮮就唔多掂，蝦都有2款都實肉，但全部不題活蝦是冰鮮既， 硯類仲要冰到烚完開晒口咬入去都仲係冰！！整體黎講，我寧願比$100位去食牛x鍋， 都唔會再黎呢間野，4個人食左成千五蚊，唔知食左咩！伏伏伏！

有時同同事懶得諗的話都會過去相馬一齊烚下烚下💁🏻‍♀️一嚟喺哩到喺公司附近之餘都好近港鐵站。價錢合理地理位置又方便，好自然就榮登咗我哋嘅首選🥳一般嚟講都喺一人一鍋，我偏好清湯底，可以食到食材原始味道嘛😛同事們就會揀吓辣湯蕃茄湯等～🔸火鍋用料🔸超超超級鍾意哩度嘅嫩豆腐，滑嘟嘟嘅豆腐配上清甜嘅昆布湯底，無牙婆都可以享受嫩滑香濃黃豆香👻牛肩胛肉片顏色鮮艷，肥瘦比例啱啱好，相比起雪光牛黎講會冇咁油膩食落扎實濃郁牛味❤️‍🔥配上昆布清湯，肉味毫無保留🈵另外仲有啲小食拼盤可以點㗎！質素都啱錯，我哋間唔時都會嗌少少嚟食😋

本身同朋友係諗住食第二間餐廳，不過見太多人要排好耐隊，就附近睇下有咩食😮‍💨咁上網見到呢間相馬日式放題價錢都合理又好似幾多野食咁，就入咗黎試下🧐有驚喜❣️❣️❣️咁上網都見到佢放題係有包埋即叫即整既雞翼串燒炸物😍兩個餓鬼坐低已經即刻嗌咗一輪拼盤😋雞翼有足足七款口味任君選擇，串燒炸物加埋超過十種食物🤩所以野食質素都水準以上㗎😋其中最得我地心就係佢地既炸物，唔會炸過龍，金黃香脆，上枱既時候仲熱辣辣卜卜脆🤩火鍋肉片豬同牛都感覺新鮮既，整體都會偏瘦少少，食落冇咁肥膩🤭你問我會唔會再幫襯，如果去開附近，答案係🙆🏻‍♀️

 今次黎到觀塘區相馬日式火鍋食佢戈晚市120分鐘放題($258)，平時外面通常都係90分鐘，兩個鐘真係可以慢慢傾住計食🤭呢到除咗火鍋自助吧同肉類任食之外，仲有即叫即整既雞翼串燒炸物、海鮮同milk top雪糕😍湯底有超過十款選擇，較為特別既有黑松露牛乳、濃香龍蝦湯同牛腸鍋肉類呢到採用既係🐂美國特選牛肩胛同🐖日本鹿兒島黑豚肉，前者油脂分布會少啲，相對重肉味；後者肥瘦適中，啖啖油脂香得黎冇豬戈浸騷臭味👻火鍋料方面，基本上要有既蔬菜同丸類都有齊🈵整體都係新鮮質素好放題小食即叫即整全部上枱仲熱辣辣，選擇又多，總有岩食既野😋

位於觀塘成業街的相馬日式火鍋網上評價不錯，這天和老公便決定去那邊解決晚餐🥣 夏日熱辣辣亦不減吃火鍋的熱情，盡管閒日仍需要排隊等候❤️‍🔥必點👉🏾雞翼拼盤🐣 雞翼拼盤是即叫即做的小吃，採用了單骨雞翼非常貼心😚雞翼上桌時熱氣騰騰，炸得非常香脆💥口味亦相當多選擇，如蒜茸牛油味、麻辣味、水牛城雞翼等等共七款口味❕其中最推的是土匪雞翼，孜然味十足，十分惹味，好吃程度媲美某某米線🍜🤣🤣🤣火鍋湯底選擇了中華辣湯，是預期中的日式中華辣湯🤣🤣(要懂的人都懂🤫）在日式火鍋店中算不錯了，辣度是有的，也滿香的🤭

哩日系附近上完瑜珈堂，決定要慰勞吓自己出咗兩個鐘汗🤭做完運動有quota，即刻食番落肚😬要知道好多火鍋放題雖然有響鈴魚皮等等擺係自助吧到任夾，但係通常都係受晒潮😵‍💫😵‍💫哩度可能因為refill得比較密(?) 所以系脆㗎❗️脆㗎❗️脆架❗️作為響鈴要食脆派，哩到完全滿足到我既慾望🤤浸一秒即刻拎起仲食到脆，興奮😆⚠️仲有仲有要提既就系哩到既豆腐，真系嫩滑得黎又重黃豆香😋重點系豆腐可以自欺欺人一下食得健康嘛🤪食多幾件都冇有怕（食多幾舊已經好飽肚😮‍💨🤫題外話，哩到擺咗好多小可愛擺設，有好多達摩，仲有隻招財貓，都幾有日系fu🎎

鑒於老公仔系火鍋狂熱愛好者，系觀塘行完街好即興甘就去左相馬食埋戈晚餐先番歸😂天吖，其實我想減肥🥺甘好彩去到5洗等位就入得🤩揀完湯底煲都未上已經率先去雪櫃夾野食先 身為便宜胃十蚊舌頭佼佼者，好迅速甘就夾症滿滿一盤丸類🤪無錯，打邊鍋主攻埋D cheap雞貨既正正系本人🙃脆皮腸、炸魚蛋、蟹籽丸等等該有既一樣都無缺💯5好睇少D丸，其實都有分好5好食ga❕尼度既丸5系粉既丸系彈牙戈隻👍🏻之前試過蟹籽丸中間系5識形容既怪味，而尼度系正甜甜地戈隻🤘🏻芝心丸尼度都系有少系拉撕力戈款❣️肉類就老公仔主場，甘我食落都覺得不錯，偏瘦DD無甘肥膩💁🏻‍♀️

觀塘火鍋首選💕相馬日式火鍋地理位置就近觀塘港鐵站附近有工廈樓上鋪林立，又有apm、駱駝漆等購物熱點，非常適合血拼後大吃大喝一番😈平日晚市亦不會輪候太長時間，職員效率高而且態度良好～一桌人追加了好幾回牛肉亦沒有面露難色🫢個人非常喜歡這邊的牛肉，不是遍佈脂肪的雪花肥牛，而是選用紅肉比例較高的美國牛肩胛。口感會比較實在而且牛有牛味🤣🤣🤣一個人能幹掉三盤牛肉👻除了火鍋食品之外，每次都會點上這邊的雞翼拼盤🥳口味非常多，有蒜蓉牛油、芝士、蜜糖、黑椒、土匪、水牛城、麻辣口味～貼心之處用了單骨雞翼更方便吃！香脆惹味的雞翼，最推蒜蓉牛油味🥰

我和男朋友都是超級肉食狂，所以我倆間中都會去火鍋放題放肆吃肉肉🥳相馬日式火鍋已經重訪了數次，品質保證而且性價比不錯‼️✔️火鍋湯底選擇多元化由基本清湯到近期大熱香菜鍋，甚至感覺相當高級的松露牛乳和龍蝦湯都應有盡有🤩不過我倆鍾情於肉食所以一般都會選擇昆布清湯或是甜豉油湯底😛✔️肉類是無限量供應的🐮美國特選牛肩胛🐷日本鹿兒島黑豚肉兩款肉類都很不錯，肥瘦剛好，不會太過肥膩～肉質都不會霉霉爛爛，追加多盤肉都保持穩定質素，份量亦不會扣減！❤️‍🔥大推個人食法：一次性涮一整盤肉放到碗中，再淋上滿滿的胡麻醬😍😍

做完一日戶外活動，打翻個邊爐補償翻就最好不過😝今次嚟到觀塘成業街覓食，上網揀咗哩間 相馬日式火鍋 試下，見好多食評都唔錯🧐📍地理位置方便，鄰近港鐵站，附近有東廣場、APM等熱點💰價錢中等價位，合理不會太進取👅首先湯底已經非常多選擇，不過習慣第一次都喺打安全牌🫣哩次無試到啲特別湯，要咗嗰甜豉油湯底，咸甜適中👍🏻👅牛肉片同豬肉片肉質都正常，偏向喺少啲肥嘅肉嚟～油脂感會低啲肉質相對扎實少少同埋濃肉味😚👅自助吧食材選擇都多，眼見啲菜都幾翠綠，都新鮮乾淨嘅～丸類受歡迎嘅幾款都有齊，偏彈牙唔會太粉～

🍲相馬日式火鍋 觀塘📍觀塘成業街電訊一代廣場1樓（東廣場對面🥣湯底有超過十款選擇👉🏻可以一人一鍋，亦可以一大鍋！推薦🔥清湯湯底，咸甜恰到好處，能提味又不會掩蓋食材原味👍🏻🐃美國特選牛肩胛👉🏻有雪花紋但整體視覺偏血紅色，由此可見脂肪比例較低，油脂分佈平均，偏重肉味面非油脂感🐖日本鹿兒島黑豚肉👉🏻肥瘦適中，脂肪比例高點兒，沒有羶臭味🦐海鮮拼盤包括日本帶子、廣島蠔、青口、虎蝦等👉🏻海鮮頗為新鮮，貝殼類已吐沙🍡串燒拼盤👉🏻肉類蔬菜海鮮應有盡有，全部都正常發揮～最推翠肉瓜，新鮮有汁💕🍤炸物拼盤👉🏻有丸類、春卷、蝦多士等基本款式，炸得香脆，推薦可以都吃一遍😈🐥雞翼拼盤👉🏻七款口味單骨雞翼，吃起來方便又惹味