相馬日式火鍋 觀塘 (已結業)

相馬火鍋真係每一次都食到好鬼飽😂120分鐘真係好抵食，慢慢食都得🐷😋湯底湯底推介睇呢到👍🏻《甜豉油and豚骨湯》我同朋友都唔食得辣，所以就揀咗呢兩個唔辣嘅湯底，甜豉油方面好有日本風味，調味做得啱啱好，唔會過鹹而蓋過甜味，呢一種味道係我鍾意嘅😆奶白色嘅豚骨湯味道都非常之濃香，用嚟打邊爐都係一個好好嘅推介。😋肉類肉類推介睇呢到👍🏻《美國特選牛肩胛》牛肉no.1一定係美國特選牛肩胛，一咬落去已經有濃郁嘅牛肉味，加上係薄薄地切成一片，勁快就已經熟😋😋小食小食推介睇呢到👍🏻《日式炸物and雞翼》最鍾意食佢哋呢度嘅日式炸物，一啲有油溢味都冇，自己最鍾意食佢哋嘅天婦羅炸蝦，喺出面食到10幾蚊一碟😂呢到真係一次都要食四五隻。單骨雞翼都唔錯，因為佢有幾多種唔同嘅味，食極都唔會厭😋

前日同男朋友去左相馬開餐😋呢間火鍋店，真係有勁多種唔同嘅湯底選擇🫶🏻今次我就揀咗以下呢兩款:🍅蕃茄湯勁濃郁嘅蕃茄湯底，好清甜同埋好Fresh❤️🖤甜豉油日式醬油湯底，用嚟食肉就一流啦😆又唔會太咸甜甜地咁。肉類方面有齊雞牛豬❤️特別推介🫶🏻美國特選牛肩胛 🐮鍾意食牛嘅你哋一定唔可以錯過！估唔到呢個價錢都食到咁高質嘅牛肩胛，佢嘅油花分布好平均，加上肉質都好重牛肉香味。小食方面推介大家試吓日式炸物❤️有勁多種唔同嘅款式，自己覺得佢哋嘅炸物唔會太油，仲要係新鮮熱辣😋另外單骨雞翼都可以試一試👍🏻

同朋友約好左一齊去打邊爐，呢間相馬火鍋有個120分鐘任食套餐好抵食，岩哂我地邊食邊傾😆呢排想食淡味少少所以唔食佢哋嘅辣湯底，唯有叫住個清湯食住先。雖然係清湯，但係淡淡的調味都已經好足夠😋朋友話佢哋嘅日式炸物都好好食，炸到好香脆，而且仲要係熱辣辣嘅，選擇仲有好多😜單骨雞翼都係呢到好多人食嘅小食！連小食都咁有誠意，淨係單骨雞翼都有10幾種唔同嘅味道，只覺得佢哋個海苔味都好唔錯，有勁多紫菜喺上面。仲有辣味雞翼都好夠辣，咁香脆雞翼真係個個人都會鍾意食。 我同朋友狂食佢哋嘅美國特選牛肩胛🐮👍🏻，因為估唔到味道同埋賣相一樣咁正😆仲要係任食！梗係要食返夠本啦❤️

📝 先總結呀，我哋同行六個人，整體都覺得佢服務殷勤流程順暢跟單精準食物優質種類繁多一致認為值得～～～推介別人～～～ 我吔推介叫個清湯底，加啲蔬菜鋪底，整個湯底已經好好味。 況且佢啲食物來源新鮮，所以湯底清清地，已經好食得出佢肉類和丸類嘅滋味。 美國特選牛肩胛，我哋嗌咗好多，因為真係好好味，好有牛肉味，又薄切，一盤都已經有五六塊，一人一篇就已經食曬。 優質雞腿肉，出面火鍋店好少會用到雞腿肉，因為成本比較貴 所以我哋食唔少，佢哋啲雞腿肉真係非常之肥美，雞皮又薄，一啲都唔油膩。 日式炸物炸鮮蝦喇炸春捲啦炸燒賣啦炸牛肉丸啦 墨魚丸仲有米網蝦春捲 一啲都唔有 而且佢仲有小時候嘅 各款口味單骨雞翼，呢盤雞翼係呢個火鍋帶來生色不少，唔同口味嘅雞翼，一次過滿足曬成班friend嘅願望。

難得二人一齊放假，我同男朋友仔週末就揀咗呢一間 日式打邊爐，一齊十下十下，溫馨下👫！ 我都嗌咗個中華辣湯🍲，賣相已經火紅紅，湯底下有很多辣椒配料，非常之足料，非常之惹味。 辣味好香，但唔會食到喉嚨痛果隻咁我哋揀咗優質豚肉🍖～ 每盤都有四五塊或以上，非常之薄切，放落湯烚樂分鐘就可以撈上嚟食， 肉質鮮嫩，又唔鞋口，肥瘦均勻，唔錯，唔錯。 至於美國特選牛肩胛🍖， 非常之有牛肉味，都係肥瘦均勻，所以我烚十秒就即刻撈上嚟食。

冬天係要打邊爐啦🍲呢一間相馬日式火鍋已經幫襯過好多次！每次食物質素都好好，從來冇令過我失望。今次都係依然叫咗佢哋嘅晚市120分鐘放題套餐🫶🏻湯底方面，我就揀咗佢哋嘅甜豉油湯底，呢個湯底好有日式風味，鹹鹹甜甜咁樣，配唔同嘅肉類配料都好夾。肉類方面，梗係要食佢哋嘅美國特選牛肩胛🐮，肉質好軟腍，色澤好均勻，無論食落定睇落都真係好吸引❤️除咗牛肉，我都好鍾意食佢哋嘅優質雞腿肉，雞髀肉真係特別滑😋小食方面，唔可以錯過佢哋嘅單骨雞翼！有幾多種唔同嘅口味！單骨雞翼食落重特別方便同埋多肉😆炸得又香脆，真係食到停唔到口。

我哋拍拖最鍾意周圍覓食，天寒地凍，打邊爐就最啱！！係咁多種類打邊爐之中，我最鍾意日式嘅，因為感覺衛生乾淨好多， 佢哋肉片擺盤都非常講究，精緻，又唔會㕷啲碗碟邊感到油膩。 清湯\m/ 中華辣湯梗係喺返一個天使同魔鬼嘅組合㗎喇，有辣，有唔辣，任君選擇。 日式炸物\m/ 各款口味單骨雞翼所有炸物真係冇得頂，尤其嗰啲炸春捲好多花款，又香脆又唔油膩，一口一條， 食下食下都唔覺。:-D 其次單骨雞翼，我覺得簡直就係佢哋嘅誠意之作 ，可以一次過享受唔同味道，我最鍾意就係佢韓式辣雞翼，炸到皮薄香脆，肉嫩骨香:-P 優質豚肉\m/ 美國特選牛肩胛兩個相比，我覺得我牛更勝一籌，雖然佢兩個都好好味，我哋食唔少，但牛肉佢真係好出色，佢選用牛最好嘅部分，牛味好重。

今日老公同我哋一家人去完觀塘海濱長廊同啲仔女玩完一輪之後就帶咗我哋呢間 日式火鍋店佢話佢平時同啲同事就係喺呢度食覺得唔錯所以專登帶我哋嚟 @中華辣湯🍲老公最鍾意食啦辣，所以專登叫呢一個湯底俾佢自己一個人，我見佢湯底非常足料，裏面有好多辣椒，花椒，八角。。。嘅配料 @蕃茄湯🍲我同仔女就食呢一個清清地，又開胃，有鮮甜。 @優質豚肉 @美國特選牛肩胛，🐷🐮🐷🐮無限供應，一啲都冇揸流灘，肉質鮮嫩。 非常有肉味，而且係薄切，所以碌幾下就已經食得。 @單骨雞翼🐣🐣🐣小朋友食到舐曬未，估唔到有咁多款畀佢哋選擇。阿女最鍾意食蜜糖雞翼，阿仔最鍾意食辣味雞翼，我鍾意食韓式多啲，夠正中吖嘛，配埋汽水簡直一流！！！

最近聽朋友講觀塘有一間日式打邊爐 ，120分鐘 無限放題，四百蚊都唔使。我約埋另外一個同事放工之後一齊去打邊爐。一入到去，地方好寬敞，而且裝修休閒，衛生企理， 可能係因為日式餐廳，所以感覺所以啲餐具都好企理。 蕃茄湯🍅 我諗都唔使諗就嗌咗呢一個 湯底，貪佢勝在有營養，裏面真係有成個蕃茄喺入面。 優質豚肉🐷 佢哋啲豬肉算係好新鮮，中高質或以上，對得住呢個價錢有餘。 美國特選牛肩胛🐄 牛肉味好重，每盤都有五六塊 ，而且砌得好靚。 6款雞翼🐤🐤🐤🐤🐤🐤 呢個係我最驚喜！！！最推介嘅！！！估唔到有咁多隻味嘅雞翼可以食。 而且全部都係砌好嘅單骨雞翼，方便女士進食，好欣賞佢哋嘅細心。

前兩日無意之中發現呢間嘢， 就算今日一個人都心思思走過嚟試下。 喺門口，我見佢裝修得唔錯，地方亦都算闊落，抽風系統又好，服務員有殷勤， 於是好快就入座。呢度係一個價錢，有無限供應優質🐄牛、🐷豬、🐤雞肉，甜品，汔水，🍧雪糕，炸物同埋配菜，選擇多羅羅。仲要係120分鐘🍛無限供應。 為咗更加好胃口，我嗌咗個🍅蕃茄湯底，酸酸甜甜，零舍醒胃。 佢呢度呢配咗好新鮮有🌳油麥菜喇，🌳金菇、🌳南瓜，🌳豆卜，仲有不同種類嘅🍖肉丸。啲肉丸爽口彈牙，質素真係唔錯。 我最鍾意食佢嘅牛肉丸，好有牛味，彈牙多汁。🍖牛肉片，又係美味新鮮。服務評分：🌷🌷🌷🌷清潔評分：🌷🌷🌷🌷食物評分：🌷🌷🌷🌷🌷打卡評分：🌷🌷🌷🌷性價比分：🌷🌷🌷🌷

相馬呢度主打放題，今次就試呢度既晚市火鍋放題，120分鐘，夠晒食呀！🍲豚骨湯底打邊爐唔可以無既湯底，豚骨湯好多地方都有，但呢度真係好正宗，好香濃，用真正豬骨滾出黎，好稠好濃味，就咁都飲到果嘴會粘粘地，骨膠原十足！🐣優質雞腿肉粉嫩色嘅雞腿肉一睇就知夠晒新鮮，全部都係每日新鮮係市場度買返嚟，絕對唔會係冰鮮，所以上枱都唔會聞到有雪味，雞腿肉好厚好嫩，碌完都仲係好滑，超新鮮，好好味。🐖優質豚肉豚肉係日本直送，真係靚既豬肉黎，所以肉味特別濃，好有口感，碌到岩岩熟再加埋豚骨湯既香，更夾更正。🍢火鍋配料唔同任食既火鍋配料都好味既，啲丸都係啲好食既丸，芝士魚腐，海膽丸呢啲都有，係高質嘅丸，好好味，小朋友都好啱食！

呢度係任食2個鐘既火鍋放題，唔止一般嘅火鍋配料，仲有日式炸物，炸雞翼，連飲品都係任飲，超級豐富，性價比勁高！肉類來講，我最鍾意係食呢度嘅牛肩胛🐄超好食，啲牛肩胛好厚，質地好好，食落牛味好濃，完全無雪味，完全唔難食V(^_^)V日式炸物黎講呢度都係好多款式🍤連啲好特別嘅蝦多士，蝦春卷，米網春卷都有，唔會因為任食而質素差咗，熱辣辣，超好味(^o^)/單骨雞翼呢度都好出色🐤本身單骨雞翼已經食得好方便，呢度仲要超好味，有幾款唔同嘅味道揀，新鮮熱辣炸出來，雞肉夠嫩皮夠脆，唔同味都好好食(#^.^#)呢度既湯底都係好夠味，甜豉油湯底唔會太濃味，岩岩好！

係相馬呢度真係食足兩個鐘，我哋去嗰日唔係好多人，店員仲好好，無趕我哋走，俾足時間我哋食🤓打邊爐最重要嘅湯底，我哋揀咗豚骨湯，好濃好鮮味，好真材實料，真係新鮮豬骨煮出嚟，完全冇呃人！任食嘅肉類方面每樣都好新鮮，而身為牛魔王嘅我就非常滿意依度嘅特選美國牛肩胛🤭牛肩胛本身就會比較有口感，比較有咬口，呢度嘅牛肉真係好好味，好新鮮，牛肉味夠晒濃，再加埋豚骨湯底，味道更鮮味更突出！呢度任食既熟食都好掂！！日式炸物多款唔在講，仲要真係好食，吉列炸蝦好脆，蝦肉又仲好嫩好彈牙，好食到傻😜蝦多士都有先抵死，仲好食過一般餐廳，問你死未😝另外單骨雞翼都係熟食，幾款唔同味道，我最愛係孜然味，炸到皮脆肉嫩😍邪惡好食！

由於睇社交平台見到本店有八週年慶祝活動、所以諗住試下啦點知係超級失望嘅🤔🤔🤔從來未試過食嗰啲都唔新鮮嘅放題、社交平台話八週年有八款海鮮點知只係得蜆、蝦、蟹棒、水魷就沒有其他海鮮呀、除咗牛肉係可以之外、其他完全係唔好食嘅、重點一提服務態度超級欠差門口啲侍應只係掛住喺門口傾計叫佢落單又串串貢、問佢嘢又唔想搭😑😑😑從來都未去過一間咁差嘅放題、我之前見openrice咁多人讚就諗住去幫襯下啦、點知係咁失望嘅重點我喺社交平台投訴係唔回覆只係不斷叫你訂位、其實呢間公司都好有問題囉😌😌😌所以我先係openrice到寫呢篇嘢、等大家再唔好幫襯呢間公司呢個湯底係蕃茄同豬骨湯睇完全冇乜味嘅😅😅😅除咗牛肉係可以之外大家可以睇下就係得依四款海鮮呀又話八週年有八款海鮮其實都係呃人嘅、重點係海鮮係唔新鮮嘅😅😅😅炸物蝦多士同芝士年糕係可以之外雞翼除咗係蜜糖雞翼好食之外其餘全部都係好鹹😂重點係觀塘嗰間分店服務質素真係超級欠佳

This is a cheap hot pot that has free drinks. Restaurant was dull and damp. Food was only okAll you can get drinks including Heiniken which is the highlight.We took the $238 meal plan with unlimited seafood, beef chicken and pork and veg. Surprisingly first time a hot pot restaurant only offers chilli powder include of fresh chilli?!?!!Is definitely a value meal if you want unlimited beer and average foodDon’t think we will return