相馬日式火鍋 觀塘 (已結業)

最近聽朋友講觀塘有一間日式打邊爐 ，120分鐘 無限放題，四百蚊都唔使。我約埋另外一個同事放工之後一齊去打邊爐。一入到去，地方好寬敞，而且裝修休閒，衛生企理， 可能係因為日式餐廳，所以感覺所以啲餐具都好企理。 蕃茄湯🍅 我諗都唔使諗就嗌咗呢一個 湯底，貪佢勝在有營養，裏面真係有成個蕃茄喺入面。 優質豚肉🐷 佢哋啲豬肉算係好新鮮，中高質或以上，對得住呢個價錢有餘。 美國特選牛肩胛🐄 牛肉味好重，每盤都有五六塊 ，而且砌得好靚。 6款雞翼🐤🐤🐤🐤🐤🐤 呢個係我最驚喜！！！最推介嘅！！！估唔到有咁多隻味嘅雞翼可以食。 而且全部都係砌好嘅單骨雞翼，方便女士進食，好欣賞佢哋嘅細心。