相馬日式火鍋 觀塘 (已結業)

我同屋企人今日去咗觀塘呢間相馬去食2個鐘既火鍋放題，天氣咁凍就啱晒，依度環境好唔錯，唔會坐得好迫好唔舒服。優質雞腿肉其中一款好高質嘅肉，雞髀係新鮮嘅雞髀，肉質好好，係好靚嘅雞髀，一碌就食得出好嫩滑，好好味。優質豚肉同樣質素好好嘅豬肉，完全冇豬騷味，而係有豬肉既淡淡香味，唔會好鞋口，碌幾分鐘就食得，好新鮮，同湯底…泡菜湯底好夾。美國特選牛肩胛牛肩胛已經係靚啲嘅牛肉，依度個啲質素好好，係好有牛味，啲牛肉好嫩好好食，配埋泡菜湯底好有係韓國食鍋嘅感覺。日式炸物呢度嘅炸物有好多款，每一款都係新鮮炸起，炸到金黃色，我特別鍾意食佢哋嘅炸蝦，啲蝦好彈牙，炸番薯都好甜好好味。泡菜湯呢度既泡菜湯好足料，真係見到好多泡菜啦，但係又唔會太辣，係好香口嘅韓國風味嘅泡菜湯底。

我阿嫂戒左牛肉好耐，所以有陣時同佢出街食飯都要問清楚餐廳有冇牛肉或者牛肉製成嘅食品佢全部都唔食得🈲老實講，我自己覺得幾煩㗎😔連食火鍋都少咗好多選擇，因為好多地方都唔會有太多小食😖平時一家人食飯唔叫埋我呀嫂好似又唔太好😞今日終於搵到解決方法！經朋友介紹知道咗呢一間火鍋店，呢度嘅豚肉幾好味🤤，而且仲有多款小食可以order，對於我嚟講都幾新鮮，終於唔使再食樓下嘅快餐店😌我阿嫂就會不停地讚佢哋嘅蕃茄湯，佢話有蕃茄蓉而且好香蕃茄味，呢個湯底拎嚟淥蔬菜🥬更加清甜。

認識呢間店舖係因為我朋友之前喺呢度食過佢哋嘅大閘蟹火鍋放題套餐。成日都叫我哋再同佢去食初頭我都唔知點解咁吸引，佢帶我食之後我終於知道啦🫢有咩湯底揀🫡❔其實湯底都有好幾款，不過我自己就最鍾意食清湯！因為煮到最後都會好濃郁。而且清湯冇咁多油！我個朋友就介紹大家可以試吓豬骨湯同埋泡菜湯佢話好正喎。有啲咩嘢食㗎😳❔小食方面，真係好似我個friend講咁多唔同嘅選擇！淨係講小食都有好多款😎炸物入邊有一個米子蝦好脆好好味，建議大家一定要食！肉類方面，我哋主要揀咗優質豚肉同埋美國特選牛肩胛，兩個都切薄片，好容易淥熟😚啱晒我呢啲心急鬼！配料方面，佢哋自取枱，大家可以去嗰度揀鍾意嘅火鍋配料，蔬菜都有好幾款🤩

🍲豚骨湯底🐷 推介指數⭐️⭐️⭐️⭐️⭐️🍱日式炸物🍤 推介指數⭐️⭐️⭐️⭐️🇺🇸美國特選牛肩胛🥩 推介指數⭐️⭐️⭐️⭐️⭐️👍🏻優質豚肉🐖 推介指數⭐️⭐️⭐️⭐️⭐️（整體嚟講，我自己覺得幾推介大家嚟食）近排又有一波移民潮，今日要同我嘅中學同學食飯慶祝，佢可以移民到外國。平時好少出去食飯嘅，我突然之間唔知道去邊度慶祝好，所以即刻問我老公。到底一行20個人可以去邊度一齊食飯？我老公就答我去呢一間火鍋店，呢間火鍋店係我老公公司附近，佢有陣時都會同佢老闆同埋同事一齊慶功落嚟食飯我，佢話呢度啲嘢幾有水準。今日試過之後我都幾贊同！尤其是係佢個湯底濃而不膩，有少少似出前一丁嘅豬骨湯！炸物方面，今日可以試多好多唔同類型嘅炸丸，都幾特別唔使再將啲丸，淨係拎去白烚，原來炸過都咁好食。肉類方面，我自己覺得無論係牛肉定係豬肉都拎滿分！因為兩款都好濃郁嘅肉味，幾抵讚，而且都冇漏單。

ჱ̒⸝⸝•̀֊•́⸝⸝)‪ 泡菜湯👉🏻因為泡菜經過醃製，所以會有酸辣嘅味道！我覺得呢度個湯底幾好食有少少似酸辣鍋😍 佢啲大白菜放咗落個湯底度熬製之後都冇影響味道，仍然係有一種泡菜味我覺得係嘅驚艷到我嘅。ჱ̒⸝⸝•̀֊•́⸝⸝)‪優質豚肉👉🏻我哋揀嘅呢一個餐可以選擇肉類！我平時唔係好鍾意食豚肉㗎，因為覺得唔會有豬味好似食緊普通肉片😓呢個又幾好喎！一嚟佢嘅豚肉真係比較重豬肉味，二來係去切成薄片好容易煮熟，唔使等好耐淥到鞋晒。ჱ̒⸝⸝•̀֊•́⸝⸝)‪美國特選牛肩胛👉🏻我同我男朋友都係肥牛愛好者🤘🏻所以肥牛又係必點！而家已經好少人食肥牛片了，反而轉左食牛肩胛！相對之下我覺得牛肩胛嘅肉味真係比較濃郁😌同埋冇咁肥膩。ჱ̒⸝⸝•̀֊•́⸝⸝)‪各款口味單骨雞翼👉🏻冇人比我更加鍾意食單骨雞翼！我由細到大其實都好鍾意食雞翼㗎。不過我阿媽成日都唔捨得拆骨！我又覺得食雞翼好麻煩，所以越大就越少食！好彩呢度嘅雞翼全部都係單骨，仲要有好多唔同嘅味道可以俾我食返夠本👅

∩^ω^∩ 𝙷𝙴𝙻𝙻𝙾又係我哋兩姊妹周圍食嘅食評🙌🏻今日我哋去咗觀塘打邊爐！呢間火鍋店相信都幾出名，我哋好多朋友都話聽過甚至食過。佢哋都有幾間唔同嘅分店💖🔅海鮮🔆（青口、蝦、蜆肉等等）海鮮拼盤都幾抵食！我哋可以自己落單order，選擇自己心儀嘅海鮮種類。我覺得佢哋嘅蝦同埋青口都幾鮮甜，而且好大隻肉質好飽滿，淨係講蝦肉已經覺得好彈牙。🔆美國特選牛肩胛🔆去到打邊爐最主要就係要食佢哋嘅牛肉！如果牛肉唔好食真係成餐飯好似好唔滿足咁，好彩呢度嘅牛肩胛好重牛味，我哋兩個差唔多叫咗10次。🔆日式炸物🔆炸物拼盤都係可以落order ！想食咩就可以叫！我哋唯一重複order嘅就係呢個米紙蝦，外皮酥脆可口，內裏肉質彈牙。未試過啲咁好食嘅炸蝦！🔆飲品🔆

今日我地一班girls 去左觀塘相馬打邊爐 叫左個美國特選牛肩胛+日本鹿兒島黑豚肉套餐 配鴛鴦湯底(甜豉油+中華辣湯) ✨🤤打邊爐前可以叫D小食食下先 小食款式非常多選擇 我地叫咗d炸物同雞翼試試 🍖🍤🥟雞翼有仲7種口味tim 味道都唔錯~ 不過全部油粉比較多🥺牛肉同豬肉方面賣相好靚望落都好新鮮 每一片好平均 多瘦少肥比例啱啱好 肉質細嫩 肉味好重 正🤩👍🏻另外仲可以任食海鮮任 有7款海鮮 包括大頭蝦、虎蝦、廣島蠔、青口、日本帶子、蜆、蟹棒， 最推薦既係灰蜆 超級大隻同鮮甜 🦐🦀其他蔬菜丸類都可以係自助吧拎 整體環境都衛生 蔬菜非常新鮮而且而且refill速度都好快🥗🧆不過可能係星期五 我地用餐時間得90分鐘 真係好唔足夠 😫

我同男朋友兩個邊爐之鬼又要出動了‼️今日我哋兩個都覺得天氣變涼左，所以好想打邊爐前嗰排我哋一齊中咗肺炎，然後用咗好多時間養返好個身體。一直都有咳，所以已經好耐冇打邊爐，今日終於等到喇‼️喺相馬打邊爐係最抵食！因為有好多唔同類型嘅食物，可以選擇。就算錯過咗佢哋嘅大閘蟹季節都冇影響我想幫襯佢哋嘅心‼️今日我哋就揀咗一個冇咁熱氣嘅清湯底，清清地食住先啦‼️因為無論佢嘅日式炸物定係肉類都好啱我哋食。美國特選牛肩胛，牛肉味香濃，切成薄片，容易煮熟‼️優質豚肉確實一啲都鞋‼️最後不得不推介大家食佢嘅日式炸物‼️有好多唔同款式！我最鍾意就係佢哋嘅炸丸‼️炸粉唔會太厚，識落唔會成口粉

啱啱先喺韓國返嚟已經好掛住韓國嘅泡菜！韓國㗎炸雞😞啱啱去完我諗真係有牌都未有咁快可以去啦🥺今日我個同事聽到我去到呻就話要帶我去食一間有泡菜湯底嘅打邊爐😳有啲咁嘅同事真係幸福了🤩呢一間火鍋放題都幾抵食！晚市嘅價錢只係$268再加一🙌🏻好啊湯底，我哋就揀咗最期待嘅泡菜鍋😍一上枱已經聞到香辣嘅味道😆煮到最後食埋入邊嗰啲娃娃菜，真是好正！我同我同事最鍾意，就係呢度嘅雞肉😆無論係佢哋嘅各款嘅單骨雞翼定係普通優質雞肉都係肉嫩且彈牙，唔會淥到過老👍🏻我地qrcode落左勁多次單  美國特選牛肩胛更加唔洗講！勁重牛肉味🤭

我地今次係星期日晚黎，食17:00-20:00，呢個任食大閘蟹海鮮火鍋放題收費就$438一位。首先緊係要食大閘蟹🦀大閘蟹size岩岩好，重點係蟹膏🤤黃油既膏真係好正好好食！火鍋我地就簡中華辣湯做湯底，辣辣地咁食啲火鍋配料好正，尤其是係啲肉🤤每一碟優質豚肉同美國特選牛肩胛都好靚，肥瘦好適中，肉味好濃，淥到岩岩好咁入口口感好好，超好食！仲有海鮮我地都有試，好爽口，好鮮味😋另外我地係熟食方面仲叫佐唔同口味既單骨雞翼，又脆又好食，蒜蓉味同蜜糖味都好香，好正！👅

一個平凡既星期六中午就係要試啲唔平凡既野！今日就黎到觀塘相馬食$428一位既任食大閘蟹海鮮火鍋放題，有3個鐘食。火鍋我地簡佐清湯，最突顯到食物本身既味道🍲肉類方面優質豚肉同美國特選牛肩胛都好岩食🤗每次既份量都多，而且啲肉好新鮮，唔會係雪到冰晒死晒色既。味道方面豚肉好香豬肉味，牛肉既脂肪比例都好好，牛味好濃，兩款肉都食唔停口。🐮🐷我地都有試任點既點心，燒賣同牛肉球都唔會有肥肉，彈牙爽口，好好食！連馬拉糕都有😝唔會太甜，好好味😋最後就係主角大閘蟹🦀隻隻都有膏，唔係呃人😍啲膏仲係金黃色既，好黃油好正！

期待已久嘅大閘蟹放題今日終於係極度失望嘅情況下完結，話說上年差不多呢個時候都係幫襯呢間大閘蟹放題感覺非常良好，於是今年再encore點知就大失所望😭講明大閘蟹放題當然主角就係大閘蟹啦，偏偏最中伏就係大閘蟹，第一round嚟咗四隻都未發現有咩異樣，只係細隻啲同埋好少膏，第二round等咗好耐，一打開蟹蓋就聞到一浸唔新鮮嘅味道，啲肉仲係霉霉地，仲有啲化學品嘅味道，之後就聽到隔籬枱同服務員投訴啲蟹唔新鮮，比四百幾蚊出嚟你比啲死蟹客人食真係冇良心，至於其他海鮮例如青口同大部份嘅蜆都係唔新鮮，有啲一入口即刻要吐返出嚟，值得讚嘅係帶子非常新鮮同埋鮑魚都好正結果我由大閘蟹放題變咗海鮮火鍋放題，呢間嘢絕對冇下一次。

今日難得放早，就試下呢間$408 3個鐘既任食大閘蟹海鮮火鍋放題 ，由17:00食到20:00🍲最先要試既緊係大閘蟹🦀隻隻都肥美多膏，啲膏好creamy，好食！火鍋就用蕃茄湯做湯底，濃濃既蕃茄湯未淥其他食物已經好香😋啲牛肉亦好新鮮，美國特選牛肩胛果然好味啲，每次上枱既份量多唔在講，仲要新鮮好食，牛肉味好濃，好好食！🐮🤤另外我地食佐好多海鮮😝因為款式太多啦，我地樣樣叫啲，最基本既海蝦已經好新鮮，淥熟佐蝦肉好爽口彈牙！鮑魚都好好味，淥完都好連殼，證明好新鮮呀！😙仲有平時少食啲既琵琶蝦都有，蝦肉都係好好味，好有口感。全部海鮮好正，食得好爽！

咁岩編到平日放假就同姊妹黎試下任食大閘蟹海鮮火鍋放題，中午12:30-15:30 3個鐘都只係$398一位！🙀我地今次主要目標係大閘蟹🦀！六個字講晒：新鮮，多膏，大隻！我地真係差啲淨係食大閘蟹🤪火鍋湯底我地就簡佐蕃茄湯，真係有蕃茄粒係度，好足料！🤣蕃茄湯配牛肉或者海鮮都好夾，好好！呢度牛肉係美國特選牛肩胛，真係好靚，肉色鮮明，肥瘦岩岩好，配埋蕃茄湯就牛肉味更特出，入口超易咬，好好食！😋海鮮都係另一重點，好多款，我地都未試晒😆但試佐既扇貝好正，好大舊膏，淥一淥就食得，好鮮甜😙啲蜆肉都好大，又無沙，食唔停呀！😍另外出面仲有任拎既其他火鍋配料，一般蔬菜同丸果啲都有，啲菜好新鮮好得，食得飽飽地幫助消化就岩😝

難得今日放平日，緊係要同屋企人食依家當造既大閘蟹，而觀塘呢間相馬有任食大閘蟹海鮮火鍋放題，我地就試佐中午3個鐘，$398一位既套餐。湯底我地係甜豉油，少少調味、唔會太搶食物既鮮味😁而我地係牛魔王黎，所以肉類就主攻美國特選牛肩胛🐮用呢個湯底果然無錯，好似食緊壽喜燒咁，啲牛肉味好特出，而每碟份量已經好蟹，好正！😋海鮮方面常見同特別既款式都有，琵琶蝦原來火鍋食係好爽口好好味，蜆又無沙，扇貝都好大隻，全部好鮮味好好食！😚我地仲試埋點心同日式炸物，呢啲熟既野食一上枱就熱辣辣咁食得，勁方便😝質素都好好，牛肉球好香，燒賣唔會好多肥豬肉，好味！日式炸物又多款，而且唔會好油膩，係好香脆，食多啲都仲得！🤩最後點可以唔提主角大閘蟹🦀每隻都唔細隻，而且隻隻都有膏，金黃色既膏好好味，食幾多隻都得！