相馬日式火鍋 觀塘 (已結業)

冬天係要打邊爐啦🍲呢一間相馬日式火鍋已經幫襯過好多次！每次食物質素都好好，從來冇令過我失望。今次都係依然叫咗佢哋嘅晚市120分鐘放題套餐🫶🏻湯底方面，我就揀咗佢哋嘅甜豉油湯底，呢個湯底好有日式風味，鹹鹹甜甜咁樣，配唔同嘅肉類配料都好夾。肉類方面，梗係要食佢哋嘅美國特選牛肩胛🐮，肉質好軟腍，色澤好均勻，無論食落定睇落都真係好吸引❤️除咗牛肉，我都好鍾意食佢哋嘅優質雞腿肉，雞髀肉真係特別滑😋小食方面，唔可以錯過佢哋嘅單骨雞翼！有幾多種唔同嘅口味！單骨雞翼食落重特別方便同埋多肉😆炸得又香脆，真係食到停唔到口。