相馬日式火鍋 (已結業)

一年四季我都真係食緊放題，對於我呢種無飯家庭來講，一到放假一家人最鍾意嘅就係任食，返工返左成個星期，難得一家人休息，當然要放肆下。一入到去就見到飲品櫃，有大概10幾種嘢飲，全部都係啲大路嘅嘢飲，所以應該總有一款適合大家飲，我就比較鍾意飲蘆薈汁，入邊有蘆薈粒可以咬下。我哋分別叫咗美國特選牛肩胛同埋日本鹿兒島黑豚肉，而我嗰個就係甜豉油湯底。呢個湯底真係煮完之後唔需要再點任何調味料，都已經好好味。個人就比較鍾意食豚肉多過牛肉，豚肉厚身少少，口感豐富啲。海鮮拼盤入面，我淨係鍾意食青口，對於我來講青口無論係點煮都係好好味，好彩屋企冇人同我爭，咁樣就可以再encore多幾次，然後青口全部都係我嘅，嘻嘻。

春天都嚟啦，點解仲係咁凍嘅，天氣凍就會想食好多嘢，打邊爐放題就最適合啦。今次就揀咗呢一間叫做相馬嘅放題火鍋店，之前我有試過食佢哋嘅大閘蟹放題，亦都係相當唔錯，所以今次再試下佢嘅牛肉放題。美國特選牛肩胛套餐，咁佢入邊會包含咗海鮮拼盤會一齊送過嚟嘅。佢既肉一嚟到，我就已經覺得好大碟，肉質好鮮紅色，肉嘅油花好清晰，淨係睇已經覺得好正。廣島蠔好大隻，煮咗都唔會點縮。之後再叫咗一個炸物拼盤同埋串燒拼盤，兩個都係非常之大碟，如果係兩個人食嘅話，我會建議二選一，食完再叫另一樣。雖然係咁大碟，但佢樣樣都真係好好味，炸粉完全唔厚，翠玉瓜入邊仲係好Juicy。金菇肥牛卷充滿着牛肉汁亦都係我嘅最愛。

一班人唔想諗食啲咩，最好嘅選擇就係放題，因為咩都有得食，範圍又多，適合一班人，而且最重要當然係任食啦，一個價錢多重選擇。我就無辣不歡既我今次就揀咗中華辣湯，對於我來講個湯就唔算好辣，少少辣咁過吓癮都唔錯。而我地選擇左嘅套餐係美國特選牛肩胛同埋日本鹿兒島黑豚肉分別各一，咁樣就兩樣都可以有得食下，兩種肉都係得一個字”正”!!炸物拼盤我最鍾意嘅係芝士春卷，平時出去食都差唔多要$10 一條，呢度係任食。真係好正，外脆內軟，裏面啲芝士係好香，食到停唔到口。

難得今日早收工同同事經過見到一間任食放題，佢嘅放題係可以食120分鐘，真係可以慢慢chill住食。一入到去就見到好大個自助區，包含咗好多唔同嘅蔬菜，同埋丸類。日本鹿兒島黑豚肉套餐，佢仲包含咗優質豚肉新鮮雞腿肉，同埋海鮮拼盤。黑豚肉真係冇得輸，佢無論肉質，口感，味道上邊都係冇得彈。新鮮嘅雞腿肉，嫩滑無比，好少地方會齋用雞腿肉，值得一試雞翼係真係意想不到，佢係真係好多味道好似雞翼拼盤咁，放埋一齊顏色超級靚，唔知仲以為自己食緊雞翼放題，呢個真係要無限encore。

相馬火鍋店越開越多間，之前食大閘蟹出晒名，今次當然要來試吓佢呢個黑豚肉放題啦，最好嘅地方就係一人一鍋嘅湯底，疫情打邊爐都唔怕啦，衛生又乾淨。為咗配合呢個日本鹿兒島黑豚肉，我揀咗豬骨嘅湯底，豚肉配合左呢個湯，感覺上味道更加升華左，意想唔到嘅係佢嘅肉質好鮮嫩。同埋二百幾蚊竟然會有埋海鮮嘅拼盤，而且款式仲唔少。海鮮拼盤有日本帶子好鮮嫩，廣島蠔夠大隻，除此之外仲有蟹棒，青口，虎蝦，蜆同埋螺，種類非常豐富，而且最緊要係夠新鮮，食返兩盤真係回晒本。

終於等到久違嘅family day，同我老公一於去食返餐好嘅，今次就揀咗西環呢一間嘅日式自助火鍋放題，入到去環境相當唔錯。自助區，有好多嘅選擇，首先有好多唔同嘅蔬菜，上邊就有好多唔同嘅粉面類可以選擇，而我每次食打邊爐我都覺得需要食烏冬嘅。返返去自己張枱，所有嘢食都已經到齊啦，非常快。甜豉油湯底同埋豬骨湯底都係我嘅最愛，所以可以同我老公交換食下。我哋揀咗日本鹿兒島黑豚肉，好好味呀，眨吓眼就食咗10碟，我哋咁大食如果唔係放題都唔知點算。餐入邊仲包含咗海鮮拼盤，鮮味十足。之後我哋仲有食咗炸物拼盤同埋雞翼，雞翼係我嘅最愛我每一樣都叫咗有蒜蓉牛油雞翼，黑椒雞翼，土匪雞翼，麻辣雞翼都係我最鍾意。而炸墨丸同炸午餐肉好有燒嘢食嘅感覺。

今日同男朋友一齊叫左蕃茄湯底同豬骨湯底打邊爐。先講蕃茄湯底，好濃郁嘅蕃茄味，鐘意蕃茄湯嘅人一定要試。而豬骨湯底，淨係聞已經feel到好正，因為陣味就係好濃好香。今次我地叫左美國特選牛肩胛，d肉比較薄，所以落牛肉放係煱10秒度就要拎上黎，如果唔係就會影響d肉質。 而且佢地嘅牛肩胛嘅牛味好重，好正。之後我地叫炸物拼盤，我覺得蝦多士同芝士春卷一定要試，因為個蝦多士真係好好食，而個芝士春卷夠脆，咬落去芝士咁流出黎，d芝士陣味係口到徘徊，好正海鮮拼盤，我建議大家要試下蠔同青口，隻隻都好肥美，咬落去啖啖肉，而且有海水味，簡直一流。而蜆都5錯，冇乜沙，處理得好好。

今日同朋友一齊去左相馬，我地就一人一個鍋，分別係蕃茄濃湯同清湯。先講湯底，好夠味又夠濃郁。之後我地叫左美國特選牛肩胛，d牛肉質好鮮嫩，而且咬落去咇曬d汁出黎，而且切得薄身，所以放係煱度一陣就可以好快食到。另外我地叫左炸物拼盤。個拼盤有好多野食，有蜜丸，蝦多士，蟹子丸，米網蝦春卷，吉列蝦，午餐肉，芝士春卷等。咁我就講一D我鐘意嘅野食喇。首先係米網蝦春卷同吉列蝦，佢地炸得又脆又乾身，好好食，咬落去有聲。之後蝦多士味道都好正而且又特別。另外呢個海鮮拼盤入面有好多唔同款式。先講海鮮非常新鮮，而且咬落去有陣海水味，大家一定要試。 而日本帶子、虎蝦、蠔都好大隻，好抵食。

今日同朋友一齊去試一間火鍋放題，入面嘅環境非常光猛，好整潔。佢嘅特別之處就係可以一人一鍋，咁樣大家就可以揀一個自己心水嘅湯底啦。咁我哋就叫咗番茄湯同埋清湯。蕃茄湯嘅味道都幾濃郁，啱晒適合鍾意食蕃茄嘅人。清湯就冇咩特別不過不失。我地叫左日本鹿兒島黑豚肉，豚肉味道非常好，啱晒我呢啲唔食牛嘅人，要搵到一間食豚肉出色嘅係好難得既。除此之外我哋仲有叫咗雞翼，佢嘅雞翼款式有好多，成個拼盤咁，黎都係七彩顏色嘅，好吸引。海鮮拼盤方面，我最鍾意就係食廣島蠔同埋帶子，大隻得來又新鮮。

天氣凍真係好適合打邊爐，今日搵到一間打邊爐放題嘅日式火鍋店，餐廳嘅環境裝修唔錯好有日本風格，而家冇得去旅行，唯有望梅止渴住先啦。咁今日就同朋友叫咗兩個唔同嘅餐，我哋揀咗中華辣湯，咁嘅湯嘅辣到適中，幾香口。咁我哋分別揀咗美國特選牛肩胛同埋日本鹿兒島黑豚肉，佢嘅牛肉味好重，一啖一塊，好過癮。黑豚肉係比我想像中好味，好香豬嘅味道，真係好嫩口。海鮮拼盤亦都係我幾期待嘅，佢嘅海鮮非常新鮮，虎蝦好大隻而且好彈牙，日本帶子都好厚身，絕對值得一試。出面仲有任食嘅雪糕甜品同埋嘢飲，同埋可以拎其他唔同嘅配菜，真係物超所值。

今日經過西環，先發現原來相馬日式火鍋係西環都開咗分店。當然要帶埋屋企人一齊去食啦。之前食過佢觀塘嗰間，對於呢間嘅餐廳印象一向不錯。去到果然冇失望。我哋揀咗兩種唔同嘅火鍋底，有辣湯，同豚骨湯。 牛肉方面依然都係咁靚，食落都好有牛味，連海鮮都好新鮮。我哋不停地encore牛肉。真係好正！ 另外屋企人鍾意食雞翼，呢間又有提供多個口味，有蒜蓉牛油，芝士，蜜糖，土匪，麻辣…. 真係一次滿足晒咁😆 蝦多士同吉列蝦都好正，炸粉唔厚身，食到蝦味。屋企人都好滿意，完全係平民價錢既高質餐廳！

最鍾意同朋友去去食唔同嘅放題餐廳，今次朋友就帶咗我去一間任食火鍋嘅日式餐廳。餐廳設計好日系，環境方面都好企理乾淨，座位方面都唔會逼。$258一位，喺食物方面選擇都有好多，有火鍋，海鮮，雞翼串燒炸物，飲品同雪糕。湯底不外乎豬骨，辣湯，難得今次呢間餐廳有新嘅湯底提供，咁就試吓新嘢先，所以我哋加 $18 左揀咗個牛乳火鍋。 肥牛方面，賣相已經好靚，脂肪分布好均勻，食落口都好嫩。串燒方面都幾有驚喜，牛肉同雞肉串都燒得啱啱好，調味都非常不錯。粟米都好甜。最後當然要食埋個雪糕，先至係完美嘅一餐。

我同朋友就最鍾意食放題，可以隨意點嘢食又唔使擔心價錢，今次就揀咗西環嘅相馬日式火鍋，上年見過佢哋有做大閘蟹任食放題都已經好感興趣，可惜嗰時冇時間去。依家天氣凍咗又好想打邊爐，當然馬上約埋朋友一齊去試吓啦～呢間餐廳真係好抵，$258可以食到火鍋，美國特選牛肩胛，海鮮，雞翼串燒炸物，真係高CP值！特意試咗佢哋嘅牛乳小鍋，啱晒女性。牛肉方面真係好正，完全係雪花肥牛，食落好足牛味！ 另外嗌嘅小食，蝦多士好正好香，吉列蝦嘅炸粉唔會太厚，蝦都好新鮮。今次真係好滿足！

終於挨到放假嘅日子啦，緊係約朋友食飯聚下啦。網上搵到間環境靚又抵食既餐廳，仲要近屋企，當然要去試試啦。一到餐廳，環境同網上睇嘅一樣，感覺好乾淨，裝修都好有日本風味。見到呢間餐廳嘅湯底居然有牛乳小鍋，梗係加錢試試啦。火鍋料方面有美國特選牛同海鮮。牛肉雪花分布好靚，食落都好嫩滑，好有牛味。海鮮方面選擇都有成六七款，當然每款點啲嚟試吓啦。帶子青口同蝦食落非常新鮮，有質素。牛肉串同雞肉串都好好食，燒得啱啱好並唔乾，連粟米都燒得好甜。最後當然要食埋個雪粒，咁先叫滿足呀。

對一個鍾意打邊爐嘅狂熱者來講，搵到一間CP值高嘅任食火鍋店真係好幸福。相馬日式火鍋有好幾間分店，今次就揀咗西環分店試試先。餐廳整體來講好乾淨，裝修方面都好有心思。都分咗唔同嘅區域，有醬料啦，蔬菜區域啦～首先當然揀咗個湯底先，有唔少嘅選擇，我哋就揀咗一個辣一個唔辣嘅鴛鴦鍋。湯底方面，感受到餐廳嘅誠意，湯底係好有味。特別係辣湯方面，落咗唔同嘅辣椒同香料，辣度都啱啱好，並唔會過辣。海鮮食落好新鮮，牛肉脂肪分布都好靚，食落好嫩，而炸物方面，雞皮係有驚喜，炸得啱啱好，唔會太乾而且雞味好香。