相馬日式火鍋 (已結業)

放咗工約咗朋友食飯，即刻上網睇下附近有啲乜嘢餐廳推介。俾我哋見到呢間環境睇落不錯，性價比又高嘅放題餐廳。餐廳裝修方面好有日本味道，環境都好企理，乾淨。火鍋湯底方面其實都有好多選擇，我哋就一人揀咗一個湯底，由中華辣湯同豚骨湯。嚟到放題，當然要食牛肉啦。佢哋嘅美國牛脂肪分布好靚，食落都非常嫩。另外居然有埋海鮮任食，我哋每種都點左。青口方面係有驚喜，完全唔似出面急凍左擺好耐個d，食落好新鮮。總括而言，120分鐘任食火鍋，有牛有海鮮，每人先至$258 ，真係好值食！特別佢地既食材又新鮮又有品質。推介推介！

前一排見到網上話呢間餐廳好好食，咁啱朋友生日，特登約咗呢間餐廳同佢去慶祝。餐廳係任食火鍋，$258一個人，任食美國特選牛肩胛，海鮮，雞翼串燒炸物，飲品同雪糕，價錢好親民。火鍋配料方面餐廳都提供咗好多款，自己可以隨意去搭配，而湯底方面我哋係揀咗中華辣湯，豚骨鴛鴦鍋。首先當然試吓佢啲牛肩胛先啦，網上話佢啲牛好好食，一試真係同網上講嘅一樣。牛脂肪分布好好，食落好有牛味。我鍾意食辣配辣湯最啱，一試湯底都好正，有唔同嘅辣椒香料，加埋肉，味道好有層次！雞肉都好正，好滑。

對於我呢個咁鍾意食肥牛嘅人來講，有得任食嘅打邊爐真係好正！而且仲係優質高質嘅肥牛！真係對於一個打邊爐愛好者來講是一個天堂相馬日式火鍋， $258就可以任食120分鐘，有美國特選牛肩胛。牛肉一到真係同網上見到嘅一模一樣，花紋好靚，牛肉係薄切，肉質好嫩，肉味好濃。配埋我最鍾意嘅蕃茄湯湯底，簡直係人生一大享受。除左牛肉任食，連海鮮，串燒，炸物，飲品及雪糕都係任食。呢個價錢有咁多野食，又有質素，真係好抵！總括嚟講到呢間餐廳我同朋友非常之滿意，價錢合理又好食，要再Encore。

呢排天氣變涼左，係開始打邊爐嘅季節，搵到西環呢間相馬日式火鍋，性比價好高！$258一個人，可以120分鐘任食火鍋，任食美國特選牛肩胛，任食海鮮，雞翼串燒炸物，任飲及雪糕，價錢抵食又平民。我哋揀咗個蕃茄，清湯鴛鴦鍋，有好多配料可以選擇，火鍋配料種類都好多，醬汁都好多！特別要讚下美國特選牛肩胛，牛肉雪花紋好靚，稍為煮個10幾秒就已經食得，食落好有肉味，肉質正！我地一人食左兩，三盤 ，好滿足！呢度嘅120分鐘任食火鍋，仲可以食到唔同嘅海鮮，串燒，同埋炸物。真係超級豐富！ CP值好高！

I visited the first time 2 months ago and it was a good experience. But tonight was just a disaster, flies on the buffet bar, non responsive staff, horrible music (it was obvious the staff were just playing music from their phone & keep adjusting with the volume). Food was okay but wasn’t as fresh as I first visited. The staff just seems they are slacking off & want “you” to leave asap. Not going back for sure …

因為要去西環工作，就順使睇下有咩好食，就見到這間，坐低食第一轉就己覺得低食，再補點海鮮加靚牛肉，我就食左3個轉，真系台灣式的吃到飽，如果鐘意食海鮮就可以去試下啊，真系平靚正的。

話今日真係超級開心 又食到一間超級抵食嘅餐廳 今日嚟到西環呢一間 本身已經有好多嘅分店 平時都有食開佢嘅打邊爐 不過今日有個套餐就可以食埋呢個任食嘅大閘蟹 係任食大閘蟹 真係抵到爛 尤其係而家係大閘蟹當造時間 當然要趁住呢個時間過嚟食大閘蟹啦過到嚟環境一如既往都係一樣咁靚 其實員工嘅服務態度亦都非常之好 細個都嚟嘅時候都畀人一種好舒服嘅感覺坐低諗都唔使諗就知自己要食啲乜嘢 立即就同員工點咗呢個任食大閘蟹套餐 今日主要目的都係食大閘蟹 反而打邊爐係其次首先講下個大閘蟹 以任食嘅質素嚟講其實真係質素非常之高 好好食都好多高 最緊要真係超級多嘅大閘蟹 我叫完又叫完又叫所以食咗好多個 好耐都未試過食大閘蟹可以食到咁滿足 真係一個非常之好嘅體驗。

呢一間餐廳已經畀我食過好多次 食完又食食完又食 原因主要都係因為佢個性格比真係超級之抵 再加上同區之內嘅火鍋店其實都唔係好多 所以區內市民如果想食打邊爐基本上都會嚟呢一間食打邊爐 呢間餐廳非常之有心 成日都會出當造時間可以食到嘅嘢 所以好肯唔轉餐牌 唔怕會食到厭今日就知道佢係推出咗一個 任食大閘蟹嘅套餐 呢個套餐係變咗除咗可以打邊爐之外同時間都可以食埋大閘蟹 所以真係一次過滿足曬咁多個願望 我自己覺得價錢嚟講真係超級抵食 因為本身係打邊爐嘅價錢已經唔貴 同埋肉嘅質素亦都好好 壽司各自己好鍾意食佢呢個牛肉 牛肉好靚入口有少少入口即溶嘅感覺 再加埋有豬肉 豬肉乾都非常之 幼嫩嘅感覺 仲有好靚嘅雞髀肉當然今日主角就係大閘蟹 肯做大閘蟹任食嘅餐廳其實真係唔係好多 呢間做記大閘蟹仲要係幾好食幾多膏嘅大閘蟹 我食過嘅每一隻都幾新鮮 所以非常之good

蟹已經唔新鮮而且仲食得出有死蟹,柯打食物催好多次求其畀啲食物我哋就算,最離譜係串燒黎到係冰冰凍嘅好似喺雪櫃攞出嚟,話係新鮮鮑魚但啲鮑魚黎到仲未溶曬雪,我哋7點25分落咗四粒蝦餃催咗無數次結果我哋8點25分離開座位都係冇嚟到.....所有食物“菜”係最新鮮最乾淨,招呼不過不失！絕對失望！一定冇下次！

又到11月也是HOTPOT好時候，kk太話生日飯想食呢間，所以一早已BOOK左....適逢大閘蟹季節，呢度有得食(咁好？)，我地揀左無限時食足5小時個時段，一坐下先食蟹，雖則任食，但我都只吃了4隻(3乸1公)，乸多膏D，D膏實D，公嘅膏少D但就滑D，不過我覺得D 公有D腥...見佢地話有2、3隻蟹開出來都黑左，所以再ORDER，呢度D蟹係凍上，吾似上年金兜的熱熱上(忘記寫食評添)...食蟹夠皮之後開始火鍋，因為係一人一鍋，我就加錢($68) 要左黑松露牛乳湯底試下，烚嘢前飲一飲試味，幾好味呀，有點似磨菇湯....我都吾係食左好多嘢，除左大閘蟹，火鍋食左豚肉(OK吾錯)、蝦、蠔、帶子、蟹子丸、芝士丸、菜、豆腐、芋絲、粉絲....海鮮類OK， 不過我最後都冇食雪糕甜品果D，夜晚始終都不可多吃喇....我地坐在最尾一角，靜一D傾計好好....呢度環境都吾錯，食物OK正常，有D食物係要用QR CODE落單，因為有D我都冇叫，吾知味道點，其實佢仲有D熟食如炸物、串燒選擇但我冇食....服務正常啦....

話說 同朋友第一次去，去到大廈門好似好高級咁……以為係一間好唔錯既餐廳。點知去到門口，同店員講book左枱，店員好似好唔耐煩咁，你地係門口等下先。感覺已經麻麻地，終於到點菜既時候，明明店員話有一個鍋可以揀兩個湯底。 我哋以為三個人可以揀四個湯底， 原來最後係店員表達錯咗， 都係小問題， 點知店員想半推半就想我哋唔好改返自己想要嘅湯底，因為佢唔想係系統改單。心諗有冇搞錯呀～ 到咗之後落order嘅時叫牛喇，發現等左好耐都唔尼。搵站員問個明白，店員只係敷衍了事， 話我哋唔識用系統落單。 結果浪費咗好多時間，最後再3搵店員先發現店員搞錯左，所以我地落唔到單，白白浪費左勁多時間。所以整體會覺得店員服務態度差，唔老實，裝修又似茶餐廳，其他員工好似都似part time咁 ，對系統都唔熟。講真佢收既價錢同出面連鎖店放題，又差唔多，我會覺得去果鋪頭會好d。果日叫最貴果個牛，牛還可以，其他就一般般。後尾睇返openrice 先發現呢間鋪頭服務態度好鬼差。下次唔會再去

自從西環有地鐵之後, 多咗好多食店鋪食野, 今次就去咗呢間日式火鍋放題。可以地方係西環, 就算假日都唔算多日, 而聽我朋友講, 呢間鋪有時會出限定特價餐, 不過唔知係咪星期日所以唔見有, 而我地就揀咗最貴既牛小排個餐。熟食方面係肚餓而未有火鍋食時頂下肚既, 我本身唔食牛, 所以就淨食豚肉, 食落去唔算鞋, 而甜豉油個湯底味道幾好, 唔太甜剛剛好, 但又好香豉油味道,  而我D朋友因為揀咗最貴個餐, 督有3款牛肉揀, 牛小排, 牛肩胛, 進口牛肉, 進口牛肉下次可以唔洗揀啦, 而牛小排同牛肩胛, 無可否認牛小排係好味, 有牛肉味而夠淋, 脂肪均勻。海鮮方面一般啦, 唔算太出色。當然一定仲有其他丸呀菜呀。不過就有個自行調既焗茶, 有菊花, 圓肉, 紀子, 不過最大問題係.........D熱水唔熱係一個最大既問題, 令到我焗唔到飲。

如果你地想食到一肚氣，可以黎試下侍應服務真係冇諗過可以差成咁又用語言藝術同我地講可以俾我地叫鴛鴦鍋點知我地三個人都想一人一鍋，之後先講原來係佢地個爐壞左點野食時仲好笑，連我地點既餐都幫我地落錯攪到我地點唔倒牛同佢講佢又hea我地真心垃圾牛係好食，但服務咁差一定冇下次

方題食物的款色多，除了肉類又有包含不同款式海鮮，其中以生蠔為最出色。另外，一人一鍋的方式幾好，可以揀自己喜歡的湯亦相對衛生。價錢相對合理，用OpenRice又有折扣。抵食

Went there on a Thursday night and we went for the all you can eat Hairy Crabs hot pot with unlimited time. Arrived at 7, most stuff are to be ordered by phone/website… the help yourself buffet is only for vegetables… missed a couple of my orders and the choices are very limited. Abalone and some other seafood is not included, because only 2 of us… but then we went for the most expensive package!?!???! By 8pm most of the good stuffs that are supposed to be all you can eat are sold out….The only