相馬日式火鍋 (已結業)

試左成人$418再加一 $469.8，3小時任食大閘蟹放題，食左2小時15分鐘左右、就截大閘蟹單，之後就拎單埋嚟收錢，食物真的一般，海鮮除咗鮑魚，其他海鮮真係沒有味道，嘢食尚算上得快嘅，大閘蟹好細隻，但蟹膏有既，拎單埋枱位員工，我睇多兩下張單，好似見唔耐煩咁，問佢野就好匆忙的、但係乘客唔算好多、而其他放題食物，就和出面放題差唔多，不是特別出色，出面雪糕櫃內雪糕好似溶溶地咁，所以唔咁食，這次放題試一次就夠！！😟👆肉片好鞋👆👆溶溶地

今晚揀左個無限時大閘蟹放題，大閘蟹算係預期嘅，合理，上嘅速度都好快。除此之外，其他全部都好差。1. 肥牛同豚肉真係香口膠咁。2. 除左大頭蝦好味，其他海鮮都好唔掂，食唔落。3. 湯底唔知想點 。4. 雪糕出奇地好淋，好水，唔洗大大力都”筆”到廿幾球個隻。5. 員工服務差，又冇禮貌，感覺懶散。同埋可以話冇服務可言。另外，張枱明明有位放到食物，個員工突然”隊”個食物係我面前，乜都冇講，我以為玩周星馳回魂夜個隻- 俄羅斯輪盤😃💣🪴6. 兩人枱迫到去左年宵咁款。真心冇下次，亦都唔建議人去食，我未試過食d咁嘅質素嘅食物。你中意就去 ， 條路自己揀….🥲完。

一年一度的大閘蟹約會，早在10月初已訂位。可惜天公不作美，刮起8號風球來。又好彩，下午4時多就改掛3號風球。既然店家表明風雨不改，照常營業；我們也風雨同路，馬上出行!6時到達，店內已有不少客人，幾位店員都忙於招呼及安排。等了數分鐘就安排我們入座，又等了片刻，店員來下單先選湯底。又等了片刻，出了枱號單，自行用QR code直接下單。點大閘蟹需每次向店員下單，每次以每人兩隻起計。供應充足，大閘蟹新鮮熱辣上枱，蟹羔不算多，普普通通，肉味有鲜甜味，任食來計可以接受!電子餐牌內食物分類不算多，有海鮮、肉類、炸物、串燒及點心等。其餘蔬菜及丸類都是外邊自取。肉類算是正常，普普通通。海鮮本來賣相不錯，海蝦、大頭蝦都很大隻，但有部分蝦肉已感覺不新鮮。海鮮亦很快沒有足夠供應，見後面枱的客人不斷追單，原來海蝦早已沒貨。蔬菜及急凍丸類情況，真的似打風街市沒有貨感覺! 零零星星，賣相又不新鲜，蔬菜乾乾黄黄；丸類品質也不佳。串燒賣相奇特，雜亂無章，亦不太美味，就連燒菠蘿也是淡而酸的。雪糕櫃有兩桶開放式雪糕，客人自己取用，當下環境好像不太衛生。幸好旁邊放了多盒榴槤雪條，可惜! 沒有最壞，祇有更壞! 雪條已半溶及變形

相馬第一次幫襯，專登吃大閘蟹放題+火鍋，價錢400+，如果單單食火鍋就食200+，哩過價錢都好低啦，只不過覺得自己仲未食返夠本。大閘蟹隻隻都好新鮮，都有好多膏。一下子食左8只滿足啦。有好多海鮮，蝦，扇貝，帶子，生蠔🦪，特別是蝦，仲是生生猛猛。打邊爐點可以少左牛肉，哩度滴牛肉好大塊，食落去，大大噶滿足除佐生野，都有好多熟食，真是食到停唔到口啊。另外仲有好多其他選擇，例如麵類，甜品，雪糕🍦，丸類，菜類（不過黎食放題，哩過我就唔考慮食啦。哈哈）如果下次再黎，我可能單打邊爐啦，唔是食唔夠本

I've been here with my family to enjoy one last meal before I leave HK for work abroad. we expected to have a nice meal together where we could enjoy talking to each other for the last time. sadly the waiters didn't let us.because i wanted to eat all you can eat, but some other members of my family just wanted to order from the menu, we weren't allowed to sit next to each other. the staff accused us of going to give food from the all you can eat buffet to the others. it was compulsory that we be

(scroll down for the English version)喺openrice訂咗下午2點幾食 有啲人想食放題 有啲想散叫 但係女職員問完之後 有一個貌似比較高級嘅男職員過嚟話唔得，同一個booking*一定*要叫同一個餐問題係，政府防疫政策下，係要4個人一枱。當我地分左兩張枱嘅情況下，有冇必要全個booking叫同一個餐？同時，我已經specify話我地係唔會交換嘢嚟食，咁我想問問題喺邊？男職員話 問題唔係我地會唔會咁做 而係餐廳policy問題 佢又叫我地“控制自己情緒” 😇 但係職員同時情緒又好唔穩定喎 最後佢叫我地坐遠啲 去配合餐廳所謂嘅policy.如果我地真係去食放題d嘢，你可以收我地錢，但係未犯案先定罪係咩服務態度？？食物質素正常 但係同牛涮鍋嗰啲冇得比但係 依種奇怪嘅服務態度 同 餐廳policy已經食飽咗。強烈建議各位唔好嚟食。Today I had a booking to have meal in this restaurant. After being seated, some of my group wanted to order the all

同女神一齊食日式火鍋放題，西環好少呢類選擇。相馬日式火鍋真係CP值好高。晚市120分鐘放題，高級牛肩胛、牛小排、海蝦、青口、帶子、蠔⋯任食之餘仲好新鮮！！！ 湯底有十幾款任揀，我推介泡菜湯底，酸酸地好開胃（咁先食多兩塊牛㗎😜！）如果想挑戰一下辣湯底，可以一戰中式麻辣湯底呀！員工服務態度唔錯㗎！ 有一位叫Hazel 嘅員工俾嘅意見又夠中肯，女神揀咗清清地嘅清湯底！女神最鍾意相馬有好多蔬菜、蒟蒻、木耳呢啲「零罪疚感食物！點都好，最緊要係女神都食得好開心🥳！

相馬第二次光顧， 這次有鮑魚任食， 環境清潔， 而且座位舒適， 雖然空間不大，疫情時期，這樣才好，不會聚積太多人， 而且也有一人一鍋，如果不喜歡和人一起火鍋是不錯選擇，侍應態度親切， 今次有三個免費升級湯底，選擇了龍蝦湯和海膽湯鴛鴦鍋， 湯底濃郁 ，侍應發覺湯底有些燶味，所以幫我們換另—鍋， 但我們仍然沒發覺，所以待應很貼心， 食物新鮮 ，大頭蝦仍然生猛， 還有帶子，扇貝 ， 生蠔 ，熟食選擇有很多，尤其是那芝士丸，內有很多芝士， 牛肉有牛味，還很大塊， 鮑魚比較難咀嚼， 但我們也吃了很多，， 總括來說$358(假期)這個價錢，可以再試

環境不錯，店員服務OK，今次第一次到訪選擇了午市60 分鐘牛肩胛午市放題。用了OpenRice訂座，OpenRice pay 結帳。享受了不同的優惠和獎賞。牛肩胛肉質量每碟都不同，雞肉和豬肉味道都可以。還有各式各樣的丸仔，主食有烏冬還有蒟蒻，蔬菜選擇都算多。電子餐牌需要改良，如果一不小心便會點錯另外一種放題。幸好職員解釋得清楚。60分鐘放題其實很趕，下次會試吓午市套餐。沒有水/茶供應，雪糕ok但沒有寫牌子名，放題並沒有啤酒。

一個成日都會周圍搵火鍋食既我，今日就行過西環，見到呢一間相馬♥️♥️見到裝修咁靚入去試吓✌️✌️✌️好得意思行過一條樓梯，之後就到了🥳🥳感覺好有日式風味🤤🤤我自己就叫咗牛肩胛既餐🥳特別要講下呢個辣湯底，真係落足料，辣得來好香。👍👍👍👍海鮮都係件件大隻，幾新鮮😏當然唔少得我最鍾意嘅主角牛肩胛，睇佢肉同脂肪分布都好靚😎所以整熟咗之後口感都仲係好好👍👍👍總括來講裝修坐得舒服之餘嘢食質素都好，呢個價錢亦都抵食👍👍👍

之前在網上看到他們的宣傳影片海鮮,牛小排仲有點心任食，所以今次決定試吓這間睇吓是否性價比高。$338冇限時有三個湯底選擇我同朋友就叫了一個鴛鴦湯龍蝦湯底同埋黑松露牛奶湯底。當水一滾嘅時候兩個湯底都非常香但黑松露湯底就香味重但係食落去味道唔夠鹹唔夠味道反而有驚喜的是龍蝦湯底色香味俱全。這個套餐一開始會先上一個海鮮拼盤已經有大頭蝦，虎蝦，鮑魚，青口，扇貝蠔，蜆同帶子。 分量十足。如果配襯龍蝦湯底生蠔，鮑魚，虎蝦（仲有蝦膏係入面）最為出色不停追加。鮮蝦亦有四款選擇。其他海鮮都好新鮮只是這三款海鮮更出色。任食入面包括頂級牛小排，特級牛肩胛，鹿兒島豬肉。牛小排肉嫩，牛肩胛肉味重各有特色。今次特別在仲有點心即叫即正有燒賣蝦餃牛肉等等我們點了燒賣同蝦餃。蝦餃好食少少燒賣就有雪味。而這間店仲有燒物同炸物雖然不是今次主打食材但亦沒有馬虎。但因為今次重點是食海鮮所以就沒有點其他食物了雪糕方面有五個雪糕口味朱古力芝麻薄荷綠茶椰子味仲有MILANO嘅蜜瓜芒果同士多啤梨雪條。店員服務很好亦很主動收碟上菜亦很快速可能因為西環店的關係人流不是太多相對位置比較寬敞冷氣充足10分舒服。如果以這個價錢食到以上嘅嘢都算性價

九十幾蚊就有個牛肉加半放題火鍋實在幾抵食。牛肉總共有七八塊, 唔會話薄到透明嗰種亦都大快六熟咗之後仍然保持到有牛味同埋唔會好嚡嘅肉質，對得住呢個價錢。然而其他放題材料都好豐富菜類，有冬瓜翠玉瓜生菜娃娃菜金針菇冬菇，有比較少見嘅通菜，油麥菜，雞髀菇，好適合最近想食多啲菜嘅我。 醬汁方面亦都足夠，起碼有基本配置，豉油蔥蒜麻油,呢啲通通都不缺，自助區食物排放整齊，企理，乾淨，值得一讚。店員服務亦好好，見到冇乜湯，已經主動過嚟加，根本唔使自己舉手。

超想食牛，相馬日式火鍋晚市放題有3種選擇，$178, $258 & $308。加左人工想食好啲，所以揀左$308（星期五六日，公眾假期及前夕要加$20），上菜速度好快，落單後幾分鐘就上菜。最貴嗰款可以食埋牛小排，中間價位可以食牛頸脊，一分錢一分貨，我覺得畀多50蚊食埋牛小排好值，大家如果budget有限，我覺得$258都已經好食得過。牛頸脊同牛小排都好有牛味，牛小排肉質會再嫩滑啲。牛嘅水準完全保持到，碟碟都咁靚，唔係淨係頭個round靚，激讚。另外，好值得讚嘅地方係選擇多，除咗一般放題都會有嘅海鮮、菜&丸，仲有炸物同串燒，我哋覺得炸午餐肉&炸墨丸都好好食。海鮮類最推介係大頭蝦，上枱時仲好生猛，好甜，彈牙，大滿足嘅一餐。大推！！！

早排去西營盤食素菜，回程時路經德輔道西，見到「相馬日式火鍋」喺瑧璈 1 樓開咗間新分店，想起都有好一段日子無約小鬼一齊打邊爐，趁周末就嚟個火鍋聚。店舖面積頗大，環境相當闊落，空間感十足，裝潢簇新時尚，光猛透亮，加上地方乾淨企理，令人坐得舒服自在。餐廳提供多款高質靚牛，我哋今次就揀咗個 120 分鍾任食「Prime Grade 牛肩胛火鍋放題」，套餐包多款肉類、海鮮、燒物、炸物、火鍋配料等，另外仲有飲品同雪糕可供選擇。湯底可以揀一人一鍋或者一個鴛鴦鍋，點咗牛乳同豚骨，牛乳湯底白雪雪，入口充滿奶香，美顏又養生。豚骨湯底味道鮮甜，極具豬骨濃香，啖啖和風滋味。肉類有 4 款，Prime Grade 牛肩胛油花細密，而且每片都切得大塊又厚身，入口帶甘甜牛脂香。美國進口牛肉質素亦唔錯，非常軟滑又夠肉汁，牛味濃郁。雞髀肉軟嫩又無骨，入口啖啖肉。豚肉脂肪分佈平均，肉質鮮嫩，入口即溶。海鮮拼盤有多款時令海鮮，當中包括有大頭蝦、虎蝦、帶子、青口、蠔、蜆、東風螺同蟹柳。大頭蝦很大隻，淥完都無縮水，蝦肉結實彈牙，鮮味無比。虎蝦亦不遑多讓，肉質紮實飽滿，蝦味濃郁又鮮甜。帶子肉厚肥美、青口新鮮爽彈，淥一淥就拎得上

相馬日式火鍋網址: https:地址: 西環西營盤德輔道西321號瑧璈1樓2B號舖電話: 21170915=====================第一次在觀塘幫襯過，想不到發展到有規模，多了很多分店，佢肉類幾高質架，雖然是任食但都唔係隨便架人均二百中價錢，視乎叫架肉質來定，而其他蔬菜同肉類任食，又有飲品牛肉來了兩盤豬肉見到粉紅色加白色分佈平均的脂肪海鮮如蝦，青口蠔都肥美不俗菜也非常新鮮，鮮甜爽口仲發現有熟食架，炸物雞翼都甚惹味，仲有燒雞皮呀，食薯片一樣我一人獨力食左6串西環鬼老西餐多，難得揾到我鐘意食架打邊爐，開冷氣室內食到出汗爽