相馬日式火鍋 (已結業)

今日經過西環，先發現原來相馬日式火鍋係西環都開咗分店。當然要帶埋屋企人一齊去食啦。之前食過佢觀塘嗰間，對於呢間嘅餐廳印象一向不錯。去到果然冇失望。我哋揀咗兩種唔同嘅火鍋底，有辣湯，同豚骨湯。 牛肉方面依然都係咁靚，食落都好有牛味，連海鮮都好新鮮。我哋不停地encore牛肉。真係好正！ 另外屋企人鍾意食雞翼，呢間又有提供多個口味，有蒜蓉牛油，芝士，蜜糖，土匪，麻辣…. 真係一次滿足晒咁😆 蝦多士同吉列蝦都好正，炸粉唔厚身，食到蝦味。屋企人都好滿意，完全係平民價錢既高質餐廳！