相馬日式火鍋 (已結業)

我同男朋友一人經典一個辣嘅湯底我就叫咗泡菜湯，我男朋友就叫咗中華辣湯。我覺得佢嗰個湯底俾我嗰個辣得多，我嘅泡菜湯仲嘅菜全部都浸到入味😍職員鐘提我地會有海鮮拼盤！同埋其他特色嘅小食拼盤。不過我哋今日太肚餓啦所以主攻海鮮同埋肉類😌海鮮拼盤入邊嘅海鮮類別繁多有:日本帶子，廣島蠔，蟹棒，青口，虎蝦，蜆，螺，我最鍾意係佢嘅青口同埋帶子😝我男朋友話佢覺得廣島蠔就係最好食😋肉類方面除咗有雞腿肉仲有美國特選牛肩胛同日本鹿兒島黑豚肉。相比之下我自己反而更鍾意日本鹿兒島黑豚肉同美國特選牛肩胛！因為佢每一塊都係薄切，大概煮半分鐘左右就可以食得啦！我哋兩個人加埋差唔多食咗20碟😝

我一直都知道西環有間火鍋店都係幾出名，係連鎖式除咗西環有之外，觀塘、火炭等等都係有分店㗎！我見好多人都讚佢嘅火鍋所以今次到你試吓，一人一鍋唔怕搞肚痛！今日除咗試吓佢嘅中華辣湯底之外，仲叫左個清湯，我覺得個中華辣湯真係幾辣，我同朋友試過之後都一致讚好。另外有樣嘢要讚嘅除咗係佢哋嘅肉之外仲有佢哋嘅炸物拼盤，首先佢哋丹麥拼盤款式都算幾多，我認為佢個炸墨魚丸係最好味，炸粉唔會太多炸完之後仍然非常彈牙。比一般嘅店舖都做得好。美國特選牛肩胛同日本鹿兒島黑豚肉兩款肉類我都覺得非常之好食，如果比較之下我會認為美國特選牛肩胛我更加愛，因為佢唔需要淥太耐，我一個人都食咗六七碟。

今日同埋媽咪一齊出去打邊爐，我哋兩個都唔係好食得辣㗎所以我哋都叫咗甜豉油湯底😚好彩佢嘅湯底唔會話好鹹，調得啱啱好最後煮埋娃娃菜嘅時候吸晒啲味超級甜呀！美國特選牛肩胛同日本鹿兒島黑豚肉，兩個肉質一樣度唔錯，我哋叫多咗勁多round！我覺得呢間店舖非常之誠實，我哋叫幾次每一次肉，質量都相若，唔會話上枱嘅第一份特別靚👍🏻全部都均一我覺得真係唔錯🙌🏻我覺得呢度嘅職員服務態度非常之好就算餐廳好多人佢哋都不厭其煩將唔同嘅資料講俾我哋聽。提醒我哋嘢食可以任叫，最緊要食得晒👍🏻同埋有介紹到佢哋最出名嘅小食拼盤，不過我媽咪唔太鍾意食煎炸嘢，所日以今次就冇乜點叫！我已經同咗男朋友同埋爸爸講下次帶佢哋嚟試一試！

呢間火鍋店可以一人一鍋實在太好了，我今日都一樣係食返平時最愛食嘅甜豉油湯底。我覺得佢個湯底唔算太鹹啱晒我。我阿哥就叫咗中華辣湯，佢話好啱鍾意食辣嘅朋友嚟挑戰。店員仲同我哋講原來佢哋有海鮮拼盤可以任食，我心諗唔係啩咁抵！會唔會質素好差㗎 ？點不知海鮮拼盤份量超級多有好多唔同類型嘅海鮮:日本帶子，廣島號，蟹棒，青口，虎蝦，蜆，螺！我覺得質素都唔錯，特別係蜆！冇沙真係好緊要！！！另外我阿媽話好想試吓佢嗰單骨雞翼，我哋就order左一份！太爽啦單骨真係好方便我哋唔使用手食😆媽咪食完之後竟然話返屋企要搵吓食譜試吓下次再整俾我，因為佢覺得芝士同埋蜜糖雞翼都整得非常之好👍🏻最緊要係佢哋新鮮製作即叫即整🤫太有愛了，一啲都唔馬虎。

我同同事都係勁鍾意打邊爐，今日我哋興起又想去啦，我哋決定呢一間我哋從來都未試過嘅餐廳。入到去餐廳職員為我哋介紹原來可以一人一鍋！我哋梗係唔放過呢個好幾回啦終於可以唔使同佢啲湯底滾到撈埋一齊😏 我自己就叫咗個甜豉油湯底，我同事就叫咗個中華辣湯🫢佢話要挑戰下到底有幾辣。雞翼拼盤我就我覺得佢個土匪雞翼仲好食過譚仔，仲有個水牛城雞翼都係好出色！炸物拼盤就有墨丸，蝦多士，蟹子丸，米網蝦春卷，吉列蝦，午餐肉，芝士春卷等等，而我最鍾意嘅就係米網蝦春卷，成舊春卷香酥可口，唔會太多炸粉。如果大家有機會嚟嘅話都一定要試吓佢嘅特色小食拼盤啊！因為全部都係即叫即整熱辣辣上枱。我同朋友仲要唔執輸大家比拼下到底食咗幾多隻雞翼添😝

去過咁多間打邊爐地方，相馬呢間真係幾好湯底ok有6款免費湯底選擇，價錢我覺得好合理，起碼好過某d連鎖式火鍋地方，相馬我去過3間分店，最差係觀塘，因為禮貌方面完全欠奉，西環呢間就超級好禮貌！特別係個女經理！所以要去我建議西環間分店，海鮮類特別係所有蜆類一隻都未食過有沙！任食時間又長，唯一唔好處係野飲refill情況！坐既位又舒服，但除咗近收銀嗰度會有滴水情況，其他都冇問題！如果坐地鐵去就行得遠，最好選擇巴士之類

今日同好朋友一齊到訪西環火鍋店，原來可以一人一鍋，我同朋友分別叫左清湯同埋泡菜湯底。我唔食得辣所以唯有叫清湯啦。我個好朋友同我講佢話佢覺得呢個泡菜湯底好地道好好味😋估唔到咁特別竟然有韓式湯底👍🏻肉方面我哋就叫咗兩款，分別係美國特選牛肩胛同日本鹿兒島黑豚肉。兩個肉質都唔劣㗎！我覺得放題來講呢個質素係verygood！薄片可以叫多幾碟冇咁大罪惡咁，兩款肉油脂分布都好平衡，感覺都唔係咁邪惡🫢最後仲要介紹嘅係佢哋有好大個地方俾大家任選火鍋配料，仲要都幾乾淨。平時去開嗰啲火鍋餐廳成日都污糟邋遢令到我唔想夾。今次反而呢間幾乾淨，抵讚！

而家疫情嚴重我覺得食嘢都係小心啲好，本身我腸胃都唔算太好所以好怕啲嘢食煮唔夠熟，一人一鍋就啱晒我。唔會生熟溝埋，可以減低肚痛嘅風險。我今日就帶咗豬骨湯底，我覺得超級入味啊！個湯仲要煮得好濃。我叫咗好多日本鹿兒島黑豚肉，放落去淥熟後，我覺得食落更有豬味😆除此之外我好欣賞佢哋嘅單骨雞翼拼盤，切開咗單骨真係好方便食用，我最喜歡就係佢嘅蒜蓉牛油雞翼，芝士雞翼，蜜糖雞翼，我仲要order咗好多round！食到勁飽，而約左朋友下次再嚟食。我覺得呢度嘅地方好舒服，地下好乾淨唔會污糟邋遢，餐廳職員和藹可親非常友善。希望餐廳長做長有，等我變飯堂。

又來呢間西環嘅火鍋店啊，上次已經同男朋友講好後悔冇寫食評今次一於為大家介紹吓。首先去到我哋已經揀咗泡菜湯底，上次食過之後對佢流連忘返，而家冇得出關就唯有繼續思鄉啦！大家一定要叫佢嘅雞翼拼盤，因為真係勁好味😋雞翼款式共有7款，分別係:，土匪雞翼，水牛城雞翼，麻辣雞翼，蒜蓉牛油雞翼，芝士雞翼，蜜糖雞翼，黑椒雞翼。我男朋友覺得最好食係土匪雞翼同埋水牛城雞翼，而我就覺得蒜蓉牛油雞翼同埋蜜糖雞翼最好味😋仲有啊我哋中有叫到海鮮拼盤:日本帶子，廣島號，蟹棒，青口，虎蝦，蜆，螺。你睇吓嗰隻虎蝦幾大隻😍最後要介紹嘅就係美國特選牛肩胛，你試過就知到底有幾好食了！

哈哈今次已經係我同我男朋友第二次嚟啦！可能你問我點解會再encore，因為呢度啲嘢食真係好好食！最緊要係佢可以一人一鍋同埋佢個中華辣湯真係超級辣🤫有興趣可以挑戰下！今日叫咗美國特選牛肩胛同日本鹿兒島黑豚肉，我哋兩個人差唔多食咗10碟，佢每一片都係簿切，淥一淥就食得！最緊要嘅係佢啲肉質非常好👍🏻仲叫咗炸物拼盤，有墨丸，蝦多士，蟹子丸，米網蝦春卷，吉列蝦，午餐肉，芝士春卷。果然好好食呀平時就聽人介紹得多原來佢個蝦多士真係可以做到外脆內軟👍🏻好食過好多餐廳！我諗佢永遠都係我嘅火鍋飯堂😝

同屋企人一家三口，想搵個地方食晚飯經過討論之後我哋決定食放題！媽咪朋友推介我哋去食西環呢間連鎖火鍋店。一人一鍋實在太好了，我就可以揀我最鍾意嘅泡菜湯，媽咪同爸爸就可以揀甜豉油湯底。咁樣分開就可以試到多啲唔同嘅湯底啦，我見餐牌仲可以升級加錢叫其他添。款式都幾多！我阿爸同我講佢話佢下次一定會再嚟，因為佢覺得呢度嘅牛，肉質非常之正。佢話佢對呢個美國特選牛肩胛念念不忘🫢真係夠晒誇張。我哋三個人差唔多食咗12碟左右，每一點都滿滿咁樣上枱，仲要肉質超級好😏下次我都要同佢地一齊再嚟啊！

你冇睇錯啊個標題真係寫住炸物拼盤任食！佢個炸物拼盤真係不得了。炸物款式分別有:墨丸，蝦多士，蟹子丸，米網蝦春卷，吉列蝦，午餐肉，芝士春卷等等。全部都好好食，即叫即炸，脆卜卜熱辣辣上枱。我男朋友話超級正仲要可以任食💁🏻‍♀️我最鍾意佢個芝士春卷同埋午餐肉。因為真係好好味，強烈建議大家一定要叫💯火鍋方面我哋今次就叫咗最普通嘅甜豉油湯底，佢個湯底都整得幾好唔會太鹹🙌🏻我最鍾意留啲菜煮到最後，入晒味真係超級正。除此之外我想讚下呢度嘅職員，佢哋嘅服務態度非常之好🫢仲會教我哋點樣QR code落單，地方非常乾淨，值得encore！

西環呢間連鎖火鍋店我已經聽過幾次，今日終於有機會黎！一入到嚟地方超大都不在話下，仲要都幾乾淨。職員服務嘅態度都非常之好，最緊要係佢啲嘢都幾新鮮🙈你過一次之後下次我一定會再嚟幫襯佢！叫最多嘅就係美國特選牛肩胛同日本鹿兒島黑豚肉，一碟嘅份量都幾多，我同男朋友兩個人食咗差唔多六七點就已經飽到上心口。最後仲有海鮮拼盤爭啲唔記得咗講，佢啲海鮮真係好新鮮！仲要款式勁多！！！有日本帶子，廣島號，蟹棒，青口，虎蝦，蜆，螺😍呢個價錢食到咁多嘢已經好滿足了！下次一定要帶埋一班朋友再嚟幫襯！

我同朋友都勁鍾意食韓國嘢，佢今日同我講話搵到一間餐廳喺西環係有泡菜鍋食！我梗係俾佢吸引到啦😎我見佢晚市放題都唔算貴所以我哋就決定試一試。今日梗係叫我哋嘅主題泡菜湯底啦😆我想講佢嘅泡菜湯底做得非常之唔錯，湯底非常濃郁好似去咗韓國一轉咁呀。我哋仲叫咗美國特選牛肩胛同日本鹿兒島黑豚肉，兩個都係薄切，餐廳職員同我哋講話淥一陣就可以食得㗎喇😚肉嘅水準都唔錯encore左好多次啊每一碟都同上一碟一樣咁好食。最緊要佢哋嘅肉質口感非常好💁🏻‍♀️愛了愛了！仲有啊佢嘅海鮮同埋雞腿肉都一樣好吸引㗎！兩個人食得好鬼死飽啊，我哋下次決定再嚟試吓佢其他湯底係咪一樣咁好味💖

今日終於要同爸爸慶祝生日，我同阿妹同埋阿哥決定帶爹哋媽咪去食火鍋放題最後我哋揀咗好多間先揀到呢間西環嘅火鍋放題店！雖然選擇多多但係我哋決定揀呢間餐廳嘅原因係因為佢有好多唔同類型嘅食物好啱我哋一家大細。首先喺鍋底方面我哋可以一人一鍋唔使爭！除此之外仲有我最鍾意食嘅牛肩胛可以揀！仲有唔食牛嘅媽咪都可以都可以食佢哋嘅日本鹿兒島黑豚肉。全部都係肉質超好嘅肉嚟㗎唔使擔心！仲有啊佢哋嘅炸物拼盤雞翼拼盤同埋海鮮拼盤都係非常非常之正！我放晒我最鍾意嘅海鮮落去豬骨湯入邊真係煮得超級入味！