相馬日式火鍋 (已結業)

春天都嚟啦，點解仲係咁凍嘅，天氣凍就會想食好多嘢，打邊爐放題就最適合啦。今次就揀咗呢一間叫做相馬嘅放題火鍋店，之前我有試過食佢哋嘅大閘蟹放題，亦都係相當唔錯，所以今次再試下佢嘅牛肉放題。美國特選牛肩胛套餐，咁佢入邊會包含咗海鮮拼盤會一齊送過嚟嘅。佢既肉一嚟到，我就已經覺得好大碟，肉質好鮮紅色，肉嘅油花好清晰，淨係睇已經覺得好正。廣島蠔好大隻，煮咗都唔會點縮。之後再叫咗一個炸物拼盤同埋串燒拼盤，兩個都係非常之大碟，如果係兩個人食嘅話，我會建議二選一，食完再叫另一樣。雖然係咁大碟，但佢樣樣都真係好好味，炸粉完全唔厚，翠玉瓜入邊仲係好Juicy。金菇肥牛卷充滿着牛肉汁亦都係我嘅最愛。