相馬日式火鍋 (已結業)

西環呢間日式火鍋店係我喺社交平台睇人哋介紹見到㗎，今日同媽咪一齊嚟食下佢哋嘅火鍋睇吓係咪真係咁好食先！我哋兩個都叫咗甜豉油湯底，因為真係好掛住日本呀！除此之外我哋仲叫咗兩款唔同嘅肉類，分別係美國特選牛肩胛同埋日本鹿兒島黑豚肉！啲人果然係真係靚貨入口即溶！一口一片，佢啲肉質全部都好嫩，油脂分布平衡，唔會話過分油膩所以我哋兩個人都叫咗好多次，希望餐廳職員唔好嚇親啦😏最後職員見我哋食得咁開心佢仲介紹我哋叫我哋試吓食雞腿肉！果然真係冇介紹錯啊，好好味😋一樣都係唔會好難咬肉質幾好不過今日食得太飽喇所以我哋下次會再戰！至於你可能會問食咁少點會飽啊，因為我哋仲有海鮮拼盤啊！海鮮拼盤有好多唔同類型嘅海鮮！幾百蚊可以食到已經好滿足！日本帶子，廣島蠔，蟹棒，青口，虎蝦，蜆，螺等等全部都係我最鍾意食嘅海鮮！

作為飲食達人既我，梗係要上網搜尋下有啲咩好味嘅嘢食，今次就搵到一間性價比比較高嘅放題，258蚊一個人，就食到120分鐘嘅火鍋。咁我揀咗中華辣湯，佢個湯幾香，但係我就覺得可以再辣多少少。咁我同朋友就各自揀咗美國特選牛肩胛同日本鹿兒島黑豚肉，兩個都係薄切，煮十幾秒就食得，一啖一口好正，不知不覺就食咗差唔多五六碟。海鮮拼盤就真係比我想像中多款式，一共有七款，有日本帶子，廣島蠔，蟹棒，青口，虎蝦，蜆同螺，加埋個辣湯，有香辣海鮮鍋嘅感覺。

鍾意食牛肉既我，周圍會搵吓邊度有好味嘅打邊爐放題，咁今次就揀咗呢一間位於西環嘅日式打邊爐餐廳。咁我揀咗豬骨湯底同中華辣湯雙拼，豬骨湯底味道好濃郁，有少少似出前一丁豬骨湯嘅濃郁版，而中華辣湯比我想像中辣，應該係我自己本身唔係食得辣。咁我今次就叫咗美國特選牛肩胛，牛肉普普通通勝在牛味重。反而我幾欣賞佢嘅雞翼，芝士雞翼係比較少地方有嘅，出邊西餐廳一碟都已經70至80蚊，所以呢度食放題包埋我覺得好抵。串燒拼盤都幾大盆，免治雞肉棒係幾正嘅，金菇肥牛卷口感一流 ，仲有大頭蝦食，真係好多款式。

放題火鍋店，我又來啦!!次次有親任食我都唔執輸，今次比我搵到一間位於西環嘅任食火鍋放題。餐廳嘅位置座位都係比較闊落，坐得好舒服。今次叫咗蕃茄湯底同豬骨湯底配美國特選牛肩胛，上菜嘅速度都非常快，坐低咗唔夠10分鐘就食得啦。佢嘅牛肉油脂係比較少啲，所以牛嘅肉味係非常香，但係食落亦都係好嫩口。我分別都有叫到炸物拼盤，雞翼同埋海鮮拼盤，大食嘅我當然樣樣都要試吓啦。不過佢份量真係相當多，樣樣都一大碟，好似全部都係拼盤咁。特別欣賞係炸左嘅午餐肉，平時會少啲機會食，芝士春卷都幾特別，面頭夠脆入邊係軟芝士。

今次嚟到呢一間食120分鐘嘅放題，我平時食嘢都係比較慢嘅，所以90分鐘嗰啲對於我來講食得有啲急，同埋嚟得打邊爐多數都係想同朋友吹水，所以呢間任食放題打邊爐相當唔錯。我同朋友揀咗清湯同埋蕃茄湯底，咁我哋都係揀日本鹿兒島黑豚肉，肉嘅水準唔錯，Encore左幾次，都一樣保持到，之前去過一啲餐廳真係試過越叫越差，所以呢間一定下次會再返嚟再食。除此之外仲有海鮮拼盤，放入打邊爐食好鮮味。外面自助區仲其他配菜，菜嘅款式都有接近十種，真係花多眼亂啦。

今次嚟到呢食呢個一人一鍋嘅任食放題，感覺似係新裝修嘅，樓底好光猛。蕃茄湯底係我嘅最愛啊，平時我都會去好多唔同嘅餐廳都好鍾意食蕃茄湯底，酸酸地好開胃，而且感覺上都係比較健康嘅，今次呢個番茄湯都相當唔錯，味道都濃郁。二百幾蚊就食到美國特選牛肩胛，真係相當抵，肉質口感非常好，食到最後忍唔住飲咗幾啖蕃茄牛肉湯，哈哈好過癮，天氣凍食打邊爐真係好正。炸物拼盤好豐富呀，對於我來講真係太大碟啦，佢嘅款式好多，而且樣樣都好好味，炸粉又唔厚，食完一碟飽晒啦。海鮮拼盤日本帶子同虎蝦真係冇得頂，真係要不停encore。

而家疫情帶住小朋友周圍都冇得去，最好消磨時間嘅就係食下打邊爐啦。今次呢個放題係有兩個鐘頭任食，真係可以嘆住咁慢慢食。今次揀咗兩款都係唔辣嘅湯底，豬骨湯底同埋蕃茄湯底，兩個湯底都好好味丫。而選擇嘅套餐就係美國特選牛肩胛，牛肉色澤睇落就已經好新鮮，食落真係好嫩。雞翼佢嘅味道有好多款，而且係單骨嘅雞翼，好方便咬。小朋友自己都食到，基本上市面上你見到嘅雞翼嘅味道佢都已經出現晒，真係每款都要試吓，好正。串燒拼盤真係大人細路都鍾意食，平時出邊食串燒，都至少要十幾$20一串，佢呢度一疊嘅份量都差唔多成百幾蚊，真係超值。小朋友就最鍾意食燒魚餅，而我就當然最鍾意食大頭蝦。

終於等到放假啦，同朋友去完行山之後，就諗住搵一間任食嘅放任一下，話晒啱啱做完運動當然要獎勵吓自己啦。去到我哋都已經好口渴啦，所以第一時間沖去飲品櫃，佢嘅款式都幾多，有甜亦都有唔甜嘅。而我哋就揀咗清湯同蕃茄湯底，個人認為蕃茄湯可以再酸少少就好啦。今次係揀咗美國特選牛肩胛，咁佢嘅價錢係258蚊任食兩小時既。呢個價錢佢仲包埋有得食海鮮，真係性價比一流，佢仲要係包含一啲比較貴價嘅海鮮，有虎蝦，日本帶子同埋廣島蠔。不得不稱讚嘅係佢嘅雞肉都好好味，好鮮嫩，煮完出嚟仲係咬落有啲雞汁，好滑身。

今日帶男朋友去食任食嘅放題，平時返工咁辛苦，當慰勞下佢啦。我哋兩個平時都係食肉獸，所以火鍋放題對於我哋嚟講真係天堂，有任食嘅肉。咁我哋揀咗泡菜湯同甜豉油湯底配美國特選牛肩胛套餐，咁我哋去咗自助區拎少少會再返嚟，嘢食就已經到齊啦。炸物拼盤好大碟，一共有七款餸，樣樣平時都唔係好多時候會食嘅，今次就可以一次過來滿足七個願望，蝦多士口感好特別，炸午餐肉亦都係超級香口。串燒拼盤入面真係相當豐富，感覺上就好似放題一邊所有都各有一串咁，個人係非常鍾意食串燒，我最欣賞佢嘅免治雞肉棒，燒到香口嘅外表，外脆內軟，口感一流。金菇肥牛卷都唔錯，牛肉熟度啱啱好，金菇又吸晒牛肉嘅汁，好Juicy。

本來約了同事一同到此吃半自助火鍋，結果失望而歸。餐廳環境乾淨企理，同普通火鍋店裝修格局相差無幾。我手機下單海鮮、肉類和炸物等食物。manhai其中海鮮（青口）最令人失望！青口肉內有一些「鬚根」凸出來，見到都沒有胃口，我認為是清理不乾淨。另外，腸仔有股放臭了的味道，實在令人胃口直降！但有讚有彈，雖然食物質素不太友善，但湯底味道都尚可，最後埋單約四百幾加一，只能講性價比不高，但下次亦不會再光顧，亦不推介此家。

今次去到一間位於西環嘅火鍋放題專門店，都係咁啱經過見到，發現原來係相馬，之前我都有食過佢其他分店，估唔到西環都開左一間，睇裝修應該似係啱啱新開嘅。好耐冇去過旅行啦，泡菜湯底亦都係我最鍾意嘅湯之一，湯一嚟到就忍唔住試吓個湯先，湯好濃郁泡菜味都好重，少少辣咁，好適合冬天。咁我哋分別叫咗美國特選牛肩胛同埋日本鹿兒島黑豚肉嘅套餐，咁樣就兩樣都可以食下啦。見到咁多肉真係感覺好幸福，平時淨係鍾意食牛肉嘅我，今次食到豬肉都覺得好好味，原來黑豚肉係咁好味，哈哈。海鮮拼盤當然唔可以錯過啦，有七款嘅海鮮，我個人比較奇怪，我鍾意食啲蜆同埋螺，細細粒喺個口度，然後啲鮮味慢慢出嚟。

天氣又凍返啦，最適合就係打邊爐。上網睇到西環開咗一間新嘅餐廳，原來係食放題嘅。入到去環境相當唔錯，座位闊落 ，適合一家人去。咁我就揀咗一個老少咸宜都鍾意食嘅蕃茄湯底同埋甜豉油湯底。蕃茄湯比我想像中好味道，而套餐方面我哋就係揀咗日本鹿兒島黑豚肉套餐，佢嘅油花都幾多，所以食落都係好嫩，豬肉味好重。 套餐入邊值得一讚嘅係平時人哋最疏忽嘅雞肉，本身我係一個好鍾意食雞嘅人，佢嘅雞真係好滑，打邊爐煮完之後，咬落去係好Juicy,好多雞汁。

自助餐從來都係我嘅首選，最緊要係有得任飲任食，我個人最鍾意就係每樣食少少，乜都想試吓，所以只有放題或者自助餐先可以滿足到我。 我鍾意比較清淡啲嘅湯，所以揀咗清湯而我朋友就揀咗泡菜湯底，因為清淡啲嘅湯先可以食得出嗰樣嘢食原有嘅味道。日本鹿兒島黑豚肉，佢嘅肉質原本就係肌肉比較多油花，肉質嘅纖維容易咬斷，所以口感會比較嫩。配上清湯，豚肉嘅味道出晒嚟，口感一流。串燒拼盤都係必選嘅，平時食刺身放題先有機會食埋串燒，而家火鍋放題都有得食，真係值得加分。海鮮拼盤我就比較鍾意食帶子同埋蟹棒，因為其他都有殼，哈哈超級懶，但係海鮮真係好新鮮好好味。

成班同學聚會，最開心當然係打邊爐啦，雖然而家要分開兩個兩個人咁坐到好遠，但係都阻礙唔到我哋相處嘅時光。佢嘅座位好舒服因為都好闊落，啱晒我哋旁邊可以放背囊都冇問題。驚喜嘅係雖然我個人係比較鍾意食啲冇咁熱氣嘅嘢，餐牌上面嘅炸物炎燒我都唔係話特別感興趣。 但最開心嘅係，佢個自助區入邊有好多我想要食既嘢，芝心丸同午餐肉都係我必吃嘅首選。除此之外仲有好多唔同嘅菜類，蔬菜都係非常新鮮嘅。咁今次就挑戰下食辣嘅湯底，中華辣湯。咁佢比我想像中唔算係話真係好辣，辣度啱啱好，再食埋美國特選牛肩胛，辣得黎好過癮，一啖一塊，一個字爽。

今次係朋友介紹我過嚟食咩啊間日式放題火鍋店，呢間放題嘅收費係258蚊食120分鐘。原本我覺得$258 都唔算係平嘅價錢 ，但當我見到佢有咁多食物款式，性價比即刻高咗。自助區嘅分類好仔細，淨係蔬菜都已經有10幾款，同埋接近10款丸，飲品都有兩個雪櫃，同埋仲有甜品添。我哋揀咗美國特選牛肩胛套餐同埋日本鹿兒島黑豚肉，加上一人一鍋嘅清湯同埋甜豉油湯底。佢啲牛肉真係好嫩口非常唔錯。兩個嘅肉質都好好，肉味好重。雞翼真係超多款，感覺上有啲似去咗雞翼專門店，咩味道都有齊，個人比較鍾意食辣嘅雞翼，水牛城雞翼同麻辣雞翼都係我嘅最愛。海鮮拼盤真係食兩盤都回本，日本帶子鮮味十足，而且夠厚身。青口虎蝦都好大隻，真係大滿足。