相馬日式火鍋 荔枝角 (已結業)

無服務無質素野食唔新鮮，就連d 丸類 都酸酸宿宿主打卜卜蜆賣廣告， 一d 都唔出色出菜速度十分慢 ， 入場即刻落order 等了30分鐘都未上到菜最簡單炸物雞翼，番炸都算粉還粉 ，翼還翼，味道完全分開唔入味食過我最差既任食場火鍋唔想再黎，完全唔值呢個價錢咁做法上網落咩野廣告吸客都死無第2次最大鑊個場污糟邋遢，地下又跣腳唔好話個客會跣親，員工做野都會跣親邊有人用膠地板做火鍋場。真心傷心 ， 完全失望，食左45分鐘想起身走個隻

見好多朋友都介紹相馬嘅甜豉油湯底 我今日就試左佢哋嘅泡菜湯底一嚟到已經見到係紅卜卜咁 上面仲有唔少大大片嘅泡菜🌶️放配料前飲左一擔個湯底 味道好溫順 唔會有平時食泡菜嘅辛辣感或者刺激感 接受度好高😊放咗個烏冬去煮即刻有韓國嘅感覺🇰🇷必食嘅炸物拼盤有蟹籽丸 墨丸 蝦多士 芝士春卷 吉列蝦 午餐肉 米網蝦春卷吉列蝦炸到金黃色食落脆卜卜又唔會成淡粉或者剩係食到炸皮 係最愛嘅一款🍤另外平時午餐肉就食得多啦 炸午餐肉更邪惡更滿足😈點咗七味雞翼 分別係蒜蓉牛油 芝士 蜜糖 黑椒 土匪 水牛城 麻辣 亦都會撒左啲香草 每款味道都好突出 惹味得嚟都唔會好咸全部都係單骨上所以就可以食得比較有儀態

最開心係見到個自助配料區 去到自己調醬汁 我就調左每次食火鍋都整嘅辣椒加大量蔥花芫荽加醬油🥣多數人食火鍋任食嘅重點都係肉類 但我就更偏好攞多多嘅菜烚 有咬口得嚟又可以吸到湯底嘅精髓😋 呢度嘅蔬菜類有好幾款：油麥菜 娃娃菜 秋葵 玉米筍等等等等🌽 值得讚嘅系食物擺得好整齊而且摘得好乾淨 唔會有啲唔應該存在嘅部份留低🤣🤣 肉類方面肉食系男朋友就都好滿意🥩 選用左牛肩胛 肥膏位唔太多但食到肉質軟淋唔會硬柴柴小食方面仲可以點炸物 入面有細細粒嘅紫薯仔 軟糯香甜都幾得意🍠💜

自助吧位置亦有必備嘅自助調配醬料區域：蒜泥 辣椒 蔥花等等都會有，啱晒一眾醬料控😍蔬菜亦有幾多選擇 生菜、娃娃菜、蘿蔔、南瓜、冬菇、雞脾菇...🥬 全部都新鮮食得出鮮甜嘅味道🍄 中華辣湯底用一個高身嘅銀色煲裝著 貼心位系有兩個手柄就唔駛怕太熱辣親對手👍👍除左火鍋料佢地都有得叫炸物嘅 一個木碟已經包含好多種類 炸蝦、丸子、春卷... 全部都炸到金黃色而且炸皮偏薄身又脆口。旁邊都有嘅沙律醬 質地順滑味道又香濃🥄都見有好多家庭小朋友來食得好開心 因為選擇多質素幾好價錢又合理😊

身邊有好多朋友都係齋肉食者 但我覺得打邊爐當然要又有肉又有大量菜黎吸收湯底精華啦😎首先黎到即刻上日本鹿兒島黑豚肉同埋牛肉各一盤🐮 最後都追加左碟炸物拼盤加雞翼拼盤。炸物拼盤嘅炸物都屬於高質素 炸得香脆之餘又唔會好油膩🍤 雞翼拼盤方面有七種唔同嘅口味 蒜蓉牛油味，芝士味，蜜糖味，黑椒味，土匪味，水牛城味加麻辣味。每味嘅還原度都極高 唔會話食完都唔知系咩味道😂環境裝修方面都好中我 走嘅路線都係日系而且充滿日本風味🇯🇵 會見到掛住日文嘅banner而且色彩繽紛甘 感覺元氣滿滿🔥

清湯睇落清清淡淡 清澈見底 唔會好似其他湯底甘表面泛左層油牛肉同豬肉都新鮮鮮甜❤️‍🔥個人比較鍾意食牛肉 佢係牛肩胛 牛肉味濃但我覺得唔係牛羶味🥰 豬肉就係鹿兒島豚肉 有少少油脂唔會食到城口油咁🐷另外都叫左個豚骨湯底 味道就濃郁好多 最讚系同樣唔油膩 配肉食更多左陣豬香甜味🐽自助火鍋吧有好多食材 普遍丸類 蔬菜 響鈴都有 我就最鍾意個凍豆腐 外邊紮實但食入口都系滑溜溜🤍 其他小食例如雞翼同埋炸物都可以落單😙環境方面佢真系好就腳 出左地鐵站行1分鐘就到😆 路癡都唔使怕盪失路啦😤

七味雞翼包括芝士雞翼、黑椒雞翼、蜜糖雞翼、土匪雞翼、麻辣雞翼、水牛城雞翼同蒜蓉牛油雞翼🐔 全部都拆左單骨 食得更加方便！甘多種味入面最鍾意個水牛城雞翼🌶️ 成日聽到佢個名但就第一次食 味道酸酸辣辣而且個醬質地都幾濃 緊緊包裹著雞翼外皮 味道香濃惹味🔥 湯底叫咗中華辣湯 深紅色樣貌濃稠好似好灼熱甘 但食落都偏向日式辣 接受度幾高😙叫左份牛肩胛 黎到見到份量都幾驚人唔會孤寒 大約有30大片鋪滿左成塊木板 好誇張!! 食落質素都幾好 有肉味又唔蘇🐮 配料方面當然要攞索湯之選金菇菜：吸左濃濃嘅辣湯底都幾好味🥢

🐮牛肉比鹿兒島黑豚肉份量多 一盤有大約十大片 每片都有少少肥位 🐷鹿兒島黑豚肉份量就一盤有八片 每片嘅大小厚度都幾平均 唔會話有一塊好大然後另一塊細細碎碎咁🤣 最緊要系完全無豬腥味🐷 湯底叫左甜醬油 味道輕輕的配埋清甜嘅蔬菜就更上一層樓啦🥦 海鮮唔似出面某啲隨便用個碗裝著 而系用左個木板盛著 感覺更加有日本風味🇯🇵 海鮮種類都唔少 有廣島蠔 蟹棒 青口 虎蝦 日本帶子 蜆同埋螺🌊 廣島蠔都算肥美而且已經拆左殼所以都好方便食🦪 放落甜豉油湯底味道都好夾 掉到海鮮同肉類嘅鮮甜味😋

自助配料吧有各種丸子類：芝士丸 貢丸 牛丸 蟹子丸等等～ 附近都放左幾款面類🍜 公仔面 烏冬 拉面都有😍 叫左個中華辣湯 浮面見到大量辣椒皮加辣椒籽 但唔系超級辛辣嘅辣度 配埋食材味道都唔會蓋過曬👍 肉類來講有最近比較heat嘅牛肩胛 我地呢盤油花比較均勻亦都比較多 食入口軟熟得黎有啲咬口🐮 就算系個中華辣湯都唔會蓋過左陣牛味👍另外仲有熱氣之選嘅炸物拼盤🍤 一盤已經有超過10款炸物 即叫即炸所以來到嘅時候都幾熱🔥除左上面介紹嘅食物仲有雞翼啊雪糕啊串燒啊等等等等 絕對系滿足到嗌救命🥰

一向都鍾意同朋友去餐廳嗌唔同嘅野食 可以share試到更多唔同嘅野😙 今次就嗌咗一個番茄湯一個泡菜湯。來到見到兩個湯底都紅卜卜。番茄湯底表面浮左細細粒嘅番茄粒 味道酸酸甜甜甘配搭肉類就好夾🥩 另外嘅泡菜湯都好出色 味道辣辣地令你唔會覺得膩🌶️ 肉食者當然系狂掃肉！日本鹿兒島黑豚肉顏色粉嫩肉質都好軟綿綿 牛肉方面就選用左牛肩胛 一來到見到鮮紅色已經覺得胃口大開 食落果然都唔失望，有爵勁得來又唔會話太硬咬唔爛好似食石紙咁😂 試完果斷決定專攻肉類 重點回本啊！

一入到餐廳就見到個裝滿飲品嘅雪櫃 入面都有幾多選擇果汁 汽水 烏龍茶 任君選擇🧃 雪櫃門亦清楚寫明午市定量火鍋套餐只包括一罐飲料 就唔會引起不必要嘅誤會啦😊湯底都有唔同嘅選擇 我就選左番茄湯 似羅宋湯而唔係茄蓉嘅質地 味道酸酸甜甜都幾開胃好鍾意雞髀肉配番茄湯嘅效果 雞髀肉粗粗一條煮奈左都嫩滑 所以添左2盤🤣跟住同樣難忘嘅係佢地嘅炸物拼盤 種類頗多 有“墨演” 蟹籽丸 蝦多士 芝士春卷 吉列蝦 午餐肉 +米網春卷 款款味道都屬於中上 炸物真系食唔停口😈 同行朋友仲創新地試左將炸物點入番茄湯底 感覺就好似淋左少少嘅炸物配番茄醬🤣

上年大閘蟹宴已經黎過🦀 今次同朋友再encore試多啲其他食物！對本人黎講最搶眼嘅可以話系佢地嘅串燒爐 選擇唔少而且即叫即燒🔥 試左款串燒蝦同埋金菇肥牛卷串燒蝦估計用左虎蝦😆 蝦頭大大隻之餘蝦身肥美食落啖啖肉 蝦殼亦燒到脆卜卜 即叫即燒所以熱辣辣！金菇肥牛卷嘅牛肉表面燒到少少微焦 有啲輕微脆脆嘅感覺 入面包著多汁嘅金菇 簡單好味🐮😍上次系泡菜湯底今次就試清湯！我覺得更能夠突出食材本身嘅鮮甜味道😋 佢地嘅食材都解凍得好好 你唔會見到個盤或者兜入面會有碎冰或者食材結晒冰甘樣😆最重要系除左一般火鍋之外重有串燒放題🍢🔥🔥

前幾日同同學講起想食打邊爐 做完research就搵到呢間位於荔枝角嘅日式火鍋放題🍲首先講最矚目嘅自助火鍋配料區域：我拎左包心丸 娃娃菜 玉米 冬菇 響鈴同埋墨丸 都系平時食到嘅味道啦 最有印象系個響鈴 唔會有油益味 放湯後索晒湯嘅味道超多汁超入味😇除左打邊爐當然要試試佢地出名嘅炸物sss 有常見嘅午餐肉 墨丸 蟹子丸 吉列蝦🦐 特別啲就有蝦多士 芝士春卷 同埋米網蝦春卷🍤 我最最鍾意系個蝦多士：炸得好通透脆卜卜 上面蝦膠份量都唔少 撒左啲白芝麻系面又有啲香味🤍 另外都試左盤雞翼 麻辣味最突出 外皮沾滿麻辣味道🌶️

今日同同事放工諗唔到食咩 同事又想食任食火鍋 上網見到呢間質素好高嘅日式火鍋 一於去試吓佢🥰呢度嘅環境行日式風格 出邊有自助區 可以拎小食、蔬菜、面類及飲品 選擇都非常之多！！除此之外我哋叫咗個海鮮拼盤 裏面有日本帶子，廣島蠔，蟹棒，青口，虎蝦，蜆，螺 真係要睇吓佢哋嘅廣島蠔 唔腥好新鮮 大大粒肥嘟嘟 再配埋我嘅中華辣湯 真係格外惹味👍🏻泥到重頭戲 打邊爐一定要食牛肉㗎啦！呢間既牛肉選用左美國特選牛肩胛 色澤光鮮 雖然好薄但係睇得出啲牛肉好靚😋呢個價位簡直絕對回本！！除此之外仲叫咗串燒拼盤 味道都非常之好食！總括而言 同事非常滿意呢一間日式火鍋 下次一定要帶其他朋友過嚟試吓😍

呢間位於荔枝角嘅日式火鍋放題 一入門口 見到佢哋嘅環境非常之闊落 環境唔會好大油煙 仲有個開放式廚房 可以見到裏面整串燒嘅情景 真係額外加分！我哋叫咗炸物拼盤 即叫即炸 炸物幾好 唔會好油 會熱到出煙同卜卜脆 比較鍾意佢哋嘅蝦多士同芝士春卷 平時打邊爐好少見到 好足料同特別 真系好邪惡🥰 除此之外 我哋打邊爐叫咗個清湯湯底 為咗試吓佢哋嘅肉質新唔新鮮 一定要用清湯先可以比較到！唔食唔知 佢哋嘅蟹柳真係好好食 唔會有雪藏味 反而啖啖肉 仲有佢哋蝦都啖啖肉 我哋食完仲encore左😋總括啲來講 呢間火鍋嘅性價比好高 除咗湯底嘅選擇多之外 食物嘅質素都唔錯 而且種類選擇多 下次一定會再過嚟！