相馬日式火鍋 荔枝角 (已結業)

呢間位於荔枝角嘅日式火鍋放題 一入門口 見到佢哋嘅環境非常之闊落 環境唔會好大油煙 仲有個開放式廚房 可以見到裏面整串燒嘅情景 真係額外加分！我哋叫咗炸物拼盤 即叫即炸 炸物幾好 唔會好油 會熱到出煙同卜卜脆 比較鍾意佢哋嘅蝦多士同芝士春卷 平時打邊爐好少見到 好足料同特別 真系好邪惡🥰 除此之外 我哋打邊爐叫咗個清湯湯底 為咗試吓佢哋嘅肉質新唔新鮮 一定要用清湯先可以比較到！唔食唔知 佢哋嘅蟹柳真係好好食 唔會有雪藏味 反而啖啖肉 仲有佢哋蝦都啖啖肉 我哋食完仲encore左😋總括啲來講 呢間火鍋嘅性價比好高 除咗湯底嘅選擇多之外 食物嘅質素都唔錯 而且種類選擇多 下次一定會再過嚟！