相馬日式火鍋 荔枝角 (已結業)

今日經過朋友推介嘅荔枝角火鍋店 諗唔到食咩 一於就食呢間啦！呢間火鍋店係一人火鍋既小鍋 咁湯底就可以選擇多一個啦🙈都唔錯！可以試晒兩隻唔同嘅味道！出邊嘅配料區好多選擇 除咗飲品、調味料之外 仲有好多蔬菜、面類同雪類簡🙈我哋今次叫咗兩個湯底 叫咗豬骨湯底同蕃茄湯底 湯底都好濃郁入味 唔會好鹹同多味精！我哋叫咗牛肩胛 呢個好好食 有驚喜！牛味重 唔會好鞋 油脂分布均勻！除咗呢個之外我哋仲叫咗串燒拼盤同海鮮拼盤 值得一提 佢哋嘅串燒拼盤真係好惹味 呢個價錢食到咁高質素嘅串燒 好抵啊！

而家天氣都比較凍 食打邊爐就啱晒啦 經朋友推介 一於去試吓呢間位於荔枝角嘅日式火鍋！今日同男朋友兩個過嚟食 叫咗個中華辣湯同蕃茄湯底 中華辣湯比較特別 有日式風味既辣 唔似麻辣味 通常食得蕃茄湯底嘅我一定會食烏冬😍畢竟烏冬同蕃茄湯底真係好夾 我哋仲叫左牛肩胛 顏色好靚 雖然薄片但係好入味 紋路清晰有肉味！除咗呢啲之外我哋仲叫咗個炸物拼盤 炸粉好薄 仲有比較特別嘅蜜丸🙈食到好飽 人均都只係唔過$300 真係好抵食！冬天一定要打邊爐 烚吓烚吓咁先開心！

今日同屋企人嚟到呢一間位於荔枝角嘅日式火鍋 呢間火鍋放題除咗打邊爐之外 亦都有炸物、串燒同海鮮選擇 而最令到我驚喜同埋想去嘅原因 就係佢哋有各款唔同特色嘅雞翼！如果想拎餐具嗰啲 可以自行出去領取呢度嘅環境有開放式廚房 可以見到廚房燒串燒 重點係完全唔侷促！！屋企人叫咗個清湯鍋 放咗好多蔬菜去食🙈非常之新鮮入味我就梗係叫我最鍾意食嘅雞翼啦 因為我係雞翼控 有蒜蓉牛油雞翼，芝士雞翼，蜜糖雞翼，黑椒雞翼，土匪雞翼，水牛城雞翼，麻辣雞翼選擇 每一隻都各有特色 熱辣辣炸起好惹味 特別要推介下佢哋嘅蒜蓉牛油雞翼 好香口 蒜蓉味好出！認真唔錯！除咗雞翼之外 呢度嘅肉類色澤光鮮 紋理清晰 真係值得再去！

今日嚟到呢一間食日式放題 可以食足120分鐘 人均都只係$300都唔使！！值得推介俾大家！我同男朋友都好鍾意食蕃茄鍋 呢度嘅蕃茄鍋湯底濃郁 蕃茄味重 令到啲肉類好入味 我哋除咗嗌咗牛肩胛之外、仲叫咗雞髀肉同黑豚肉 好新鮮 牛肉同蕃茄湯好夾 啱晒我呢啲食肉獸🤩肉質鮮嫩 有肉味 唔似坊間嗰啲放題 俾啲色澤唔好既肉🙈除此之外我哋仲叫咗海鮮拼盤 不得不提吓佢哋嘅帶子 鮮甜大粒 真係超級好食 即刻Encore左幾轉🙈喺出邊自助區 有得自選花茶 有紅棗、桂圓、菊花等 可以沖熱飲 真係好少見👍🏻喺自助區仲拎咗點午餐肉、腸仔、芝心丸等 都好新鮮冇雪味！

難得今日同一大班朋友出去 唔係唔試吓呢間相馬放題麻！唔使等太耐位 價錢都唔貴 同一大班人聚會既首選！一入到去 裏面已經好多調味料可以自己拎 調味料都有10多款 仲有好多面同飲品選擇 睇到眼花撩亂😍因為我都比較鍾意食辣 所以叫咗呢個中華辣湯 睇個顏色唔似好辣🌶 打邊爐要辣辣地先開胃 我哋叫咗日本鹿兒島黑豚肉、雞腿肉同美國特選牛肩胛 每一款都各具特色 肉類都好新鮮質素高 我哋一大班人食都叫咗唔少😂 回晒本🙈除咗叫肉類之外 我哋仲攞咗啲丸類同午餐肉 完全冇雪味 仲好新鮮🙈呢間真係好抵食 如果經過荔枝角一定要過嚟試吓！

難得今日去咗D2 Place行街 經過隔離見到一間抵食火鍋放題 假期人均都唔過$300 可以食足120分鐘 即刻去試吓先！呢度放題類別選擇非常多 除咗有火鍋啲大路外 仲有雞翼、炸物、海鮮嘅選擇😋我今日叫咗個豬骨湯底 味道好濃郁 豬骨湯味突出 唔會好鹹 幾唔錯！牛肉方面選擇左美國特選牛肩胛 肉味出 條紋清晰肥瘦均勻 唔會好鞋好好食！海鮮方面叫左個海鮮拼盤 裏面有日本帶子、廣島號、蟹棒，青口，虎蝦，蜆，螺 每一樣都好新鮮好高質！最鍾意食虎蝦 大大隻好彈牙！總括嚟講呢間放題真係好抵食 cp值好高！值得推介！

今日上網搵吓有啲咩食 突然間見到呢間位於荔枝角嘅日式火鍋 都幾多人推介 一於去試吓佢先！而家天氣咁凍 真係好啱食火鍋 同一大班人食足120分鐘 開開心心咁過一日🥰呢間相馬火鍋係用咗一人小火鍋 可以獨立每人一個火鍋 啱晒而家疫情 大家都好驚同人share🙈我今次叫咗中華辣湯 天氣凍凍地食返啲辣野就啱晒啦 佢係日式既辣 唔似重慶嗰種辣 好似我呢啲唔太食得辣嘅人就啱啱好😋我哋叫咗好多牛肩胛同黑豚肉 好新鮮 色澤光潤 有肉味！回本之選！除此之外我哋叫咗個炸物拼盤一齊share 真係一定要講吓佢哋嘅吉列炸蝦 炸粉好薄 蝦肉彈牙新鮮 唔會比啲雪藏急凍貨👍🏻 除此之外仲有蝦多士 炸春卷等 都好邪惡🥰

今日帶屋企人去試吓位於荔枝角嘅火鍋放題因為屋企人想食打邊爐 但係又唔知邊間好之前聽過朋友介紹 呢間《相馬火鍋》今日一於試吓佢！先講吓佢哋嘅環境 佢哋出邊有自助區 可以自己拎蔬菜、丸類、面類及飲品雪糕 亦都有醬料提供 自助區已經有大約50-60款選擇 真係眼花撩亂😍食材都好新鮮 唔會未融雪 非常之好👍🏻然後我哋叫咗串燒拼盤同雞翼拼盤 全部都即叫即整熱辣辣 要特別睇吓佢哋嘅燒虎蝦 真係大大隻 燒得啱啱好唔會過老😋然後到咗重頭戲打邊爐 我哋叫咗清湯同中華辣湯 湯底令到啲牛肉好入味 牛肉嘅色澤好光鮮 肥瘦均勻 食唔停口啊🙈總括來講 屋企人非常滿意呢一間日式火鍋店 可以值得再二次造訪！無論價錢定餐廳環境 質素都非常之高！

第一次寫食評，但光顧完這間餐廳實在不吐不快，長話短說。首先上樓梯到達餐廳的通道已極度污糟，短短一層的樓梯已經可以看見一男一女的員工食煙及坐著玩電話，周圍已經油lumlum痴立立，但book左檯抱著日本野應該不會太差的心態依然入座。門口收銀的小姐態度ok，但踏入門口地下污糟的程度比樓梯入口有過之而無不及，驟眼估算相信超過一年沒有認真清潔，周圍都係油lumlum痴立立，窗口積滿的塵埃尤其嘔心。到出去拎食物，踏上pantry範圍真是一步一驚心，地下好像是十多年沒有清潔的坑渠一樣，每塊地磚不止每一步都痴得波鞋實一實，中間的坑紋塞滿了垃圾，這個範圍的整體環境好像正呼應著旁邊戴著cap帽，著住藍色運動短褲，負責炸物的員工，此人容後再談。我地仍然係出面夾左D丸番去，一開始門口收銀接應我地既小姐亦剛好捧住熱湯及牛肉豬肉雞肉到來。先說說牛肉，一看就知道尚未融雪，像是剛剛從freezer拿出來就給客人。到雞肉，肉質勁差不用咬已經在口中爛掉，其中有帶著點點惡臭，逼不得已只好吐出來。豬肉算是比較正常的味道，可是由於質量其差，一放進鍋裡就立即充滿白泡，彷彿豬肉正在跟我們一樣對這餐廳提出控訴。再說炸物，剛才提到的

今日同同事放工經過荔枝角 決定食埋個晚餐先返去 呢間餐廳環境非常之乾淨 座位闊落 又可以食足120分鐘 一於就揀佢啦！我哋叫咗個海鮮拼盤 裏面有日本帶子，廣島蠔、蟹棒，青口，虎蝦，蜆，螺 個廣島蠔有驚喜 唔似出邊嗰啲有雪味 呢度嘅好新鮮 大大粒唔會食到肚痛😂而且嗰個虎蝦大大隻 顏色都10分晶瑩禿透 帶子都好鮮甜除咗食海鮮之外 仲叫咗鹿兒島黑豚肉 同美國牛肩胛 牛肉嘅顏色好鮮艷 肥瘦均勻 就咁肉眼望已經好靚！食到最後 食返個甜品就滿足啦 佢哋嘅雪糕都有三款味道選擇 有雲呢拿、朱古力同綠茶味 滿足晒！

呢排天氣咁凍 點可以唔食火鍋呢？今日介紹呢間位於荔枝角嘅火鍋放題 人均都只不過係$300都唔使 可以任食120分鐘👍🏻🔸環境方面🔸呢度餐廳環境非常之闊落 出面有自助區 可以自己拎醬料同小食蔬菜等 最令到我驚喜嘅係 呢度有個開放式廚房 可以見到廚師喺度燒串燒 環境亦都唔會好大油煙同侷促 呢樣做得非常之好！！地下唔會癡粒粒 幾乾淨 加上店員嘅服務態度真係好好 呢一方面值得推介！🔸食物方面🔸呢度打邊爐梗係主攻食牛肉啦！佢哋嘅牛肉係用咗美國特選牛肩胛 每一塊顏色都好靚 肥瘦均勻 最緊要係唔鞋好好食！！ 除咗牛之外 呢度嘅鹿兒島黑豚肉都唔錯 脂肪好均勻 好厚同有肉味！牛肉再配上豬骨湯 真係好入味好正😍我哋仲叫咗個雞翼拼盤 有七款單骨雞翼 每一款都好正 熱辣辣即叫即炸 真係好唔錯 最鍾意食佢哋嘅土匪雞翼 我仲encore左添！🥰

今日生日原本想去食日本野，但係太多人等位啦，所以比細佬帶左去間火鍋，諗住都有一兩個月冇食過，是是旦旦就跟左細佬去，開始諗住求求其其一餐算啦，不過估唔到呢間火鍋比到驚喜我🙊，因為我由細到大都好中意食雞翼😋😋（後來細佬話特登帶我去，好感動😭）蒜蓉牛油雞翼啲皮炸得酥脆，咬一啖就有淡淡既牛油味咸淡適中😋，芝士雞翼肉質多汁表皮好香芝士味，蜜糖雞翼有種細個去燒野食既感覺😂，黑椒雞翼香脆可口唔會話太多太小黑椒岩岩好，土匪雞翼平平常常還可以，水牛城雞翼酸辣口味如果淡小小就一流，麻辣雞翼大愛😍唔會話特別辣，麻味足，中意食雞翼既一定要試下👍

今日老公話帶我去食餐好正既打邊爐，我心諗打邊爐間間都係差唔多架啦，不過見老公好似好想去咁，我就陪下佢去啦！點知呢間打邊爐又唔錯咁wo，醬汁雖然唔多，但基本要有既都有！令我印象深刻既就係佢個串燒拼盤有燒魚餅，免治雞肉棒，金菇肥牛卷，豚肉村，燒粟米，翠玉瓜，大頭蝦（大頭蝦真心正😋，燒得岩岩好，又甜又彈牙，金茹肥牛燒到外脆肉嫩😋😋重有個海鮮拼盤（廣島號，青口，蜆，螺‼️全部都係新鮮架，重要大大隻，有時食到個死左重要有味既，真係會成餐飯都冇咩胃口，所以佢個海鮮拼盤我會比10分佢👍

門口睇落就一般般，但上網睇到幾多好評，又唔係話貴，所以就同阿妹泥食下係咪有咁好炸物拼盤有蜜丸，蝦多士，蟹子丸，米網蝦春捲，吉列蝦，午餐肉，芝士春捲炸得幾好唔會話好油，應該係點先炸（等左15分鐘先上係熱到出煙同好脆）吉列蝦同蟹子丸好正，平時d打邊爐好小見到，再加上佢地既牛丸，大愛，好有牛味，又彈牙，差d可以當乒乓波泥打😍海鮮拼盤有帶子，蟹棒，青口，虎蝦，蜆，螺海鮮泥講夠新鮮，青口大大隻，夠滿足，食得出係新鮮既，帶子又夠大粒，最中意呢d一口一個，同阿妹兩個人食左5份海鮮拼盤

出左糧可以同班朋友去食反餐好🤣我地幾個咁岩都係肉食狂，泥到呢間火鍋都覺得好正，食左佢40幾份肉😂😂上菜上得夠快，跟得上我地食既速度😏佢地啲豬肉唔會話好肥，食落又香又嫩，比讚，配上個甜豉油湯底真係停唔到口，食到我差啲嘔（我一個人食左十幾分🤣）牛肉雪花唔錯睇落幾靚囝，但我唔食牛sosad,個朋友就點左個泡菜湯底，我試左下，都ok既，因為我唔多中意食泡菜，不過如個呢間既話我可以接受到，味道唔會話好濃，但有夠香，所以係ok既，我見我兄弟連泡菜湯底裏面啲泡菜都食鬼曬🤣