相馬日式火鍋 荔枝角 (已結業)

黎之前爬過文，見好多foodie都有介紹佢地嘅清湯底，我又好想試佢地嘅豚骨湯，所以就同朋友各點左一款😆 清湯底真系好似食評話齋望落清澈但飲落唔會淡而無味，清得黎又甜甜鹹鹹 更加可以突出肉類嘅鮮甜味。牛肉好適合我，系肥膏同肉間隔，入口有爵勁又有牛味🐮 另外豚骨湯味道就更出更明顯，配清淡嘅蔬菜就好夾啦🥬小食來講就好鍾意炸物拼盤，有齊我鍾意嘅午餐肉、炸蝦，仲有少見嘅米網蝦春卷🦐 冷盤攞左胡麻醬豆腐都好夠凍，胡麻醬唔會太水太稀，調味剛剛好，解熱又解膩❄️ 另外都有幾款麵類，絕對夠飽啊！

清湯雖然叫”清”而且顏色都好似無咩料到但飲落系清甜der🤎 加入大蔥又甜又清新左打邊爐好鐘意加爆嘅生菜油麥菜都有 雖然係平平嘅野但我囉左好多碟😂 放湯煮吸收曬所有日月精華😎肉類方面有日本黑豚肉 顏色粉嫩粉嫩見到就開胃! 🐮牛肩胛就穩居第二 厚度薄少少但都好有牛味🖤除左常見嘅烏冬公仔麵 佢地仲有包裝拉麵 麵質少彈都幾掛湯🍜 包裝拉麵份量岩岩好 食完有啲飽腹感但都絕對仲有位試其他野🤣其他仲有丸類同埋常見配料😙環境以任食放題來講真係算寬敞 唔會話逼逼澀澀做到好唔舒服咁🥰

邊個話炸物同埋火鍋唔可以一齊㗎😤今次呢間除左炸物同埋火鍋中有雞翼 雪糕唔到你話唔飽🤣炸物超過十款食物 皮薄餡靚架常見款式有吉列蝦 特別的炸午餐肉 厚厚油脂又夠 芝士春捲就外脆內軟🧀️ 欣賞佢炸物都唔會油膩膩或者個碟有油咁核突😆講番大多數人就concern的肉類就有最近比較常見的牛肩胛肉質較結實有口感🐄其實平時火鍋好少食雞肉 因為多數都好乾 但呢度真係新體驗一放低見到雞腿肉好厚身 煮完竟然唔乾重幾好食喔😙配搭中華辣湯味道刺激又唔會過辛😍😍😍辣湯底當然唔少得最愛的金菇娃娃菜 放湯煮吸晒湯底精華 鹹鹹辣辣真係好味道😇

作為雞翼星人當然要叫個雞翼拼盤🤪有七隻味 蒜蓉牛油雞翼，芝士雞翼，蜜糖雞翼，黑椒雞翼，土匪雞翼，水牛城雞翼，麻辣雞翼 酸甜辣鹹咩都有 任君選擇🤤湯底就揀左中華辣湯 上面有好多椒子 睇到都興奮🤣 肉類方面最鍾意系個豬肉 鹿兒島黑豚肉軟熟又唔鞋 另外都螺左碗胡麻醬 配埋辣湯底又系另一番風味🥰海鮮方面同樣比個讚 種類多又新鮮😆💦廣島蠔已經拆左殼 肥嘟嘟食落淡淡肉🦪虎蝦亦係L size🦐 味道鮮甜質地都唔會似阿梅 淋bat bat咁 好有水準啊食完熱食到永遠都有胃口既甜品☺️有三款自己不既雪糕同埋D包裝雪糕🍦最開心見到Melona 奶味濃郁質地滑順🍓

見社交平台係咁賣廣告，結果尋晚去試吓，點知中伏！一去到見到條後樓梯，極之污糟，入到去環境麻麻，陰陰沉沉，橫掂book咗位招入！$298加一嘢食唔新鮮，蜆臭有沙，所有熟食都唔掂！$330一位！唔知食咗啲乜，大家千祈唔好信呢度嘅好評同埋社交平台廣告！跌錢🥲🥲🥲🥲🥲🥲

今次要介紹呢間日式放題位於荔枝角附近 性價比高 選擇種類多 食物新鮮🥰所以絕對推介俾大家！呢度嘅食物種類選擇非常之多 我哋叫咗個串燒拼盤 裏面有燒魚餅，免治雞肉棒，金菇肥牛卷，豚肉串、燒粟米，翠玉瓜，大頭蝦等等 超級推介佢哋嘅翠玉瓜同大頭蝦 翠玉瓜好多汁唔會乾 咬落去好爽口 大頭蝦好新鮮 肉質好彈牙 回本之選😂咁既然係火鍋店 一定要試吓佢哋嘅肉類火鍋 我哋嘅湯底叫咗清湯 今次叫晒牛、豬同雞三款 牛肉系美國特選牛肩胛 有肉味 肉質鮮嫩 簡直係打邊爐嘅必食推介！佢哋嘅飲品櫃除咗汽水之外 仲有烏龍茶、台式飲品同紙包飲品等多款選擇🙈總括而言 呢間火鍋店真係好推薦大家去！

黎到冬天呢啲時間 唔係唔食火鍋啊麻🙈加上我呢啲食肉獸 對於火鍋我係非常之挑剔嘅！唔好食嘅通常我都唔會再去！呢一間係我二次造訪既火鍋店 唔使訂座都可以有位 呢度除咗環境唔會好侷促 座位都闊落 性價比好高！我今次主打去食肉類 食完可以refill 我哋叫咗美國特級牛肩胛同日本鹿兒島黑豚肉 牛肉嘅雪花好靚 淥過十秒左右就可以食得 牛肉好嫩滑 豬肉都好新鮮 油脂均勻！將啲黑豚肉放落豬骨湯度淥熟佢 好入味 成塊豬肉片充滿咗豬骨湯嘅香味！呢度除咗肉類嘅選擇 仲有好多炸物、串燒同飲品供應 整體來講性價比好高 冬天食過打邊爐真係啱晒！

見到上網有好多好評 價錢方面又唔貴 所以帶咗屋企人嚟試吓佢哋嘅質素！一入到去就見到好有日式風格嘅招財貓 除咗得意之外 環境係遊走日式風🇯🇵今次選擇左蕃茄湯底 因為我好鍾意蕃茄湯底🍅叫咗好多唔同嘅火鍋食材 特別要提吓佢哋既鮮蝦同牛丸 牛丸好爽口彈牙 又大粒 冇咩雪藏味 好新鮮大蝦有我手掌咁大隻 一睇就知唔係雪藏貨！我哋仲叫咗海鮮拼盤、牛肩胛同雞髀肉 牛肩胛既肉質緊實 牛味足 滿足晒我呢啲食肉獸😋食到好飽好滿足！呢度嘅選擇多過坊間既火鍋店 都只不過係人均$300都唔使 仲可以食足120分鐘 真係唔錯！值得推薦

很多年前相馬新開時，流行團購的那些年已經光顧過，其實食物不是太差，當然都不是很好假期前夕價錢258+10%，可以食5個小時沒有殷勤的服務，但又未致於鬧客或是搵唔到人落單豬牛雞肉任食，雞不行，牛一般，豬最好雞翼，有多款口味，但都是淋在表面的汁不同，入面都是沒有味，連雪味都沒有的雞翼，不過是新鮮炸的，皮是脆脆的海鮮，蜆勁多沙，蠔雖然勁縮水但不腥，另外仲有帶子，蟹棒，青口炸物，蝦多士無敵多油，米網紙蝦卷不錯串燒，豚肉是比肉乾還是乾的，免治雞肉是純雞肉的很好，燒粟米第一次很好，第二次表面焦了但是生的想講攞蔬菜那個位個地板，其實多年前已經是黏黏的，然而今天去仍然是黏的......

今日同一大班朋友出嚟聚會 想搵個地方可以傾吓計食下飯 咁岩喺OpenRice見到呢間晚市120分鐘放題 人均都唔會過$300 於是大家就約咗呢間一齊試吓佢😋我哋今次叫咗豬骨湯 湯底好濃郁入味 朋友都話唔錯 唔會落完肉之後好鹹 反而越嚟越濃郁！不得不提佢哋嘅日本鹿兒島黑豚肉 豚肉嘅紋理好清晰 肉味重 油脂分布均勻 唔會鞋仲幾厚身 我哋叫咗兩碟食🤩 質素都非常之高！除此之外佢哋嘅雞腿肉都唔錯 肉質嫩滑唔鞋口 啖啖肉唔肥！除此之外我哋仲叫咗海鮮拼盤 虎蝦大大隻 仲晶瑩剔透好生猛 睇落好新鮮 大家都爭住嚟食👍🏻 見到呢個海鮮拼盤就知道回晒本😂

今日同男朋友約會 唔知夜晚食咩好 咁岩經過呢間荔枝角嘅日式火鍋 男朋友好鍾意食任食 再加上佢好大食 一於去試吓佢🙈呢間日式火鍋有好多選擇出邊自助區亦都有我最愛嘅麻醬 麻醬同牛肉非常之夾 所以我拎咗好多😋除此之外 自助區仲有好多唔同嘅飲品 小食 醬料 同蔬菜 任君選擇！呢度嘅火鍋可以揀獨立嘅鍋 細細地啱晒一人一鍋 唔使爭 男朋友叫咗牛肩胛 炸物拼盤同海鮮拼盤特別要提下佢哋嘅海鮮拼盤 有日本帶子，廣島號，蟹棒，青口，虎蝦，蜆，螺最鍾意佢哋嘅青口 大大隻 冇沙有冇雪藏味 食得出好新鮮大粒🥰 除此之外我哋仲叫咗豆腐 豆腐擺落個湯底度滾 真係好入味好好食！總括而言 呢間火鍋店真係好抵食 性價比好高 啱晒我男朋友呢啲咁大食嘅人😍

今日朋友帶我去左呢間日式火鍋放題店 我覺得味道唔錯 性價比好高 所以一定要推介俾大家！我哋選擇左牛肩胛晚市120分鐘放題！湯底方面湯底有好多選擇 我哋選擇左清湯同豬骨湯 可以食到食材嘅原汁原味 清湯唔會好淡 豬骨湯好濃郁 加埋肉食就會好入味 豬骨味好突出 食物方面我哋叫咗個炸物拼盤同串燒拼盤 拼盤裏面嘅小食類別非常之多 特別要睇吓個粒蜜丸 滿滿嘅蜜糖味 令到佢好香口 亦都會配埋沙律醬 好邪惡😍啱晒我呢啲鍾意食熱氣野嘅人！除此之外 打邊爐點可以唔少得食牛肉 我哋叫咗呢個牛肩胛 牛肉好入味 顏色都好鮮艷 一盤都唔少！夠晒我哋兩個食 除此之外我哋仲喺出邊拎咗啲豆卜同雜菇 好滿足嘅一餐！有機會一定要再嚟過！

其實香港地有好多高質素嘅日式火鍋店 唔一定要去食旺角嗰啲 咁啱今日經過荔枝角 見到昌隆工業大廈裏面有一間《相馬火鍋》 人均唔使$300 就可以食足120分鐘！餐廳嘅環境佈置非常之日式風格 外邊有飲品可以自己拎 亦都有蔬菜或者雪糕可以羅 除此之外醬料都有大約五至六款 但係呢度最吸引我嘅地方係 佢哋嘅串燒拼盤😋🍢對於我呢啲又想食串燒 又想打邊爐嘅人來講 呢間真係性價比超級高！串燒拼盤裏面有我最鍾意食嘅虎蝦 大大隻嘅虎蝦食落去啖啖肉 外皮燒得好香脆 熱辣辣 虎蝦嘅蝦頭非常之大隻 食落去肉質彈牙！食完真係要再encore👍🏻仲有我最愛嘅雞翼 呢度嘅雞翼類別非常之多 真係要每一款都試吓😍除此之外我哋叫左牛肩胛 完全唔會吝嗇 真係鋪滿晒成張枱😋 好飽好豐富！

第一次睇社交平台話相馬有一個優惠食海鮮火鍋放題，話可以食五個鐘，收238一位見到好吸引，咁見到有荔枝角都有分店，就同朋友訂枱試下啦，點知一入到去，只係見到一個男仔係度做野，個場都有六枱客，唔見其他員工做野，我同朋友坐左一陣，打算叫野食既時候，冇人認，我不停只係見到一個男人帶位又係佢，落單都係佢，因為我後來多一個朋友過嚟所以我地轉左枱，我仲同個男員工我要求轉枱並且同佢解釋因為多一個人所以要轉枱，嗰時已經落左湯底同埋男員工亦都同意咗我地轉枱跟住我見到有一個女員工攞住一個湯底放係我地轉枱之前既枱面，我朋友告知女員工我哋轉左枱，跟住我見到當時個女員工非常不滿攞起餐牌拍枱，態度唔好，食物再好都冇用，衛生有差，地板黐立立，下次唔洗我會再去，收238一位，某些員工態度勁差

而家疫情都比較嚴重 好掛住日本🇯🇵 所以今日嚟到呢一間充滿日式風環境既火鍋店！晚市120分鐘放題 💰258🐮黎到呢間日式放題 一定唔可以唔試吓佢哋嘅牛肩胛牛肩胛嘅花紋好清晰 薄切 令到個牛肉非常之入味！除咗牛肉之外我哋仲叫咗炸物拼盤(蜜丸，蝦多士，蟹子丸，米網蝦春卷，吉列蝦，午餐肉，芝士春卷)好邪惡 每一樣都好吸引 炸物拼盤裏面嘅小食炸粉都好薄 全部都熱辣辣新鮮炸起 最鍾意食蝦多士 滿滿嘅蝦肉 再配搭埋香脆嘅芝麻 令到個蝦多士十分惹味 食唔停口！我哋仲叫咗串燒拼盤(燒魚餅，免治雞肉棒，金菇肥牛卷，豚肉村，燒粟米，翠玉瓜，大頭蝦)串燒嘅賣相好吸引 每樣都燒到啱啱好 唔會過老或者燒燶 回本之選！