相馬日式火鍋 荔枝角 (已結業)

晚市120分鐘放題多野到食唔晒🤪 一心諗住去打邊爐, 原來串燒都任食, 咁我就唔客氣了...首先試左主打美國特選牛肩胛先, 成隻手掌咁大塊放落湯縮左少少將牛肉香味濃縮, 清甜ge蕃茄湯助攻不少, 牛味濃而輕, 較少脂肪唔會太油膩 😙 雞腿肉都係, 手指咁大條, 因為係雞髀所以好滑, 蕃茄湯同雞肉好match, 大家都清清地, 但一齊食就好香蕃茄湯比較稀身, 但都好多蕃茄片, 好足料, 唔夠仲可以出去配料bar再拎多D去煮濃個湯😂😂😂 但我都冇咁做, 因為要留肚食串燒😎燒魚餅, 免治雞肉棒, 金菇肥牛卷, 豚肉串, 燒粟米, 燒翠玉瓜, 燒大頭蝦, 全部都係我最愛, 無論燒肉定蔬菜都係咁juicy, 豚肉串超好味, 一粒粒豚肉串起, 燒到乾乾地燶邊, 豬油迺晒出黎勁香, 同邊爐既黑豚肉各有千秋😍

係社交平台睇到佢話有卜卜蜆煲就拿拿聲上openrice度訂位...點知就見到openrice做緊優惠~當然唔放過喇...一心其實想一人一個鍋...點知朋友攞位先...俾左張一個鍋既枱我地...有D失望...我地揀左豚骨同蕃茄湯底...同埋任食美國特選牛肩胛~首先上左4盤牛...1 盤豚肉同1盤雞肉...牛肩胛雪花分配尚可有肉味...豚肉同雞肉就係基本火鍋料..冇乜特別~我地係出面火鍋配料區度都拎左D菜...丸...菜方面都幾特別第一次見有"九"菜同西蘭花~丸方面我自己冇食...朋友話唔錯~唔係出面好多時食到好粉果D~重點海鮮喇~有大蝦...黃蜆...灰蜆...帶子...螺...廣島蠔...青口...蟹棒...貝類全部都好新鮮...幾乎冇沙~正~我地encore左3次~!總括...食物係唔錯...不過環境就差左D...地下長期都好冼...一步一驚心...枱與枱之間又好近同好迫...等候區完全係焗...冇冷氣...部流動風機又比較弱...

太犯規了吧係咪想做爛市😍 進口牛肉, 優質豚肉, 雞腿肉, 海鮮, 雞翼, 串燒, 炸物, 雪糕, 飲品通通任食任飲!! 每個category食過一輪之後已經好飽😂 食慣放題既我突然覺得自己黎到呢度變得好渺小, 戰鬥力勁低 😂 仲要upgrade埋個鹿兒島豚肉都只係人頭300零蚊😰美國牛同日本豬超高質, encore都叫左兩轉, 對得住我放題王既稱號😤呢個個願望都非常滿足, 9樣野都好高質, 特別燒物真係好正, 燒魚餅, 燒粟米等等, 咁多枱客咁多order都可以即叫即燒仲keep到岩岩好熟既水準, 神乎其技吧👏🏻

日本鹿兒島黑豚肉, 如果叫牛肉餐要加錢先可以有日本鹿兒島黑豚肉, 否則就係普通豚肉, 都正既, 鹿兒島既真係唔同D! 或者唔太好牛肉可以叫豚肉餐, 就唔使加錢都有鹿兒島黑豚肉食 💞 油花多, 肉質纖維較幼, 容易咬斷, 聽講都歸因日本人對黑豚肉特別既飼養過程😄仲有海鮮任食都好高質, 雖然係急凍, 但攤一陣同落左邊爐熱湯就好出返陣鮮味🤩 size又大, 俾貨又充足, 大隻青口一黎俾4隻都好闊佬😁 海鮮好鮮味, 啖啖肉, 但因為黑豚肉太正, 我地都叫多左好多碟😁 可能食肉仲多過食海鮮🤣

係咪以為日式火鍋一定係清湯/豉油湯呢? 相馬呢度超多湯底選擇, 連中華辣湯/牛乳/龍蝦湯都有! 我太愛食辣就揀左中華辣湯, 超惹味, 好多辣椒係湯入面, 越煲越出味🔥👅 落左D丸同腸落去, 全部都比辣湯同辣油包住, 粒粒都咁正🥰靚肉任食一排排倒落去比我一秒清晒😋 唔係講笑, 肉好高質, 大大塊紅卜卜既牛肩胛肉黎, 好香牛味; 日本鹿兒島黑豚肉好香, 油花多入口即化仲要燒物都任食. 燒菠蘿勁正, 以前BBQ成日都會燒, 燒完甜味會超突出, 食完辣湯食返幾舊燒菠蘿條脷好舒服😌 燒蝦又係正, 好大隻, 蝦膏好香, 燒到蝦殼個味都好出, 又有少少七味粉, 食落好惹味🤤

火鍋食材品質差及唔新鮮, 蜆類全部都有好多沙, 有如食沙, 螺肉"梅"的, 有異味, 至於蠔, 凡立貝, 帶子及蝦尚算可接受.   燒物上枱是凍的, 我從未試過將燒物放入火鍋中加熱再食.炸物都可以, 部份略為燶左少少.服務態度一般, 地板好滑, 每行一步都要好小心, 好怕會PK總括而言, 食材質素唔掂, 無下次

返工咁辛苦, 放工一定要好好獎勵自己😭 濃郁ge湯底, 唔同種類ge肉, 新鮮ge海鮮拼盤, 脆卜卜ge炸物拼盤, 正😍精選牛肉好薄好嫩滑, 牛肉味好濃, 配上豚骨湯好清甜; 海鮮拼盤有日本帶子, 廣島蠔, 蟹棒, 青口, 虎蝦, 蜆, 螺, 全部排晒係個有疏窿ge盤, 就唔會積晒水, 食ge時候都仲keep到乾身; 炸物拼盤有米網蝦春卷, 芝士春卷, 炸午餐肉等等, 配有酸酸甜甜沙律醬, 可以中和返炸物ge油膩, 但其實食落都唔算太油, 油溫控制得好, 逼晒d油出黎, 咬落只有脆脆口感同香口肉餡👍🏻👍🏻

之前同過一大班frd黎食, 任食肉又有海鮮, 覺得好正, 今次帶男朋友再訪, 二人都可以一人一鍋超好🥰 張枱四四方方好整齊放到好多野, 孜有梳化凳坐兩個鐘坐得好舒服👍🏻海鮮拼盤包括日本帶子, 廣島蠔, 蟹柳, 青口, 蝦, 蜆, 螺, 廣島蠔超甜超滑, 螺殼入晒湯, 滾到熟時撩出黎, 成粒吮到濃湯味, 爽口清甜🤤 蟹柳都正, 起碼唔係出面食包膠紙果D😂 真係日本果種蟹柳, 同個湯底二合為一☺️另外除左海鮮梗係仲有任食牛肉都好正! 出面既配料同丸都高質的, 細細盤保持新鮮, refill得快手👍🏻

相馬係香港都好幾幾年, 又有咁多分店, 俾人感覺係火鍋店, 但我當晚食完, 對我來講更似一間放題, 而呢個價錢就變左好抵!! 豬牛雞肉任食, 即叫即做既串燒同雞翼, 勁正! 雞翼勁多款口味, 全部單骨, 試多D都唔怕飽左, 蒜蓉牛油同芝士味超正! 老實講係鹹左少少, 調味粉起勢咁落🤣 但dun走少少就岩食了, 而個粉真係好香好濃味, 炸雞翼唔會太多粉漿, 只有薄薄一層脆脆的 😍串燒又係100分😭 貪心的我叫左好多😂 堆到好高滿晒, 金菇肥牛卷超正, 金菇好林, 肥牛就燒到好乾身, 一齊食勁juicy, 呢個放題真係包羅萬有, 仲要邊爐既牛都係高質 🥰

荔枝角好多好野食~ 工廈仲多平靚正, 任食美國特選牛肩胛, 雞腿肉, 豚肉, 仲有海鮮! Upgrade左日本鹿兒島黑豚肉, 仲要weekend去, 加埋一都係三百蚊鬆D, 性價比好好~😃 中華辣湯好頂癮, 超多辣椒越煮越辣👅 好在D肉都唔太肥, 所以主要都仲係食到辣油唔係牛油😝海鮮方面雖然落左辣湯, 但都冇遮蓋左本身鮮味, 當然我試左用男朋友個甜豉油湯煮左隻廣島蠔, 又真係鮮甜D清D😌 但我都係偏愛中華辣湯, 食辣既必試!! 蟹棒好正, 出面食好多時候係cheap cheap蟹柳, 但呢個質地較企身, 淥熟左入晒辣味正, 同埋都唔係太林padpad🥰

相馬全港有好幾間分店, 之前都同朋友食過一次, 主打精選牛肉當然係正, 但今次第2次去食, 試多左出面其他配料, 原來都超高質!!丸類勁多選擇, 我試左好多款, 全部都唔係平時食開平價果種, 好juicy, 咬落會爆肉汁, 當然中間都有空間吸左D湯底落去, 所以超好味! 貢丸超多菇粒😍 有咬口又香菇味, 牛丸我最愛, 咇出黎既牛汁好鮮味🤩講開個湯, 我地揀左豬骨湯, 湯底清甜得黎豬骨味又突出, 好鮮甜, 食完一輪牛肉片左面頭既油就開似食配料, 丸就冇咁出油, 菜同菇都好多選擇, 出面配料同調味bar好多野揀👍🏻

港式邊爐係港人最愛, 但大家都咁鍾意返鄉下, 相馬呢種日式火鍋都好受歡迎😍 日式既通常精緻D, 食材靚D, 我地就揀左個日本鹿兒島黑豚肉120分鐘放題😋成個setting 勁高級❣️ 包任食鹿兒島黑豚肉, 淡淡地既粉紅色有薄薄既油花, 食落脂肪甘甜, 肉質軟滑, 食落真係超掛住之前係日本食shabu shabu ☺️ 仲要有任食海鮮, 青口勁大隻, 蜆肉好鱗甜, 帶子大大粒爽口但又soft, 全部野都好新鮮☺️ 簡簡單單配個甜豉油湯再點少少辣椒豉油已經好正, 男朋友仔叫左中華辣湯, 嘩超辣我搞唔掂😂 我都唔明白食靚食材點解要叫咁濃既湯, 但佢就話唔食辣人生少左好多樂趣😌 但真係聞到好香既, 相信用黎食肉一定好正😁

實不相暪我食米線/拉麵果D都一定要叫番茄湯, 媽咪整既番茄炒蛋我都好鍾意, 所以邊爐來講都必定係番茄湯 🍅 相馬火鍋套餐有任食海鮮勁正! 所以更加要叫番茄湯鮮一鮮佢👅 尤其是淡味鮮甜既日本帶子,蟹棒同蜆就更加match, 其他任食海鮮例如廣島蠔, 青口, 螺都夾既, 番茄係可以吊出個鮮味同海水味, 都開心! 虎蝦勁大隻, 肉爽鮮甜😙除左海鮮, 當然任食牛肉都係邊爐必須😏 美國牛肉係特選, 肉質實淨肉味重, 完全冇被番茄濃湯味道遮蓋, 好味道😋😋

肉、海鮮、丸、自助調味bar、同多款湯底，都任君選擇，地方又大服務又好，食得好happy😙茄清甜鮮味，配上火鍋配料都能夠突出食材新鮮，尤其是淥下薄薄牛肉，湯汁滲晒入肉入面超正呀!!黑蒜油豬骨湯當然都好正，一滾起勁香飄晒D味過黎😂 淥下清清地既白肉，淨係豚肉雞腿肉已經好夠味🥰另外仲要睇落超濃味既中華辣湯同泡菜湯，出面都少見幾特別! 鍾意食辣一定要試下😄但我來食放題係為回本，當然狂食貴貴牛肉，所以都係清清地既蕃茄湯岩我了😁 海鮮我都覺得超夾蕃茄湯，尤其是蝦肉爽口仲有茄湯清甜cover🤩

雖然最近天氣熱返, 但都無阻我對邊爐既熱愛☺️ 拍拖一定係食邊爐, 烚下烚下, 仲有得一人一鍋, 平時去普通火鍋店鴛鴦鍋都要加錢, 相馬就名正言順一人一鍋, 但都可以share個湯底用, 你一啖我一啖咁🥰🐮個牛肉套餐牛肉真心高質, 美國特選牛肩胛味濃筋少, 肥又少, 所以唔會搞到個湯油淋淋,🐔雞腿肉超滑, 粉紅細細舊, 食落一口就食晒, 冇雪味好香雞味🍢串燒拼盤個大頭蝦好味好多膏! 仲有燒魚餅, 翠玉瓜等等, 打邊爐得一樣野已經再滿足唔到我地, 呢度食乜都有, 正😙BTW好方便咩payment method都接受, 咁岩簽緊AE迎新, 都有得簽😁