102
11
12
港鐵荔枝角站 D1 出口, 步行約1分鐘 繼續閱讀
所有分店 (3)
電話號碼
21114569
營業時間
今日營業
12:00 - 23:00
星期一至日
12:00 - 23:00
付款方式
Visa Master AlipayHK 支付寶 現金 AE
座位數目
160
其他資料
網上訂座
Wi-Fi
酒精飲品
自帶酒水
切餅費 詳細介紹
泊車 詳細介紹
外賣服務
加一服務費
當面支付
有關獎賞計劃
食評 (143)
等級4 2020-03-20
62 瀏覽
今晚黎到荃灣大鴻輝 21 樓打邊爐室內環境以日系佈置為主, 可以揀一枱一鍋, 或者一人一鍋 選左個美國頂級牛小排套餐, 可以任食頂級牛小排、豚肉、雞肉、海鮮同炸物蕃茄湯底呢個湯底真係不得了, 一睇就知係用左勁多蕃茄熬煮, 而且佢將 D 蕃茄切到細細粒, 所以特別容易出味, 簡直係茄味十足牛小排色澤鮮紅, 油花分布均勻, 肉質非常滑嫩, 而且肉味夠濃豚肉切到薄薄嘅一片片, 煮熟後入口即溶, 夠晒鮮甜美味雞肉一碟份量都唔少, 肉質爽彈海鮮有蝦、墨魚仔、青口、蠔 & 帶子, 超鐘意個蝦 & 帶子, 完全索晒湯底嘅味道炸物 / 串燒炸物同串燒款式都幾多, 全部都係即叫即整, 所以黎到都好熱辣辣大熱推介露筍腩肉卷同金菇肥牛卷自助區有齊火鍋醬料 (餐廳自製左一款極辛醬料, 唔怕辣都可以試試)、蔬菜 (最特別係有提供花生芽、西蘭花、秋葵、苦瓜、露筍)、麵食、丸類 (超過廿款)、甜品 (估唔到有朱古力噴泉)、雪糕雪條 & 飲品 繼續閱讀
(以上食評乃用戶個人意見 , 並不代表OpenRice之觀點。)
等級4 2020-01-29
539 瀏覽
又又又是跟鄰居每月一聚既飯局時候因為臨近新年當然要聚一聚食個團年飯 所以呢個1月來特別一點舊同事介紹剛好香工附近就有工廈既餐廳有火鍋任食放題位置其實頗方便 一出地鐵站就已經差不多是門口餐廳環境闊落開揚 座位坐得舒適自在 而且仲有少量卡位相馬主打火鍋放題 晚市火鍋任飲任食淨湯底就已經有好幾款可揀 包括清湯、甜豉油、蕃茄、豚骨、中華辣湯、泡菜牛腸湯、牛乳仲有荔枝角分店限定既豆乳湯另外仲有數款期間限定既湯底供應我倆就點了分店限定既豆乳湯拼上蕃茄湯底味道一濃一淡 豐富有層次而且湯底並不是味精湯 至少食飽飽後都沒有感到喉嚨不適火鍋放題可選不同等級同價錢既牛肉及豚肉除左牛肉同豚肉 仲有海鮮拼盤 質素都不俗餐廳附設火鍋配料自助區有大量丸類、蔬菜類、麵食、飲品、雪糕等 貼心地分門別類飲品都係任飲任拎 除左冰凍汽水果汁仲有熱茶可供選擇 可以自行調配不同口味養生茶牛肉是牛肩胛部位色澤紅潤 意外地入口鮮味嫩滑 牛味香濃脂肪唔多 不過肉質仍然軟腍去骨雞件大件而且厚身 入口嫩滑 不過要注意控制火喉豚肉切得不算太薄身 食落沒有好重既豬腥味 豬肉味甚濃海鮮拼盤有好幾款海蝦、蠔、螺、蜆、青口、帶子同蟹柳海蝦頗大隻 食落彈牙爽口 意外驚喜是當中有蝦膏亦有蝦籽就是略嫌當中有些不算新鮮螺肉都頗大而且厚身 食落有咬口青口鮮味 帶子肉質爽滑 蜆肉大隻飽滿味道鮮甜除左自助火鍋配料可以任拎任食仲有串燒炸物可以即點即燒 同樣無限任食款式選擇都不少 味道可以挑醬燒或是鹽燒 兩者都不會死鹹清了枱面都已經飽飽 未完 仲有甜品雪糕作尾雪糕係採用100%北海道牛乳既MILKTOP奶味香濃 不過當日所見已經差不多見底了 想吃就要出力刮一下吃過豐盛團年飯 又要捧著肚子離開了 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-21
0 瀏覽
前排見到間野出$98半放題講到好吸引咁點知上到去伏過直升機首先$98 講緊係最平果個飯再加錢轉半放題咁呢個鰻魚飯都要百幾蚊再加錢任食燒物炸物講返個鰻魚飯,一張相睇到啦...俾老鼠咬過一忽呀??仲要勁油!之後就任食串燒呀、炸物呀、雞翼呀佢宣傳果陣就寫到好多野食咁,其實就好少選擇真係唔食好過食,d串燒都起碼可接受但塊燒雞皮我真係笑L咗,一大塊平鋪,擺落盤底,油淋淋咁我仲以為係咩墊油紙炸物d粉好似用咗82年嘅地溝油咁係一層勁厚嘅粉皮包住d凍嘅肉,真係唔明點解呢兜野慘過佳po凍肉,但仲要等幾個字先上枱雞翼係全場最伏,係咪上星期炸完唔夠貨攞返出嚟俾人任食個雪糕係一桶桶自己刮果d,仲要見晒底俾人刮到成pat屎咁,個雪櫃門長期大開完全冇人理d甜品硬過500年前d恐龍化石切都切唔開但咬落去係冇味兼淋bat batWhat the hell am I eating?!?!知唔知成晚最好食係咩呀?係C+Lemon汽水呀! 繼續閱讀
(以上食評乃用戶個人意見 , 並不代表OpenRice之觀點。)
年宵後嘅好去處——相馬日式火鍋前排同朋友逼完去D2 Place行年宵之後兩個餓鬼即刻喺附近覓食,誤打誤撞又比我哋搵到間性價比勁高嘅日式火鍋店—相馬日式火鍋。鋪頭嘅裝修冇乜特別,行日式居酒屋風格,一串串燈泡同不倒翁掛畫,平民日系懷舊風就咁浮現。卡位空間唔大,如果要出入攞嘢食會有少少迫,不過好彩環境夠乾淨,最緊要食得安心。自助吧上面有啲掛牌,上面有唔同款式嘅烏冬仲有標明價錢,應該係餐廳朝早唔做放題做單買嘅價錢,大概都係幾十蚊一款,都幾吸引,同朋友即刻決定下次放lunch過嚟試😂。我哋三個人叫咗一個鴛鴦鍋,大部份嘅食物都係任點任食,連海鮮、牛肩胛都係任食,埋單一人$300左右,真係抵食。湯底嘅選擇有好多,但係重口味嘅我哋就決定加錢叫咗兩個睇落好似好濃郁嘅湯底,黑松露牛乳湯底同埋海老湯底,店員推薦想食清淡啲嘅就可以試豆乳湯或者豚骨湯,感覺都唔錯。私心推薦黑松露牛乳湯底,一想個鍋已經聞到好大陣牛乳香,中間夾雜左陣陣黑松露騷味,真係好頂癮。相對之下我就無咁推薦海老湯底,因為味道略咸,而且價錢都偏貴。好快海鮮就上菜,有帶子、蟹棒、大頭蝦、大蝦,仲有啲貝殼類,種類都唔少,而且睇落去都好新鮮,唔似冰鮮嘢。試晒咁多款海鮮,我自己最鍾意帶子,啲帶子搵完之後唔會縮水縮到唔見咗,口感仍然都好彈牙,鮮味好重,不過同牛乳味嘅湯底就唔係太夾,夾返海老味湯底就啱啱好啦。朋友就話啲蝦拎去熱滾牛乳湯底好正,蝦殼索晒湯底精華,越索越入味,同埋佢啲蝦有幾款品同品種,大大細細,同出面淨係得虎蝦嘅放題店就立見高下啦。隨餐附送咗三款肉、雞肉、黑豚肉同頂級牛肩胛,作為食肉獸嘅我哋,即刻將啲肉擺晒入湯底到滾,估唔到牛肩胛唔洗一分鐘已經變曬深啡色,證明佢油脂分布非常平均,黑豚肉嘅色澤都好靚,近鮮紅色,食落肉質都好嫩滑,三款肉入面我最鍾意黑豚肉。值得一讚嘅係餐廳師傅好用心去烹飪串燒同炸物,我最鍾意嘅串燒就係佢嘅靖魚同金菇肥牛卷,串燒主要用七味粉同調味粉調味,啱啱燒起嘅串燒加埋啲調味粉惹味十足,而且師傅上菜速度好快,唔使係到呆坐。炸物嘅賣相都好吸引,全部都炸得好靚,呈金黃色,個皮炸得好酥脆,我最鍾意嘅就係炸墨魚丸,平時出面啲放題店都冇乜機會食到,墨魚丸似係手打墨魚丸,魚味好重,真係出乎意料之外。餐廳都有啲自家製甜品,但係我哋都食到好飽,我自己就試咗朱古力撻,奶精味比較重,小朋友應該會幾鍾意食。食完咁多嘢,我哋就去咗飲品吧到沖左杯茶飲順便消滯,好欣賞呢間餐廳特登整個飲品吧比客沖茶飲,食完火鍋不妨自己沖一杯飲埋先走啦。 繼續閱讀
(以上食評乃用戶個人意見 , 並不代表OpenRice之觀點。)
市區上的平價之選 濃湯料足味道佳上週末放工時與朋友經過荔枝角D2 place時才發現年宵已經完結,正當三人失望而回期間竟發現鄰近D2 Place的一間隱世火鍋料理店,彌補了我們內心的失落。餐廳的地理位置非常便利,地鐵站口一出便可以見到入口,唯一需要注意的是唯一需要注意的是「相馬」位於大廈一樓,而非地下,千萬別錯過。餐廳裝潢簡單清潔,牆上掛了不倒翁的掛畫,白底紅圖,散發濃厚的日本風味,天花垂落數個竹枝燈泡,但可能是因為當天是平日,客人較少,這些燈泡都未見打開。當日一行三人一同點選了餐廳的自助放題晚餐,當中海鮮、牛肩胛、燒物及炸物任食,平日價$248一位,非常划算。當天我們更升級了湯底,挑選了黑松露牛乳鍋和伊勢海老湯底。落單後火鍋仍未到,我們已迫不及待到自助吧繞了一圈,各自拿了一些炸物及燒物。自助吧提供的熟食種類不多,只有一些基本炸物、燉蛋、燒雞扒等⋯喜歡炸物的我試了炸洋蔥圈、炸餃子,當然少不了我最愛的醬燒雞扒。炸物的味道不過不失,油的份量控制得恰到好處,沒有出現一咬開整口油的情況,可以一試。醬油雞扒則令我最為驚喜,香草配黑椒灑在雞扒上,非常香口,雞扒的肉質滑嫩,雞皮帶少許油脂,非常惹味,雖然明知道是冰鮮雞卻也忍不住吃了數件。火鍋湯底一端上來的時候,我與朋友都不禁嚇了一跳,黑松露牛乳湯底的香氣彌漫,濃烈的牛乳香陣陣傳出,乳白色的濃湯與橙啡色的海老湯底相映成趣,吸引至極。牛肩胛的雪花分佈平均,血色鮮艷,的確非常吸引。將牛肩胛放在牛乳鍋中熱滾數十秒,牛肩胛隨即轉成啡色,充滿牛香並帶少許黑松露的香氣,配搭牛乳的濃郁口感,真心地大力推薦,同價錢的火鍋料理店無法媲美。在眾多火鍋配料中我比較喜歡的還有蝦和青口,海鮮類都頗為新鮮,顏色鮮艷。青口肉厚又肥,帶嚼勁,味道鮮甜,再加上海老湯底的重口味,簡直一流。蝦本身已經帶鮮味,再吸盡湯底的精華,朋友由始至終都在盡力地吸允蝦殼。另外,炸物類的食物亦大得我歡心,種類多而且每件都炸成金黃色的,加上日式蛋黃醬,十分邪惡。當中我比較推薦的是炸雞唐揚,油脂多,味道濃,與醬燒雞扒有幾分相似,在冰鮮雞之中是不錯的選擇。餐廳的串燒上菜速度亦很快,大部份的串燒與一般火鍋料理店的相同,當中比較推薦京蔥豚肉串,京蔥平衡了油膩,少許嗆口。餐廳的甜品味道令人有點失望,外貌非常吸引但款式只有數款,而且味道大致一樣,都是比較重糖味和奶精味,只吃小小一個便覺得有點膩,建議大家可以吃店內提供的水果或雪糕。整體而言,餐廳的熟食和自助吧水準非常不錯,性價比高,值得一試。 繼續閱讀
(以上食評乃用戶個人意見 , 並不代表OpenRice之觀點。)