益新美食館 (已搬遷) 新店位置

計劃了數星期的「慶工」宴，要在條件許可下的情況下辦個說小唔小的「喜宴」，想到的一定是益新，環境適合十多人的飯局，而又做得一手好的功夫菜，加上「擇平而食」，絕對是最佳之選。是日連三加一位主角共十二人，交帶部長開了大檯，店子不大，但已佔了餐廳的大半位置。前前後後打搞了經理多次，故早前來寫菜單難度亦不高，是離不開燻倉魚、西檸雞、炒鮮奶、鳳凰焗魚腸，想起咕嚕肉也不錯，再加上八寶鴨，不夠的到飯局當晚再追加，經理客氣的說打電話來訂菜就行了，對於飯局，偶是有少少堅持的，菜單還是要親身來寫。食友帶了餐酒來，阿姐細心地已將杯雪凍，方便飲白酒，一番恭喜下，酒剩半瓶。餐前是離不開例湯，是日是西洋菜湯，豬肉與西洋菜的無敵組合，清而不濁是喝了要添，材了十足，叫了三鍋的分量亦不夠分，偶想添加亦見太遲，是絕不失禮的例湯。菜是每輪三碟，唔怕擺滿檯，先來的炒鮮奶、燻魚及鳳凰焗魚腸，後兩者是招牌菜。燻倉魚斤半重，由阿姐代勞方便大家share，食友說燻味十足，唔錯，但偶吃的魚尾位，較濕味道亦不及上次來的好，有少少跌眼鏡，但見大家食得咁開心，亦叫做交到功課。鳳凰焗魚腸水準多次吃亦如一，加了炒過的蒜蓉、陳皮、豆豉醬來焗，焗得又

一家四口又再出動, 今次在文迪受傷的情況下到益新. 辛苦了.環境相當擠迫, 不過坐得還舒服.煙蒼魚: 8分, 價錢昂貴, 份量很小, 煙薰味幾濃, 魚的鮮味就較小. 就煙薰菜來說, 我比較喜歡得龍以及鏞記的薰雞, 煙薰味同雞味的配合較大化學作用.或者我都係麻麻地好魚. 當然, 一場來到益新, 都應該試試.西檸雞: 10分, 文迪覺得麻麻, 我就相當欣賞. 炸完的雞唔老, 點點鮮味, 加上西檸汁, 正.撈汁必然之選.焗魚腸: 8分, 焗得乾了一點, 魚腸份量不太多. 比期望中差了些.大良炒鮮奶: 10分, 蛋炒得好好, 鮮奶味好香口. 大家都好滿意.單試以上幾味, 能夠幸會心愛的食物, 已經值得.

好友因工作係，出來吃飯甚少選擇西，這天是他牛一晚飯，當然是吃中菜了；人在跑馬地區，益新自然又成為順理成章之選。今天亦終於一嚐此店賣到"起晒朵"-煙魚(訂時預留),果然煙燻味濃郁又能保持魚肉質鮮嫩，雖則略貴，但若喜好此類菜式者亦很值得一試。其他菜當然亦保持水準，朋友們亦吃得滿意又開心,是晚送上陳皮味十足之老火紅豆沙作為完美結局。半個月內兩度光顧，亦兩度為此店送上笑面.

由駱克道到利舞台,再到跑馬地,不經不覺已幫親了此店近二十年,雖不是常客,但每年總會光顧三、次。星期五晚,照例全場爆滿,訂時己預留"四菜湯",材料丰富,清潤可口,非一般酒樓味精湯水可比。菜方面,焗魚腸香口夠乾身,炒鮮奶、豉油王煎中,炸子雞等都是水準以上之作，加上炒菜,雖然荷葉飯漏了單取消,但六個大人都己九分半飽了,再加上飯後送上的蕃薯糖水,剛好十分滿足。直得一提此糖水雖是免費,但味十足，蕃薯亦煲得夠火路,相當不濁！地方是峽窄了一，但如果只是為吃一頓高質素，價錢公道的廣東菜的話，益新的確是一個不錯的選擇。

七月四日是美國的Independence Day，也是我最關心的朋友生日。為了幫她慶祝，特意約了九位要好的中、小學同學為她在益新設宴。很可惜，她最終都因事不能來，希望藉此食評，讓她感受我們的關懷。訂位時已預留了四寶湯和煙燻倉魚。四寶湯非常清甜，由花膠、冬菇、金華花腿、干貝和大白菜煲製而成，火候十足！煙燻倉魚乃是我在益新的致愛，煙燻味夠勁，魚肉夠厚，夠乾身，非常滑，好味過太平館九條街。另外點了- 大良炒鮮奶(非常好味，奶味夠重，蛋白滑流，不過有部份女同學嚴太膻)- 焗魚腸(個人不太欣賞，不夠乾身，太少魚腸，太多油炸鬼)- 乾燒依麵(一點都不油膩，仲有少少蝦子增添食味)- 炸鮮奶(外層鬆脆，內裡嫰滑，可咸可甜)- 炸子雞(非常大隻，十足走地雞，肉質有彈性，伴碟的蝦片盡顯心思)食得盡慶，埋單只$160蚊位，個人認為抵食。味得到一百分享受，遺憾的是主角沒有來。

個多月前因有好友回港﹐所以一行十五人又出動。今次決定來試益新既「三寶」。煙熏蒼魚要預早一日盯。味道確實唔錯﹐又大啖肉。需然5片要$600幾﹐不過都值。焗魚腸其實沒有面包兄既相中那麼大。我們叫了兩缽。魚腸非常香濃。還是小食多姿味。個人反而最欣賞個炒鮮奶。感覺像賽螃蟹﹐不過質感更滑﹐又唔貴。奶味香一點會更好。檸雞和咕嚕肉都唔錯﹐不過咕嚕肉就略為細碟。個人喜歡較乾身炸脆既咕嚕肉﹐這裡還未做到。部長推介了豉油皇中蝦﹐但上菜時就變o左蝦仔。味道需然好﹐但隻隻白灼蝦o甘細。一斤半要三百幾﹐都好好好貴o下。要扣分。另外點o左幾個小菜﹐都OK。甜品有炸鮮奶。外層炸得脆﹐不過奶味太淡。可惜香港的確係無靚鮮奶。甜品又有送既錄豆沙﹐都OK。

好才尋日訂左位咋!因為間野好細!我7:30pm入坐時已經爆曬!直至我地走既時候8:45pm都不停有人入黎話訂位!十分好生意呀!我地三個人叫左三個小菜!當然係佢出名野la!西檸雞~~~~~~~~食評真係無介紹錯，的確好味!味道適中，唔會太酸!大良炒鮮奶~~~~~~~~我嫌奶味唔夠多!不過都ok!都鏞記好食Ｄ!焗魚腸~~~~~~~~~~~幾好呀!一Ｄ都唔腥，好真材實料，好多魚腸!埋單三百三!價錢係貴左Ｄ!不過，Ｄ野食確實幾好味!服務都唔錯!

其實成2個月前的事lu﹐我同老友有晚想黎食飯﹐因為知呢度好評不絕﹐順便睇下母親節好唔好帶阿媽黎慶祝~~~我地無booking﹐所以咪walk-in囉。果晚9點半左右入到去﹐見到細細地方坐滿晒﹐個個都係開緊餐。好彩剛剛有人走lu﹐有一張2人檯空左。門口位侍應姨姨話等等﹐執埋檯就可以過去坐啦﹐咁我地咪企係到等囉~~~~~點知唔夠10秒有個中年男人(經理﹖)話呢張檯唔坐得呀﹐已經book左俾人﹐請我地過一陣再入黎。跟住我聽到果個侍應姨姨細細聲背住我地問個阿叔“仲等呀﹖”﹐個阿叔因為面對住我地﹐唔敢答﹐淨係用d好怪的眼神望下個姨姨﹐跟住就再一次用唔見得好有誠意的語氣請我地出去~~~~~~~你話點好呢﹖最後我地一去無回頭lu~~~~~~~住係香港的讀者估都估到﹐book左果位肯定係熟客/大客啦﹐我地d魚毛咪唔幫襯唔緊要囉。我都知香港d粵菜館係咁架喇﹐係熟客就點都死張檯俾你﹐又唔好意思又sorry連聲又送埋糖水賠罪之類慌死你嬲左以後唔再黎~~~~~~~~但係今次唔同嘛﹐人地遲晒大到又唔cancel﹐你寧願空住張檯等個唔知黎唔黎的客﹐都唔去俾其他已經黎到的客人﹐似乎太有義氣wor﹗~~~~~~~9點

第一次光顧這裏, 感覺也不錯, 地方雖小但起碼十分乾淨.是次點了以下菜式:-花菇燉菜膽: 原本想叫四鮮燉菜膽, 但原來燉湯要預訂的, 部長便推介了花菇燉菜膽, 因可即時燉. 個湯好清, 幾鮮甜, 但的花菇帶了點苦味, 要扣分.西施蝦球: 即用蛋白牛奶炒蝦球, 其實就是炒鮮奶加蝦球罷了. 蝦球爽脆, 而炒鮮奶亦炒得好滑, 夠奶味, 但一定要趁熱吃.西檸雞: 個汁好香, 感覺清新, 雖然用檸檬造的, 但一點也不酸, 雞炸得表面脆脆的, 肉本身保留了雞味, 亦覺嫩滑. 必吃的.炸鮮奶: 外表炸得香脆, 內裏的牛奶好滑, 除了馬會之外, 是另一地方可以叫這款甜品的.埋單五百餘元, 貴了一點! 但食物水準高, 應會再來.

一班食友，原提議去區內另一食肆，但鑑於該處水準已下滑，所以就大膽建議拉隊過這邊。十四人坐了這裡最大的一張檯，左右隔離都已經是迫迫地的了。叫菜方面很簡單，就以這裡的其中三樣出色菜做膽，即檸檬雞、焗魚腸及煙薰倉魚，再配其他菜色，包括吉列鮮魷、炸麵牛肉、炒鮮奶、生炒骨、咕嚕肉、帶子炒芥蘭及是日例湯。檸檬雞成隻上，仍然是這裡最拿手的菜色，西檸茨汁芳香，沒有假味，一吃便知是鮮檸汁，亦不會如坊間的西檸汁般杰撻撻，非常好。自己煮過檸檬汁菜色的都知，是功力所在。雞是鮮雞，炸起來仍有肉汁，亦夠脆口，不愧為這裡最出名的一道菜，雖然索價二百四，不便宜，但屬必叫的一味；焗魚腸一大窩的，焗得夠色又夠香。魚腸亦夠味，沒有任何泥味及腥味，肥美甘香，不下胡椒粉都可以。魚腸條條中度穿開，製作認真，好有水準。上面的蛋漿焗得香口，而裡面不會太乾，是分兩段蒸焗的效果，在其他地方難吃得到，也不要錯過；都說過，煙薰菜色我是不會錯過的，每見到都會叫來試試，畢竟還有心有力做的食肆已買少見少。這裡的煙薰魚，色水深而味淡，是用木薰的效果，始終配的是魚不是肉，煙薰味太重就搶了魚的鮮味。味道不錯，倉魚肉厚而骨少，幾好味。除了得龍的薰雞、創發

很久前已經很想來這裏食了，但因地方比較遠，約朋友去食都幾唔方便；所以一直到最近，才終於集齊人數一起來試試。我們都叫了唔少菜，而我自已比較喜歡其中的焗魚腸、西檸檸檬雞和大良炒鮮奶。焗魚腸- 外脆內熱，很香魚腸味，實在有食完還想再食的衝動；只可惜的是，魚腸比想象中少。西檸檸檬雞- 西檸汁味道很特別，有點像檸檬夾心餅中的檸檬味道，唔會太杰和太酸，味道又唔會太濃，如用來送飯食就更加好味，真係比一般的食店高出很多；檸檬雞，外皮脆雞肉嫩滑，雖然都算幾肥，但食一兩件都唔會好易肥掛。大良炒鮮奶- 很香牛奶味，蛋白炒得剛好，唔會太熟又唔會太生，食落很有口感，實在不可不試。其實還有叫一些其它出色的小菜，只是這三樣，係我當晚最喜歡的菜式吧了。店鋪比想象中細，真係再來多人，都要包場了！

為了多試幾款菜式, 便帶埋幾個學生一齊o黎擦番餐, 當然少不得我最錫o既豬豬.西檸雞當然必試, 前後食過三四次, 好似越食越好味, 都唔知何時何日才試到他們的鹽焗雞和炸子雞了. 今次能夠吃到多款小炒, 其中大良炒鮮奶就最正, 有濃旭芳香的牛奶味, 不過就沒有如鳳城般放崧子, 否則更香; 炸麵牛肉又係好味, 油炸鬼係脆口o既, 令到濃香o既牛肉多了些層次; 上湯浸豆苗湯靚菜嫩, 唔係度度都做得到. 另外還試了吉列炸鮮魷, 好新鮮的魷魚件包了薄薄的麵飽糠炸得很彈牙. 生菜片鴿鬆很精緻, 味道也很好, 唯一缺點是本來供應的生菜太少了, 不過經要求便馬上添加, 一D面色都無, 服務真是一流. 總之, 這裏的水準高而穩定, 又係一間可以放心食o既菜館.最可惜我們預訂了煙倉魚都無貨, 要留待日後了.

想當年初次到益新吃飯, 是在銅鑼灣駱克道那邊, 當時的粉絲蝦砵、蟹砵曾令我如痴如醉. 搬到利舞台後, 記憶中只去過一兩次, 對她的印象開始模糊了. 原來不知不覺間早已結業...然後又浴火重生.現時的益新只是位處一隅的小店, 不多不少, 十張檯子, 十分清雅舒適, 不會太嘈雜亦不會太冷清, 環境勝過絕大部分的酒家. 和東寶相比更是天壤之別.我們一行三人, 從例湯到飯後奉送的綠豆沙, 一點冷場都沒有. 今天的霸王花豬蹍湯清、香、甜, 用料十足, 絕非那些老火例水可比連湯渣中的甘香豬肉也很能下飯! 西檸雞、鹽焗雞和炸子雞中選了西檸雞, 連皮炸透的雞件剛好乾身, 一點肥膩都沒有, 配上一流的西檸汁, 其他一般酒樓的西檸雞可以全然忘掉!我本人不懂欣賞魚腸, 但家人喜歡. 家父對雞蛋焗魚腸的評價是一個字: "香"! 唯一的意見是雞蛋可以少一點, 魚腸可以多一些! :-) 點粉絲雜菜煲本來只是例牌動作, 弄點菜蔬平衡一下, 竟然都有驚喜. 下了一點花雕所以雜菜煲芳香撲鼻, 蔬菜還是爽脆的, 粉絲軟硬適中, 廚師的功力盡在不言中.本來已經飽透了, 但飯後送的綠豆沙實在太超級了, 煲到起了沙的綠豆, 濃

上星期四同班舊同學去食晚飯，之前睇下呢個網站做下research。店子不大，當晚成十一人，全女將，被安排坐喺一角，好"親密"。其實除咗其他食家推薦嘅檸檬雞，其他小菜都好有水準，有镬氣，熱辣辣!因為唔係我落單，有D菜名唔係好記得- 好似D雞翼，將一隻切開雞膇同中翼連翼尖好美味，金黃脹噗噗唔使點任何嘢已好夠味!另外，值得推介嘅有"薑蔥焗魚(頭)雲",焗得好乾身,好香，啱啱好!一個簡單嘅粉絲節瓜煲都好正!另外，啲樓面都好helpful - 好似我地叫咗個"羅漢齋"同"素什景"，因兩様好相近，就提議將後者改其他。叫咗十個小菜，每人都係$110左右

Their lemon chicken is one of the best dishes I have ever tried!!Nice little restaurant with authentic Cantonese cuisine. Recommended!!