38
4
1
電話號碼
2834 9963
開飯介紹
2003年,位於利舞臺的傳統粵菜館「益新飯店」宣布結業,教不少老饕都感到非常可惜。最近,「益新飯店」的創辦人之一黃展雲,其家族為延續「益新」實而不華的飲食文化,於跑馬地開新店「益新美食館」,雖然店面只有舊店十分之一(只得800呎),但由廚房的4 位廚師至樓面的3 位員工皆是舊「益新」的老夥計,相信服務和食物質素依舊有保證。 繼續閱讀
營業時間
星期一至日
11:30 - 15:00
17:30 - 00:00
付款方式
Visa Master 現金
座位數目
50
其他資料
泊車 詳細介紹
電話訂座
加一服務費
招牌菜
蟹皇翅
食評 (46)
1Sep2007 1845有人要求想黎呢度試,咁就選定日子。預先訂了的煙燻倉魚沒有令到我地失望,肉及骨每一分每一吋都有濃濃及強烈的煙燻味;西檸雞的甜酸度剛剛好,係屋企整實在有點難度,想食唯有俾錢,雞就冇咁特別,但如果用新鮮嫩雞效果又會點呢?其餘的4味菜式,沒有正面及負面的驚喜,都叫做合格,總算黎講試過,有機會的還會再來也。 繼續閱讀
(以上食評乃用戶個人意見 , 並不代表OpenRice之觀點。)
等級4 2008-09-22
589 瀏覽
現今在開飯的圈子中,已不再依靠好幾個來搞飯聚,而且越來越即慶,好像這一次到奇雲高達兄,帶大家到跑馬地益新,品嘗出色的懷舊粵菜局,也是三數日之內成團.一早訂定位,十三個人坐在一張大團檯,係逼一點,但夠熱鬧.如果去過跑馬地店的朋友,也知道這間飯店是很細小的.所以小到連燒味也做不到,想吃琵琶鴨?要一早訂,而且由渣甸山店送過來,新鮮度一定比不上,今次唯有割愛.餐前的例湯是粉葛赤小豆鯪魚湯,近期吃得頗多,來一碗實在有下火之效用,有人說為何不見鯪魚,也許是用魚袋盛著來煲,所以不著一點痕跡.另一道出色的是炒鮮奶,第三次來再吃,一樣保持水準.炒得很香滑,永不失手.接著的順德鯪魚片,伴西芹一同炒之.沒有甚麼特別.肉鬆生菜包的肉鬆很幼細,用生菜包住來吃是一貫食法.記得兩年前的食評說過,之前吃過很多做得差的西檸雞,來到益新,吃過其西檸雞之後,才開始愛上此道.之前的光陰,就是如此浪費掉,不須多說,這店用的雞件,皮肉分明,吃落皮脆,而且很薄,肉質鮮嫩可人.而西檸汁味道平衡,不會偏向一面.仍然做得很好.鳳皇焗魚腸非常足料,上桌時有人打趣說:{好像梳乎里!},一打開,魚腸多過蛋,甘香可口,不帶一點腥味.是近期吃過最好的魚腸.反觀全夜的重頭戲煙倉魚就有點點不及,今次吃沒有多層的燻味,吃落魚肉仍嫩,亦有點燻香.感覺上,比上次來差一點點.香口菜式有吉列鮮魷,脆漿不厚,吃落香脆可口,鮮魷新鮮又彈牙.缽仔飯也是益新之主力,鮮茄牛肉片飯似是茶記的茄膏,梳打牛的味道.另一味葡汁焗飯也不算甚麼特別.這夜上菜速度以極速來形容,好像我們去大排檔的速度.每一刻也是與時間競賽.店方是否想做多一輪生意?離開時,店員說這店即將會會搬遷,地點會在灣仔.面積比現今的大,其實早應該要搬,只是小店格局,燒味也要由渣甸山做好才送來.食客由坐不下那麼多...期望新店繼續保持水準,到時希望會有琵琶鴨吃,誠為食家之福. 繼續閱讀
(以上食評乃用戶個人意見 , 並不代表OpenRice之觀點。)
跑馬地於我的印象,是一個富豪和中產人士的集居之地,也相信當地的居民,對生活都有一定的要求。知道這裡也出一些出名的食肆,今次吃的益新美食館,由利舞臺遷至這裡,有傳說中的西檸雞、煙倉魚和雞蛋焗魚腸等,未吃之前,我是有些期待的。先上的赤小豆鯪魚粉葛煲瘦肉,很足火侯,對熱氣人士,很有下火的功效;奇餘的炒鮮奶、炒鯪魚崧和鴿崧生菜包,賣相和味道都見得出大廚的功架,炒鮮奶夠滑、鯪魚崧也有鑊氣,口有彈性,惟生菜包的的炒鴿崧,可以炒得乾身一點。其招牌的煙倉魚,大家試後覺得煙薰味不足,又吃不著倉魚的鮮味,味道來得兩頭不到岸,口感總算來得結實。反而另一招牌西檸雞實是名不虛傳,用的應是新鮮雞,炸得剛好,外皮不會過硬,雞肉也嫩,加上恰到好處的開胃西檸芡汁,各方面都配合得好好。吉烈鮮魷也很香口,能鎖到內裡的水份,另一高潮來到,一個貌似疏芙里的雞蛋魚腸,漲卜卜的,內裡滿是甘香的魚腸,絕對比上一次另一間老牌食肆為佳。還來多個不太苦澀的上湯菜膽,平衡回過飽的感覺。最後來了兩個葡式焗飯,有茄膏和葡汁兩款,味道不過不失,勝在有些飯焦。這餐飯原本食物方面已可接受,但一來因地方太擠迫,坐得不太舒服,二來上菜速度太快,令這餐飯吃得急了一點,不可以細心地去品嚐每一道菜,對於一個「有要求」的地區食肆,當晚大部份客人,好多也覺得可以悠閒一些。 繼續閱讀
(以上食評乃用戶個人意見 , 並不代表OpenRice之觀點。)
等級4 2008-09-13
279 瀏覽
10-9-2008一直想試益新出晒名的西檸雞及煙焗倉魚, 呢日終於有機會了, 多謝食友 K 的安排!- 先飲碗粉葛赤小豆鯪魚湯, 味道老火又住家得很, 唔錯唔錯.- 大良炒鮮奶: 名物 #1, 當然唔會錯過. 奶香幾夠, 質地好滑, 不過身邊的食友 S 就話覺得鳳城0個個炒得更好, 搞到我好想試試0個邊的出品 tim. - 鯪魚片炒西芹: 其實我唔係咁鍾意食鯪魚片/球 etc, 唔講太多了.- 鴿崧生菜包: 鴿崧肉汁唔少, 幾惹味, 配生菜包幾清新, 不過我覺得齋食鴿崧仲好食. - 煙燻倉魚: 比名物 #1 更「名物」的名物 #2, 所以一上檯大家就嘩聲四起 魚肉又鮮又 juicy 又滑, 煙燻味點到即止, 好食. 另外亦可蘸落了水果的沙律醬, 不過我就覺得原汁原味仲正.- 吉列魷魚: 勁熱, 好脆口, 炸漿薄薄一層, 魷魚彈牙爽口又鮮甜, 好食.- 西檸煎軟雞: 全晚最期待的名物 #3, 亦係全晚最好食的一碟 -- 雞肉滑, 皮薄脆, 唔會好肥, 但最正係個檸檬汁, 香味撲鼻, 檸檬味好出, 唔會太酸, 而且完全唔會杰, 食唔停口! 絕對係我 so far 食過最好食的西檸雞, 極力推介!- 鴛鴦焗飯: 係蕃茄鮮牛肉及葡汁焗, 不過呢鴛鴦分開了上... 梳打牛肉腍腍膠膠的, 茄汁係杰杰的茶記 style, 可以不試; 葡汁0個邊就有雞肉, 蘑菇之類, 味道普通, 係比茄牛好食咁0者.- 上湯浸芥菜膽: 一向唔食芥菜膽, 呢日食了一條, 係比出面餐館的無咁澀, 但仍然接受唔到芥菜的味道, 唔講咁多了.- 雞蛋焗魚腸: 名物 #4, 叫了中 size (?), 不過仍然成個洗手盤咁大, 我見到眼都突埋! 賣相好靚, 香噴噴好吸引, 食落 d 蛋好滑, 魚腸勁多又甘香, 比上次蓮香樓的好得多, 正!- 仲有送的一窩綠豆沙, 甜度適中, 夠「沙」又夠多渣, 帶點陳皮香, 好食.食店鋪位幾細, 一行 13 人已佔了 1/3 個場, 不過地方乾淨舒服, 感覺不錯; service ok, 雖然上菜快0左 d, 令大家食得好忙碌, 但態度不錯的.$200 一個頭, 話平唔平話貴唔貴, 不過食物好好, 加上呢度係跑馬地, 都合理的. 會再幫襯 -- 為0左佢的西檸雞! 繼續閱讀
(以上食評乃用戶個人意見 , 並不代表OpenRice之觀點。)
等級2 2008-06-26
208 瀏覽
not gonna talk about their lemon chicken, as i said, can't say the best but worth to give it a try, also don't forget about their 肉餅, its very nice and something i'd order everytime. -p.s: good serive as well. 繼續閱讀
(以上食評乃用戶個人意見 , 並不代表OpenRice之觀點。)