百味閣餐廳

營業中

休息中

Weekday放假，趁假期去浸會醫院取報告。曾經在旁邊的大學讀過幾年書，理應食盡九龍塘，但畢竟是兼讀身份，實際花在這個社區的時間不多，往往匆匆而來，匆匆而去，遑論享用美食。於是，藉著今天的機會，走進>>>百味閣餐廳<<<，食個下午茶，休閒一下。餐廳在建新中心，位於聯合道，設有大招牌，晚間亮起燈時，會更容易找到。 餐廳門口以及內部裝潢風格較為經典，有些懷舊風味。 下午茶餐牌滿滿的，簡單分類是提供飲品和不提供飲品。 反正清水無限量供應，於是決定不受飲品限制，兩版餐牌也好好細看。為減慢體重上升速度，還是不能讓自己吃得太飽，所以揀了澱粉質少一些的白酒上湯煮青口拌蒜蓉多士(HKD45)。 不消五分鐘，侍應先送來蒜蓉包。共有三片，全部均很鬆脆，蒜蓉香氣與味道皆足，蒜蓉份量又不會過多，而令麵包無法焗得鬆脆。 接著是白酒上湯煮青口，也不需等候太久就能享用。 共有六隻，相當爽口，白酒上湯亦甚具特色，淡淡的咸味，酒味不會太濃，無需擔心醉倒吧 😅 侍應補給清水的速度很高，而且接待新客人時很友善，和熟客暢談也非常開懷，讓冰感到絲絲人情味。

因為老友係浸大工作，所以以前早收工我會到呢間百味閣餐廳等佢一齊食晚餐後先去打波，因為百味閣嘅晚餐抵食而且環境都唔錯，不過老友轉工後我就好少會過黎。今日因為老婆係樂富附近工作，我趁機約佢收工係樂富站等，之後帶佢去百味閣撐枱腳，重溫一下呢度久違嘅味道。😙百味閣餐廳係浸會大學對面嘅建新中心已經開業左20多年，裝修以一貫老派西餐廳風格，牆上亦掛左多幅舊香港的照片，非常有情調。我地7點半左右到，客人都幾多，不過座位都幾寬敞，坐得幾舒適。😊晚餐價錢同我以前黎食都係差唔多，$98至$178一SET，已包餐湯、主菜、甜品同飲品，我地點左一客羊仔排同焗黑豬扒share食，另外老婆加左一份上湯杞子雲耳當前菜食。上湯杞子雲耳 $38估唔到$38呢份雲耳有咁大份，我地兩個食都好足夠，雲耳大大隻口感爽脆，配上杞子同上湯，非常惹味。👍芝士焗蘑菇餡極黑豬扒 $118 set老婆最愛食厚豬扒 ，呢份極黑豬扒既厚身，肉質又軟腍多汁，佢非常喜歡，配的菠菜飯份量都唔少，菠菜飯本身味道較淡，混埋濃味嘅芝士蘑菇一齊食，味道剛剛好。😋香草薄荷醬焗羊仔排 $168 set$168呢個價錢應該唔多西餐廳可以食到呢個份量嘅羊仔排 ，羊

走進餐廳內，餐廳氣氛別樹一格，裝潢不是新穎，但呢個感覺別處餐廳少之有少了，店員對餐桌上的餐具小心翼翼擺放迎接每一到菜式，重點呢到每一樣食物都好足料，份量十足。 <意大利蕃茄海鮮湯 $65> 蕃茄湯飲得多，不過咁足料的蕃茄湯一試難忘，蕃茄湯味道酸酸甜甜甜好醒胃，每一啖都充滿好多海鮮，有蝦，魚等等.. 好足料所以建議要同朋友share。 <紐西蘭西冷牛扒 （230克）配薯條、青菜及燒汁 $118>，賣相好豐富，除左有蔬菜，薯條之外仲有洋蔥圈，牛扒大件，肉味不錯，火喉控制得好，扒內仍保持有肉汁。 <焗杏仁蜜糖多士 $35> 粒粒蜜糖多士外脆內軟，多士掛上蜜糖，舖面有香脆杏片同埋提子乾，味道恰到好處，甜度適中。

每次經過浸會見到呢間餐廳一直都想試下，今次放工終於有時間一試了，地點唔近地鐵，但搭巴士可以直達，餐廳門面裝潢有懷舊感覺，天花有彩色玻璃，座位寬闊，坐得舒服。侍應有禮貌，主動介紹推介菜式，用餐其間自動加水同換餐具，每一道菜都會幫忙更換餐具，值得一讚。菜式方面，我點了一份肉眼扒餐，包餐湯、飲品甜品，另外點了一份香草蘑菇、芝士蟹肉盅。香草蘑菇，香草牛油味好濃，好大隻菇，有十隻左右，$40幾好抵食～～肉眼扒7成熟剛剛好，肉質鮮嫩粉紅色，夠腍唔會鞋，咬落無渣😄薯塊夠熱夠脆，推介👍🏻芝士蟹肉盅，將蟹肉餡料放上脆脆多士上，好美味👍🏻味道蟹肉鮮味重，係用真蟹肉、唔係蟹柳平價貨。材料有一絲絲蟹肉、蘑菇粒、芝士。跟餐羅宋湯同蒜蓉包夠熱，夠香脆👍🏻跟餐有咖啡、甜品甜品係焗南瓜柿肉布甸，第一次食南瓜同柿肉配搭既菜式，但味道質感都出奇地配合，唔會好甜，份量剛剛好。總括來說味道好、服務好，最後兩人埋單$347原來除左西式菜仲有中式菜，下次要再番黎試😃

今日系九龍塘又一城商場買野，買完野肚子都餓了，要搵間餐廳食野我就諗到我之前系浸會醫院附近有間好好味的西餐因我之前食過。入到餐廳坐低店員會遞上餐牌俾我地睇，仲會介紹餐廳冇的食物，餐廳每日都會有不同的海鮮賣完就冇。餐湯味道適中，又甜甜地又有蔬菜粒，蒜蓉多士烘到好鬆脆好香口。洋蔥煙肉煮菠菜苗，菜炒到好香淡淡地又不會太咸，菜又不會煮到太老好好味。是日餐廳推介龍蝦煎到好香又不會過老，龍蝦肉結實爽口彈牙鮮甜好新鮮沙律菜好fresh，雜果沙律又好清甜。半邊龍蝦擦開啖啖肉超美味扒海鮮伴黑松露意大利飯：蝦肉大大隻好爽口，青口鮮甜肥美，帶子大大隻好爽口彈牙，魚柳煎到好香口，飯煮到粒粒分明全部沾滿黑松露的醬汁，啖啖黑松露飯香美味可口是日free 甜品跟餐甜品

這晚雖不是什麼特別日子，但男友卻想帶我來百味閣吃一頓西餐，原來這間餐廳裝潢充滿懷舊風，加上環境寧靜，我們可在這兒慢慢地享受一頓浪漫的晚餐。菠菜茸魚粒蘑菇湯（$40）雖然呈鮮綠色，但蘑菇味比較濃郁突出，反而菠菜味不算非常明顯。魚肉份量頗多，很有誠意。芒果醬椰絲焗嫩雞（$85）雞肉符合商品說明條例，肉質嫩滑juicy，而且食到少少酸甜，應是芒果醬發揮作用。可配飯、意粉或沙律，選了沙律，什果配大量卡夫沙律醬，醒胃惹味，令我想起兒時去扒房最愛就是這味道。香芒西米布丁擺碟很有用心，＄40一份的甜品也絕不馬虎。布丁上放了香甜的芒果片，甜美可人，還有伴碟的不同水果，色彩繽紛，味道豐富。MENU:

每次去九龍塘我都只懂得去又一城，原來浸會醫院附近就有一間親民又好吃，性價比非常高的西餐廳！鮮蠔蘑菇湯餐廳名物，就點了一試，原來每碗湯都有一大隻鮮蠔，真材實料！只見蠔身飽滿肥美，食落超有蠔味！不過湯就反而偏蘑菇味重，如果蠔鮮能加強就更好了。黑椒洋蔥貴妃蚌（$68）Off-menu的菜式，幸好店員大力推薦，我們才不會錯過這道美味的菜式！貴妃蚌來貨新鮮，肉質彈牙，用上黑椒洋蔥去炒，惹味之餘又能提鮮，隱隱還吃到白酒的香氣。檸檬香草白酒焗石斑($170)又是另一道off-menu的菜式，因為不是每天都吃到。喜歡吃魚的我當然要試試，再加上很少能在西餐廳內吃到石斑呢！石斑剛焗起就上桌，冒着白煙裊裊，飄來陣陣香氣，十分誘人。店員在我們面前揭開錫紙，並替我們分食物，十分細心。魚只要夠新鮮，其實不需太多調味，只需檸檬和香草葉已收提鮮之效。店員笑容滿面，服務殷勤，主動介紹菜式之餘，飯後也有主動詢問顧客意見，令我留下深刻的印象。食物亦有水準，價錢不貴卻能舒適地和情人享受一頓浪漫晚餐，我倆都十分滿意！

當日下午兩點幾係浸會醫院附近 只係想求其揾個地方食午餐 咁就黎左呢間近近地百味閣餐廳餐廳由門面以至內裏都係典型既舊式西餐廳格局 估唔到午市既餐牌賣既都係茶餐廳既中式碟頭飯菜遠牛肉飯 ($55)用料新鮮 牛肉大大塊又鮮甜爽口 唔會係一陣腌制既味道 菜心夠嫩 個汁都整到好好味 不過略嫌個飯硬左少少 比較乾下午茶餐 炸豬扒炸雞翼烏冬 ($38)賣相一般 雞翼炸到好香脆 但係豬扒肉質就好實唔鬆化烏冬唔夠滑 好鞋口 而且湯底好咸檸檬茶反而有驚喜 擺上枱已經令人眼前一亮 有4塊大檸檬 仲要擺到咁有心思 飲落茶味濃而且甜度適中 值得一讚

好記得我第一次食係一年前入浸會醫院做bodycheck，出院後都係病病地既狀態，就入去百味閣叫左個炒雜菜食，個菜一黎到，試完第一啖，有獲氣（真係同大排檔個種感覺）但沒相因爲個陣未寫食評。個陣waiter叔叔（呢次去仲見到佢）沒嫌我地叫得小，係我埋單個陣好真誠甘同我講，希望我早日康復，真係好warm一年後既今日，感覺依然，轉登搭車去食，呢張相仲望到個窩心waiter叔叔我叫左個智利青口，唔多講湯底好正，鮮！甜！濃！洋蔥，黑椒，蘿白加埋海鮮甜，可以話係皇牌！望下個湯底下面會有個爐一路熱住重點系好好好抵食，88蚊，十幾隻跟住呢個泰式紅咖哩雞飯，老實講，叫之前期望唔算好大，因爲始終系西餐廳，點知泰式香葉，咖啡膏都令我食返泰國既味道，加左小小香港人鐘意甜既味道，香濃得黎唔會得個辣，個汁好滑。值得一提，個飯好香！甜品系焗布甸，佢唔整好甜，特顯果香味道，但感覺唔算好西式，可能系因爲熱辣辣

今日係三八婦女節，梗係要同媽咪出黎食好野啦呢間餐廳感覺好有歷史，完全係有舊式扒房既感覺內在設計都感覺好vintage雖然vintage, 不過坐得都好舒服一坐底，服務員即刻過黎同我地介紹食物，並推介今晚的特別菜式呢個法式吐司好脆卜卜鮮蝦香芒沙律杯 $55呢個沙律杯好豐富蝦都有成5隻，而且仲好爽口，足夠2個人食法式海鮮湯 $258材料超多，有大蝦、鮑魚、青口全部海鮮都好新鮮而且個海鮮湯好鮮甜，味道唔會好咸，反而海鮮既味道更突出超正香煎鱆紅魚 $95呢塊魚塊好滑，配上檸檬忌廉汁，味道更fresh芝士蘑菇焗黑豬柳片 $108豬柳片超軟腍，雖然有芝士係上面，但一啲都唔膩而且份量都幾大份甜品：南瓜籽布甸

已經第三次黎依間餐廳，服務態度真心好，仕應做野又快，味道又有水準，仲會有時好驚喜添！位置唔算便利，在浸會醫院隔離既小商場，但招牌夠光，都好容易搵到。第二次黎食晚餐..仲記得第一次黎既時候沒乜胃口，叫左個炒雜菜，估唔到勁用心，好好味，自此對依間餐廳產生左莫名既好感👍🏻餐牌keep住用手寫，已經好少依種咁舊式既西餐廳，好希望依間餐廳會keep住依種舊式既味道🙌🏻最後叫左個A餐同C餐，再加個智利青口。野食未到之前有蒜蓉包，香脆味濃是日餐湯是忌廉雜菜湯智利青口，真心好味有驚喜！用個爐keep住熱住d青口，d湯好鮮，好似仲加埋黑椒粒、白酒，好野味！仲要有好多隻青口，88蚊真係好抵食👍🏻A餐，泰式嫰雞好係好有泰國既味道，細微到茄子都有走油先伴碟...d飯好有飯香，幾欣賞廚師既細心！C餐，連薯蓉都好有口感，有d薯粒係入面，有咬口👍🏻👍🏻甜品係焗布甸，好有層次埋單2人300幾蚊，咁既質素真心抵食！仲有餐廳自家製既撻，不含防腐劑，抽真空，保質期大約1個月。餐廳仲可以包場，set budget比廚師再整特色菜，不局限於menu既食物，真心like！有實力既廚師、有態度同速度既仕應、有質素既食物👍🏻👍🏻👍🏻

已經好耐冇來呢一度食半自助餐形式嘅午餐啦！我依然係選擇回味無窮嘅乳豬叉燒蛋飯！原因好簡單！因為佢嘅乳豬皮脆肉嫩，叉燒鬆軟而且燒得恰到好處，帶有輕輕的玫瑰露香味，冇得同街市燒臘舖比較！食落去你會覺得佢真係落足料去做同埋又有心機去做！放喺上邊嘅荷包蛋裏面嘅蛋黃流出來嘅時候撈埋啲飯，咁嘅配搭簡直一流！帶番好多童年回憶出來！所以我每一次嚟嘅時候都會食呢一個！跟住其他嘅嘢例如沙律同以前以往差不多！不過就多咗啲甜品呀，甜品同以前有少少轉變，當然係好嘅轉變啊，尤其是個士多啤梨瑞士卷同埋葡撻，大家可以試吓！但係記住要預約，可以坐係窗邊望吓街景，又可以見到火車喺附近經過！一定可以氹到小朋友好開心姐！

親戚添了孫女，放工約了老公在九龍塘地鐵站等， 然後一齊行去浸會醫院探望，小生命在新春期間更添喜慶。探完之後在附近找地方食晚飯， 九龍塘地方較偏僻，沒有太多食肆可以揀，找到了這間百味閣餐廳設計走懷舊路線， 昏黃燈光襯托牆上年代久遠照片， 頗有時光倒流的感覺， 令人心情都特別放鬆。唔想食套餐太過死板，要浪漫下散叫， order法國海鮮湯湯料主要用蕃茄+洋蔥+香料，海鮮有鮑魚、 青口、帶子 、海蝦和魷魚， 用西式方法烹調味道較濃，加上海鮮的清甜，又是另一種風味食法，重點一定要食材新鮮， 這個湯完全做到，用蒜蓉多士伴食，一流享受蒜蓉煙肉煮豆苗豆苗新鮮時令蔬菜， 用煙肉碎和洋蔥煮食， 有中西合璧的感覺紅酒汁煮牛柳片菠菜麵菠菜麵用粗麵條比較少，多數食都是幼身， 粗麵條非常有咬口感， 可以慢慢咀嚼， 牛柳片多又嫩， 配上紅酒汁，掛住食都無時間 talk 最後這個身體健康甜品, 應節又好食， 生果用台灣霧蓮切片配 mousse蛋糕，甜度適中，食得暢快結賬四百多元， 食得開心愉快 !

以前在浸會上堂經過百味閣總是衝忙，今天跟友人特地走一趟，望入餐廳後己感到很懷舊環境。位於九龍塘A出口步行8分鐘。進入餐廳後，門口擺放了有限量供應的魚、甜品等，很吸引。看看餐牌，有套餐也有單點，適合學生至上班族原湯煮智利藍青口 $88 青口幼嫩鮮甜，有咬口外肉汁也留在口腔內，很美味。美國肉眼扒 $280 牛控的我對這塊充滿其望！又厚身又做到5成熟。肉質厚身，而內裡是軟棯棯又多多汁，小量根但可接受。職員還提意我們先用海鹽品嚐，這塊扒質量是蠻不錯，很欣賞對侍食物的態度！黃花魚 $138 (紙包焗）配意粉 職員會魚骨先行分離，再給客人享用，起初還以為中西合壁檸檬，有趣的用了香草及白酒，新鮮肉質，又白、滑，肉不易散，不多骨也不苦。菠菜蓉蘑菇湯 （素） $35 青BB的菠菜蓉很吸引，很濃郁，也是素食者必選！ 還有細細粒的蘑菇吃，份量挺多，很滿足！菠菜蓉鮮魚湯 $40 另一味配鮮魚，完坐沒有腥味，還有魚肉可吃，啖啖肉，沒有魚骨。焗杏仁蜜糖多士 $35 麵包上的蜜糖塗很均勻，甜甜的。焗杏仁加上提子放在麵包上感到很豐富，很夾！

星期日晚上屋企人唔話唔煮飯，有人建議去依間百味閣食飯首先叫左個Set Dinner B：芝士焗蘑菇餡極黑豬扒伴菠菜飯芝士味香濃，豬扒口感軟嫩多汁配上燒汁，菠菜飯再加青菜餐湯：味精唔算多 最適合喜歡清清地的朋友芒果醬椰絲焗嫩雞芒果醬椰絲讓雞肉更提味，雞肉口感豐富美國肉眼扒（14oz)肉味甘香，keep 到內裹肉汁，入口淋身，份量夠大，足夠2-3人share 餐甜品：焗南瓜柿肉布甸南瓜味濃郁，上面放上鮮果焦糖焗香芒班戟依個甜品好好食 班戟皮薄光滑 焦糖香口 香芒清甜焗杏仁蜜糖多士（必食推介）厚身的多士皮做成圍邊，入面的麵包切成一粒粒四方形，焗得香脆可口，食落唔會太甜4個人share 食，食到個個飽哂都只係$625