百味閣餐廳

營業中

休息中

已經好耐冇來呢一度食半自助餐形式嘅午餐啦！我依然係選擇回味無窮嘅乳豬叉燒蛋飯！原因好簡單！因為佢嘅乳豬皮脆肉嫩，叉燒鬆軟而且燒得恰到好處，帶有輕輕的玫瑰露香味，冇得同街市燒臘舖比較！食落去你會覺得佢真係落足料去做同埋又有心機去做！放喺上邊嘅荷包蛋裏面嘅蛋黃流出來嘅時候撈埋啲飯，咁嘅配搭簡直一流！帶番好多童年回憶出來！所以我每一次嚟嘅時候都會食呢一個！跟住其他嘅嘢例如沙律同以前以往差不多！不過就多咗啲甜品呀，甜品同以前有少少轉變，當然係好嘅轉變啊，尤其是個士多啤梨瑞士卷同埋葡撻，大家可以試吓！但係記住要預約，可以坐係窗邊望吓街景，又可以見到火車喺附近經過！一定可以氹到小朋友好開心姐！