223
14
14
港鐵九龍塘站 A2 出口, 步行約8分鐘 繼續閱讀
電話號碼
23388144
附加資料
消費滿$200才可用信用卡付款
營業時間
今日營業
08:00 - 21:30
星期一至四
08:00 - 21:30
星期五至六
08:00 - 22:00
星期日
11:00 - 22:00
付款方式
Visa Master 現金
其他資料
電話訂座
外賣服務
加一服務費
食評 (263)
等級4 2021-04-21
167 瀏覽
百味閣屹立在九龍塘二十幾年裝修仍然保留90 年代港英🇬🇧時期的味道彩色天花、掛牆黑白老香港照片、桌巾入到嚟就彷彿時光倒流回到過去一樣這裡懷舊但保養得宜 無論牆身、枱面、地板都好乾淨入座後 優雅的Athena☺️為我哋介紹餐牌以外嘅是日精選點餐後 會先為女士上餐具用餐後亦會從客人後方收走餐具這種禮儀在時下一般嘅餐廳已經好少有十分喜歡哩度嘅環境、氛圍食物亦係有驚喜! 衷心希望哩度可以一直保留落去❤️.🔸鮮蠔蘑菇湯($68)以新鮮蘑菇打成忌廉湯,口感creamy、但唔膩,湯內還有大量鮮蘑菇片。鮮蠔好大隻,飽滿鮮甜,非常好味!👍🏻👍🏻.🔸炸魚柳薯條($65)吉列魚柳好香脆、面中間魚肉好滑,粗身扭扭薯條好好味,炸得好脆,香薯仔味。👍🏻.🔸澳洲肉眼($108)叫左五成熟,肉質好軟、多汁,份量都幾足,好抵食。伴碟仲有好香嘅連皮焗薯呢!👍🏻.🔸晚餐:龍蝦汁會蝦球青衣魚塊($158)蝦球好大隻又彈牙,蝦味好濃,用料靚!魚塊肉質比較實淨爽口。龍蝦汁香濃。伴碟嘅薯蓉超好食!香滑之餘亦帶點薯仔粒👍🏻。炒蔬菜都煮得好入味。由主菜到伴碟都唔hea。.🔸羅宋湯(餐)濃郁足料,蔬菜清甜,味道溫和唔辣。.🔸香橙芝士蛋糕(餐)👍🏻外表平凡,但食落有驚喜!橙味好香、酸酸地好清新,芝士輕盈唔膩,蛋糕鬆軟,微甜而且唔太多creamy,好食!件蛋白霜都好鬆脆呢!😋.🔸白咖啡(餐)咖啡味香濃,食飽後,來一件美味嘅蛋糕配咖啡,心情大好!.🔸曲奇🍪好開心試到佢哋嘅曲奇,真係超好食!好酥脆!口感好好!滿滿杏仁碎片,朱古力粒,好正! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-31
310 瀏覽
還有不足兩天就到復活節,唔知大家諗好咗節目未呢?今晚就有個好朋友約咗我去九龍塘建新中心地下一間懷舊西餐廳「百味閣」吃晚飯,提早慶祝。間餐廳雖然唔算得話係歷史好悠久,但都開咗成廿幾年,而客源就以附近嘅上班族、大學生同假日嘅街客為主。餐廳嘅布置好有特色,由門面以至店內設計都帶著濃厚的懷舊氣息。牆身上掛滿了一張張黑白照片,配以天花上的七彩玻璃、胡桃木色藤織座椅、紅色間條檯布等,裝潢充滿老香港情懷,在此品嚐美食,真係別有一番風味。餐廳主打豉油西餐,不過餐牌上亦有不少中西合壁的小菜,頗為 fusion。我哋點咗兩客精選晚餐,套餐包是日餐湯或羅宋湯、主菜、甜品及飲品。是日餐湯為蓮藕排骨湯,湯料十足,味道濃郁鮮甜、清熱生津。羅宋湯味道亦唔錯,酸甜香濃,內有不少雜菜,加上熱度又夠,用來配跟餐的蒜蓉多士吃,甚是美味!主菜點咗芝士焗松露醬美國豬柳 ($148) 同 龍蝦汁燴蝦球青衣魚塊。豬柳有兩大塊,每件都好厚身,肉質非常嫩滑,夠軟腍又多汁,肉味香濃,加上面頭嘅半溶芝士同幽香嘅松露醬,各種材料完美混合,口感好豐富,真係食多幾次都唔會悶。伴吃的意大利飯亦做得頗有水準,每粒飯都煮至僅熟,外微軟內硬身,食落有米香,加上飯內有火腿和雜菌,口感一流!至於龍蝦汁燴蝦球青衣魚塊 ($158)  亦用料十足,蝦球大大隻,鮮爽彈牙;魚塊鮮甜結實,入口啖啖肉,配埋香濃惹味嘅龍蝦汁同滑溜的薯蓉一齊食,好滋味,令人吃得十分滿意。套餐配有餐茶同甜品,是日甜品為酥皮蘋果批,蘋果批外皮焗得非常酥脆,入面的蘋果粒甜而不膩,吃時可沾少許碟上嘅黑糖雲呢拿汁,味道更佳。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-28
261 瀏覽
比想像中驚喜高質的平民西餐廳之選🤩 上星期Happy friday去左位於九龍塘浸會醫院旁商場既百味閣餐廳,真係唔錯💕性價比高!餐廳行舊式西餐廳路線,Staff都著住懷舊既制服,感覺好正!是晚叫左兩個set dinner..🥩青胡椒鵝肝焗牛柳Foie Gras gratin tenderloin with pepper, served with fried potato, grilled boletus & demi glace完全估本身個餐係肉眼牛扒,不過當晚無哂所以轉左牛柳~賣相很ok哦~試一試,鵝肝好香,牛柳軟滑,比想像中高質呢..👅蒜蓉胡椒煎厚切牛脷伴巴馬臣芝士意粉Spaghetti Carbonara with thick-cut Ox-tongue牛脷好大件煮得好腍,卡邦尼意粉煮得好惹味好好食😋 加埋芝士勁香呢!!..🥧酥皮蘋果批伴黑椒雲呢拿汁Apple Pithiviers served with Dulce de LecheSet dinner本身包埋既甜品,蘋果批我覺得好好食!勁足料!而且係有心思之作!..🍲餐湯 - 粟米湯或羅宋湯Mushroom soup or Russian Borscht 粟米湯標準好飲,反而想講下個羅宋湯,飲得出係用牛肉熬煮既湯,好鮮甜,唔會係出面茶餐廳既味咁🤟🏻 餐湯配有蒜蓉包,好香好脆,仲要每人兩塊,好正!..☕️凍白咖啡Iced Cold white coffee好飲,好大杯,我覺得好好味!..真心覺得呢間西餐廳性價比都幾高,價錢唔貴,坐得舒服,大家可以來試試😋 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-24
236 瀏覽
小時候在附近讀書,最近沒有得外遊,喜歡上舊地重遊這玩意,途經這個寧靜的商場,這間百味閣仍然屹立不倒,決定走進去試一試晚餐彩色玻璃造成的天花板,分外有一點點古典的味道還有舊香港的照片,令這裏加添一點古典的氣息坐在這裏,有如坐在七八十年代的香港的高級餐廳餐廳懷舊,但晚餐價錢不貴,一個三道菜嘅晚餐都只是百餘元每個晚餐都配上羅宋湯,材料足,味道濃郁配上兩片香脆的蒜蓉包,一啖麵包一啖湯滋味難以形容點了一個芝士焗松露醬美國豬柳,雖然加添了芝士,但入口沒有很肥膩的感覺,松露散發出陣陣菌香美國豬柳很厚身,分量十足,豬味很濃郁,肉質算是滑溜在點了一個五成熟的羊扒,賣相都見到很粉紅鮮嫩,羊扒共有三件,每件都很有肉汁配上薄荷醬,將羊扒加添一份很清新的感覺這個三道菜的晚餐,最後還有甜品,這個甜品很有特色,是暖暖的一個酥皮蘋果批配上雲呢拿醬,在這間懷舊的餐廳吃上這個甜品,真的很有異國風情兩個人,這餐買單$350 ,只係比茶餐廳貴少少嘅價錢,就食到這一頓豐盛嘅特色大餐 繼續閱讀
(以上食評乃用戶個人意見 , 並不代表OpenRice之觀點。)
一路都好鍾意呢間餐廳嘅裝修,環境好有情調,最鍾意啲彩色玻璃。唔知關唔關疫情是,人流少咗好多,食物都平咗好多。不過質素依然喺度。叫咗我一向最鍾意食嘅日式雞柳炒烏冬,份量好多,又炒得香!仲同朋友share左碟菜心,最後平均每個人都係$70。咁嘅環境,咁嘅食物質素,咁嘅價錢,簡直抵到爛。仲有啲服務仲幾好,明明叫碟辣椒醬,都要特登搵勁靚嘅碗碟裝住,侍應嘅態度又好好,幾熱心。下次一定會再嚟,不過唔知疫情過後仲會唔會咁平呢。 繼續閱讀
(以上食評乃用戶個人意見 , 並不代表OpenRice之觀點。)