百味閣餐廳

營業中

休息中

今日約左浸會的朋友仔晚餐佢話帶我去佢地既後廚房😂間餐廳係浸會醫院附近 唔用心睇真係會miss佢係舊式商場入面 門面已滲出陣陣懷舊味道入到坐低 可以見到啲檯布 酒吧檯 以及濃濃教堂玻璃窗的裝潢 都令你如置身數十年前的港式西餐廳🤗🤗見餐牌有set dinner 同好吸引既前菜 main course等選擇 我地掙扎左好耐🤭 Waiter好熱情 🤩 上前介紹今日有咩是日海鮮新鮮運到 有咩做法以及優惠價等 令我地有啲方向😂最後我地叫左一個set dinner 同啲前菜share 呢個係set dinner 既餐湯 有羅宋湯同中式豆腐羹揀好少西餐可以有中式湯揀😛😛非常足料 而且羹的感覺唔會結身 圓滑而且有口感另外叫左個蒜蓉焗扇貝 非常入味香口加上新鮮的食材 令味道更好👍仲有呢道泰式紅咖哩煮牡丹蝦紅咖哩偏甜 少許辛辣感吊味 蝦肉亦算鮮甜Main course 上場 呢份羊架同平時好唔同既地方係佢既配菜 薯仔切片處理 仲有啲酸菜伴碟 令成個人食得開胃啲羊肉七成熟做得幾好 整體口感嫩滑多汁😁😁下次要再黎試下啲意粉再感受舊香港風情😛😛

探訪完獅子山，順路到附近探訪百味閣，今年已是第二次 ， 同上次一樣，都是食午餐 。原因是易搵位，不需要等，價錢合理 ， 食物質素都 ok ，餐廳環境帶懷舊色彩 ， 冷氣都足夠。今天天氣實在太熱，沒什麼胃口，決定散叫，不叫午餐啦 。分別叫了牛肉炒意粉 ……我不食牛肉，我都試了一口意粉，味道不錯，需不是干炒，意粉不是太濕，軟硬度適中，就算男士食都夠飽 。我就叫了蘋果燒雞肉沙律 ，伴有些少沙律菜，雞蛋，車厘茄，栗米，蘋果，燒雞肉沒有雪味，唔鞋口……還有微溫，感覺好新鮮，味道比我想像中還好 ， 份量足夠 。其實我最怕沙律主要食薯仔，紅蘿蔔，青瓜 …… 或者全是沙律菜之類，感覺如食草一樣單點可另加 $7， 配飲品 ，當然要叫 2 杯凍飲消暑 ，分別是凍檸水及凍奶茶，可惜份量較細杯……如容量可加大一點，就 perfect 。埋單每人平均 $66 ， 都算合理消費 。餐廳隔離就是浸會醫院 ， 講真，位置有點不就腳 ，從九龍塘地鐵站行去，大若都要 10 至 15 分鐘 ， 如果路經，不妨試試 。

朋友早前介紹這間位於九龍塘的百味閣餐廳，餐廳裝飾懷舊，十分有氣氛。有Set Dinner及是日推介，餐廳每日都有Off Menu的食材，而侍應亦會主動介紹是日新鮮的食材。蒜蓉包香脆又鬆軟，蒜香味濃。菠菜蓉鮮魚湯菠菜打成蓉再混合忌廉湯，香濃又清新，鮮魚塊份量亦多。鮮茄雞粒清湯番茄味重但卻不過濃，清香健怡，加上啖啖雞粒，就算只是是日餐湯也並非交行貨。鍚紙焗原條石班仔侍應推介的是日精選，上枱時侍應切開鍚紙，香氣撲鼻，然後侍應會幫忙起骨，香料及白酒的香氣和鮮甜都封存在錫紙內，原汁原味，石班仔肉質細嫩飽滿，加上原汁同吃，一流！隨魚奉送的伴菜亦毫不馬虎，新鮮薯蓉非開粉的貨色，炸甜薯香脆可口，茄膏雜菜香濃入味。巴黎汁焗肉眼牛扒牛扒的軟嫩與熟度是出神入化，軟而不散，牛味濃郁，配上巴黎汁的牛油、芥辣、香草配合恰如其分，令人一口接一口，而不覺飽滯。焗南瓜柿肉布甸隨餐的甜品，上枱時熱烘烘，入口充滿南瓜香氣，口感豐富。紐約芝士餅正宗的紐約芝士餅，沒有多餘修飾，入口細緻滑溜，口感綿密, 芝士味香濃。整體而言，餐廳食物水準高，價格相宜，而服務更是一流，是如此的服務才值得收取加一服務費。

想必浸大的同學多多少少都至少黎過一次百味閣，就快畢業，約咗讀書時的好友食返個再見不了幾次面的晚餐。又選擇百味閣係因為裡面的裝潢是我很喜歡的懷舊風，彩色玻璃，暖色燈光，係度食飯零舍有感覺。作為鵝肝愛好者的我當然不會放過每次食呢味的機會。香剪法國鵝肝，非常油潤的entrees，有我三分二隻手掌咁大，煎的火候把握的幾好，方才熟，入口即溶。佐以生果沙律，可以中和肥膩感。一開始main course我地又揀肉眼扒食，諗諗下又覺得食厭咗，店員向我們推薦了紙包魚，話係是日供應，問了價格，$128，便點了一份試下。條魚被揭開的時候，我們都感覺特別，有啲似中式蒸魚or湯魚，但裡面的用料又有少少東南亞菜式feel，我們加配了意粉，撈湯汁食正好。魚肉質都幾嫩滑，總體口味偏清淡，問店員話成條魚無落鹽同味精，盡口能保持魚肉的原汁原味，我地食起身感覺零舍養生，的確好健康，有種食住家飯的滋味。平時食開簡餐的我們，偶爾來食一餐養生西餐都幾正。

快有30個年頭的餐廳，還能保留在巿面上已不多，就位於九龍塘的百味閣餐廳，就是其中一間快30年頭的餐廳，還在營業之中。百味閣餐廳位於九龍塘浸信會醫院附近，也臨近浸信會大學附近，客人不止於前往醫院探病的人和大學的學生，其他附近也有私樓和教會，所以客人來源絶對不少。餐廳除了保留西式菜式，還有每天是日推介、中式菜式的供應，除此之外，甜品也是百味閣餐廳自家製，絶對不比巿面上一般甜品差，所以食物菜式選擇確實不少，難怪快近30個年頭還能屹立不倒。******************************百味閣餐廳位於商場的角落位，餐廳也就近大街之上，所以絶對不難找到。餐廳外寫上每日推介之美食，推介之食物是餐牌之內沒有的，會用上新鮮海鮮食材為主，所以都會特別吸引食客前來。晚餐一般大約2個月轉一次，這夜的晚餐套餐菜式選擇，包了餐湯、甜品和飲品，價錢一點都不貴。除了西式菜式，中式菜式都有所供應，確實不錯。餐廳空間足夠，所以座位絶對充足，枱與枱之間有一定距離，所以可以舒適安座地享受美食。快近30個年頭的餐廳，裝修都充滿著懷舊氣息，餐廳之內也掛上了很多香港過去的照片，確實充滿了懷舊味道。蒜蓉包，每人有2片，

依家呢啲懷舊式餐廳 已經買少見少啦， 今次難得朋友再帶我嚟 試下新餐廳呢度環境都幾浪漫， 而且見佢哋個餐牌價錢仲非常合理， 如果心情好既仲可以開支紅酒浪漫下添佢哋要個雪櫃仔擺咗啲海鮮睇啱嘅仲可以點嚟食我就揀咗佢88蚊4只既日本帶子另外再點左個美國西冷牛扒套餐塊扒有成個碟咁大塊， 兩邊煎到脆卜卜， 扒嘅肉質都幾軟熟， 點左5成熟，剛好，很juicy 帶子係用咗 牛油煎嘅加咗啲 雜菇同埋蟹子， 味道生色不少朱古力香蕉pancake， 不會太甜， 又有啲生果食， 吸引得呢又健康跟餐仲有個甜品，今曰係 香噴噴既焗南瓜西米布甸， 呢個反而比較飽肚

是日去又一城逛街，平時都會在又一城食晚餐，但已經不喜歡等位等太久，又要限時，友人突然想到，他有時都會與家人去的餐廳。雖然距離港鐵站遠一點，但勝在環境清靜，沒有壓迫的感覺 原來這個是後門，不能進入的！這個才是正門 ^_^內裡的佈置懷舊，桌子很濶落，而且很注重餐桌上的餐具擺放，環境很寧靜，好像置身於一些高級餐廳似的，但這裡食物價錢合理，這真是不錯的提議！食物有太多選擇了，我們正苦惱揀套餐，還是散叫之際，店員推介今日特別的套餐...... 龍蝦套餐！我們左選右選，最後都決定選龍蝦套餐。餐包都頗多，每人有兩件！微暖，鬆脆，好味！湯有兩款：羅宋湯及是日餐湯。兩碗湯都足料！主菜龍蝦，配特製醬汁。龍蝦一人半隻，再有薯蓉及蔬菜伴碟。特別的煮法，突顯龍蝦的美味 用龍蝦汁煮天使麵！名符其實的龍蝦餐，一物兩食 龍蝦汁滲滿了天使麵及青口，味道恰到好處！仲有水果及餐飲，以為唔夠食，相反食得很飽呢！很開心，在九龍塘都可找到一間價錢合理、食物質素及環境不錯的餐廳 ^_^

喺隔離醫院探完朋友順便喺旁邊商場搵間餐廳食小小野休息下坐陣入到去餐廳裏面望落都幾好feel由於 時間仲早餐廳冇乜人 ，畀咗張四人枱我 舒舒服服咁 坐置身於呢d懷舊餐廳感覺就好似需要嗌番杯凍檸茶或者紅酒飲，先夾剛好坐正喺雪櫃隔離，佢哋介紹依家牡丹蝦做緊98蚊有六隻超抵呀係用泰式風味嘅紅咖哩炮製㗎， 有小小辣，可以接受， 而且每隻牡丹蝦體積都幾大隻下，正另外再點左個 88蚊原湯煮智利藍青口， 目測都有廿隻以上，份量足夠， 非常抵食最後點返個香蕉pancake， 都幾唔錯，唔會太甜，又有生果食下，食完甜品心情都靚啲

今日到浸會大學附近工作，晚餐時段隨意逛逛走到了這裡。本身看到的是門面較當眼的冰室，但再看看原來旁邊另有一間舊式西餐廳，有美國肉眼排推介（$280），正好我想吃排。牛排欣賞餐廳沒有用肉鬆粉，令肉更原汁原味。先倒上選擇了的蒜香汁要求牛排的五成熟都做得到，切開粉嫩，肉質有嚼感而且有肉汁，肉味鮮甜。伴碟還有茄子粒、開邊粟米、焗薯切片、西蘭花和蕃茄片，帶回平衡感又惹味。雖然有伴碟配菜，但都要再要多點蔬菜平衡一下，於是點了《凱薩沙律 $70》沙律新鮮爽口，灑上了車打芝士、煙肉粒和伴有沙律醬，既香口開胃又有口感，還可以配上小多士吃啦。甜品送上了一伴孖寶芝士蛋糕，看似普通但原來味道不錯，芝士香滑味道不濃烈容易入口，而且甜度剛好。

今晚蝦子餅車我去了九龍塘。。。吃晚飯！甚少踏足九龍塘的我更加沒有試過在九龍塘吃晚飯，令我很有新鮮感呢～天花板和窗子的裝潢很有感覺。多士十分香脆，伴湯不錯。《鮮蘑菇忌廉湯 $58》湯手料十足，蘑菇片舖滿整碗湯，而且湯夠熱，味道香濃又滑。《凱薩沙律 $70》沙律新鮮爽口，灑上了車打芝士、煙肉粒和伴有沙律醬，既香口開胃又有口感，還可以配上小多士吃啦。可以先挑選魚類（或者看看大小、問問價錢），然後魚便會拿去用錫紙包著即焗。我選了一條花魚大約$158，份量都足夠二人用，而且還可以加錢要意粉、意大利飯之類，很多配搭。不久後職員便會推出錫紙包並即場剪開錫紙。熱烘烘的蒸氣湧出，聞到魚香，令人食指大動。魚當然要襯熱吃。魚原汁原味，浸著蒸焗時溢出的精華，可隨意加鹽調味。魚肉嫩滑鮮甜，沒有過老，唯魚肉近肚位置有點苦。整體還是很抵吃！甜品《Marble cheese》縱使是小小的一件但很好吃。芝士好有慕絲得的口感，加上海綿蛋糕底，整體完全不甜膩。

今日同朋友係BU 附近打完波， 咁岩好想鋸下扒， 食下西餐 ，不過個頭實在難搵到好野食， 點知比我地忍忍若若見到對面有個閃零零既牌--百味閣餐廳，入去試完，就令我百忙中寫下佢既吸引啦!!!一去到，環境真係好舒服，咁岩係閒日，人唔會太多， 入去有一半坐住人 ，不過又唔會靜到唔敢入去食。芝士蠔磨菇黑豬扒($118)賣相一流，豬扒真係好軟熟，唔會咬到牙軟，而且加埋佢配既小小醬汁，送埋個個好好好好食既菜飯，真係覺得又健康又特別。佢伴碟既磨菇粒，真係有小小香甜味，所以好推薦呢個set!巴黎汁焗肉眼牛扒($168)因為焗既關係 建議3 or 5成熟 個人比較中意熟小小，所以就叫左5成熟，對我泥講岩岩好，不但唔會有韌既情況，而且加埋佢入面既肉汁，對於中意食較熟既我泥講，真係好好食！佢另外有配薯仔加洋蔥，呢個組合唔同一般餐廳既薯條，明顯佢既薯仔係另外經過處理，就咁食已經好香，加埋小小生既洋蔥，令成個扒更加好味。食飽之後，當然唔小得甜品啦!可能本人少食甜品，見到佢呢個焗南瓜柿肉布甸，一開始真係冇乜好感，當然，呢個甜品唔多唔少都係令我寫呢篇食評其中一個好大既原因，因為真係佢唔會太甜，配埋忌廉同南瓜肉，加埋

Beautiful Nostalgic Stained Glass Restaurant with Great Food@KLN TongMy families and I went to a restaurant called "Lion Rock Bistro" (百味閣餐廳) located in Shop2-4, G/F, Franki Centre, 320 Junction Road, Kowloon Tong九龍塘聯合道320號建新中心2-4號舖地下.The entire restaurant is decorated in nostalgic style with eye catching, exquisite, colourful well crafted stained glass ceiling.Black and white photos that shown the old Hong Kong are hanged on the walls.There is a cocktail bar right at the entrance of the restaur

九龍塘浸會醫院附近，真係冇乜特別野可以食。平時唔係醫院，都係要坐到去又一城食嘢。如果真係要喺附近搵嘢食，呢一間百味閣都係一個選擇。餐廳佈置好有70-80年代西餐廳風格。值得一提，除了平時餐牌選擇之外，每一日都有時令蔬菜及海鮮可以選擇。14安士美國肉眼扒（$280）見有優惠，所以點了一客五成熟Swift美國肉眼牛扒。牛扒質地都好軟腍，而且有肉味，用鹽及黑椒調味，而且肉汁豐富，鍾意牛扒嘅朋友可以試吓。芝士焗蘑菇極黑豬扒（$108/套餐）大大份豬扒，芝士輕微烤焦，豬肉容易切開，連套餐都系賣108，夠曬抵食。是日甜品（跟餐）- 紅豆桂花糕

位於九龍塘浸會醫院旁，附近餐廳飲選擇不多，相信不少曾來探病的也吃過這家餐廳。裝潢較懷舊，有老香港的味道，但潔淨整齊，感覺還好。14安士美國肉眼扒 ($280): 份量比一般8安士的肉眼扒大約七成，因此足夠二人共享。牛扒點選五成熟即可，以保留肉汁及其嫩滑質感。廚師以鹽和黑椒簡單醃製牛扒，已能突出其肉味，質素還不錯。帶子煙三文魚芝士意粉 ($138/套餐): 有大量煙三文魚片及兩粒鮮帶子，帶子兩邊煎至微焦，蠻香口。白汁芝士意粉也是標準配備。紅豆冰 ($30/單點): 非常足料，紅豆佔約三分之一，椰奶夠香滑，味道偏甜，很有老香港的味道!

百味閣餐廳是老牌子西餐廳，我曾經在建新中心返興趣班，中午就在此餐廳吃午餐，記得餐廳午市時間客人多到座無虛席，因此也試過下課才來吃下午茶，今個晚上我和家人相約晚餐，餐廳霓虹大招牌晚間亮起燈，也很有懷舊味道，而且面向聯合道很容易就看到。餐廳的裝置有懷舊風格，牆上亦掛了多幅舊香港的照片，令客人回顧那些年，在帶著温馨浪漫的情懷下進餐。安座後，侍應生很熱誠的推介今晚的精選晚餐，我們選擇這份特價「巨型肉眼牛扒」。餐包是微熱牛油法包片，好香、好脆！如巨無霸般的美國肉眼牛扒夠腍滑，肉味夠鮮，配菜也不少，也很喜歡那又圓又彎造型的薯菜，香脆可口！三種醬汁，我們楝燒汁，燒汁味道得宜，不會太濃搶走肉味。我們還點選焗牛肉片帶子意大利飯，夠腍滑的鮮牛肉片份量都頗多，迷你帶子份量也不少，意大利飯煮很較腍身適合香港人口感，白汁美味。我們都很喜歡牛油焗杏仁蜜糖多士，好厚身既麵包皮切成一個圍欄， 入面焗得香脆的麵包切成正方體，牛油和蜜糖份量得宜，不油膩，杏仁片也焗得脆口，上次來臨是吃下午茶，今次是作餐後甜品，我們要兩份添！另一份甜品嘗試了香芒西米布甸，賣相已經靚爆鏡了！閒日的晚餐也坐滿客人，看來老牌子餐廳的確夠實力。進餐