百味閣餐廳

營業中

休息中

近日常常因要時來這區, 百忙中家人提意到附近一家感覺舒適的餐廳放鬆一下, 舒緩一下生活帶來的無形壓力.未踏進餐廳, 已經覺得很不錯.門口以老牌高檔裝潢示人, 感覺很有氣派!餐廳內以歐洲式佈置, 座位闊落, 簡潔舒適.餐廳內掛滿昔日香港的相片, 讓人懷舊一番.粉紅色間條餐枱布配合籐椅, 令人想起和喜歡的人約會的浪漫時光. 雜瓜餐湯, 很特別的餐湯! 外表以為是普通不過的羅素湯, 原來是超美味的瓜湯, 內有多種鮮甜瓜類, 南瓜, 冬瓜等, 味道一流又開胃!香脆蒜包, 熱辣辣, 香噴噴!蕃茄海鮮意大利飯, 份量十足, 海鮮材料多得驚人, 有大隻青口, 魚塊, 帶子, 魷魚, 等等! 意大利飯配合清香的蕃茄汁底, 很滿足.肉眼牛扒, 忍不住又點了牛扒. 四成熟剛剛好, 牛肉香濃, 外層烤得香口, 內裡肉汁保存得非常好套餐包括甜品, 這個是紅豆香蕉餅, 香噴噴, 鬆軟非常, 每口發出香甜的紅豆和香蕉味, 甚是驚喜熱奶茶, 凍檸檬茶, 普通飲品, 制作絕不馬夫, 奶茶夠香滑, 檸檬茶用上絕紅茶和新鮮檸檬, 為整晚晚餐提供完美結尾.原來這是一間十分有誠意的餐廳, 聞說老闆欣賞台灣食品, 包括手工餅,

約了好姊妹到九龍塘行街，順道夜晚去朋友強烈推介的呢間餐廳，由九龍塘MTR行過去10分鐘左右，天氣唔熱唔落雨都還好的，算易搵，有浸會醫院隔離。在一個露天的小商場入面，好易搵到~~MENU都好多野揀呀~基本上西餐來說~你想食咩都有~睇相都好吸引喔~價錢亦幾公道~環境比較暗~其實幾適合拍拖傾計的~仲有D SET 可以叫，不過我今次想試多D野食，所以就單點左好多野~睇完個MENU~好多都想叫呀，然後就問下店員有咩好介紹，佢話特式野係煎帶子同埋錫紙焗原條魚，我就叫左條石斑，而朋友一聽到有帶子食就即刻點了~~份帶子有4隻~都好大隻，煎到底面都香脆咁~旁邊的伴菜亦擺得好靚呀~~肉好厚, 多汁而且是剛剛好熟的，面頭有少少汁同蟹子~能夠起到提鮮的作用，用完一隻好想再食多幾隻呀~然後店員無啦啦問我地想食飯定意粉~話係條魚跟埋的，咁我地就揀左意粉~~登登~~條石斑到左了~~好賣相超好，又係焗到剛剛好，底下有片檸檬調味~~店員話好好食，叫我地一定要撈埋落個意粉度食~~店員仲幫我筆D魚汁落去個意粉度，服務好細心呀! D意粉索左D魚汁味道出奇地夾，一點腥味都沒有，就只有一些鮮味~~而且又唔會偏咸同酸~~仲起左一大

老友剛剛產子，夜晚探左bb便順便係附近醫肚，呢間餐廳外貌精緻，頗有歷史咁個款，正合我意。餐廳內佈置懷舊，黑白相片、哥德式教堂玻璃窗及天花裝飾、棕紅色枱布，瞬間帶你進入歌舞昇平的六七十年代。枱與枱之間位置夠闊落，講野唔會俾隔離聽到，坐得好舒服。那個女侍應十分親切和藹，遞過暖水便開始介紹今日的新鮮海產，最後我地揀左白酒焗蝴蝶蚌，我要了香草焗羊仔排，老公要了芝士焗蟹肉龍脷魚柳。先上兩個餐湯，特別的味道！加入大量黑胡椒，令個湯飲落好醒神，好得意！配焗得香脆的法飽，正蝴蝶蚌上枱啦！嘩，比想像中大隻好多！焗得剛剛好，白酒味滲落蚌肉，質地厚身，爽口好好味！羊仔排成為今晚焦點！正！羊仔肉味濃，但唔蘇！肉質上乘，仲要有五支。食完好滿足！老公的焗魚柳好新鮮，配上焗很脆脆嘅蟹肉，完美的配搭。最後還有好特別的甜品，紅品香蕉軟餅，呢個甜品我都係第一次食，煙韌帶點懷舊味道！眼見侍應服務質素真的一流，誠懇周到，實在有點驚訝！(親，你應該知道通常老字號餐廳總係一副唔憂做咁嘅樣）整餐飯十分滿意，環境舒適，服務一流，食物又好味，見好多枱都有叫焗魚，應該係招牌菜，下次會試佢！

餐廳裝潢很有格調，老情懷的感覺，燈光柔和，是淡淡的黃色，坐著吃飯很舒服，但拍照起來就比較扣分，好像食物總帶有黃色調。門外也很有特色，雖然離聖誕節還有一段距離，但門外的燈光閃閃的，很有節日氣氛😂桌面上的裝飾也蠻有心思的，餐桌跟食物有那花作背景，也加分不少。餐牌很豐富，它連餐湯跟甜點都超多選擇的，一般餐廳的湯跟甜點最多只有兩三款，除非是以它們做主題，不然不會有這麼多選擇，這裡不是很大，但卻能提供這麼多選擇，實在是難得。另外店員的服務也值得一讚，服務超好的。店員很有親切感，當餐牌看久了，店員會主動過來介紹，怕我們選擇不了。水杯不會有空檔期，每當我喝了一半，店員就會幫我加水，很細心的服務。還會主動幫你收拾桌子，看到主菜差不多吃完，就自動自覺上甜點，時間安排得很好，值得一讚的服務。錫紙焗原條石斑魚配薯條$168這魚是用香草葉跟檸檬一起去焗的，完全沒有用薑也能去掉腥味，這我很欣賞，因為我不太愛薑的味道。這魚沒有太多的調味，但也覺得足夠，完全能吃出魚的原汁原味，魚肉也很滑，不會過熟。慢煮三文魚柳粒伴木耳蘋果合桃乳酪沙律$128(配是日餐湯+蒜蓉包+飲品+甜品:紅豆香蕉軟餅伴黑糖忌廉汁)很划算很完整的

一直我都很喜愛舊的東西，因為經過歷史洗禮，沉澱出來的永遠是它最美的地方。今日在浸會醫院探過嫲嫲，約了同樣住在聯合道的友人晚飯。她帶了我到位於建新中心的「百味閣餐廳」。光看門口，只是以為是一間很舊的餐廳。我承認，我少看了她。甫坐下，侍應友善送上暖水及menu。環觀周圍，果然裝修都很懷舊，彷彿走進時光隧道回到70,80年代。餐牌選擇多得目不暇給，但從經濟角度，我們決定叫一個套餐，再散叫一個帶子及錫紙焗黃立倉。前菜方面了香煎帶子伴蟹籽，侍應稱這道菜甚受客人歡迎，果然令我非常驚喜。首先帶子非常非常彈牙，加上醬汁又香又濃，伴上蟹籽增加口感，整件事非常配合又開胃再來是煎藍鱈魚柳及中蝦伴龍蝦汁，份量屬中等。先說魚柳，鱈魚味不算強，肉質較厚實，但勝在新鮮。中蝦大隻又彈牙，配上龍蝦汁合拍非常。再來是我最期待的錫紙焗黃立倉，餐廳非常細心，侍應哥哥一般都會幫客人去除魚骨令我們更易進食！打開錫紙後，一陣香氣撲鼻。不禁問職員魚的烹調方法。原來這道菜只是用上湯，月桂葉及檸檬這些簡單材料，但因為魚是餐廳每天從市場買回來的新鮮魚，所以即使用簡單方法烹調，單是香味就令人食指大動！果然魚的肉質非常滑，錫紙完全鎖住魚的肉汁

香港有很多西餐廳，有高級的，也有平民級的，除了價錢，主要分別就在於食物和服務質素。我喜歡食西餐，選擇的餐廳價錢都是親民的，但對食物的質素都有點要求，於是朋友就介紹我來到這間百味閣餐廳。一步進門口，不難發現百味閣餐廳的裝修都是有精心設計過的，以外國流行的白色和木紋色為主，偏黃的燈光打造復古的風格，天花有類似天窗的裝飾，以琉璃色特意凝造西方教堂的特色，門口左邊有一張吧枱，給人一種舒適悠閒的感覺。剛坐下來，餐牌隨即送上，餐牌裡面有非常豐富的選擇，相當吸引，挑選了數款食物，就靜靜地享受一下餐廳的環境，除了大體裝修，我最欣賞的是牆身上的風景掛畫不但和裝修相呼應，更有畫龍點睛的作用，更有悠掦悅耳的外國音樂，大多都是八九十年代已熟能詳的流行曲，令我完全融入西餐廳的環境。食物很快就送上來，先有蒜蓉法包，我認為如果一家餐廳連小吃都做得很出色，主菜一定不會差，百味閣餐廳就是一例。它的蒜蓉餐包送上枱的時候還是微熱的，可以聯想到麵包剛出爐的感覺，蒜蓉味及麵包的味道十分香口，口感脆而不會硬，相當不俗。隨後送上的是芒果蝦沙律，這個配搭充滿熱帶風情，除了味道，我特別欣賞它的賣相，蝦和芒果都切得完整有序，明顯分得出層

友人知我是魚痴, 極喜歡吃魚, 他最近在一間餐廳吃了一道“鍚紙焗游水石斑”, 並把相片發給我, 我一看便雙眼發亮, 嚷着要去吃。苦苦久等之下, 他今晚終於有空跟我去品嚐, 但想不到他帶我來到一間懷舊餐廳, 的確很久沒有去過這些舊式餐廳, 反而覺得有新鮮感, 這種說法一點也不矛盾呀!餐廳門面以白色的牆身配紅磚泥, 撐上兩個小蓬簾, 加埋一道深啡色的大木門, 滿有懷舊的感覺。甫進內裏, 彩繪的玻璃窗、傳統的酒吧枱、牆上昔日的黑白照片、有份量的大籐椅配坐墊, 而每張枱也舖上棗紅色直紋枱布及放上舊式的假花瓶, 還有服務員穿上整齊的傳統侍應生制服、播放着懷舊的英文歌等等…..這個情景令我突然想起現在每晚播放的 “天地豪情” 餐廳場景, 是七八十年的餐廳。翻開厚厚的餐簿, 全文字, 沒有花巧的設計, 簡單平實。見它咁有份量便知選擇不少, 有湯類、沙律、頭盆小品主菜、海鮮、素食、伴碟、小食、甜品、熱飲、凍飲、啤酒及波打、餐酒等等......唔止呀! 還有數款精選套餐和是日新鮮海鮮, 真是多得令人眼花撩亂, 想不到這裏有那麼多選擇, 厲害! 精選套餐共有三道菜, 包咖啡/茶, 價錢由此$118-178

到浸會探完舅父後，順道找地方吃晚餐，行了一會便看到一個小商場內有間餐廳, 記得之前聽過朋友提及這間叫的餐廳o餐廳門面充滿懷舊感，踏進餐廳，看到天花用一扇扇幻彩的玻璃制成，極富色彩， 入門口的左邊有個小小的酒吧，伴隨著美妙的音樂入座，有如走進音樂會中o 餐廳場地唔算大， 佈置得井井有條， 每張桌上都擺放著一瓶絲花， 非常有心思， 枱與枱之間有一定的距離，可安心開懷暢談o坐下不久便奉上清水及餐牌，待應生推介一些當日特別的菜式，最後我們決定要一客湯, 一份沙律, 一份魚及意粉o青豆栗米忌廉湯 ($30) – 雖然是當日的例湯， 但絕不馬夫， 材料十足， 新鮮的青豆加上香甜栗米， 入口有淡淡的青豆香， 又有栗米粒粒夠咬口， 配合埋烘得香脆的蒜蓉多士，令人胃口大增o青瓜蘋果沙律 ($35) 平時都是食凱撒沙律多, 今次見到餐牌有呢款, 好有夏日feel, 一於轉下口味o 果然無令我失望, 沙律用雪糕杯盛載, 賣相別樹一格, 非常有心思o 蘋果同青瓜都很爽脆, 用檸檬乳酪代替一般的沙律醬, 味道清新怡人o焗肉醬意粉 ($80)記得細個時第一次食意粉就係焗肉醬意粉, 所以特別有感情, 今次個場地咁

約開朋友行九龍塘，上網睇到呢到西餐唔錯。Dinner set 包是日餐湯，蒜蓉包，main set, 甜品同飲品。餐牌有健康餐，當然要試。浸三文魚柳配沙律$138沙律係yogurt salad, 配有杏桃，合桃同蘋果，口感好好。浸三文魚柳份量足夠，大大塊十分健康，魚肉亦好鮮甜。煎藍雪魚魚柳及中蝦$138賣相好幾靚，煎香左既藍雪魚帶點點咸，龍蝦汁既配搭都幾好，仲有大蝦同薯菜，薯容有點忌廉味。不得不提的是甜品，小小的朱古力漿同棉花糖生果，夠晒得意的Diy.加多件法式芝士蛋糕，軟綿綿加仲熱的流心，好好食。

朋友嚐過九龍塘百味閣的龍蝦湯覺得好正，於是今晚便特意一試，原來這裡也有燒龍蝦，這次便變成了海鮮龍蝦宴了。蒜蓉包新鮮熱辣外面香脆裏面好軟熟，難怪待應哥哥提示我哋趁熱食呀。香煎帶子 $88配蟹子同秘製醬汁，蘑菇墊底，帶子煎得剛好熟，又香又冧。莧菜香橙蘋果沙律 $80仲有雞蛋同蕃茄，蘋果切成條狀， 好似薯條咁， 莧菜煮得好冧好滑，其實沙律也不一定要吃生的蔬菜，而家D莧菜咁靚咁嫩，整熟佢撈下生果沙律也不錯，成個沙律份量都好多， 三四個人 分嚟食都夠。龍蝦湯 $98專誠来試的這個龍蝦湯果然不負所託，熱到出煙，香味四散，蝦香濃厚，真是飲到耳仔都郁埋。燒龍蝦 $205配賓尼士汁，龍蝦肉質煙煙韌韌，尤其D蝦膏，有煙薰香味好彈牙，配一大嚿薯蓉，感覺薯蓉也特別香口，可能也加了些調味吧。都幾抵食，其他套餐都是百幾元，重有好多人幫襯外賣添。

蒜蓉包~新鮮熱辣即叫即焗 香脆可口香煎帶子~秘製醬汁魚子香煎帶子，配新鮮蘑菇切片，帶子鮮甜肉嫩。蘑菇片又簿又多，顯得廚師刀工一流，而蘑菇肉嫩又帶有蘑菇汁。莧菜香橙蘋果沙律~ 蘋果切條，香橙肉，雞蛋，莧菜煮熟了撈沙律醬， 火箭菜，番茄片，紅椰菜，生菜，生果味非常特出。服務員講這沙律最適合女仕口味，我個人覺得減肥食最好。菠菜蘑菇湯~菠菜打碎與忌廉一齊煮，再加切片蘑菇，出來口感滑及比較清淡。生蠔蘑菇湯~有湯除了用鮮蠔及忌廉煮外，仲加蘑菇片同埋原隻生蠔，味道鮮甜又唔會腥味。檸檬香草白酒焗石斑原隻~打開石紙，陣陣酒香傳出來，石斑肉質鮮嫩又滑，鐘意食海鮮的包辦了魚頭魚尾及魚骨，如果魚汁配少少白飯食一流，但不太適合食西餐的。今日食的有部分都是餐廳每日特別精選菜式，是服務員特別的介紹，不是餐牌上的款單。如果想食牌單上的套餐，價格非常之低食。雪櫃是當日新鮮在街市買回的食材。任君挑選。法式芝士蛋糕~經過加熱，食時香滑鬆軟，仲帶有少少橙香味，旁邊加了一些朱古力粉裝飾。

今天懷著緊張不安的心情回去浸會醫院為太太覆診，太太需要禁食，但亦陪我去食早餐。昨晚睇了百味閣的營業時間，最早由8:00開始，所以約8:15左右我們就到餐廳，點了一份雞扒煎蛋公仔麵配凍檸茶。基於太太禁食關係沒有點餐，幸得店員理解。原來此餐廳人頭必需點東西。食物質素方面，份量大，雞扒蛋，味道尚可。環境方面，舊式裝修，位置座位都算多，聽說這裡午市經常爆滿。最後埋單總數HKD $40 ，早餐而言算貴了一點，但都可接受。

今晚放工約咗Mami食飯，為咗令佢食得開心，特登喺openrice揀咗一間懷舊感覺重嘅西餐廳同佢撐枱腳！餐廳位於九龍塘，近浸會醫院附近。就咁睇門面，已經覺得呢間餐廳非常old School!門口位置寫咗是日推介，方便人客點餐。特別係餐廳入面嘅彩色玻璃位置，令整個餐廳嘅氣氛充滿六七十年代西餐廳嘅感覺。餐牌嘅食物種類非常多，亦設有套餐。我同Mami分別嗌咗百里香焗嫩雞（伴黑松露茸同雜菌意大利飯）$118；巴黎汁焗西冷牛扒$168。另外，由於店員極力推薦，所以我哋仲叫咗個煎日本帶子！廚師控制火候得宜，帶子上枱時散發出陣陣牛油味，入口嫩滑唔韌，帶子面相放上蟹籽，口感十足！之後就輪到餐湯。有羅宋湯同粟米湯選擇，比較底下羅宋湯略為優勝，羅宋湯除咗開胃之外，湯嘅配料十足，啖啖滋味！之後就輪到主菜。巴黎汁焗嫩雞，入口肉質富彈性，唔韌；雜菌意大利飯亦都香氣撲鼻，每粒米飯亦都非常煙韌。至於西冷牛扒方面，我哋選擇左七成熟，切開牛扒，肉汁juicy呈粉紅色！薯仔嘅形狀亦都非常特別，廚師將佢係切到一片片，非常可愛！之後就去到最後嘅甜品啦！今日嘅甜品係水果、棉花糖同朱古力。餐廳職員會協助，將朱古力放喺蠟燭台上，等

每逢假期，一般都不在家煮飯，會帶領父母出街食，一來可以讓大家輕鬆下，二來藉此出去走走，保持活力，三來更加是聯絡感情的好機會。今次光臨九龍塘一間充滿懷舊情懷的西餐廳。門口那個拱型設計充滿老上海的味道，門囗旁邊擺放洋酒，想必是在標揚他其實是一間高級西餐廳。座椅是少有的虅造品，餐枱也充滿懷舊色彩。場內柔和的燈光加上溫暖的背景音樂，令人非常放鬆。法式面包帶點微熱，焗烤到又脆又香，淡淡的蒜茸味更加令面包增添風味。忌廉粟米湯，它最大的特點是滑，粒粒粟米是新鮮的，令忌廉湯變得有口感，新鮮粟米比較鮮甜，令人回味。是晚套餐有7個可供選擇，家人喜歡吃雞，因為年紀大了，就覺得白肉比較健康，大大件的雞肶，已經煎至金黃色，肉汁鎖在裡面，吃落很是肉汁豐富，而且雞肉仍有保持鮮嫩的口感，留下深刻的印象。牛尾一向是我的至愛，可能就是貪其肉感之外，還帶點筋，會帶來滑溜的口感，而且牛尾因為運動有素，這裡的肉質相對更為嫩滑。經過廚師精心泡制後，肉質很淋很入味，令人一試難忘。果然有老派餐廳的水準。家人年紀大，希望食得清淡而健康，所以以芒果沙律作為主餐，其實以一個女仕的份量，還是可以食得飽的，這盤沙律大部分以生果為主，有蘋果、芒

呢排個頭唔知做乜嘢成日都痛， 排公家又覺得好嘥時間， 就去咗浸會醫院度睇醫生。 好彩都冇乜事， 睇完就同朋友去食西餐一入門口就見到有個雪櫃裝滿咗好多海鮮，人多可以試下點咗兩個set dinner， 餐前有蒜蓉包同埋有羅宋湯。 蒜蓉包食得出係即刻焗，焗完囉出黎，好香牛油同蒜蓉味，食落去脆卜卜。 羅宋湯入面嘅材料都比較多，飲落去少少辣，唔錯香草薄荷醬焗羊仔扒， 羊仔扒我要咗五成熟。 食落去好騷， 而且肉質好軟熟， 再配埋薄荷醬， 簡直冇得彈! 跟餐嘅配菜都有好多， 首先墊底嘅有矮瓜， 矮瓜連埋燒汁食，好食。 另外仲有西蘭花同埋焗薯仔，薯仔好香牛油味，食落去唔肥膩，好食而朋友就嗌咗個西冷扒餐， 一樣都係要五成熟。 試咗一嚿， 牛味濃而且肉質嫩滑最後嘅甜品竟然係迷你朱古力火鍋， 有西瓜，菠蘿，火龍果各兩粒，仲有棉花糖一粒。 唔鍾意食甜嘅可以就咁食生果， 鍾意食甜嘅就點朱古力醬。 呢個設計真係好聰明， 咁大人小朋友都可以食到呢款嘅甜品/ 飯後果。 生果點朱古力醬， 朱古力醬唔會太甜，點綿花糖食一流跟餐仲有兩杯餐飲，埋單先$185左右。出面扒餐好少有咁好既甜品，而且羊扒真係食過返尋味， 下次覆診再