癡膠雞 (軒尼詩道)

營業中

休息中

📍癡膠雞灣仔軒尼詩道254號地舖雞、米線都唔合格，冇下次😆～1️⃣椰子雞米線 $60 🌕🌕🌕🌑🌑冇OpenRice食評所講嘅用gas爐heat住，食到一半就凍得7788。唔係我expect嘅椰青水湯，而係椰奶，湯都ok唔算好咸、椰子味都香👌🏻。雞好霉，完全唔爽口。淥米線時應該冇揚散，有啲痴埋一舊、硬硬哋。2️⃣沙薑雞濃湯米線 $48 🌕🌕🌕🌑🌑雞、米線問題同上。沙薑味道唔咸啱啱好👍🏻。3️⃣柚子梳打 $21🌕🌕🌕🌕🌑柚子蜜＋梳打，正常，但飲落冇乜氣平時都唔係好care服務，但呢間真係麻麻。我同佢講2位冇人帶位叫我自己搵位坐，坐低咗又叫我轉枱🙂，轉咗去張細圓枱，員工上菜係咁撞到我🤦🏻‍♀️。

本身是米缐控的我又愛食花膠雞，朋友介紹放工後去灣仔人氣花膠雞米缐店。雖然現在正值炎夏，但食住養生的花膠湯米缐又確實令女仕們滋補養顏，羊肚菌花膠鷄米缐羊肚菌有免疫力， 蟲草花增強抵抗力，木耳補腎兼養顏，花膠有三四片厚身充滿口感，湯底滲透着花膠香，有著滿滿的骨膠原，用熱窩滾下滾下身體立即溫暖椰子鷄米缐揶子湯底味道濃郁呈奶白色，鷄好嫩滑，湯底凊甜原全沒有味精，米缐吸收了揶子清香，味道不錯桂花烏龍冷泡茶同蜜桃烏龍冷泡茶，解渴滋潤啱夏天飲

✨中女獨食難肥日誌 ✨癡膠雞 中女食灣仔之前米線關注組見過有人介紹，癡膠雞米線，bookmark了一段時間，終於路經灣仔一試！招牌花膠雞上海麵 $68原來個麵整個爐上枱，一直滾住，熱辣辣！先嚐一口奶白色湯底，香滑順口，亦不會咸，忍不住一口接一口。雖然米線關注組介紹米線，但店員推介了招牌上海麵，麵身較有咬口，而且份量不少，一定飽肚！以這個價錢花膠都有幾塊，幾爽口！而雞件有驚喜，幾滑身，份量亦不少，整體感覺幾抵食！

“招牌花膠雞米線”($68)“椰子雞米線”($60)“桂花烏龍冷泡茶”($18)成日搭車經過灣仔見到呢間癡膠雞都覺得好搞笑上網睇睇原來係食花膠雞米線,仲有得打邊爐所以就搵咗晚過嚟試吓😛天氣咁熱我地就唔打邊爐lu就咁叫咗2個米線😋分別係招牌花膠雞同椰子雞🥥🐔米線上枱時會用個爐仔heat住食到最尾都仲熱辣辣🔥花膠雞湯湯底鮮甜,飲落好舒服☺️雞件同花膠份量都夠多😚雞肉仲好嫩滑☺️椰子雞湯比花膠雞湯多咗份清甜個人就更加鍾意呢個椰子雞😝飲品就點咗杯桂花烏龍冷泡茶食完咁熱嘅米線飲返啖超爽🤣

放工去灣仔食嘢呢一間 黐膠雞 晚市人好多要排隊 之前試過一次味道真係好ok價錢又親民 呢度係主打食雞嘅米線 有好多款唔同嘅雞 價錢中等 深受OL歡迎呢度最出名嘅係招牌花膠雞米線 感覺就好補身我今日試咗個藥膳黃酒花膠雞米線雞肉上嚟好多而且好嫩滑藥膳黃酒酒味好香 配上花膠雞湯 好正米線量多配埋啲香滑雞湯湯真係好好食仲要係用火鍋gas爐上keep住熱辣辣 真係米線同啲湯都飲埋呀 呢度卡位都好多上菜速度快 仲有好多款唔同嘅米線食 真係黐線㗎啲雞好食到呢小店一定會再支持

放假約咗同媽媽去灣仔辦證件，就搵到呢間養生「痴膠雞」米線，專食花膠雞米線，岩曬養生既媽媽😍✨羊肚菌花膠雞米線 $82見到寫住可以增強免疫力，加上媽媽見到有羊肚菌就話要食呢個，聽媽媽話羊肚菌係菇中之王嚟，營養價值好高😍裡面仲有花膠，骨膠原呀😍口感軟嫩爽滑同豐富嘅膠質，湯底係用左高湯熬製既雞湯做湯底，呈現奶白色🤤除咗花膠同滑雞之外，仲有紅棗同木耳，好養生滋補🤗✨招牌花膠雞米線 $68我就揀左鐘情花膠雞而嚟🤤就揀左佢哋招牌花膠雞米線🍜湯底都係呈現濃濃奶白色，味道好鮮甜而不咸👍🏻✨金磚豆腐 $42小食就試左呢個金磚豆腐，外脆內嫩，豆腐相當滑嫩🤤✨檸檬薏米水 $25天氣太熱，檸檬薏米水剛好可以降下溫👍🏻✨羅漢果胎菊茶 $25媽媽就叫咗羅漢果胎菊茶，味道好足料，羅漢果味好濃郁，味道完全唔會過甜，甚至乎係無點額外落糖，真材實料，岩曬不嗜甜既媽媽🤗

📍灣仔 《癡膠雞》 #養生雞湯米線 主打火爐一齊上既雞湯米線，香港愈黎黎流行花膠雞米線，想食清淡啲又唔熱氣都係一個唔錯既選擇😋 ✨招牌花膠雞米線 $𝟔𝟖 店員都幾細心問需唔需要上爐熱住黎食，熱辣辣一鍋米線，可以保持到碗米線既熱度。花膠雞湯呈奶白色，雞湯鮮甜，飲落會有淡淡雞味。仲有好多雞件喺面，雞脾肉滑嫩🍗 呢個價錢真係非常超值🤩✨藥膳黃酒花膠雞米線 $𝟔𝟖 🍲米線份量都幾多，係幼身煙韌口感，幾岩我地口味。湯底藥材味濃厚，有淡淡既黃酒香氣，其他配料有紅棗，雲耳同蟲草花同蔥花，好養生。仲有兩片薄薄地嘅花膠，不過就未煮到膠質出黎🤔 味道：𝟕.𝟓/𝟏𝟎 性價比： 𝟕.𝟓/𝟏𝟎 

呢間痴膠雞係我嘅其中一間日常飯堂，間唔中同同事Lunchtime會搭的士去食，佢地嘅湯底真材實料熬製，冇加味精，味道濃郁又清甜，好好飲。❀藥膳黃酒花膠雞米線❀呢款湯底藥材味較重，有少少黃酒味咁，飲完會覺得好補身又滋潤，花膠煲到好軟腍，夜晚會原鍋上，熱辣辣咁食好過癮。❀椰子雞米線❀我嘅最愛，湯底呈奶白色，甜甜地又有椰子清香味，煲多一陣米線會吸哂d湯，超好食🥰而雞件都厚肉，食落嫩滑多汁。❀金磚豆腐❀椒鹽豆腐鹹香又唔油膩，一口size咁好快就清哂。❀蜜糖雞翼❀雞翼炸到好香脆，面頭淋上蜜糖，甜甜地咁。❀檸檬薏米水及桂花烏龍茶❀自家製嘅飲品，檸檬薏米水酸酸地咁幾開胃；桂花烏龍茶幾清香，可以解膩。

作為米線控既我😋最鍾意四圍食唔同既米線🍜今日同朋友線左呢個以花腸為主題既米線 癡膠雞📍-這間位於灣仔 個名好有趣 以米線為主😋主打一些中式湯料米線🍜朋友點左招牌花膠雞米線🧡真係有幾舊花膠架最重要湯底飲落唔會味精✅加埋好足夠既米線 幾有趣既口感😁-我就點左椰子雞米線 有椰子、蟲草花等，好香椰子味🥥不過如果本身唔鍾意椰子既朋友未別岩‼️同埋選擇唔算好多❗️-想試下新口味米線既朋友都可以一試😎不過要留意地點唔算好方便⚠️

見到個標題又膠膠哋、又癡膠雞，唔通A姐同M佬鬧交？搞錯喇，只係我哋去咗灣仔嘅癡膠雞食藥膳養生米線姐！癡膠雞必叫嘅花膠雞湯底，落咗大量材料同高質花膠熬製，所以每啖湯都非常濃郁，食完成個嘴都膠膠哋呀！招牌花膠雞米線米線驚喜地用迷你火鍋爐上枱，所以湯底keep住熱度，夠晒熱辣辣。湯底呈奶白色，視覺上已經充滿骨膠原喇！雞肉用上雞脾，非常嫩滑。而花膠就有三塊，滑溜又膠口，食完成個嘴都膠膠哋呀！至於米線幼身又掛湯，好好味！胡椒豬肚雞米線除咗花膠雞湯，癡膠雞嘅藥膳湯底選擇仲有人蔘雞湯、椰子雞湯、藥膳黃酒花膠雞湯等等。至於呢碗胡椒豬肚雞米線，湯底非常香濃，帶有紅棗同蟲草花香味，但如果楜椒味再濃啲就更完美。值得一讚，豬肚非常爽口呢！

呢間餐廳平時都有同同事一齊嗌外送速遞返公司食，今日竟然諗住行過去試下堂食！♥ 招牌花膠雞米線 $68招牌花膠雞米線真係唔可以錯過，發現原來堂食係正好多！因為會有熱鍋一直熱住米線，而雞湯越滖越濃郁！成煲花膠雞湯都比我飲晒🤣🤣感覺好滋補♥ 羊肚菌花膠雞米線 $82另外見佢新出羊肚菌，平時屋企煲湯就成日飲，做湯底食米線一樣好正，而米線係我鍾意既口感，入口好滑，超濃郁湯底米線索哂湯汁勁入味！冬天嚟食暖笠笠應該好舒服🥰

超級補身花膠雞湯米線灣仔出名多野食，終於食到呢間近排好受歡迎既花膠雞湯米線！叫左兩個期間限定🤭羊肚菌花膠雞米線🐔可以增強免疫力姬松茸竹笙花膠雞米線🐓益腎補虛飲啖湯就知佢咩料！用住明火滾滾下！d湯夠熱先鮮甜！有新鮮雞，雞味濃郁！味道鮮甜！份量都唔少！最後湯都飲曬🤭花膠有三至四片，好厚又有口感仲有竹笙，好爽口羊肚菌好入味木耳補腎又爽口性價比極高當食個tam 仔米線都要$60呢度食到咁高質嘅米線真係希望去開多幾間分店!

去開灣仔搵朋友食飯，朋友知大食妹鐘意食米線，帶大食妹試左呢間sell 濃雞湯米線的癡膠雞，果然好味米線用熱鍋上，燒住食唔驚凍，夏天食有少少熱，冬天食會好正花膠煲得耐膠質出曬黎，食完覺得啲皮膚都靚晒，女孩子必食羊肚菌花膠雞米線$82雞件數量算系咁，唔多骨唔會好鞋羊肚菌都算系平時少見的配料，比較爽口米線唔會煮到淋曬，口感幾好姬松茸竹笙花膠雞米線$78松茸同竹笙都係養生之選，連埋雞湯米線食好match 灣仔食lunch閑閑地都成舊水，幾十蚊有咁高質嘅雞湯米線，價錢都算合理

行過灣仔，見到呢間店名都好得意，叫「痴膠雞」🤣🤣一定要食佢啦！主打痴膠雞既湯米線，仲有好多唔同種類既送，有火鍋同埋飯可以食，我地就揀左一個花膠雞同埋椰子雞☺️招牌花膠雞米線💰68係一個小鍋上嘎！可以一直有火🔥住唔怕凍😆料都好足！雞件好嫩滑，係雞腿部分，仲有花膠鋪係面，啖湯真係都幾花膠雞嘎！😗椰子雞米線💰68椰子雞米線都係用小火鍋熱住！椰子味道好濃郁，奶白湯底好香☺️蟹肉忌廉薯餅💰38新鮮炸出黎既薯餅好正啊！一啖咬落去，蟹肉忌廉餡爆晒出黎，超級好食🤤！不過要提一提！呢間店都好多人排隊嘎！建議提前book好位，我都係門口等左一段時間先入座🥲🍴癡膠雞 (軒尼詩道) (灣仔)📍灣仔軒尼詩道254號地舖💰人均90+

花膠湯米線就食過唔小，不過好似一人鍋咁Keep 住Heat Up 嘅就真係第一次，咁就唔會食食吓啲湯凍哂啦，同埋一路食一路都Feel 到好暖胃，感覺好舒服☺️▫️藥膳黃酒花膠雞米線（$68)👉🏻聞落好大陣藥膳味但食落去又啱啱好，一啲都唔會苦，仲有濃濃嘅黃酒味😆雞都幾大件，質感好嫩滑😋花膠有3 塊，口感爽彈，配料有蟲草，杞子同木耳，索哂啲湯一咬就爆汁！米線硬度適中，有咬口👉🏻食咗大約10 分鐘左右就聞到有少燒焦味，相信係因為有酒嘅成份，所以揮發得比較快，建議大家食一陣就可以熄火，如果唔係揮發晒啲湯冇得飲，又有燶味就哂曬㗎喇🙈⭐️⭐️⭐️⭐️.▫️招牌花膠雞米線（$68)👉🏻 奶白色嘅雞湯好鮮甜雞味濃郁，好鍾意佢質地好夠厚😜 花膠、雞同米線同上面一樣出色👉🏻呢個湯由頭Heat 到尾都冇濃，大家可以放心😂所以想一直都有熱湯飲可以揀佢⭐️⭐️⭐️⭐️——————評分：8/10.平圴消費：～$68