癡膠雞 (軒尼詩道)

營業中

休息中

餐廳：癡膠雞地點：灣仔軒尼詩道餐牌：飯類，麵類，酸辣粉，招牌花膠雞系列，癡膠線系列，下午茶，及主食，小食同飲品。招牌花膠雞米線 $68招牌花膠雞米線用鐵爐滾住上枱，出嗮煙熱辣辣，小心辣嘴。個湯色水呈奶白色，只得少少油，好清。米線係白色幼身，好滑溜，份量大概有一碗幾。個湯味道較清，加辣椒醬食米線會更好味。花膠有3片，唔算太薄，都唔錯。黃油雞係一大隻雞脾，切開幾件，皮滑溜又有彈性，雞肉都嫩。如果可以加返條菜會更好。平日夜晚6點半基本上滿座，好多食客。

平時成日食麻辣米線，食到條脷有啲麻，今日同個朋友仔行去呢間癡膠雞，食藥善米線補補先得。好，坐低睇下有咩好食先。藥膳雞，黎到梗係飲下湯底先啦，帶微微藥膳味道，見到有蟲草花、木耳。蟲草花好粗好大條，食落好爽脆。招牌花膠雞，花膠係好完整一條，有好幾舊花膠啊！幾十蚊碗米線，好唔錯！雞件又肥又肉厚，煮完都係滑滑溜，雞肉質素靚，而且雞肉好入味。米線軟硬適中，份量都唔少，索到湯底味道，成碗米線連湯都係飲得食得架！

之前都試過呢間雞湯米線湯底質素好高🥰 一直念念不忘今日又黎試下🤪除咗花膠雞湯外原來仲有唔少其他口味👍🏻 灣仔區既午餐黎講CP值真的不錯💰⭐️ 藥膳黃酒雞 🍲一飲落去見到唔同藥材 但係唔會太過濃烈🍀 黃酒味濃感覺好滋補養生💪🏻整體暖胃得黎雞肉唔會太肥🐔 特別一提個火唔建議燒太耐唔係啲湯就會乾晒🔥⭐️ 胡椒豬肚雞 🥓好有潮式湯底嘅風味😋加上豬肚提升了一種獨特嘅鮮味🤩加上胡椒更加唔會油膩感⭐️ 薏米檸檬水 🍋⭐️ 白桃烏龍冷泡茶 🍑濃郁嘅米線配上嘢飲特別清爽🥤 薏米檸檬水感覺溫和甜度唔會太高🌾 而烏龍茶帶絲絲白桃甜度好清新

今晚同朋友去咗灣仔，食咗一間外表普通，但實力一啲都唔普通嘅米線舖。嚴格啲來講，呢度係出名食花膠+雞，佢個名好易記，叫「痴膠雞」🤣🤣識食一定要食招牌花膠米線，好癲佢好似打邊爐咁上比你，一路個火就咁樣着住，所以啲湯每一刻飲落去都係好滾，好舒服，如果冬天仲正。湯底超級濃郁，好有花膠雞湯的味道！我地飲到一口接一口，真係無誇張的😂個雞都幾好食，不過相對嚟講口水雞就更加惹味🤤個汁真係令人流晒口水！而且我發現有一個可以單獨買個口水醬返屋企食，送燒賣或者其他餸菜應該都一流！今日都係隨心咁樣去呢間舖頭度食咗晚飯，完全冇諗過會有咁高嘅質素，而且重點係價錢都唔貴，性價比好高。下次一定會再嚟幫襯！

剛好五一黃金週，我和朋友去了灣仔的痴膠雞餐廳，點了他們的藥膳黃酒花膠雞米線和招牌花膠雞米線。我們都覺得湯底非常的香甜濃郁，而且加入了花膠後，口感更加豐富，讓我們都美味無窮。首先，讓我們來談談藥膳黃酒花膠雞米線。這道菜的湯底藥材味濃厚，有淡淡的黃酒香氣，但不會過於濃烈。加入了花膠後，湯底更加滋味，而且花膠的口感非常特別，有一種軟軟的嚼勁，非常適合愛吃花膠的人。接下來是招牌花膠雞米線，這道菜的湯底同樣是香甜濃郁，而且花膠的口感更加明顯爽彈。除了湯底，雞肉也是這道菜的亮點之一，它的肉質非常的嫩滑，吃起來非常滑嫩。整個湯底的滋味非常的和諧，讓人一口接一口的吃著。總的來說，灣仔的痴膠雞餐廳的藥膳黃酒雞湯底真的很推薦大家去試試，香濃得宜。

癡膠雞主打養生米線，健康又好食。食得一讚，每碗米線嘅雞件都真係好嫩滑，而且米線係有口感，唔太冧亦唔硬。雖然灣仔店位置有啲吊腳，但都好值得專程過嚟。招牌花膠雞米線奶白色嘅湯底非常濃郁，米線上面鋪滿咗嫩滑嘅雞件，仲有三四片花膠。68蚊嘅個價錢食到花膠絕對抵食。藥膳黃酒花膠雞米線上枱已經聞到濃濃嘅藥膳味道，藥膳嘅配方食落同黃酒好夾，冬天嚟食真係好適合。兩個米線都係用火燒住上枱，真係好有誠意，好似打邊爐咁。

覺得自己有少少發冷🥶, 要搵D熱野食下, 路過見到D人食米線連埋個爐上, 今次仲唔係你?🤓叫左濃湯花膠雞🐣米線 同埋椰子🥥雞🐣米線~花膠雞米線, 湯好濃但唔會死鹹, 花膠同雞份量都唔少, 花膠好稔, 雞夠晒滑, 一D都唔乾唔柴, 成煲一路滾住一路食, 即刻成個人暖左, 差唔多飲晒D湯🙈椰子雞米線, 椰子味超香, 同花膠雞米線一樣湯超濃, 但多左甜甜的椰子味, 湯裡面仲有一塊塊椰子, 仲有紅棗, 蟲草花, 木耳, 一路滾住, 椰子味越食越濃😋用既係雞脾, 連骨, 所以幾有雞味又好滑👍🏻睇返價錢, CP值幾高👍🏻

是日同同事去試下呢間餐廳名很特別的餐廳幸好12:00放飯，否則都難坐到卡位好窩心坤職員將浸左熱水的筷子比我地食物款式有好多款，有麵，飯，小食等等QR code order, 花多眼亂唔知點邊款好呢度出名花膠同雞，我點左個沙薑雞米線，番茄木瓜湯底幾大碗，清清地啲雞幾新鮮入味下次可以再食其他款

近排天氣乍暖還寒，夜晚放工想食啲熱辣辣嘅野。癡膠雞最正係有明火爐頭warm up 住，未入口，爐頭嘅火都暖返個人🔥 話說，坐嘅位置咁啱有一副鬼滅炎柱的畫係度、好感受到熱力😂兩個鍋的雞肉都好嫩滑，無論雞肉定雞皮都有足量脂油香味。雞件部位都多肉，protein 😍湯底都幾濃郁，味道足夠，但唔會涸喉，似乎冇咩味精。同埋surprising 嘅地方係啲花膠都係真幾冧身、入口食得好味米線🍜份量足夠、而且都ok彈牙、煮完都唔會感覺太過林身前往方法：灣仔軒尼詩道254號（A4最近）

🔥🔥之前都係去太子分店，今次去灣仔分店試吓，同太子分店一樣都係門口排滿左人，大概要等20分鐘。但係為咗美食，值得等。🔥1. 花膠雞米線非常足料，花膠同雞嘅份量不少，而且煮到好入味，一路滾住一路食，別有一番風味。我同朋友都湯底都飲埋👍🏻👍🏻2. 黑松露薯條個人都幾鍾意佢嘅黑松露醬，薯條炸到熱辣辣配上凍冰冰嘅黑松露醬，都幾好食😋😋最後值得一提係店員好細心，每個座位都會派一個碟仔可以放骨👍🏻👍🏻而且態度好友善 like!!!

放工之後本身想返屋企食飯 但係我朋友咁啱message我一齊食飯😂於是佢就介紹咗之痴膠雞食米線，佢話好正嘅。入到嚟環境唔錯，係餐牌亦都好多選擇。我哋一人叫咗一碗招牌花膠米線，黑松露醬薯條、凍檸茶、熱奶茶。花膠米線用個爐裝住，好似打邊爐咁。感覺唔錯。花膠湯底好濃味，雞味好重，個湯就咁飲都好正，唔會好油膩。d雞都好多，米線好彈牙亦都好爽口。黑松露醬薯條，個醬好正，薯條亦都好脆。餐廳亦都俾咗個兜我哋裝雞骨好細心。

好多女仔都鍾意食米線🍜🍜🍜成日食酸辣 麻辣湯底都幾熱氣 見到呢間少有食雞湯底既米線就去試下 叫左2款招牌米線 花膠雞湯米線 同 椰子雞湯米線😄佢係用打邊爐式上枱 一路食一路滾住 真係食到尾都仲熱辣辣 好正 花膠雞湯米線🍜真材實料 成大舊花膠係面 仲要搭埋隻雞脾好正😍花膠食落厚實 有咬口 雞脾好滑 加埋個湯好甜 好好食😋椰子雞湯米線🍜我本身好鍾意飲椰子雞湯 但好少餐廳有 呢個米線滿足到我 湯煲到奶白色 飲落好香椰子味 好濃厚 仲配搭左d藥材 紅棗杞子等等 食落好似好養生😍

行過灣仔軒尼詩小學後門旁邊有間癡膠雞，menu夠多種多樣，主打都係花膠雞米線，價錢平民唔貴，所以就入去食下！花膠雞米線，用上熱鍋加火盛上，可幾保持温度之餘賣相亦夠得體。花膠嫩淋幾重膠質，當然唔可以同貴價貨相比，但呢個價錢就超額完成，雞件份量都算多，雞味夠濃郁肉質都幾緊緻。湯頭夠熱亦夠味，唔會死咸。米線亦有質感，份量都夠，食完都幾飽肚。胡椒豬肚雞米線，湯頭滲出陣陣胡椒香味但又唔會過辣！味道控制得唔錯，豬肚夠嫩夠綿，入口質感幾好，價錢夠平夠抵食。

先個排同朋友係葵廣食左一次雞湯米線之後，有少少愛上左雞湯同雞肉 (但唔係米線)今次去完灣仔入境處換身份證之後，行過軒尼詩道見倒呢間癡膠雞，同個朋友入左去。因為我地個日食嘅時間都唔係好夜，淨係叫左2碗米線。招牌花膠雞湯米線朋友叫左呢個 "招牌花膠雞湯米線"，好好彩店家比左雞脾佢雞湯湯底好甜，無乜味精味，而雞肉煮得好嫩滑，加上係雞脾，口感完完全全係啖啖嫩肉，超正。胡椒豬肚雞湯米線身為一個胡椒豬肚雞嘅愛好者，每次都99%係叫呢個，除左因為我個人好鐘意食豬肚，亦因為我覺得雞湯加埋胡椒味係Perfect。今次呢個胡椒味唔算係好辣個種，但係因為佢附上埋個火爐熱住食，全程食都係勁熱同飲到個人好暖。而我抽中左雞胸，但係落一D都唔柴，整體食落都好唔錯。

店舖牆上面畫了漫畫，入面嘅店員姐姐都親切，我覺得好有家嘅感覺。我自己就揀藥膳黃酒花膠雞米線因為用火鍋送上枱，所以熱辣辣，飲湯先，黃酒湯底入面有當歸、紅棗、木耳、蟲草花，好飲。雞件啖啖肉，肉質嫩。我老公就揀招牌花膠雞米線呢款比較清淡嘅清雞湯，如果唔鐘意濃味嘅揀呢款就啱，花膠切細件，方便一口一口食。再叫埋金鏄豆腐炸到外脆內軟，食到豆腐外面有點點辣粉，為豆腐增添美味。雖然叫左兩杯凍檸茶，但我都係選擇飲埋d湯，重點係飲完都唔覺口渴。