癡膠雞 (軒尼詩道)

營業中

休息中

上星期去左會展睇傳統車牌拍賣😆完左就要係灣仔搵食啦😋平時上網見「癡膠雞」評價唔錯試一試🍲🐓藥膳黄酒花膠雞米線🐓姬松茸竹笙花膠雞米線米線上台已經聞到好香啦湯底飲落都好有鮮甜味道💕而藥材味就比起坊間藥膳湯底清淡就算唔大中意藥材味既朋友都可以一試呀🫶🏻雞件肉質較厚實 浸住湯都算嫩滑 仲有脂彈牙花膠 可以養下顏呀💆🏻‍♀️另外有一點唔錯就係佢地既米線係有火爐仔一路煲住 keep住熱辣辣🔥🔥

癡膠雞，睇個店名都估到食雞，原來係主打食雞米線，仲有個爐㷫住咁食，好有打邊爐感覺。🥢藥膳黃酒花膠雞米線，湯底藥膳味香濃，好暖身，配料還有紅棗，花膠，蟲草花，木耳等，雞件選用了雞胸及雞翼，好喜歡藥材味，個湯好好飲。🥢椰子雞米線，店員放低時已聞到陣陣椰香，湯底清甜，配料有椰子肉，蟲草花，木耳等，雞件選用雞髀部位。米線索晒湯汁，好入味👍🥢藥膳黃酒花膠雞米線68🥢椰子雞米線$60🧋桂花烏龍茶$10 (跟餐) 無糖👍📍癡膠雞 (軒尼詩道) (灣仔)灣仔軒尼詩道254號地舖

平時食開主流餐廳米線，覺得應該都冇咩特別，差唔多都係咁😂食完癡膠雞先知，原來米線都可以食到咁高檔羊肚菌花膠湯米線呢度招牌係花膠雞米線，又見到有期間限定嘅羊肚菌，一於試下，屋企煲湯都會用羊肚菌，點知呢度竟然食到羊肚菌花膠淆嘅湯底米線，湯底味道好濃郁，好高質😍😍😍仲要呢個價錢真係好抵食，又可以增強埋免疫力💪🏻💪🏻💪🏻椰子雞米線湯底勁鮮甜，椰肉都好多，雞肉好嫩滑，兩個味道都值得一試，各有千秋

✦ 招牌花膠雞米線 $68 🍜雞湯底好濃好甜，唔會油膩，最後飲咗9成亦唔覺口渴，應該係真材實料。花膠大概有五塊，比較細塊但炆得夠淋好滑身，有多幾塊會更開心。而雞件熟過龍，質感少少鞋。✦ 椰子雞米線 $60 🍜湯底好重椰子味，加咗好多椰漿去煮，會有少少蓋過咗雞湯嘅味道，但椰子控一定鐘意！🥥

打工仔每日嘅問題: 點樣食得健康又平又好食🥺 呢間主打養生米線 平時食得太多味精米線都要take 個break🙏🏻 佢嘅花膠雞/椰子雞米線🍜 必試 真材實料飲到濃湯冇味精🤤 平日 lunch係好多人‼️❣️椰子雞米線 $60呢啲味真係自己煲唔出🫣 有啲似椰子雞湯🥥邊爐但一百倍濃郁😆 湯底係奶白色但係又唔係落咗椰漿 應該真係用時間煲出嚟😍湯底非常清甜 有椰子味 雞都入曬味🐥🍜🥥會有一個爐保溫 一路暖笠笠冬天食應該仲正👍🏻貴妃雞都份量不少肉滑又唔肥🐥 仲有蟲草花同木耳🔥❣️嫩雞煨麵 $45呢個就比較家常 份量真係超大🤣用咗白菜仔🥬同埋好似係雞胸但係好滑嘅雞肉🍗 仲有爽口嘅木耳絲面有啲似上海粗面🍜 比較煙靭 更加飽( ˙꒳​˙ )❣️金磚豆腐 $42好可愛嘅豆腐😍一粒粒圓轆轆排列整齊💦好脆皮有調味 豆腐好滑🤤 ❣️蜜桃烏龍冷泡茶❣️檸檬薏米水 +$18飲品種類多不少 冷泡茶更健康都好香蜜桃茶味🥳

火爐上的米線🌸黃酒藥膳花膠雞米線🌟🌟🌟🌟黃酒味濃，藥膳味也濃郁，有暖爐的花膠，雞髀肉肉質嫩滑，在火爐上面吃米線都是第一次，感覺幾特別。🌸椰子雞米線🌟🌟🌟🌟超濃郁椰子味，雞肉嫩滑，餐廳獨特之處就是吃米線時，仍有個火爐，熱呼呼滾住來吃由於依家天氣太熱，在火爐上吃米線小編覺得非常之熱，下次再去食一定要冬天時去，咁就可以暖笠笠。======詳情======癡膠雞 (軒尼詩道) (灣仔)灣仔軒尼詩道254號地舖================#yummy #香港美食指南 #香港美食 #hkfoodie #hkfood #hkeat #吃貨 #吃貨日常 #RnT吃貨 #相機食先 #美食 #好去處 #香港美食探店 #香港探店 #我是吃貨 #打卡熱點 #打卡美食 #著數報料 #夏日打卡日常 #夏日打卡挑戰 #火爐上米線 #黃酒藥膳花膠雞米線 #椰子雞米線 #黃酒 #花膠 #癡膠雞

花膠雞米線｜ 癡膠雞｜灣仔平時食得咁肥 今次推介d養身健康嘅小店～呢間米線上枱時 全部都有個小爐座熱佢可以一直keep住熱辣辣咁食—————————————🫶🏼 招牌花膠雞米線 $68花膠約兩片 但都算厚身斬件嘅雞肉 雞味濃 肉質厚實個人覺得米線份量都足夠🫶🏼 蜜桃烏龍冷泡茶 +$18微微嘅蜜桃香 飲到最後 茶味偏濃 所以帶有甘🫶🏼 藥膳黃酒豬肚雞米線 $68雞湯滋補 呢個湯帶有少少酒味 好清甜 飲完都唔覺得口渴雞件嫩滑 約4-5舊豬肚份量多 容易咬開🫶🏼 檸檬薏米水 +$18超推薦~ 甜度啱啱好 而且薏米分量多 夏天必飲————————————📍 灣仔軒尼詩道254號地舖————————————Overall 💗💗💗💗#hkfoodie #hkfoodblogger #hkfoodblog #hkfoodlover #hkfoodie #hkfoodpic #hkrestaurant #hklifestyle #hongkongfood #hongkongfoodie #香港美食＃香港好去处＃香港打卡 #香港生活 #香港食评 #花膠雞米線 #癡膠雞 #灣仔

中午放飯行過店舖都非常人多，餐廳名字已反映他們主打花膠及雞。放工與同事食飯，想吃米線，但又不想來來去去都是那兩間連鎖米線，於是走入去試試《癡膠雞》。餐廳環境與普通食店沒太大分別，坐位尚算舒適。店員推薦了招牌花膠雞米線，但更吸引眼球的是「黃酒藥膳花膠雞米線」，同行友人點了「椰子雞米線」。兩款米線都非常驚喜，相當足料，看看近廚房位置堆滿一包包花膠就知，而且味道濃郁，吃得出湯底是用了燶燶的雞湯熬製而成。「黃酒藥膳花膠雞米線」，花膠對於小店來說已很厚物，湯料除了有花膠、雞件、蟲草花外，還有黑木耳、紅棗及一些藥材，份量十足，入口還可以感受到黃酒味道，一點不苦，整碗湯連雞件、米線全都吃清光！至於「椰子雞米線」，呷一口湯，是濃濃的椰子味，非常好飲，而且也可以找到數件椰子肉，亦是一樣可以一碗清光。兩款米線的湯底絕對一流，食材新鮮、足料，性價比高，加上食品頗養生，難怪午市吸引大批OL幫襯。另外，餐廳有冷泡茶提供，不竟整煲米線是連爐一齊上，確保熱辣辣，配杯冷泡茶清清喉嚨，爽！

藥膳黄酒花膠雞米線🍜未吃已先聞到香味，藥膳味好濃郁，食材都好充足，有花膠，紅棗等，而且雞肉部分更選用成個雞腿肉斬件，湯同米線相當入味👍🏻椰子雞米線🥥剛上菜，就見到奶白色的湯，令人忍不住先飲幾口，有椰汁🥥和椰奶味，食材亦有部分椰肉、蟲草花，而雞肉部分就有雞胸肉同雞翅🐔每份湯粉上菜時都有熱爐，一邊煮得上，確保入口都是熱的，冬天去食完全唔擔心會凍，而且食材都相當不錯👌🏻雞肉是完全滑滑的，不柴👍🏻推薦度：6/10回頭度：7/10食物味道：7.5/10

放工又喺港島搵食啦 這一間專食雞米線係我小資女嘅至愛 近灣仔地鐵站 幾分鐘就到 雞湯嘅品種好多我鍾意呢度嘅 椰子雞米線同埋 黃酒藥膳花膠雞米線 係成鍋上嘅好似打邊爐咁 保熱辣辣唔會凍 仲有好多配料 例如魚肚 蟲草 木耳 等等 好香 入口 配米線食真係好飽肚 好滿足 雞肉好嫩滑好新鮮加$十蚊有個凍烏龍冷泡茶 哈哈非常好飲 白桃味好出 係無糖茶好健康 店舖面積幾大通常唔使等位 近地鐵 服務周到 係我啲小資女嘅至愛 $50/60蚊就食到一個大大碗米線 真係開心

最近返工太累，係時間補返下～😜我一向好鍾意食花膠，滿滿膠原感好正～今日放工晏又想簡單食，俾我附近搵到呢間米線🍜餐廳小店經營，環境不是fancy但夠乾淨企理👍🌸招牌花膠雞米線💰68米線係滾住甘上枱， 一邊煲住一邊散出嘅雞湯香氣已經好吸引🤭雞湯湯底熬煮成奶白色，第一啖入口雖然沒有黏黏嘅膠原口感，但湯底算好濃郁，而且飲完唔口渴！花膠大概3片，份量唔多，但同價錢成正比🤭斬件嘅雞肉雞味濃，肉質厚實，而不失嫩滑口感👍個人覺得米線份量夠飽肚！餐廳仲有好幾款湯底，鍾意飲湯嘅朋友仔要試吓喇～我另外叫咗🌸蜜桃烏龍冷泡茶💰18烏龍茶嘅甘香散出微微嘅蜜桃香氣，如果堂食想飲凍飲，呢個係一個唔錯嘅選擇😆

被個咁攪笑既店名吸引左埋去望下食咩，原來食花膠米線，唔係貴就試下米線食得多，一鍋上，仲要有埋小爐在底熱住個米線真係第一次見，而家咩都講儀式感，做多少少野其實都已經可以令件事唔同左花膠雞米線🍜其實就好似加啲米線落花膠雞湯，又點會唔好食，花膠有三大件，唔係薄切切個啲花膠，每件都有啲厚度，唔係細塊雞份量都好多，有7件，件件都好多肉，雖然係浸係湯，都好嫩滑最多既就係米線，一個女仔其實食唔哂係一啲都唔出奇食完米線再加杯無糖白桃茶，做個完美結束

灣仔好好味既養生湯底米線🍜🐔，就要來癡膠雞🐔試下啦。看個名就知呢度出名食雞🐔，呢度以雞肉為主打，配搭不同的養生湯底係熱賣，十分適合女士們架🙆🏻‍♀️🩷食雞米線，我們當然要點招牌款式😋1. 招牌花膠雞米線🍜 $68 2. 藥膳黃酒花膠雞米線🍜$68好驚喜佢成個米線🍜都有個小火爐🔥熱住上台，保持住湯底的熱力，滾下滾下，好味既野一定要襯熱食啊。兩個湯底各有千秋，對於我來講就一樣咁好食，平時太忙沒時間返屋企食飯飲湯，呢度飲埋個雞湯滋補埋，真係好重要啊。順帶一提，餐廳🍴都好爆場，所以最好訂位就沒問題啦。

癡膠雞已經開業一段時間，開頭已經有留意到呢間餐廳，一聽店名就知系以花膠雞湯米線為主，但當然吾系得花膠雞湯米線供客人選擇，仲有飯、麵、酸辣粉、其他濃湯米線。✿ 金磚豆腐 $42冇諗到一般餐廳有嘅小菜喺呢度都會咁多人食，又真系幾好食🧡粒粒豆腐外皮都做到超香脆，裡面豆腐又好滑溜，名符其實外脆內軟。✿ 招牌花膠雞湯米線 $68花膠雞湯米線近年開始盛行，個人認為餐廳啲花膠雞冇番咁上下質素都應該吾敢擺出黎。果然花膠好軟稔，同時又不失嚼勁。雞肉啖啖肉亦不錯，重點系個湯索曬花膠味真系好正。✿ 椰子雞米線 $60另一半就叫椰子雞米線🥥呢款吾系招牌但都系主打，啖啖湯都飲到濃厚椰子味，仲食到好多椰絲🤍雞肉同椰子味同樣系吾錯嘅配搭，雞肉中食到清甜。✿ 桂花烏龍冷泡茶/ 白桃烏龍冷泡茶 (跟餐每款加$10)冷泡茶真材實料加10蚊絕對可以接受，淡淡桂花同白桃味一路飲一路滲出，十分清新。

下午行經灣仔軒尼詩道，見到一間食店嘅招牌叫癡膠雞，覺得很特別，於是走入去試試，原來是一間主打食花膠雞米線的食店。店內食物的選擇很多，但當然就要試食店招牌的花膠雞。招牌花膠雞薯粉（米線可轉，米粉，上海麵，薯粉）整鍋花膠雞放在火鍋爐上，熱住食，非常正，尤其是冬天就更加正。花膠黏口富骨膠原，雞肉嫩滑，湯底鮮甜，雞味濃郁，養顏之選，一定要試。藥膳黃酒花膠雞上海麵同樣是放在火鍋爐上，熱住食，真材實料，花膠、雞件浸在藥材味濃，黃酒味香的湯裏，更滑嫩好味，飲埋個湯，更滋補養生。時令田園蔬菜白菜浸在香濃的雞湯裏，令白菜鮮味十足。蜜糖雞翼配薯條沾滿甜絲絲蜜糖的雞翼，外皮香脆，肉質幼滑多汁，真係百吃不厭。薯條亦非常鬆脆。