癡膠雞 (軒尼詩道)

營業中

休息中

自己係一個米線愛好者 通常係唔知想食乜嘅時候 好多時都會揀食米線 因為比較健康 又可以揀唔同配料 價錢又唔貴 😛今日放工試咗依家位於灣仔軒尼詩道嘅痴膠雞 顧名思義 呢間餐廳主打菜就係食濃湯雞米線🤩一場嚟到梗係要食下佢嘅主打火鍋濃湯米線😝價錢都唔貴 60幾蚊起～要咗痴膠雞一人分火鍋米線 同埋椰子雞火鍋米線上到嚟賣相都幾驚喜 雞件份量十足 非常之滑身下邊仲有火燒住個爐 包保一定熱辣辣飲一啖湯 果然非常濃厚 除咗雞件之外 仲有幾件花膠 食落去好有膠質 非常滋補養顏 另外我個椰子雞亦都放上左木耳 蟲草花 湯底奶白色 色香味俱全 椰奶味道十足 配上米線 飲落去好舒服❤️我見到呢間餐廳仲有唔同小食 下次嚟試吓先！

今日同朋友去灣仔行街，係附近見到有間店舖叫癡膠雞，招牌菜係雞，每款米線都用gas爐heat住食，一路食住都係熱辣辣，食完全身仲係暖笠笠養生之選 - [ 藥膳黃酒花膠雞米線 $68 ] 配搭養顏軟腍花膠，營養豐富，雞肉肉質嫩滑，份量十足，而藥材味嘅湯底較重，保身健康又美味另一碗係 [ 椰子雞米線 $60 ] 奶白色嘅湯底又香又滑，濃郁嘅椰子香味，煲住嘅米線會吸收哂湯汁，食嘅時候更正，雞肉厚肉，食落嫩滑多汁另外叫咗三款小食，有期間限定 [ 涼拌海珊瑚 $38 ]，口感酸甜爽口，口感十足，刺激著你的味蕾，帶點少辣；[ 金磚豆腐 $42 ] 份量好多，炸到粒粒金黃色，口感嫩滑，一口size好快就食清哂 最後，就係 [ 明太子釀雞亦 $20/隻 ] 是一道不容錯過的美食，雞肉同明太子的結合，嫩滑鮮美的雞翅，炸到外脆內軟，入面仲塞滿明太子，味道辣辣地跟餐飲品叫咗杯自家製嘅 [ +$18 檸檬薏米水 ] 健康好飲，帶點檸檬味，口感唔甜，入面仲有好多粒粒薏米，好有咬口 及 [ +$6 檸檬水 ]

每份湯麵上菜都有熱爐，一邊煮得上，確保入口都是熱的，冬天去食完全唔會變凍。1. 椰子雞米線 $60上枱嘅時候已經聞到好香椰子味，個湯飲落去好香濃既椰子味，而且飲落好順滑鮮甜，飲到有椰油同椰奶味，入面亦有4-5片椰子肉，雞件食落都好滑。🌟 評分: 8/102. 姬松茸竹笙花膠雞米線 $78 （益腎補虛）湯底好香濃，個湯完全冇味精，有淡淡松茸味，感覺好滋潤，花膠有2塊，而且都幾大塊，食落口充滿膠質，軟糯彈牙。🌟 評分: 7/10🎖️整體評分🎖️❤️ 味道: 7.5/10🧡 環境: 7.5/10💛 服務: 7.5/10💙 性價比: 8.5/10#hkoverfood_灣仔

在英國待了三個月，非常掛念香港的湯米線，加上香港實在太潮濕了，所以回港後急不及待到灣仔的痴膠雞食碗溫暖滋補的雞湯米線。我們點了胡椒豬肚雞湯米線和花膠雞湯米線。米線是用小火爐加熱的，這樣可以讓米線保持軟滑的口感。如果覺得太熱的話可請店員提早熄火。胡椒豬肚雞湯米線的湯底非常濃郁，胡椒香氣十足，豬肚軟嫩，沒有腥味；雞肉滑口不柴，讓人胃口大開。花膠雞湯米線的湯底鮮甜奶白，喝起來很舒服。花膠吸收了湯汁的鮮味，口感彈牙。

今天工作來到灣仔，下午和同事來到軒尼詩道的「癡膠雞」食米線，想不到有驚喜。細細的店舖，有各式各樣的米線，招牌菜當然是雞啦！每款米線都有熱爐跟上，保證熱辣辣，食物夠熱已經可以加分。《藥膳黃酒花膠雞米線》$68真材實料，有大大舊的花膠和超多雞肉，花膠養顏，藥膳養生，米線吸收了雞湯汁還有淡淡的酒味，非常正。《椰子雞米線》$60幸運地，這碗米線有整整一隻雞脾，雞皮薄，雞肉嫩滑，米線軟硬適中，奶白色的椰子雞湯非常鮮甜，不知不覺把湯喝乾了。

餐廳用QR code 下單 方便快捷而每款米線都會有熱爐跟上 整鍋保持滾起狀態 用餐後整個人都非常暖笠笠 是黎緊冬天的不二之選 而餐廳環境冷氣十足 夏天享用也不怕汗流浹背🍜姬松茸竹笙花膠雞米線 $78非常養生的配搭 花膠養顏 蟲草花姬松茸竹笙索上濃郁的湯汁 益腎補虛 香濃的菌味及雞湯 入口感覺滿滿的骨膠原而且不油膩 雞脾肉嫩滑 份量十足🍜胡椒豬肚雞米線 $60湯底多了一份濃郁香濃的胡椒味 帶些少微辣 非常暖身及暖胃 米線軟硬適中 大大件雞胸肉蛋白質十足

去左灣仔做野就係附近食完野再番屋企,成日經過都會見到好大個痴膠雞既招牌, 覺得舖頭名真係好攪笑就去試下佢。.間舖唔算好大, 環境似平時既茶餐廳, 跟住姨姨都好友善, 見到熟客仲會吹番兩句, 呢D就係人情味, 我其實幾中意去呢D舊少少既香港小店食下野。.去到叫左個招牌花膠雞米線 $68佢每一兜米線都會配一座小爐頭熱住野食, 保證食到完都係熱辣辣, 當然食到中間太熱可以叫姐姐整熄個小火。.雖然一路熱住成碗米線, 但係裡面既雞唔柴, 每一件雞都厚肉, 好少骨, 花膠都有3-4舊,米線本身既質感不過不失,都幾好。由於一路有小火, 所以個湯係會愈黎愈濃, 係好飲既雞湯。

本身對個花膠雞米線都有點期待，今日去到真正品嚐之後比較失望......我們二人共叫了兩份花膠雞米線同飯（兩個都轉左雞髀）。雞肉算是不過不失，花膠略顯不夠入味，比較令人失望的是湯。配米線的湯十分淡，而陪白飯的花膠雞湯不至於很出色但至少不會很淡。幸好阿姐肯另外給多一碗湯..... 同時點了兩杯熱奶茶，沒有奶味也沒有茶味，不過算啦，奶茶也不是重點。應該不會去第二次了。

癡膠雞灣仔軒尼詩道254號地舖經開灣仔，勁多嘢食，今次老友推介港式花膠雞米線，果然冇介紹錯，好高汁！😎藥膳黃酒花膠雞米線配料夠新鮮，湯中放了雲耳、蟲草花、紅棗 、香蔥、花膠和鮮雞。湯底夠鮮甜，真材實料，沒有味精，我把湯底喝光了。花膠彈牙又夠滑，雞肉處理得很好，爽口煙韌，有香濃的雞肉味。米線吸收了藥膳雞湯的精華，份量十足， 必食！🤤蜜糖雞翼配薯條大廚即叫即炸，炸油新鮮，估唔到係幼身嘅薯條，加少少鹽，加少少茄汁，好快畀我清曬。雞翼外脆內嫩，十分邪惡，再加蜜糖提升層次，好正！推薦！😻羅漢果菊花(凍)純天然製作，飲完好舒暢，清熱解毒。😄癡膠雞 真材實料，沒有味精，港島區平靚正，還會再來。🤘🏻

最近都發掘緊港島區嘅美食，見到吾少人都介紹呢間癡膠雞～好多養生湯底 e.g.花膠雞/椰子雞，夠哂滋補養身！今次同朋友就一人一碗佢地嘅招牌款式～招牌花膠雞米線 $68, 餐廳用左熱鍋開住火咁上枱，一路食一路都仲系熱焫焫😋好細心，一碗入面都有吾少花膠，系花膠吾系魚肚啊😍真材實料，所以個湯底都好濃郁，飲左好多啖！椰子雞米線 $60, 第一啖已經飲得出同花膠雞湯底有分別，呢款系好香椰子味，帶點甜味😋同埋呢間餐廳D雞件都好滑👍🏻

聽朋友講呢間米線好食，所以又要黎試一試究竟先！同朋友一齊share食兩個吾同味既米線，一次過食曬兩個滋味🤤🤤店員姐姐好好人比左兩個碗仔我哋share,讚！我地叫左招牌花膠雞米線同胡椒豬肚雞米線，上檯果下店員姐姐仲上埋個爐一齊滾下滾下黎食，冬天食就好暖心啦！夏天食都吾錯，熱辣辣上檯食物係會更好味！招牌花膠雞米線我首先飲一飲佢個湯先，個湯係驚艷既，估唔到都好好飲，清得黎又好鮮味，夾埋米線一齊食，滋味加倍！雞件軟滑好入口，花膠都可以，鮮味既，一路滾滾下成個花膠雞米線真係好味得黎又香噴噴！胡椒豬肚雞米線呢個湯底會比招牌款底多了一重胡椒味，比較貼心既係吾會食到成口都胡椒粒，食左暖身又暖胃，豬肚軟身好入口， 雞件同樣軟滑好入口，加埋爽口既木耳同蟲草花，滋味又吾同左！總之都係好好味，米線相對較軟滑好入口，掛湯程度吾錯！總而言之，米線份量好足料！人均60幾數價錢食到勁飽足！湯又好飲，雞件又足料！味道又唔錯👍店員服務態度好好，雖然佢哋都好忙，但係都會顧及到客人既需要！大讚！

接男友收工，去附近餐廳食晚餐～清清地決定一試呢間專食雞既米線～胡椒豬肚雞米線（＄６０）好香胡椒味！一飲個湯，成個身都哂，豬肚都夠多，都飲緊胡椒豬肚湯一樣🤣加入雞估唔到又幾夾^^藥膳黄酒花膠雞米線$68米線一到，已經聞到好香藥膳黄酒味！湯底飲落都好夠味，香濃既藥膳味~真係食到少許花膠咖！值得一讚，呢到既雞都好滑！檸檬薏米水 +$18足料！且不會太甜～推介！桂花烏龍茶+$10 好香茶味！唔想食黎食去都係連鎖店既米線，推介呢間！

行過見人多圍爐咁feel咪停低八下有咩食，ok喎有雞湯米線咪試吓啦，好彩等一陣就有位，完全冇期待下覺得佢個湯好好飲，唔多肥油又唔咸，清清地，加10蚊的雞髀夠滑又有竹笙花膠同雲耳，夠晒飽又好健康嘅選擇，下次經過灣仔會再幫襯👍

前排喺灣仔行完書展路過呢間癡膠雞，門口望下個餐牌都幾吸引，就諗住去醫下肚啦，只過由於店裡面都有啲窄，我地又買到一袋二袋咁，又肚餓又唔想再拎住啲野周圍行，就決定買外賣返屋企食喇。我地分別點左佢既椰子雞米線同胡椒豬肚雞米線，首先要讚一讚佢個外賣盒先，真正完全密封既設定，完全唔驚佢會打瀉，而且仲十分之保溫，真係要俾個叻佢。椰子雞米線，湯底十分清甜，椰香四溢，而且雞唔會太老，仲好嫩滑。胡椒豬肚雞米線，胡椒味十分之足夠，飲左個身都暖一暖，豬肚亦十分爽脆，十分好味。兩碗米線都十分足料，而且米線唔會過淋👍🏻👍🏻👍🏻抵讚。

今日嚟到灣仔呢間人氣雞湯麵嘅餐廳食晚餐🙈都幾有驚喜🤪呢度除咗有招牌雞米線外仲有其他飯同麵類揀😋選擇非常多💕//🍜招牌花膠雞米線 $68呢款米線係用鐵爐上🙈一路食都唔驚佢會攤凍晒，可以熱焫焫咁食🤤花膠比得好足有成4,5塊🫣而且食落夠軟，湯底清甜濃郁😋性價比非常高🥳🥥椰子雞米線 $60椰子雞米線都好足料😍湯底望落奶白色好吸引🫶🏼飲落好香濃，椰子味超重🤩而且仲有蟲草花、紅棗，非常滋補🥰兩個米線嘅雞都好滑唔會柴😻呢款米線嘅雞索晒椰子湯嘅香味，好正啊🤪