癡膠雞 (荔枝角道)

營業中

休息中

好味花膠雞湯米線係大熱天時 加埋個爐 會熱上加熱所以都叫佢拎走個爐 咁我先入到口整體都是很不錯個湯有結結地 有花膠一齊煲的效果雞加了10蚊轉雞腿 是啖啖肉 很嫩 但不會有血水大家留意 9:15pm last order, 10pm關門好在我趕到9:15pm前到店另外都坐得舒適 又有電視看 係幾好的預店規模👍米線份量ok 偏少 多些會天好Want to try their snacks next timeLike tofu and chicken wings

味道偏鹹，好普通，唔明點解咁多人讚好好味，唔難食，份量，呢個價錢嚟講都算大份飽肚，但味道真係一般都唔一般。嗌咗個黃酒藥膳雞，啲雞斬頭斬尾咁款，好多骨冇乜肉。湯底酒味重，偏苦，如果鍾意酒味嘅人呢一個還好。小食幾好味。不過個招牌花膠雞真係偏鹹，但係個味道好普通，雞肉有啲嚡口，同埋冇咩味。同類食店鳳鳴居比較好味。 如果食雞米線唔使特登慕名而來，因為你喺屋企都煮到呢個質素 。同埋環境比較逼夾，加上門口經常有人出入，冷氣溜走，然後會唔會一個米線都有火興著，係比較熱。

痴膠雞是一家在香港非常受歡迎的餐廳.😛 花膠在香港一直都是非常受歡迎的食材, 它是一種高級海味食材，常用於中菜中增添風味和口感。它是經過處理和煮制的魚鰾，具有彈牙的口感和鮮美的味道。而且花膠富含蛋白質、膠原蛋白和氨基酸等營養成分，被認為對皮膚、關節和健康非常有益。😛花膠在飲食中適量享用花膠可以增添口感，同時獲取其營養價值😛。招牌癡花膠雞濃湯米線： HKD$68招牌癡花膠雞濃湯米線是痴膠雞的招牌菜之一，絕對是一道不容錯過的美食享受😛。這碗米線的湯頭濃郁豐富，有著濃濃的雞湯味道，加入了鮮嫩的癡花膠，提升了口感和風味😛。米線本身煮得剛好，有著彈牙的口感，與濃湯的結合非常完美。配料方面，除了癡花膠外，還有鮮嫩的雞肉片和新鮮蔬菜，使得這碗米線更加豐富和營養👍🏻👍🏻👍🏻。⚡️ 好味指數：🌕🌕🌕🌕🌘🧀️  約600-900kcal 卡路里/份 (單米線約300卡, 喝不喝湯是重點 )藥膳黃油雞湯米線： HKD$68藥膳黃油雞湯米線是痴膠雞的另一道特色美食，以其獨特的味道和藥膳成分而聞名😛。這碗米線的湯頭以藥膳黃油雞湯為基礎，帶來豐富的藥材風味，同時味道鮮美。米線的煮制依然保持了彈牙口感，搭配黃油雞湯更加

當日陪男友食呢間特別米線鋪，點解話佢特別呢？因為佢既米線係用火爐配附咁送上～ 好似打邊爐咁，啖啖米線都係熱辣辣❤️‍🔥當日點了：❣️胡椒豬肚雞米線雞湯清甜，雞油不會太多，湯頭感覺冇落味精，飲完唔會口渴；胡椒味道唔算太重；雞肉質地亦好滑嫩；米線份量、軟淋適中，整體食法都有創新、同好味😋❣️肥牛重慶酸辣粉店鋪主打係用爐上既米線，但當日實在太想食酸辣粉，見到menu有就決定試下啦呢間酸辣粉，色、香、味都有，辣度唔會太辣；肥牛肉質就偏鞋身，其他配料都頗多，例如有蘿蔔、腐竹、花生、木耳，而薯粉亦都挺彈牙，整體不過不失💠💠💠💠💠💠💠💠💠💠💠💠💠💠💠💠💠💠總括，鍾意食米線既可以試試呢間，餐廳主打用火爐上，係頗特別～ 越接近食飯時段，都需要等候入座，建議可以避開食飯時段試啦😗

#chowweisik鹹#chowweisik太子係冬天嘅時候食過一次大排長龍，估唔到夏天再食嘅時候竟然唔使排隊，建議大家經過嘅時候可以試吓🤭✨花膠雞嘅湯真係幾好飲，而且唔會口渴～✨留意如果想要火爐上 記得揀選返set A 2-4or7-9🤣一🐾 A2 招牌癡花膠雞濃湯米線｜$68湯底濃郁，而且唔會鹹☺️☺️雞肉同埋花膠嘅份量到非常多花膠厚實 淋得來又有啲口感✨一🐾 A4 藥膳黃酒花膠雞湯米線｜$68藥膳黃酒味道平衡的，剛剛好☺️同雞湯味道好夾依個轉米粉 好吸湯 而且唔會越煲越淋👍🏽一 🚏癡膠雞 (荔枝角道) (太子)太子荔枝角道78-84號勝興樓地下D號舖

🍜水煮魚米線 $68魚片大片厚身不過有骨刺，叫左中辣麵唔係好辣，味道就好普通，唔夠麻唔夠香。連埋個爐係幾過癮試左朋友果個椰子雞米線，椰子味好濃厚，湯底奶滑，係多左啲雞油，好味好多。

尼排想滋補下，男朋友搵到尼間花膠雞，我地兩個人share一齊食，佢d料真係好足，花膠，紅棗，蟲草花，木耳，雞。d雞係新鮮雞，有雞味，花膠都不過不失，啖湯都好好味，冇味精。我地將米線改為薯粉，薯粉唔算太彈牙。

不知是否轉左比人？星期五晚去食，裝修唔同左，伙計又唔同，以前有幾呀姐而家得番一男一女，條龍都短左，冇乜人等位，最緊要係D雞唔好食。以前雞肉好滑好好味但而家鞋到食唔到，好彩湯就冇乜分別

今日途經太子本來打算食擔擔麵，但隔離74號間舖逢星期一休息無緣試食，轉移陣地試呢間。揀咗A2 招牌癡花膠雞濃湯米線 $68(免加一，不包括飲品)，店員放咗個點咗火既打邊爐爐頭上枱，個爐燒咗陣之後再放一煲雞湯上火爐度，同時俾咗一碗淨米線。碗淨米線份量認真少，湯煲入面既雞件幾入味，但雞件部位好差，無乜肉地，啲雞十足惠康特價38蚊一隻啲三黃雞既味。花湯只有丁屎3小塊，花膠質地好透，極細塊，雞湯方面味道幾入味，湯面有層雞既黃油，但飲哂啲湯食埋啲米線都唔飽，飲完湯後有少少口渴，懷疑湯有啲味精。總括而言，68蚊食完都唔飽好似食咗陣風，好昆錢，呢間試完一次唔會有第二次。

招牌花膠雞米線 $68呢個招牌必點！湯底非常濃郁，呈奶白色的，不會成層雞油浮面，雞件份量都幾多，食得出係新鮮雞，非常有雞味。仲有幾片花膠，呢個價錢食到的花膠都唔錯海南雞飯 $52朋友想食飯，所以叫了海南雞飯，都讚雞件新鮮嫩滑，飯量都幾大碟，飯味道就正正常常，主角還是雞肉，米線有湯會正好多！金磚豆腐 $32呢個好好食呀！每次黎到都會必點，豆腐細細粒但一碟份量都唔少，每粒都熱辣辣，粉漿好薄但每面都炸得金黃色非常香口，入面豆腐超級嫩滑但又唔會一夾就散開，正！椒鹽粟米 $32粟米控+鐘意食香口野的會幾喜歡，粟米稍微炸過比較乾身，但粒粒飽滿有咬口，加上椒鹽碎碎調味，好快食哂🤣

秋冬日子都係鍾意食啲暖笠笠嘅米線🍁 暖返個胃感覺好正❤️ 朋友介紹呢間濃雞湯米線感覺滋補幾岩我心水🤣 店舖比較細比較迫😅 雞湯睇落足料但係飲落有啲太濃比較飽🍲 雞件本身就唔算特別了⭐️ 招牌癡花膠雞濃湯米線 🐔 雞湯入口非常濃💛 加上花膠口感有少少杰 飲多咗感覺有少少膩🌝 雞件同米線就冇乜特別 米線稍嫌比較淋🍜 注意唔好開太大火唔係會煲乾水🔥⭐️ 藥膳黃酒花膠雞湯米線 🥂比起雞湯呢款多左D酒味😚 帶淡淡的藥材味感覺唔太膩 缺點雞件同樣比較鞋🥳

天氣開始清涼，心血來潮想食啲熱嘢暖身，就嚟咗呢間試吓佢個招牌米線原本我哋兩個人都係想食招牌花膠雞湯，但係我入到舖頭聞到好香嘅酒味，原來有人食緊黃酒藥膳雞米線，我即時order試吓等咗10分鐘左右就上枱，店員會先放上爐，到米線到嘅時候就點火，熱辣辣又充滿儀式感藥膳黃酒雞湯米線，一上枱就聞到黃酒嘅香味，但雞件就唔多，而且斬得好碎，好細件，米線嘅份量都唔係好大份，比譚仔嘅份量少，如果唔太肚餓嘅就啱啱好招牌花膠雞濃湯米線，雞湯味道對板，雞件亦都一樣斬到好細同好碎兩碗米線份量差唔多，花膠得兩三件細細嘅我哋當日都只係想飲湯為主，所以份量少少都唔緊要，由於份量唔多，食到一半，我哋都自己整熄咗個火，免得蒸發晒啲湯，鍾意飲雞湯嘅朋友都可以一試

今日黎到太子呢間癡膠雞搵食🤓舖面唔大，等左一陣先有位😅睇完餐牌，想試佢個花膠雞，見佢有一隻，半隻同例牌問店員例牌 $58 同半隻 $108 份量差幾多，佢話半隻多2/3既雞，咁我梗係要半隻啦🤣佢呢度會提供個爐仔一路煲住個雞架，所以個湯係keep 住好熱🥰仲有貴妃雞，沙薑雞，豬肚雞，人參雞，椰子雞，酸菜魚等等，選擇都幾多😚坐低之後，店員就立即送上一杯熱哄哄既羅漢果茶俾客人☺️==========🔹招牌癡花膠雞（半隻）$108湯既份量好多，最少有飯碗3~4碗😱花膠有4~5片，都幾大片，花膠好滑身，煮既時間剛剛好，唔會溶哂又唔會太硬👍🏻師傅知道有個爐仔煲住個雞，所以煮雞唔會煮得好熟，係僅僅熟果種，所以d 雞好嫩滑😋😋 半隻份量都唔少架，所以最後要打包🤪 雖然應該唔會係新鮮雞，但係肉質都係好實淨唔會霉👍🏻主角個湯真心正，飲得出係好足料，雞味極濃但係又唔會好鹹，真係非常鮮甜，而且佢唔算好油😉我一個人飲哂所有湯🤣🤣 飲完唔覺口渴，估計冇乜味精😀==========見餐牌有個金磚豆腐同癡膠肥牛，下次會黎試下😌埋單連外賣盒$109, 性價比唔錯，而且呢度店員好有禮貌🥰

作為一個熱愛藥膳雞湯米線既人當然要嚟呢間鋪試一試今次試左椰子雞湯同藥膳黃酒雞湯小食試左炸豆腐同粟米椰子雞湯個椰味好香濃好夠味唯一缺點係啲雞件完全無味 雖然份量比得好足但真係食一件就覺得算啦唔好嘥quota Btw主角係個湯 配上海麵一流👍冬天黎滾住黎食一定仲正我專程黎食呢個黃酒雞湯略嫌失望 酒味夠濃 但藥材味好淡 呢一間店鋪既《醉藥雞》就非常濃郁反之呢間就差啲 未必會再encore呢款同樣問題 雞件無味 口能未算柴 都係果句 飲湯食米線就夠炸豆腐唔錯，外脆內嫩滑，咸味岩岩好 亦唔會太油而椒鹽粟米就...麻麻地面頭灑左鹽同炸蒜整體有啲油 亦唔香 唔惹味 總括而言 食物都唔錯 冬天食一定仲正題外話 員工態度好好 有禮貌又有笑容👍👍

間餐廳嘅位置比較難搵 行咗好耐先到🤣小店位置不多 晚餐時間要等位等咗大概15至20分鐘～同四個同事收工去食每人選一個鍋 另加兩款小食我自己就揀咗椰子雞湯配薯粉🥥椰香味重 除咗雞之外仲有好多椰片😍雖然雞件唔算好多 不過雞嘅肉質香滑😌加配嘅椒鹽粟米同埋金磚豆腐 超級推介‼️一直都覺得食湯嘅嘢要係滾先好食😋呢一間小店好有誠意 個湯由頭食到尾都係熱嘅👍🏻👍🏻👍🏻呢個價錢做到咁嘅效果真係好唔錯私心希望如果佢搬舖嘅話多啲位置就好啦🤣