11
2
2
港鐵太子站 C2 出口, 步行約3分鐘
繼續閱讀
電話號碼
92212245
開飯介紹
花膠雞米線專門店
繼續閱讀
營業時間
今日營業
11:00 - 22:30
星期一至日
11:00 - 22:30
食家推介
相關文章
近期花膠雞等滋補養生菜式大行其道，市面上瞬間多咗好多呢類餐廳，呢日午餐時間就行咗去太子荔枝角道新開嘅「癡膠雞Crazy Chicken」試下。餐廳名夠哂出位🤣，不過有啲唔好意思講出口。餐廳位置來説，我認為唔算好旺，但竟然要排隊先入得！可能座位唔多，加上新開嘅關係啦🤔。好彩我哋都係等咗大約十分鐘就入得，卡位相對好坐啲，圓枱就迫啲。餐廳當然就係主打招牌癡雞濃湯米線，另外亦有魚湯米線，可轉麻辣、酸辣或者蕃茄湯。餸料除咗🐓雞雞以外，仲有吉列豬扒、牛𦟌同胡椒豬肚等。價錢由$32-$68不等，大部分都係$4x以下，係招牌菜就貴啲。主食以外，餐廳亦有提供唔少小食，樣樣都好抵咁啵，就算細份都無所謂啦😜。由於太多人幫襯(包括外賣訂單)，食物準備時間都稍長，可能有成15-20分鐘...。店員亦顯得有點手忙腳亂🙈。我同同事叫咗兩碗米線，再加兩份小食。A2招牌癡花膠雞濃湯薯粉($68)，呢個招牌菜造型有點誠意，因為有個一人打邊爐火鍋熱住(勁膚淺😂)。不過古怪嘅事就發生，就係湯明明熱住都唔太熱...，其實食完個火都未識😅。花膠雞湯入面嘅料都有唔少，顧名思義，有花膠同雞件🐔。雞肉唔算嫩滑，不過有大啖肉嘅。至於個湯底亦唔算太濃，印象中有少少奶香味，味道都正常。麵食方面，有得揀米線、米粉、上海麵或者薯粉。我哋揀咗後者，但呢到嘅薯粉同平日食開嘅唔同，無論造型、粗幼同質感(唔煙韌)都唔似薯粉，似檬粉同水晶粉嘅混合體多啲？由於個湯唔夠熱，所以落任何粉都會唔好食😥。B4吉列豬扒蕃茄湯米線($34)，本身對🍅蕃茄湯都有啲期望，可惜呢個勁唔掂！佢有蕃茄嘅橙紅色，亦有唔少茄肉同腐皮，但奈可個湯淡過水...，好似無落鹽咁。至於吉列豬扒🐷，就係分開上的，咁樣會避免浸淋咗個炸皮。豬扒都算唔錯，份量多，但乾咗少少，有沙律醬點嘅話就會好啲。F1金磚豆腐($28)，呢個小食係預期中嘅好食😋，因為炸豆腐粒好難會整得難食。一口豆腐一啖食哂啱啱好，外面好脆、呈金黃色，有七味粉嘅香味；裡面就好滑。F5椒鹽粟米($28)，實物同圖片一樣吸引🤤，而且呢味小食仲要又特別，又好食。椒鹽味齋聞已經好香，食落鹹鹹甜甜的，勁惹味，而且同粟米🌽好夾，毫無違和感。粟米大約以三、四行為一嚿，食落亦好方便，推介啊👍。餐廳比較特別嘅地方係會為我哋送上飲品，本身已經係深色啲嘅熱茶而已🍵，點知係羅漢果菊花茶，味道仲要唔錯，甘甘甜甜！一杯小小嘅飲品已經足夠令客人多咗份滿足感😊。後尾先發現原來我哋個位樓上掛咗塊黑板，上面好鬼可愛😍，以動漫公仔形式介紹有乜好食。總括嚟講，我認為呢到嘅小食比起主食出色，豆腐同粟米都真心正！麵食類就普通啦，有機會可以試下其他口味，反正定價唔貴嘛✌🏻。但希望餐廳亦可以再研究改良下個招牌湯底啦，畢竟咁先可以令班客人回頭嘛。不過留意番有機會都要排隊，而且上菜需時，如果唔趕時間就可以Try Try。
繼續閱讀
上次食完呢間癡膠雞嘅招牌花膠雞湯米線之後，一直心思思想試埋其他款式。所以今日又同女朋友嚟到太子呢間癡膠雞度食晚餐。雖然小店較細，座位比較迫，唔緊要，只要嘢食好味就得啦！坐低左之後，即刻飲啖佢哋嘅羅漢果菊花茶，清清熱氣先。值得一讚嘅係，羅漢果菊花茶可以無限添飲。今次我點左一碗口水雞擔擔麵，口水雞份量好大份，醬汁非常惹味。油同醬比例啱啱好。 將口水雞撈埋擔擔麵一齊食，食到舔舔脷！$42來講好抵！另外女朋友點左一碗貴妃雞重慶麻辣酸辣粉，貴妃雞份量都好大份，望好似好清咁，但其實好入味！雞肉肉質非常嫩滑，軟淋。頂上嘅蔥大大提升左雞嘅鮮味。酸辣粉就係幼身嘅，煙韌。雖然唔係正宗重慶酸辣粉，但係味道都唔錯。湯底辣度適中，一般人都接受到嗰隻。我哋仲叫咗一碟小食就係金磚豆腐，外皮炸得非常香脆，同埋好薄。椒鹽豆腐外脆內軟，細細粒一口一粒，好快就食晒成碟。 總括而言，呢間小店平靚正！
繼續閱讀
今日放假，行開太子尼頭，突然間肚子餓。行左陣見到尼間野個名几搞笑，癡膠雞，然後體見個價錢ok所以行入去試下。一坐低就醒左杯茶來。一飲感覺几香窩味道又几得意窩，後來先知原來係羅漢果茶，店長果然用心丫。跟住我就體個餐牌，有選擇困難症的我都係放棄選擇。見到招牌兩字，心念應該無錯，係距啦。所以叫左個招牌花膠雞。個店員拿來一個鍋同個黑色碗，原來個花膠雞係拿鍋上，尼樣野真係古唔到。甘樣吃內小小都唔驚距凍左啦。尼個值得一讚。到最後總結尼一餐用几十蚊價錢都有尼享受。尼間野cp值几高。
繼續閱讀
最近公司附近開左間濃湯米線 本身因為覺得價值味道尚可有不斷推介比身邊同事朋友但認真。。。我今嗌foodpanda外賣嘅時候 發現湯加左料...！！！！真係好負面 因為你賣雞湯米線都預左人會飲老闆可唔可以注意一下衛生 真係好失望。。。不過可能 淆湯功力夠 都半隻溶左係湯嘅精華入面😖因為左呢件事 專登開左個Acc
繼續閱讀
近排屋企人搬咗嚟太子,上星期試咗好出名嘅餃子店之後,今個星期就試下附近新開嘅濃湯米線專門店 我唔鍾意食花膠,所以即刻揀咗自己一向鍾意嘅四川口味,口水雞米線,上枱嘅時候好驚喜,有一碟雞加一大碗魚湯米線,四十幾蚊呢個收費性價比真係好高,雞嗰隻辣汁係麻而不辣,真係越食越滋味,即刻再叫咗金磚豆腐小食同埋炸雞,金磚豆腐又係覺得超正,一口一件,個脆皮有少少七味粉食到我唔停口炸雞不過不失啦,我見係期間限定所以試下二十幾蚊兩件都好抵食,我諗我好快會再encore,因為口水雞已經令我非常回味,下次要再試下豬軟骨米線
繼續閱讀
您可能會有興趣的...