瘋狂小面 (佳德商業大廈)

營業中

休息中

中環士丹頓街樓上有一間小店， 唔講唔知原來係四川好有名嘅連鎖店。 本著試下嘅心態，但點知出乎意料地好食 。因為好肚餓既關係，所以叫咗有四樣嘢嘅套餐組合。主食我揀咗紅湯瘋狂牛肉麵， 雖然係紅湯但係上面都唔係話好多油， 所以我係連個湯都飲埋 。加上個面質地幼滑，吸曬牛肉湯嘅精華，好好味。 另外我仲加咗大排，煎蛋同埋豬肝，但本人覺得最好食都係本身嘅牛肉， 半筋半肉 煮得好入味小食叫左棒棒雞， 佢切成一片片又冇骨， 又夠濃味，配麵食一流。飲品我叫咗藍蝶花雪梨 ，淨係望佢個樣都已經好吸引， 飲落甜甜地，入面仲有好多雪梨碎粒， 呢杯嘢係出面賣都已經20幾30蚊，但係呢度食套餐加8蚊就可以飲到，好抵。甜品就係熱嘅紅棗銀耳湯 ，入面有好多紅棗同銀耳，非常足料。 雖然係甜品，但係唔會太甜 ，啱曬唔係好食得甜嘅人。