瘋狂小面 (佳德商業大廈)

營業中

休息中

中環多貴食，要講求其食一餐唔想太貴既餐廳實在係少。唔貴又好食既係少之又少。瘋狂小面就係少之又少既一間。我最鍾意佢個酸辣紅薯粉，煙銀唔會太冧，佢既麻辣令我非常回味！佢仲可以揀唔同既辣度同麻度。最愛多麻！入口先唔太辣，食到既係湯底既味度，再黎既係舌麻，佢既aftertaste好正。另外佢既小食都好多選擇。一日得15份既蒸蛋，果然係限定既寧舍好食。水同蛋既比例剛剛好，非常滑，又唔會起噗。另外我揀左食既係滷水拼盤，配既係特製既辣粉。

之前睇開YOUTUBE"有碗話碗"介紹呢間瘋狂小面都算幾正宗,於是一直放左係必食名單,今日去開中環買野,終於有機會一試, Lunch Time 時間黎到以麵食為主, 套餐由$78up...A.$78 (麵類+飲品)B.$88(麵類+飲品+小食/甜品)C.$98(麵類+飲品+小食+甜品)貪吃的人就當然揀C 啦瘋狂豌雜面 (+13 牛舌) ~重慶面既一種,由豌豆/雜醬+麻辣調料撈麵, 肉醬份量足夠,單食會有DD咸, 撈麵一切食就會洽到好處,非常惹味,加錢既牛舌,係薄切且牛咪濃瘋狂牛肉麵~選擇左小麻小辣, 雖然望落好似好辣,但鍾意食辣既人一定會接受到,麻香辣味道有齊,牛肉似係牛腩位, 再灑上蔥花,瘋狂令人一啖接一啖! 小食- 夫妻肺片(+$32) / 棒棒雞(+$32) ~兩款小食調味應該係一樣,芝麻同花生都係炒香過, 個sauce絕對唔馬虎, 夫妻肺片有齊牛肚/牛舌/牛展, 係我最鍾情既川式涼菜 成都老冰粉~冰粉係食巴蜀菜必食既甜品,口感似啫喱(台灣人口中既果凍)~上面再撤上青提子乾/山楂片/黑白芝麻/花生/甜酒釀,Q彈+冰爽口感,難怪會係成都人解辣之選!!飲品都有好多選擇,比較特別有羅漢

瘋狂小面 #中環❗️價錢實惠 令人瘋狂嘅四川麵館 ❗️已經係我第二次到訪呢一間四川麵館，講起專食四川麵我就會諗起呢一間😆位於蘭桂坊附近，味道不俗，價錢實惠，套餐包晒麵食、飲品、小食、甜品都唔使$100✨。餐廳環境夠晒大，而且古色古香，用上木枱、紅櫈、面譜等等。食物有香港較為少見嘅四川麵、小食選擇，老闆話要將四川最正宗嘅味道帶嚟香港👍🏻。呢度嘅套餐可以有唔同選擇，分別有1️⃣麵+飲品$78，2️⃣麵+飲品+小食$88，3️⃣麵+飲品+小食+甜品$98。另外可加錢配搭更多小食。見佢$100都唔使，所以嗌咗兩個$98嘅套餐，仲加錢嗌多咗小食😛可以自選唔同嘅辣度同麻度，我哋嗌左BB辣，惹味得來唔會覺得辛苦。1️⃣瘋狂豌雜麵套餐 $982️⃣瘋狂牛肉麵套餐 $98.麵食🍜▪️豌雜麵：係我第一次喺香港見到呢一款四川麵食。係一種拌麵，面頭放滿左軟綿綿嘅豌豆蓉、甜甜地可口嘅肉碎、花生、酸菜，撈埋底下嘅炒雜醬，甜辣麻集於一身，真係幾好食☺️面底用上四川面，望落去彎彎曲曲似即食麵，但較為粗身、入口煙韌似拉麵，掛汁力強！味道: 4.1/5▪️牛肉麵：同樣用上四川麵，但今次係湯麵，口感保留一貫嘅煙韌✨不過可能因為我哋揀咗BB辣，所以湯底就

It was our second visit and it was the Chinese-style noodles called 小面 which pulled us back. It was early evening on Friday and there were quite a few tables of eaters already!Their crazy set menu was so clear and easy to tick with choices of different components, toppings, upgrades of drinks or appetisers. One of us ordered a noodle set with a drink and an appetiser at $88+10% while another of us ordered a noodle set with a drink at $78+10%. 瘋狂擔擔面+牛肉 at $15+10%Last time we had 瘋狂擔擔面 which was s

位於中環樓上嘅麵館，唔太起眼，如果唔係有人介紹，真係唔會知呢度有間咁嘅餐廳。小麵好似係川菜黎，睇電視話係四川人嘅早餐，成碗都紅色，又麻又辣。呢間餐廳就明顯係主打小麵，今次叫左牛肉小麵，其實我已經食過幾次，但今次無之前咁好食，應該係因為餐廳睇錯order，我只係想要小辣，佢比左小麻小辣我，完全唔夠麻，唔夠香，之前正常情況下係好香又夠麻，超惹味，同埋佢嘅辣係唔會令你食完覺得辛苦，好順口。涼菜叫左蒜泥青瓜同夫妻肺片，味道就正常，都好食嘅，但無乜特別。另外值得一試嘅係門神手工啤，叫左個dragon king ，柚子味啤酒，好飲！柚子味唔算好濃，但遮左少少啤酒花嘅苦澀味，適合女士👍🏻 下次試埋其他款！ 最後朋友因為唔食辣叫左個蕃茄牛肉麵，佢話味道就係正常😂 無乜特別。

上網見到瘋狂小面老闆話懶理香港人口味，要將最正宗嘅四川風味帶黎香港，我就未去過四川，想試下同香港果d有乜分別。 叫左兩個HK$98套餐，有麵、小食、甜品、飲品。🍴瘋狂牛肉麵叫左加麻、加辣，湯底好深色，辣味冇平時食開果啲咁勁，麻香較突出，鹹左啲。牛展入味，軟而不爛，筋位幾彈牙。麵條係四川水麵，睇落似即食麵，食落似拉麵，幾彈牙。🍴瘋狂肥腸麵朋友本身唔算食得好辣，雖然叫左BB麻、BB辣，但佢食幾啖就出汗，湯底眼色明顯較淺，我飲左啖，減辣之後飲出些少甜味，應該有落左豬骨雞骨去煲，但都係鹹左啲。豬大腸幾腍夠易咬，內壁肥膏清得一乾二淨，完全唔油膩。🍴燒椒茄子另加HK$32，味道似口水汁，微辣帶酸，不過食唔出燒焦香氣，同埋雪得太凍，茄子唔夠腍，醬汁亦有啲凝固。🍴夫妻肺片另加HK$32，牛展、牛肚、牛舌切得夠薄，滷水加上芫茜令醬汁比茄子更香更有層次。🍴成都老冰粉（凍）冰粉晶瑩剔透，冰涼爽滑，配料有山楂、酒釀、花生、提子乾、黑白芝麻，層次豐富，味道帶酸，再甜啲會更好。🍴紅棗銀耳湯（凍）清甜滋潤，略帶黏稠。🍴羅漢果冬瓜茶（熱）有羅漢果本身嘅香甜，味道自然，可惜暖暖地唔夠熱。🍴金桔檸檬另加HK$6，幾清新，

早已聽聞依間樓上麵店好食，今晚一試果然有驚喜，平平無奇的擔擔麵加了麻辣令人食上癮。位置中環蘇豪地段，食物價錢卻是平民貼地，好食要mark低，下次經過帶朋友來食下先。麵店以傳統中國風裝潢示人，以磚牆、木枱、紅椅、紅屏風、臉譜等元素，古色古香環境唔錯。麵食套餐組合：麵食 + 飲品 + 小吃 + 甜品，叫齊都只係$98又唔貴喎。瘋狂豌雜面 $78係乾撈面，麵質軟韌彈牙，配料放得認真工整。有軟糯口感的豌豆蓉、甜美的肉醬、惹味的花生、爽脆的榨菜，麵底有炒雜醬要動手自己撈勻先好食，醬味不太辣入口少少麻，麻香撲鼻口感豐富，好好味！自己再另加了和鹵蛋(+$9)和大排(+$20)，兩樣都好入味，鹵蛋實左Ｄ，滷水排骨炆得好淋肉質鬆軟好味。瘋狂擔擔麵 $78同樣都係乾撈面，配料有爽口的青瓜絲、甜美的肉碎、惹味的花生，香濃的麻醬底好易入口，食落口感不及豌雜面豐富，但都幾好味的。棒棒雞 $32緊密柔嫩的雞胸肉浸住麻醬辣椒油，雞肉無骨切成5mm薄片好掛汁，入口麻香。份量不多，非常珍貴。烏梅汁 (跟餐) - 烏梅濃厚酸香，飲落順喉，仲可以解辣呢。紅肉柚子 (跟餐+$6) - 酸酸甜甜清清地幾好飲。成都老冰粉 +$1

最近特別想食辣野，收工約朋友喺中環食，估唔到呢度都會有四川成都風味小店。位於大廈二樓的瘋狂小面，平日晚市唔洗等位。環境幾有中國風，霓虹燈裝飾幾有玩味感，襯返店舖名字！餐牌好簡單，價格由$78-98起自選套餐組合。小食棒棒雞：麻辣汁好令人上癮，雞肉嫩滑。燒椒茄子：上菜先知原來係冷盤，以蒜味醬汁調味，少少辣。重慶酸辣粉：揀左小辣，湯底酸辣平衡啱啱好！肉碎好香，份量幾足，薯粉口感Q彈，非常好味！瘋狂牛肉麵：湯底正常辣度，有齊蒜香麻香咸辣味，幼麵沾滿濃濃湯汁，極之惹味。加上配料牛肉粒，口感軟而不爛，值得推介最後以甜點成都老冰粉作結，解一解辣，好滿足呀！

又去食辣，今次就試吓瘋狂小面，呢度位置唔太方便，由地鐵站到呢度條路比較難行落單張紙嘅鋪排用$78 $88 $98咁寫會覺得好貴，如果寫加$10換小食同甜品反而會覺得抵啲招牌瘋狂牛肉麵牛肉好腍好入味，配料又夠。我叫左普通麻辣，辣味夠喉，但係麻就反而冇乜唔知棒棒雞個名嘅意思，我地以為會係一串串咁，賣相其實似口水雞。點知味道又完全唔係口水雞味，冇乜特別味，真係令人費解。呢個小吃要再額外加$32，得個細細碗，真係唔值得叫

得罪講句，食樓下南記都冇咁嬲。一；唔抵食，二；唔好食；食完我都唔知自己食左啲乜，碗面又淋又少，兩三啖就食晒，肉就得細細粒兩三舊，個湯冇驚喜，食譚仔好過，加杯野飲收我78$，仲要加一服務費，得啖笑。加左32$要多左個棒棒雞，個碟細到前菜咁既樣，當場我都笑左出泥，你又好意思擺上枱嫁喎😂😂冇下次。兩個人埋單200幾，相信拎去食南記 食譚仔，都冇咁嬲，想中伏既朋友就去食下啦，見到有其他食評話要排隊食，心諗，憑什麼啊？

呢日同奶綠男嚟到朋友介紹既餐廳食麵 我叫咗酸菜豬肚麵 我叫咗刀刮麵煮得啱啱好 食落幾彈滑 湯底係白胡椒豬骨湯 唔辣但味道幾好 酸菜加上豬肚燜到幾軟 奶綠男就叫咗碗瘋狂肥腸面 仲加咗隻煎蛋佢叫咗幼麵 入口幾幼滑 豬大腸幾入味食落幾軟身 油脂亦除得好乾淨 都唔錯 我哋仲叫咗個鹵水併盤同燒椒茄子 茄子細細份質素正正常常 而鹵水併盤裡面 佢既牛舌就表現出色 入口有甘香 最後我哋食埋碗成都老冰粉 糖糖地撈埋提子乾 呢餐真係唔錯 奶綠男話10分既話佢會俾7.5分

放假都想來中環的原因～～～日日去中環返工 唯一放假都會令我想出中環嘅原因只有一個就係食！ 其實中環真係好多嘢食而呢一間食四川style麵嘅餐廳就係我成日食lunch嘅好去處 不過最近公司有啲忙少咗出去食飯 所以今日就特登放假先走黎食😊～～～瘋狂肥腸面：其實佢哋有好多配料都好好食 所以我額外加咗$20黎加排骨 麵條細長又彈牙 加上辣得黎有少少麻嘅紅湯湯汁 每次食都係覺得好難忘同行嘅阿哥就中意瘋狂豬肝麵 味道都唔錯 加上佢地有三個辣度 三個麻度 可以迎合唔同人嘅喜好 呢點都好貼心～～～飲品嗰度我就最鍾意佢哋嘅烏梅汁 酸酸甜甜 夠開胃 而羅漢果冬瓜茶都好飲 不過就熱嘅 會令本來就辣嘅面 辣度再上多少少～～～小食就推薦蒜泥青瓜 解辣不錯 蒜味幾香～～～甜品我地今日食左成都老冰粉同紅棗銀耳湯 冰粉材料好豐富 又有酒釀糯米 有葡萄乾 食落好有咬口 紅棗銀耳湯 就煲得超軟腍 好滋潤 ～～～推薦度：🔥🔥🔥🔥🔥🔥🔥🔥瘋狂小面 (中環)中環士丹利街66-72號佳德商業大廈1樓

Decided to give this resto a try after looking at openrice reviews. Tried their tomato and egg noodles - soup was quite nice, but the eggs were overcooked, while mushroom were flavourless. Also added $32 for veg in broth on top of set price - very disappointing broth... again not much taste in the veg and mushroom at all. The dessert I wanted was sold out as well. Noodle + veg + drink = $121. Not worthy. Perhaps it’s really only good for spicy noodles.

朋友介紹係中環有間，中國成都拎左成都十強的小麵店，價錢而且唔算貴，所以路過都忍唔住試試瘋狂肥腸麵+牛舌瘋狂牛肉麵其實想試試白面，但因為每日限量，無緣食到，但肥腸同牛肉亦都十分吸引，首先本身的湯底我要了bb麻和bb辣，豬骨湯的鮮咪相當出，加上其他調味一流，最重要一點，就是不覺得味精為主，麵當然唔洗講，相當之彈牙，唔需要餸都可以食兩碗。不過講到配料都十分出色，肥腸風味十足質感軟糯，牛肉都是牛腩類，軟而唔爛，入口即溶。鍾水餃/棒棒雞只要加多小小錢，就有小菜食，兩款平時都比較少食，棒棒雞肉原來係冷盤，雞肉一塊塊加上紅油，小小辣。鍾水餃就很有驚喜，食落是豬肉饀，就醬汁一洗，甜甜地又有少少麻同辣。紅棗銀耳湯/成都老冰粉烏梅汁/冰糖雪梨汁

瘋狂燒白面係拉麵加白豚肉既組合 湯底我地揀左小麻小辣 感覺麻味比辣味出 辣味既後勁都幾出 麵底好彈牙 非常掛汁 白豚肉既脂肪分佈非常平均 入口即溶 湯底既麻辣同肉汁既香味好夾 重慶酸辣粉揀左bb麻同bb辣 另外再加多左個豬大腸 佢既酸比辣多 麻香味都好出 豬腸處理得好乾淨 紅薯粉掛汁 完全係平時食嘅酸辣粉嘅味道棒棒雞肉質鮮嫩 再配合啲芝麻 蔥 麻辣汁 成個配搭唔錯 唔會好辣 好入味鐘水餃水餃皮極薄 餡係用左鮮蝦同少量豬肉去包 好juicy 而且細細隻 一口一啖 辣得黎仲有啲甜甜地嘅味道幾開胃成都老冰粉如果你係怕辣嘅話 依個係必食 解辣一流 食落唔會好甜 一啖已經可以清走大部分既辣同麻 好正