瘋狂小面 (佳德商業大廈)

營業中

休息中

今日行街行到攰攰地竟然搵到一間川菜可以食我哋嗌左兩個套餐因為朋友唔食得辣佢就嗌左清湯牛肉麵而本人就試咗辣味嘅瘋狂牛肉麵牛肉唔會太多筋，有咬口而且係充滿濃濃既醬汁，肉質唔會好老至於麵既嘅質感似擔擔麵，配上個辣湯口感彈牙，食完嘴巴有點麻麻的，很有川味☺️我哋加配左一個小食泡椒鳳爪呢個鳳爪呢開頭咬落去嘅時候唔覺得好辣但係好戲在後頭，個後勁呢都幾強勁🤗最欣賞嘅都係呢個成都老冰粉係我哋食完呢個鳳爪之後的確可以大大幫助減辣

好久沒有吃過好的麵食。朋友介紹位於中環的 “瘋狂小面” 味道不錯，可以一試。由於今天下午有空，便與朋友一起到瘋狂小面一試其四川麵食。餐館環境清靜，有充足座位，下午三時仍有不少食客，大部份客人都説普通話，相信此餐館在「港漂」圈子中有一定知名度，用少少錢食家鄉食物，一解鄉愁，亦是美事。餐牌上亦有不少選擇，我要了「瘋狂擔擔面」,微辣，加料牛肉、牛舌, 小食是棒棒雞, 飲品是金桔檸檬。朋友要了「瘋狂牛肉面」.... 其他可以選擇麵食包括限量十五份的「瘋狂燒白面」、「番茄煎蛋面」、「酸菜豬肚面」等。我叫的「瘋狂擔擔面」，大大一碗擔擔面，麵身很爽，有咬口，伴麵有微辣豬肉粒，牛肉、牛舌都佷佩合。棒棒鷄是小小一碗大約四塊微辣鷄片塊，有咬口，不太飽，用來伴麵亦非常合適，金枯檸檬不太甜，味道剛好，總括來說，瘋狂小面出品有一定水準，可以一試。

今日嚟中環又有好野食。疫情影響無得北上，一樣食到正宗口味嘅川菜。一入門口就聞到勁香辣味😍未坐低已經流哂口水。有套餐可以配埋小食．飲品．甜品，我揀咗「瘋狂肥腸面」麵質好有口感，感覺似拉麵，大腸超正，索哂辣味。好似車仔麵咁，仲有好多款式配料可以加。小食試咗「鐘水餃」當然同平日港式水餃唔一樣，餃皮有dd似魚皮餃，味道唔錯，一口氣比我 食哂6隻👍🏻「成都老冰粉」又係食川菜嘅指定甜品，滑一滑，感覺似爽口嘅啫喱，好清甜，配埋提子乾．花生同芝麻，夏天食凍凍地...正😋見到晚市海報「瘋狂砵砵雞」好吸引，下次收工約埋班瘋狂嘅同事一齊嚟食。

今日咁啱要過去中環，4點幾發現全日冇食過嘢，天氣濕濕粒粒，就好想去食辣野。之前唔記得咗睇乜嘢介紹，提及「瘋狂小面」，好啦既然今日係中環，就即管試一試。今日點咗呢碗「瘋狂肥腸面」加牛舌，嗱，我平時食譚仔呢就食中辣嘅，呢碗麵嘅辣度啱啱好，香辣得嚟又唔會太搶，仲有陣陣嘅麻椒味，好似一碗少油嘅麻辣火鍋湯底，個麵好好食，唔知係唔係自己品牌呢，有少少彈牙之餘又唔會太粉，個大腸好好食，唔太多肥膏，肥度適中，而我另加嘅牛舌就係薄切嘅，我覺得個厚度可以索晒啲湯汁，幾好。食物質素就幾好，不過唔知係唔係我去嘅時候冇乜人，所以係完全無service，

瘋狂牛肉面 （紅湯少辣）+ 羅漢果冬瓜茶 +成都老冰粉 $88👌瘋狂牛肉面有少少失望，少辣對bubu黎講唔辣唔麻，一D都唔重口味，成碗牛肉面以川菜角度黎講都算淡味，牛肉係一粒粒正方體，有咬口得黎又唔會咬到有根，滷得好入味。下次嘗試下中辣希望夠重口味啦～💁🏻‍♀️ 羅漢果冬瓜茶只能叫熱飲，但好有驚喜！整杯唔算好甜，有冬瓜茶甜甜既味道，唔會死甜同過份甜， 亦飲到羅漢果獨有既甘甜味。川菜通常會比較油膩，食完面再飲佢，成個油膩感即刻消除晒～

7月23日，疫情第三波繼續，公司仍然未宣佈 work from home... 所以中午繼續要揾野食。喺Openrice訂左呢個碗雜面，俾13蚊加豬肚，再俾10蚊加木耳，外賣附加費3蚊，埋單82蚊。返到位，打開膠袋... 碗麵個份量唔到個膠兜一半，俾左13蚊加嘅豬肚得3舊。。。喂其實我叫外賣唔係貪個7折，係費是人多，我唔expect得呢個份量囉。。。我以前有堂食過，肯定唔止咁少。你俾個7折我，我對呢間野打個3折。係咁。

話說有一日我咁啱行開中環。之後比我見到一間餐廳叫做瘋狂笑面我第一個感覺就係真的瘋狂嗎睇睇樓下的門牌佢似係食辣嘢，所以我就同我拍檔一齊上去睇下係咩嘅一回事。上到去一打開升降機門就已經聞到四川麻辣嘅味道攻出嚟我拍檔即刻垂涎欲滴，馬上沖出去準備接受挑戰。坐低後職員好好向我哋介紹因爲我哋系第一次嚟噉職員就話喇其實誒自己可以配一個瘋狂套餐揀個面揀飲品再選小食同甜品，都只係$98。當然我就好鍾意做啲反傳統嘅事去一個辣嘅地方當然要試下食一啲唔辣嘅嘢睇下佢做食材做產品做嘢食嘅水準去到邊度。噉先係路架嘛。又真係好得意喎一間標榜係做辣嘅食物嘅餐廳估唔到唔辣嘅野食都好好味仲好用心去做真係值得一讚。嚟一個反傳統做法我要一個番茄煎蛋面配蒸蛋一份再飲冰糖雪梨汁另外經理介紹我食成都老冰粉，凍嘅。幾好架其實如果嗰日唔想食肉想食啲數嘅番茄煎蛋面真係唔錯個選擇佢有花生塞少少蔥粒雞蛋同埋菇菌宅女，佢嘅蕃茄湯絕對好食龍口香濃。唔髧亦都唔會好似出面啲餐廳就噉用羅宋湯底去配。所以如果要飲要食番茄湯底嘅面唔使行到咁遠其實喺瘋狂小面就得啊。年底絕對值得一讚扮牙爽口不油不膩非常啱胃口特別係啱中環返工嘅OL。一盒蒸蛋細細份卻上面有d肉燥

liked the desert. the noodle is supposed to be oily, but somehow it had that multiple cooked thick oil texture. the meat sauce would be nicer if it had chunkier meat. I ordered the one with the mashed peas (it's a type of nut, can't tell what kind, I just call then peas cause it reminded me of mashed green peas). made the dish lighter, which is good Vs just the Dan Dan noodle. pretty average to above average szechuan noodle.

今天在突然想吃辣的，便搜了這間餐廳來試一試餐廳提供套餐，有麵，小食，飲品和甜品，十分划算瘋狂豌雜面 - 第一次在香港吃到，有豌豆容，花生，肉碎配上秘製醬汁混在一起吃，又麻又香，令人吃不停口瘋狂肥腸面 - 朋友不能吃太辣，選了白湯，湯底非常清甜肥腸十分乾淨，爽口彈牙棒棒雞 - 小食加了$32 ，雞肉肉質鮮嫩，味道似口水雞，辣得過癮夫妻肺片 - 都是加了$32，有牛舌和牛肚，味道麻辣清香成都老冰粉 - 口感似透明啫喱，充滿鹹香猶大微甜， 十分冰涼爽快紅棗雪耳湯 - 冰凍的，吃下去有養顏感覺烏梅汁和冰糖雪梨汁 - 冰凍的，是解辣之選，也不會很甜這間餐廳的食物辣得過癮，絕對是喜歡吃辣的朋友不能不試

喺中環唔知食咩好🧐朋友知我鍾意食麻辣，諗起有間食四川麻辣麵好正，就帶咗我去試吓！裝修充滿中國風，木枱、屏風，牆壁大大幅的臉譜，仲有火紅色的凳，未食已經覺得辣😆瘋狂牛肉麵套餐瘋狂牛肉麵紅湯(BB辣)+豬肝+$13冰糖雪梨汁+$6泡椒鳳爪+$10成都老冰粉+$10第一次食唔知有幾辣，所以叫咗BB辣，味道好正又香又辣，面都好爽滑彈牙，芫荽同花生碎增添香味和口感！雖然係BB辣，但真係唔講得少，辣到個口㷫烚烚，飲晒杯冰糖雪梨汁，條脷都仲好痛，即刻食返碗成都老冰粉解辣！😝蕃茄煎蛋麵套餐蕃茄煎蛋麵自家製鮮茄醬湯 +肥腸+$14紅肉柚子(凍)+$6涼拌木耳+$10成都老冰粉+$10朋友唔食辣，點左蕃茄煎蛋麵，個湯底係超濃嘅自家製蕃茄醬湯唔錯，但原來兩個小食都係辣嘅，辣到佢不知所措，我叫佢快啲食成都老冰粉啦！佢食咗兩啖之後就同我講：好神奇啊！好似中咗毒咁，一食咗解藥就冇事啦！超搞笑🤣🤣

今日早放學，就去中環搵個fd 食lunch了佢係鍾意重口味ge 人，我地經過呢間店樓下 ,見到有酸辣麵ge 相，我fd 就話想試了 紅肉柚子同埋檸水檸水比較甜，紅肉柚打係梳打黎的，酸酸地冰冰涼涼咁，夏天飲幾正酸菜豬肚面好食呀，豬肚洗得乾淨冇異味，有質感，成碗湯酸酸地好開胃，加埋啲䓤香，好甲，啲菜好新鮮，食落爽口酸辣麵我fd就係話想食呢個而黎的，唔好睇佢碗湯咁紅，其實佢唔係好辣的，上桌嘅時候唔會太熱，食落去就唔會食到成身汗。佢係紅薯粉嚟，口感煙銀，湯底香得來又唔油膩，正另外我哋仲叫咗兩款小食同一款甜品成都老冰粉我好鍾意呢個，天氣熱食返碗冰冰涼涼嘅嘢就最啱，食落去似啫喱ge 口感，夾雜左啲提子乾同花生，加上少少甜甜地ge 糖水，做飯後甜品一流夫妻肺片，切得好薄，好通透，好多芝麻所以好香，襯返個辣油，味道調得很好，我鍾意配埋芫荽嚟食，香好多棒棒雞好香芝麻辣椒味，比較辣的，雞肉應該係雞胸，所以食落去唔會好多脂肪，切得細細舊，唔需要咬開嚟食，唔會整污糟個嘴🙈

太愛吃辣了，一段時間不吃就會心思思想吃辣。朋友同樣是愛辣之人，推介我試試這間在中環專賣重慶小麵的餐廳。朋友湊巧家鄉是重慶，非常推介這兒的招牌瘋狂碗雜面，我點了一碗，另加牛肉和牛舌，再升級套餐加飲品、小食和甜品所有麵都可選辣度和麻度，第一次，我保守一點，點了小辣和小麻。瘋狂碗雜面碗底是麻辣調料，配上甜口的豌豆，使得這一碗麵的味道組合十分豐富與完美，味覺層次更豐滿 。小食是新出的鐘水餃。以為很麻辣，錯了！反而是比較香甜，挺有驚喜朋友則點了瘋狂肥腸面，另加牛肚。最後當然要吃冰粉作結，冰涼入心的甜品真是吃辣必配的！

因為有位大陸同事介紹,就來左試下。以為係街鋪,點知o係樓上鋪, 差D搵唔到。間餐廳o係大陸應該都有d名氣, 見到個成都小面十強既獎o係門口。點餐同食車仔麵一樣, 都係自己tick menu。同朋友一人一個餐。叫左個瘋狂豌雜麵, 將d醬mix晒佢, 好正,。雖然得2條菜, 冇其他肉, 但都好正。味道好新鮮, hk好少有呢d野食。真心推介。朋友叫左酸菜豬肚麵, 豬肚都好多塊, 味道就比較普通, 始終川菜都係要食辣野先正。小食加左錢要燒椒茄子同棒棒雞。茄子煮得好淋而且係冷盤, 帶點辣味, 好易入口。雞就切成薄片, 所以d汁好入味。餐飲要左冰糖雪梨汁同紅肉柚子, 好飲, 份量都唔細。最後甜品要左紅早銀耳湯同成都老冰粉。銀耳湯就清淡d, 老冰粉係jelly來,甜d。整體而言,hk好少食到呢d野,值得一試。

中環樓上鋪瘋狂小面主打成都激辣麵食以套餐點菜A+B+C $98起就食到瘋狂擔擔麵肉醬加上青瓜花生大量蔥花，吃上去非常香而且醬汁有好多辣油，又麻又辣蕃茄煎蛋面蕃茄濃湯好好飲除了蕃茄加上豬骨湯煲，雞蛋煎到非常脆口，麵條煙韌彈口棒棒雞涼菜充滿辣油雞肉完全被辣油包住滷水拼盤全部都是牛，滷水汁都入味但係仍然沒有覆蓋牛的味道，中間嘅辣粉令整個菜式加分。唯一交叉就是叫咗兩杯凍檸茶係一啲糖水都冇嘅。裝修都唔錯亦都有梳化位坐得舒服。

見呢間餐廳喺中環區都算幾多like，今日想食辣野就黎試下啦。叫左個酸辣粉+小食+飲品=$88然後小食簡左棒棒雞+$32，價錢中環黎講算正正常常。一開始上飲品用外賣杯都算，個小食黎到嚇親我，大佬啊 我加左錢架！你就咁比碟垃圾我？D雞薄過1蚊，肉質好鞋又勁細碟！！！完全唔值$42 （原本加小食加$10再加多$32）見其他人話好好食，不過我就唔識欣賞。酸辣粉正正常常，不過不失。最後埋單兩碗酸辣粉、兩杯飲品、一份小食連加一盛惠$220好難得食完一餐會花時間打食評😊