瘋狂小面 (佳德商業大廈)

營業中

休息中

同朋友來到中上環尋找古跡行踪，來到『瘋狂小麵』醫肚，揀咗自家製蕃茄湯嘅『蕃茄煎蛋麵』，絕對新鮮無防腐劑味道，亦沒有瘋狂的辣味，只有平平實實貼地的蕃茄湯麵，已經好好味，另一個係瘋狂肥腸麵套餐，為了更加瘋狂，本想添加豬肚和豬肝，無奈豬肝己售罄，咁就另外㨂咗『大排』，我哋2人最欣賞肥腸係剪開的一片片，一目了然，保證乾淨，而唔係平時食開的一轆轆，睇唔到入邊，食落肚真係唔係咁放心。『大排』亦好腍好腍，一條條骨好易脱落，畀多幾個like。『夫妻肺片』唔辣就唔得，喺呢個小食度試下川味過吓瘾，再來過冰粉解辣，perfect。

平時晏晝去中環口痕想食川菜，好似冇咩嘢揀，咁你就錯喇！上次去完半山三氣流今次去個平民小小嘅，平民都要爆菊架You know~Lunch time 佢會有唔同套餐俾你揀，喺中環來講我覺得性價比都唔錯，$78/$88/$98 大概就係咁上下。大大話話都食咗10幾次，今次帶埋囡囡去梗係想睇佢食到面紅耳赤啦😏極度推薦擔擔面，同平時食開嘅擔擔麵有啲分別，佢係撈麵黎既，麵質非常有彈性，大少我就叫開小辣多麻 #弱雞，食到成個咀麻哂如果喜歡湯麵都可以叫佢紅湯既，但就要親熱快啲食啦，因為本人唔鍾意啲麵淋 小食方面今次都叫咗幾個：🌫泡椒鳳爪 ｜ 真係辣到喊出嚟仲辣個碗麵，但每次都會好犯賤咁叫因為真係好食，啲口水都會不停湧出嚟好潤滑🌫蒸蛋 ｜ 幾滑🌫鐘水餃 ｜ 真係估佢唔到原來係豬肉餃，個皮幾好唔係一味薄，再加埋啲又甜又辣嘅醬真心正🌫棒棒雞 ｜ 好彩唔係42 老雞，呢個比較多紅油🌫冰粉｜ 四川人食完辣野之後都會食呢樣甜品用黎解辣，啜左入口好涼爽

聽同事介紹呢間野好食，12:30左右上到黎好多人等位，於是我地都攞飛，好彩唔係等得太耐，15-20分鐘左右入得，地方唔算好大，但見佢都用盡哂d位，所以可以坐好多人。今次叫左牛肉麵，$78加一，包飲品，我簡左烏梅汁，正常酸酸地，好味。牛肉麵令我有d失望，碗大但份量少，麵比較似粗身少少既公仔麵，牛肉都好少，同埋細粒，仲有少少芫茜，基本上唔係好豐富，食完都ok飽，個人比較鍾意台式，呢款唔岩我。整體黎講：性價比低，唔會再幫襯。

係中環見到間四川菜叫瘋狂小面，不嬲鐘意食辣嘅我，緊係試下佢嘅辣會令人幾瘋狂。瘋狂牛肉麵（正常辣）正常辣嘅麻度已經好夠，但辣度就略嫌不足，牛肉都有五舊，份量充足，麵質彈牙。瘋狂大排麵（白湯）大排即排骨，經大火炆煮，十分入味，入口即化。棒棒雞比較多油，但辣得黎雞味好足，口感亦都好滑。鹵水拼盤比平常食嘅鹵水拼盤更為乾身，味道亦濃郁d。有豬大腸，牛𦟌，牛肚，豬脷，可以一次試晒多次配料，跟餐價錢唔貴，性價比幾高。烏梅汁跟餐飲品，酸甜開胃，解辣一流😋📍瘋狂小面中環士丹利街66-72號佳德商業大廈1樓

早年看一個YouTuber，常常出入重慶，亦提到豌雜面的話題，那時令我有一個想嘗一嘗豌雜面的想法，原來，香港都有一間由重慶開過來的舖頭。必定要點一點這個豌雜面！茶包點了小辣，小麻的調味，配菜是牛舌及滷蛋。當然必點一杯凍檸茶及解辣的成都魯冰粉啦！先到的是成都老冰粉然後才到這個豌雜面。產品非常之喜歡他這個面底，雖然糼身，但是可以掛上非常多的醬汁。入口調味適中，雖然是小辣小麻，但是也可以足夠過一過辣癮(˶‾᷄ ⁻̫ ‾᷅˵)配上豌豆蓉，豆味未算非常濃郁，但調味上非常和諧。而且牛舌及滷蛋也是一個不錯的配菜！說到最喜歡的當然是就是那個老冰粉啦！不但冰冰涼涼，而且帶有一點甜蜜蜜的味道，再配上少許花生，又甜又鹹，令味蕾上的辣度大減，比起凍檸茶，茶包更喜歡這個冰品。

不嬲都好鐘意食四川野 貪佢麻辣得夠過癮今日毒食lunch 搵到士丹利街上樓既四川瘋狂小面！裝修已經好有中國風～最抵食一定係叫叫套餐 我對呢度甜品冇咩興趣 加上應該一條友都食唔落咁多 所以揀左A+B+C $88套餐登登登A四川擔擔麵 乾撈麵 加豬腸B 紅肉西柚C 棒棒雞兩碟主菜 同加配分量都幾少以我呢個大食怪 見到有少少失望不過個撈麵嘅份量係正常嘅揀咗小辣 麻感十足 辣味都屬於偏辣 不過絕對接受到！棒棒雞啲肉質好滑不過真係一碟得三舊未免太少了～ 辣度可以再多啲整體來講水平屬於中等啦 而家實在有太多好出色嘅四川麻辣嘢食～不過如果喺中環返工嘅話 又突然麻辣癮起 咁過嚟食一餐眼都可以接受既

瘋狂小面咁啱去開中環見到呢間食川菜嘅鋪頭裝修帶點古香，覺得幾有feel就入咗去試下啦餐廳有唔同嘅套餐組合可以叫~ 我哋就四款種類都試曬……包括有麵食、小食、飲品同埋甜品瘋狂大排面本身想要燒白面(豬肉)試下， 但係呢款面係限量供應🥺🥺去到已經冇曬所以就叫咗大排面~大排好厚但係估唔到肉質鬆軟~ 而且食得出係用滷水醃製再加上四川嘅香料😍味道濃郁瘋狂肥腸麵好厚肉，而且將內壁嘅肥膏清得十分乾淨，所以入口完全唔覺得油膩紅油耳片即係紅油豬耳啊，除咗入味之外份量亦都好足夠棒棒雞棒棒雞其實即係薄切既口水雞，雞肉嫩滑，醃得好入味，加上 口水汁令人食唔停口😋紅棗銀耳湯成都老冰粉口感好似啫喱，上面配有山楂碎、芝麻、酒釀、提子乾，好道地既甜品啊

約咗朋友喺中環睇戲，唔係剩番好多時間我本來諗住食個快餐就入場，但朋友話要食擔擔面，二話不說就嗱嗱聲帶咗我嚟呢間餐廳食碗麵😆我要咗$88嘅「瘋狂牛肉麵套餐」，➕$13加牛肚，➕$6要杯升級飲品「金橘檸檬」，➕$32要升級小食「棒棒雞」。朋友叫咗$98嘅「瘋狂擔擔麵套餐」，配「熱羅漢果冬瓜茶」、「成都老冰粉」，➕$32要升級小食「上湯素菜」。牛肉麵湯底幾濃郁幾好牛味，牛肉係一粒粒幾軟熟，牛肚有啲咬頭😋；擔擔麵鋪滿香蔥、花生、肉碎，幾好味；兩碗面嘅麵條都幾彈牙😋「棒棒雞」一上枱嘅時候全碗蓋滿辣椒油，睇落已經好惹味，原來雞肉係一片片，食落更惹味😋。「上湯素菜」係菜心，幾新鮮😋「老冰粉」作為「麵後甜品」相當refreshing, 朋友仲同我share咗嚟食😆好快食完呢餐我哋就開開心心去咗睇電影😁

瘋狂小面係樓上小店 要細心dd先揾到😎正宗四川風味 甜酸苦辣咸 當然可以自己減麻減辣點左套餐 涼拌雲耳加左米醋 酸甜味道好開胃😋😋小食涼菜 夫妻肺片 牛舌同牛肚沒有異味 👏🏻加入紅油，花椒，辣椒 麻辣鮮香 越食越辣牛肉醃得好入味不過比較細塊曲麵條口感彈牙 配紅辣湯 好快就食完紅糖冰粉晶莹剔透的冰粉配上麻辣食物 好清凉紅糖味好香好出 ✿ ⊹ ✿ ⊹ ✿. 𝚈𝚞𝚖：👅👅👅👅/𝟻𝚁𝚎𝚟𝚒𝚜𝚒𝚝﹕💃🏼💃🏼💃🏼💃🏼/𝟻𝙿𝚛𝚒𝚌𝚎﹕ $150/𝚑𝚎𝚊𝚍.˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞☞ ☞ 瘋狂小面Crazy Noodles中環士丹利街66-72號佳德商業大廈1樓˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞

雖然呢間餐廳叫瘋狂小面，但我今次嚟竟然唔係食麵，而係食缽缽雞。缽缽雞 2人餐 $238其實我都係第一次食缽缽雞。呢到有得揀辣或者唔辣、凍或者熱嘅湯底。我地就揀左熱嘅麻辣湯。總共有60串，分別係30串葷同埋30串素，包括牛腩、雞軟骨、豬肚、雞腳、雞翼尖、土豆片、蓮藕、瓜類同菇類等等。通常食川菜都好難食得出材料靚唔靚嘅，所以我就評論下個湯底啦。湯底冇得揀要幾辣，辣度適中，表面有啲白芝麻，增添香味。調味調得好好，所以我覺得個湯底係正嘅，我仲忍唔住用咗一兩羹湯撈白飯添。香辣乾碟 $6因為湯底冇得加辣，店員就建議我哋加$6要個香辣乾碟。佢話係啲辣粉，可以點嚟食。本身對呢個都冇乜期望，點知呢個到咗嘅時候竟然有驚喜。原來唔止係辣粉，仲有啲香味同埋其他嘅味，其實我都唔知點形容，但我真係未試過呢種味，而我係覺得好好味嘅，最後我哋瘋狂咁食呢個辣粉，係唔夠點嘅。白飯 $16因為個人喜好食川菜一定要配白飯，所以我地兩個人加左三碗白飯。份量唔係好大碗，但如果唔係好似我地咁大食，應該都夠食嘅，但因為辣野實在太開胃，所以我哋真係食多咗飯。白飯都煮得乾身，幾好食嘅。餐廳裝修充滿中國風，坐得幾舒服。

瘋狂肥腸麵套餐(主菜+飲品+小食+甜品) $99肥腸好厚肉, 雖然未係話好瘋狂, 但都好有口感, 湯底叫咗小麻小辣, 麵都幾好味👍冰糖雪梨汁(+$6)雪梨汁清甜可口, 食辣野好解渴😚😚鐘水餃(+$32)個汁好特別, 甜甜辣辣, 小食來講好開胃, 皮薄多餡, 肉甜甜地, 好似叉燒。成都老冰粉冰粉作為甜品, 係一個完美嘅搭配, 雖然無去過成都, 但都好有成都風味😄重慶酸辣粉套餐(主菜+飲品+小食) $89酸辣粉(加配牛肚$13)酸辣粉又酸又辣, 好多配菜,好惹味。 牛肚另上, 本身已經醃左有味, 係毛肚, 幾特別👍👍烏梅汁梅味好重, 酸咪咪, 幾生津解渴👍棒棒雞因為個名似棒棒糖所以叫😂原來係口水雞, 雞肉好滑, 醃得好入味👍

唔知你哋有冇突然間好想食辣嘅感覺 今日就係嗰一日啦 男朋友男朋友都一齊好想食辣野 咁上網search之下就搵到呢一間瘋狂小面 咁就你試吓佢有幾瘋狂頭先去到 點半裝修非常之有中國古風， 即刻對佢嘅食物非常有期望瘋狂肥腸面肥腸麵係招牌菜之一，嚟到梗係要試吓啦！豬大腸洗得乾淨，而且食落唔會感覺好肥膩，湯底香而帶麻辣，正！瘋狂牛肉面牛肉軟腍入味，麵條索晒湯汁，入口麻辣鮮香，香辣惹味。蒜泥青瓜青瓜爽口，加埋蒜味帶少少微辣，夠晒開胃。棒棒雞雞肉嫩滑，味道麻辣辛香，辣得過癮。紅肉柚子味道酸酸甜甜，好清新。冰糖雪梨汁味道清甜，感覺好滋潤。成都老冰粉(凍)冰粉好似透明啫喱，口感嫩滑冰爽，上面加咗花生、黑白芝麻、山楂、酒釀同提子乾，味道好特別。

今個週末和寶寶來都港島區這邊遊玩🥳過到來這邊已經有點餓了，我們在附近找了一家評價還蠻高的川式麵店午膳🤓.一上到來才知道這店是四川「成都小面十強」之一😳小店的環境結合了不少中國獨有的特色🌟面譜、竹簡、雕刻、通花門窗等，都令人感受到非常濃厚的四川風格及中國建築特色🥡唯一不一樣的是，這裏比真的四川麵店乾淨、整潔多了😆這裏一般以套餐形式點菜💕這裏的麵條都可以給客人選擇辣及麻的程度，讓所有人都可以享用得到適合自己口味的一碗小面💕 非常貼心❣️我今天點了一碗不是到處都可以吃到的面條➡️瘋狂豌雜面這是重慶乾拌面的一種，以豌豆和雜醬為主，配以薑、蔥、蒜製作而成❗️軟滑彈牙、細滑幼嫩的麵條配以混合醬料及配料，吃起來十分惹味🤤而且味道獨特，在香港不容易吃得到，很值得一試❗️.瘋狂牛肉麵 （加豬肚）麵條也是一樣的軟嫩細滑☺️配以香濃軟嫩的紅燒牛肉及足料濃湯，一口湯一口面，跟拌麵相比，又是另一番的美味👍🏻.棒棒雞味道跟口水雞相似，香濃麻油味中帶點麻辣及花生醬味❣️但切割雞肉的方法有點不一樣😯這棒棒雞是切成薄片，而且是無骨的～可以方便且安心地食用👍🏻.鐘水餃非常特別的一個餃子，是我從來都沒有吃過這種味道的餃子😯 挺討好的❣️

今天下班想吃點辣嘢，朋友建議去中環士丹利街66~72號佳德商業大廈1樓瘋狂小面。是樓上鋪，環境寬敞，裝修獨特，有中國風風格。主打傳統重慶小面。瘋狂牛肉面：可以以自己的口味選擇辣和麻辣度，湯底濃郁，面質彈牙，牛肉軟腍。瘋狂肥腸面：面量較大，肥腸爽口有咬勁，非常美味。滷水拼盤：有牛舌、牛肚、豬肚、牛肉等，入味又軟腍，想吃辣的可以沾辣淑粉吃會更重味。燒椒茄子：惹味微辣。餐後甜品：成都老冰粉和紅棗銀耳湯，可以中和重口味，夠水準。是典型傳統的正宗川菜。

外賣叫左個麵加左十幾蚊加左牛肚。外賣返到去搵左好耐啲牛肚係咪漏咗加落我個碗，最後喺個碗底搵到三片薄到0.3mm左右嘅牛肚絲，唔講嘅話仲以為煮上一碗嗰時漏咗啲渣黎呢碗麵度。之後call 返間鋪想confirm 一下係咪正常，店員話只有三塊同確認係佢地嘅standard係咁薄，唔係俾少左。只可以講間鋪好好刀功切到咁薄同埋如果諗住要加嘅話一定要加三四份。如果加一份千祈就唔好叫，食完到喉唔到肺衰過唔加。同埋做生意做到咁都幾核凸。