番本日式放題 (已結業)

食物水準好差 帶子刺身又細粒又梅，三文魚睇你彩數俾吾俾到多腩位、甜蝦刺身少少梅算合格，前菜浸白蜆只係淋d鼓油落白烚蜆到、壽司全部都變變地色擺左一段時間，壽司選擇超級少！！料理炒雜菌有少少「叔」味，牛肉粒吾係和風味，似中式瓜、食得落口咁囉⋯ 日式清酒煮蜆超細隻、重有大把沙，曼魚炒飯一粒曼魚都無！只係甜鼓油炒飯！牛油炒帶子乾爭爭、北海燒蠔係沙律醬汁⋯ 撥開個汁見到一丁點豪⋯ 屎⋯ 人蔘雞湯無送係入面、淨湯、重要好苦⋯ 南瓜天婦羅林到呢⋯ 個南瓜白烚過左龍？糖心蕃薯天婦羅係米猫屎黎架！？川風雞絲麻辣粉⋯ 唉⋯ 見到咁多鑽重以為幾好食，點知中伏。 唯一值得鑽係員工服務都ok，有幾個都幾好禮貌！

這店的資料在這不詳細，沒有寫明兩小時，網上訂位也沒有說明，電話通知也沒有說明，去到入座時也沒有說明，到送上茶的時候才說。跟他們的經理說他們的資料不詳細，只是一味說你們不要浪費時間，快些點。最後沒有幫襯，簡直沒有誠意，小小道歉都沒有。不知所謂。

食咁多次放題，第一次有中伏感覺😠差啲攪錯咗另外間『築地番本』上年去過一次呢間食夜晚，諗住唔係咁差，但今次食晏真係非常唔掂。上到去見無人都心知不妙，同5點半時段一樣嘅價錢，但蟹粥又無，牛腩又無，連清酒煮蜆，燒羊架都無，似樣啲嘅無都算喇，有嘅又勁漏單❨唔知唔想出單定真係漏❩，有入單嘅要追先嚟。講返啲食物：魚生新鮮❨但款少❩; 天婦羅蝦、鹽燒牛舌、和風牛肉粒都唔錯。其他鹽燒大蝦❨唔新鮮❩燒菠蘿❨唔覺佢係燒，似煎多啲，有魚腥味❩黃金焗蠔❨好辛苦先搵到粒蠔❩。服務基本上無乜❨茶唔會主動加，碟又無換過❩其實如果唔夠人做嘢，晏晝就唔好做放題喇，做定食咪算囉，真係未試過係放題會唔飽

生魚片沒有很新鮮，而且我們是兩個人去所以就沒有提供爭氣火鍋，但價錢又跟其他人一樣，有點不公平。上菜速度是蠻快的，但點燒烤類的食物的話就要等滿久的。我們只有兩個人生魚片也只給兩人分，雖然說是兩人分但就是你寫幾份就給你幾片😔😔如果在台灣，等級差不多是野X。

第一次寫食評為左預祝母親節，一家三口去食放題，之前睇過番本d食評都唔錯，所以去試下d炸物唔錯，尤其是炸芝士年糕，咬落去有芝士流出黎芝士迷至愛 另外個牛柳粒都好好味，有d餐廳會炒到乾曬，但係呢個絕對唔會乾，亦唔肥膩而壽司類冇想象中甘好，同埋新鮮呢個燒菠蘿真係值得一提，採用新鮮菠蘿，燒得啱啱好，一d都唔會乾，菠蘿亦都唔會太甜，啱曬我口味最後，當然唔小得甜品，飲品同甜品都係以自助形式，即係自己出去攞，雪糕雪到好有口感，係我地都非常熟悉嘅雀巢最後，職員見我地唔揸機自拍，主動過黎幫我地影，服務態度真係非常好

Book了番本for同事聚會，一坐低被這個蒸汽火鍋爐吸引了，覺得頂帽好搞笑三文魚刺身好正，好新鮮，係我食過既放題難得唔腥既三文魚！！！所以不停refill因為未試過玩蒸汽火鍋，大鄉里，不停要問staff，店員都好好態度教我哋，仲提醒我哋唔好放sashimi上去滾，會交叉感染最值得講既，係蒸汽火鍋個蟲草花雞肉！！！係勁正，勁入味！！！好食到唔記得影相食完火鍋之後食埋底下個粥，非常之濃味，大家share食幾啖就夠啦，唔係會好口渴呢間放題真係強力推薦！實有下次

朋友以前有同我推薦過番本放題，趁住今次同學三人小聚啱好可以一試。第一眼入到去多人到不得了，當時系度唸緊應該D野都應該唔錯，好野系需要等待。結果等左差不多15分鐘就入得去，都好快。入到去地方大，目測有2千呎，周圍都幾雅緻。 入座之後服務員話我地聽，夠3個人就會送一個蒸氣鍋，依家流行呢種食法。蒸氣鍋下邊白粥粥底，原本有D蔬菜，然後隔住一個蒸架，上面可以蒸海鮮，或者擺D蔬菜上去，蒸完會有汁流入粥底，非常新鮮野味，而且一向蒸法系健康D，好啱我😍芝士蟹籽燒帆立貝👌🏽，芝士濃郁，咬落去有芝心流出，nice!刺身都要俾個👍🏾，呢度既三文魚好肥美，而且肉既色澤系光亮，咬落去系冇雪味。甜蝦，同埋帶子都系必食，因為大隻兼鮮甜。其他螺肉，八爪魚都切得好厚身。唔知系米個廚師特別大方，哈哈！D燒物串燒都幾有水準，牛舌同豬肉串都燒得好乾身，但系唔系硬個隻，食落去好香口，而且又唔會太重味精粉，即「之鹽粉」個D燒烤粉，食完系唔系成口油，又唔洗狂灌水。另外，仲有食紫薯既fans，呢度系有MINI紫薯，食幾多粒都唔怕，因為香甜得黎又有益，可以試下。不過呢度甜品就款式較少，但芒果布丁系值得推介，芒果唔酸，甜度適中，都幾岩食

Mk基本上係放題嘅集中地，大多數價位都係百幾到二百幾，不過大多價廉但未必物美。今次黎到番本就合格有凸啦！一黎到就比張落單紙吸引，因為有成十張，加上圖文並茂，好似無咁易中伏叫錯唔啱自己食。一般放題似乎亦滿足唔到貪心嘅香港人，總係要加啲花款至得，有最基本燒肉邊爐加放題，有泰式加放題，有西式加放題，茶記加放題......今次就係今期流行嘅蒸氣火鍋溝放題。不過放題最想食都係刺身。三文魚厚切，有魚味，唔係廢話，家陣好多放題三文魚得雪味。甜蝦係原隻上，而且意外鮮甜，值得推薦。而且難得竟然有赤貝食，質素都唔錯。至於壽司方面，幾款壽司亦見出色，油甘魚同鵝肝帶子都做得唔錯。而且份量適中，絕對唔係塞你食飯，睇下件玉子壽司就知係業界良心。而甜品方面，就有雪榚芒果布甸同奶涷，全部都任拎，無話好似某啲放題咁限定一份，啱哂有兩個胃嘅人。嘢飲亦唔係款式多，有果汁。更值得一讚係，刺身我只係叫左一round，因為完全無偷工減料。而全程都無漏單出現，真係童叟無欺呀。個10號既哥哥仔仲用誠懇既態度同親切嘅笑容，一路向我地解釋個鍋點玩，問親嘢都詳細答你，真係可以去拍廣告。

就快grad，越發珍惜為數不多仲可以同同學仔一齊食飯的機會。一黎聽講番本好出名，二就黎我地都係放題愛好者，想試好耐。放學即刻趕到旺角，搭正最貴時段，要208。門口好多人排，聽到隔離叔叔話呢間好多選擇應該好食，人再多都決定等！ 終於到我們入座，正啱門口卡位，好寬敞。 Menu有成十張，好多選擇！ 刺身刺身！強力推薦！擺盤靚食物睇落又新鮮，尤其三文魚，色澤鮮豔且口感肥嫩，不得了！ 白肉拖羅肉感十足，每一片切到有手指咁厚；帶子圓圓大大顆，甜蝦無腥味，好食到要叫多轉！ 燒蠔同燒帆立貝係我近期食過的放題中燒得最正的！ 蠔都算肥，芝士蟹籽full cover！十分之香濃惹味。 鹽燒雞翼味道燒得啱啱好，又唔會好乾好鹹。 燒黑豚肉都係，薄香脆集於一串。佢的壽司都係必試項，飯細細舊，食多兩件都唔會咁快飽。花之戀用三文魚腩做的，好有誠意！柚子胡椒針魚壽司上邊果點醬味道好特別，鹹鹹辣辣，幾難忘。 滿三個人有免費蒸氣鍋，識蒸一定蒸海鮮，下邊係粥底，吸滿精華，好鮮好甜。 紫薯是我的最愛！追加三次！紫心香芋圓甜到漏，一般。 蓮根炒墨魚仔，蓮藕完全搶曬墨魚

朋友生日 搵地方任食任飲 日式放題來講真係好好好好抵食 數十款野食 魚生 壽司炸野 等等,,,質素好好,魚生刺身都好新鮮,三文魚好肥美,仲有燒菠蘿好好味 ,燒得岩岩好,唔會太過火,叫左2,3轉,芝士年榚煙煙un un係我個人喜歡的 哈哈,但人參雞湯就失分小小 ,冇咩人參味同埋雞味炸物我就鐘意食天婦羅炸蝦 炸得好乾身 啖啖肉 爽仲有個小蕃薯 細細粒連皮食 好得意架而且今晚仲要有超級驚喜 因為而家三位以上就有韓式蒸蒸海鮮鍋 真係好抵食 ,出面個鍋閒閒地都 2百幾 ,而家2百幾仲要任飲任食 ,正 ,有扇貝 好鮮味 可加小小蒜泥係面再去蒸 咁就好好味另外蒸蝦啦 都係好原汁原味仲有我地張魚生放入去蒸 原來好好味食到底個侍應會教你點食個粥 好服務,一定會再幫襯^^服務員用心教我地食個蒸鍋 加分加分

一班同事說放工一起去食飯，人多又不想去酒樓吃飯，便來了食放題。由同事安排之下來到番本日式放題，他們說過食物也不錯，選擇也眾多，便決定訂位吃飯，不過都幾多人，都不能樣樣食物都可以影相。那麼多人一起吃飯，當然要飲酒開心下，日本冰梅酒，幾清甜又香梅味，好飲。 赤貝刺身，雖然細細片，但都爽口鮮甜。 榮螺刺身，又是細細粒，沒什麼特別味道，都幾有咬口。鯛魚刺身，切的較為細片，沒什麼特別鮮甜味，一般。甜蝦刺身，甜蝦都很鮮甜好味，算是不錯的刺身之一。 松葉蟹捧壽司，蟹柳加了沙律醬的壽司，沒什麼特別。香蔥海膽碎吞拿壽司，海膽放在碎吞拿魚之上，碎吞拿魚味道都幾搶，所以吃不出海膽的甜味。芥末蜜糖三文魚卷，沒有芥末或蜜糖味，只是一個三文魚卷物。香芒黃金大蝦卷，淡淡的芒果本來都不錯，只可惜大蝦腍了不脆。北海燒蠔，醬汁做得不錯，和蠔的味道好夾，蠔肉滑溜又好吃。 芝士蟹子燒帆立貝，芝士蟹子醬很惹味，芝士香之外還有蟹子脆，真的很好吃。 芋頭天婦羅、洋蔥天婦羅、糖心蕃薯天婦羅和虎蝦天婦羅，人太多不能樣樣吃，但虎蝦不能不吃，脆漿很薄又不油膩，還能吃出蝦的味道，都算不錯。 360奶凍，細細碗夠一

朋友生日搵間近大家既放題慶祝，10點去到都仲有人等緊，好彩book左位！放題食刺身好基本，佢地既甜蝦唔腥、三文魚都幾令！其他刺身就普普通通。 個人黎講好中意食芽菜，佢地炒得唔錯，唔會淋晒，有黑胡椒，小小辣。呢個蟹子加沙津醬味既帶子味道一般，如果係芝士就正！ 參湯一碗未飲過既份量會唔會太少？參味重，唔中意飲既話會覺得苦。 梅酒甜甜地，幾好飲！不過要溝冰！ 其他野同普遍既放題差唔多！佢地有送埋蒸氣火鍋，不過好多貝殼類既野都無晒，我地就唔要。 最後，我想講放題係好忙，做唔到就唔好做！有個唔知係部長定經理叫ANDY!!做到咁既位都唔知咩叫應有既服務態度！我地無做d咩，問野俾單佢都黑口黑面，我地唔係俾錢黎受氣

宜排流行既海鮮蒸氣鍋真係無得輸，同朋友都愛上了!最近有朋友留意到留本餐廳做緊團購優惠，餐廳唔只有蒸氣鍋，仲有大家最愛既刺身放題，當然要去食下喇!!!入座後，職員先放米左鍋底，然後放上蒸架!之後我地就放上扇貝，蝦及蜆，食到最後先嘗果粥底!!雖然係清蒸海觧，但鮮味無窮！等海鮮蒸熟期間，當然要叫刺身食，把握一分一秒食過番本喇!!番本的刺身款式都十分多樣化，如有三文魚、鯛魚、希靈魚、甜蝦、帶子、赤貝...當中以三文魚同甜蝦最為出色厚切既三文魚口感一流，再加上豐富既魚脂，回味無窮!甜蝦爽口鮮甜，可見十分新鮮!吃到最後即使飽了，但烹調已久既粥底不可不食品!!!粥底吸收哂所有海解既精華，非常鮮甜惹味!

位置超方便，地鐵上黎，過條馬路就到，其實今日只係路過見到有姐姐派傳單介紹就走上去試下。日式蒸氣火鍋，有好多材料，包括海中蝦，帆立貝，白蜆，雞件，豚肉，肥牛，金菇等，不過叫左一轉~~唔係太靚而且佢個爐太大阻左好多位。食放題當然要食刺身啦，有三文魚，白肉拖羅，鯛魚，希靈魚，八爪魚，赤貝，甜蝦，帶子，選擇都多而且又肥美!!前菜就唔多吸引啦，枝豆，中華沙律，螺肉，鮮果沙律，木魚海老青瓜沙律，豆腐等，我都冇食啦炸物黎到都仲好熱好好味，又唔會好油，有炸雞軟骨，紫心香芋丸，一口芝士豆腐，棒棒餃子，日式炸芝士年糕天婦羅，都係D正常野冇咩特別，都係個D虎蝦，南瓜，芋頭，洋蔥，蟹柳，蕃薯燒烤串燒都有，翠玉瓜串牛舌，燒帆立貝，雞中翼，鯖魚，豚肉，燒蠔，菠蘿，不過燒得有D乾。日本料理：炒墨魚仔，牛腩，牛油粟米，和風牛肉粒，炒飯，炒帶子，蟹粥，正正常常，冇咩特別壽司，卷物同埋手卷有成20款，仲有D 好怪既野，好似海鰻芝士卷，三色花之戀，鵝肝帶子，大葉媽媽魚，個個大葉媽媽魚食落酸酸地，好怪。飲品方面都幾多，有汽水，一枝枝既果汁，涼茶，啤酒，清酒，幾好呀!!!

今日收工~~，老公又話想食放題，好啦，我記得之前都有同事講過話旺角有間叫番本既放題幾好食，而且地方夠方便，就去試下啦!見到佢有日式蒸氣火鍋，配料有海中蝦，帆立貝，白蜆，雞件，豚肉，肥牛，金菇等，唔算太多，而且賣相都唔係太好，帆立貝好細粒。蒸完之後當然仲細啦，另外佢個蒸氣火鍋既下層係一個粥底，感覺好味精而唔係鮮味。 刺身好新鮮，又肥美，最正係三文魚同白肉拖羅，另外仲有鯛魚，希靈魚，八爪魚，赤貝，甜蝦，帶子，個甜蝦都好大隻!!!我自己一個人都食左成10隻。拉麵，烏冬都當然唔少得，不過就普通左D炸物:炸雞軟骨，紫心香芋丸，一口芝士豆腐，棒棒餃子，仲有我最愛既日式炸芝士年糕，炸完又唔太油 6款天婦羅：包括虎蝦，南瓜，芋頭，洋蔥，蟹柳，蕃薯，但係唔知點解個蕃薯，唔係一塊塊係一粒粒無炸過既，咁仲算唔算天婦羅?燒烤：翠玉瓜串牛舌，燒帆立貝，雞中翼，鯖魚，豚肉，燒蠔，菠蘿 ，選擇都唔小選擇，但係亦都唔特別(味道+賣相都係)日本料理：炒墨魚仔，牛腩，牛油粟米，和風牛肉粒，炒飯，炒帶子，蟹粥，不過賣相唔多靚手卷有三文魚，香蔥拖羅，軟殻蟹，海鰻，帶子，辣味呑拿魚，都幾吸引，不過塊紫菜好似放耐左，唔多脆~~