474
95
74
港鐵旺角站 B2 出口, 步行約2分鐘 繼續閱讀
電話號碼
35431109
開飯介紹
連朝日啤酒、清酒和梅酒都是任飲的番本日式放題,無論是食物質素、上菜速度和員工服務態度都是中上水準的放題餐廳。 繼續閱讀
特色
適合大夥人
付款方式
Visa Master 現金 AE 銀聯
座位數目
220
其他資料
加一服務費
食評 (712)
等級4 2018-09-14
842 瀏覽
番本放題其實一直都有食開,價錢合理上菜快選擇多,除左有放題食,仲有蒸氣粥底火煱,所以今次我又帶屋企人一齊去食。餐廳係三樓全層,每次去到都係坐滿嘅狀態,好彩今次好快就有位。飲品係自助式嘅,有冷、熱櫃,照顧到唔想飲凍飲嘅人,飲品種類都有好多。凍櫃仲有奶凍同布甸,另一邊嘅雪櫃都有雪糕同糯米糍。首先點左生蠔,有茄汁,原味同酸汁辣蘿蔔蓉三種,用cocktail小杯上,淨睇賣相已十分吸引,妹妹都覺得茄汁味最好食,但我就喜歡辣味蘿蔔蓉,惹味開胃。刺身泥啦,三文魚厚薄均勻,鯛魚刺身,肉質晶瑩,新鮮象拔蚌非常有口感,白肉拖羅味道鮮美,響螺片鮮味足而又有彈性,甜蝦肥美晶瑩,食落好鮮甜。壽司款式都算唔少,比較特別嘅有柚子胡椒針魚同香蔥海膽碎吞那魚壽司,仲有火炙三文魚同海膽象拔蚌。香蔥拖羅同軟殼蟹迷你手卷,拖羅肉質肥美,軟殼蟹香脆,米飯口感鬆化,一流!香囗嘅虎蝦同香草魚天婦羅,炸皮薄身,食落唔會成口炸粉,日本南瓜同溏心蕃薯天婦羅亦係我嘅至愛。北海道燒蠔,好惹味,但稍嫌沙律醬過多。芝士蟹子燒帆立貝,芝士味唔太濃,食落去唔會令人有飽滯嘅感覺。稻庭烏冬同日式鰻魚炒飯, 飽肚一族。日式響螺蟹粥,份量同鮮味都好足。清酒煮蜆,爸爸嘅至愛,但它嘅酒味唔管濃烈,清清地,幾好。中間不忘要歎下蒸氣火煱,肉類有肥牛片同鷄肉件,海鮮有魚柳片、烏賊仔,蝦同帆立貝等,菜類菇類,亦一應俱全,然後個粥好綿,夠哂鮮味!另外值得一讚嘅係今晚雖然人客衆多,但侍應無論係落單或上菜都好快,而且呢度交通方便,價錢合理 繼續閱讀
(以上食評乃用戶個人意見 , 並不代表OpenRice之觀點。)
等級4 2018-09-13
460 瀏覽
番本做緊生蠔優惠,好多人食,book枱都等左陣,個場好大地方,坐得都幾密密麻麻,但放題黎講坐得唔算逼,都幾多侍應,上菜都好快。一坐低叫刺身先,有赤貝同白玉拖羅,另外再叫左三文魚,帶子,甜蝦,鯛魚,榮螺片,最重要係有象拔蚌刺身,上次黎都仲未有嘅。三文魚係腩位夠肥美新鮮,帶子大粒,味道就偏淡。榮螺有咬口但就本身無咩味,鯛魚新鮮,比三文魚同白玉拖羅彈牙,甜蝦鮮甜creamy,赤貝口感ok,好過上次,而且有少少海水嗰種海鮮味,我特別鍾意,象拔蚌刺身就比想像中探微啲,不過都相當彈牙。壽司方面我叫咗嘅同刺身差唔多,有三文魚壽司,象拔蚌壽司,玉子壽司,同埋另外一個比較少見嘅針魚壽司,針與壽司用咗有子醋去醃,食落有浸酸甜味,好開胃,有啲似秋刀魚,好新鮮,平時唔係成日食到,呢個值得推介。北海燒蠔,好食但係好樓,充滿着芝士白汁嘅味道,個號都鮮味,但係有少少比芝士蓋過咗,食一碗都已經飽晒。芝士燒帆立貝,我覺得酸咗啲,但係果汁都仲係好好食嘅,有啲蟹子喺上面,口感幾好。燒翠玉瓜當食菜,唔會燒得太林,仲有好多水份,咬落爽甜香脆。雞軟骨細細粒,好香脆,感覺唔油膩,食完想繼續食落去。今晚嘅主角一定係生蠔,呢度提供三款,有普通成日食到嘅配檸檬汁,仲有酸汁辣蘿蔔蓉同埋茄汁口味,兩隻特別汁我都覺得做得幾好,特別係孫汁辣蘿蔔蓉,酸味吊起生蠔嘅鮮味,辣辣地刺激味蕾。另外茄汁酸酸甜甜,蓋過咗生蠔嘅腥味,生蠔都幾大隻,蠔膽好甜好新鮮。天婦羅今次我哋叫咗好多款,虎蝦,南瓜,日本小番薯,蟹柳,全部啲炸粉都幾薄,感覺唔係好多油,特別鍾意食個日本小番薯,外脆內軟,小番薯甜甜地好易入口。 繼續閱讀
(以上食評乃用戶個人意見 , 並不代表OpenRice之觀點。)
等級3 2018-09-13
272 瀏覽
呢間旺角既放題 平日都幾抵食 200 零蚊 有好多野食 坐位正常, 但燈光偏暗 食物紙有成10 幾20 款 出面可以自己拎飲品同雀巢雪糕 都算 ok 清酒梅茶啤酒任飲 抵! 佢有蒸汽鍋 所以幾抵食 肥牛 扇貝 蝦 蜆 魚柳 雞肉等 味道唔錯 , 最後可以飲埋佢底下既粥 刺身好多選擇 白玉豚肥美新鮮 三文魚 希靈魚 甜蝦 仲有平時好少有既赤貝 好彈牙爽口 唔錯 熟食 我幾鍾意佢既雞翼同串燒 燒得幾夠鹽香 但一定要配啤酒 仲有香濃芝士蠔 夠哂香脆既炸蝦 各式串燒 都幾好味 但呢 d炸野一定要點啤酒整體抵食好味 幾滿意 繼續閱讀
(以上食評乃用戶個人意見 , 並不代表OpenRice之觀點。)
等級3 2018-09-09
216 瀏覽
旺角樓上鋪日式放題有如恆河沙數,要脫穎而出除咗食物質素要出眾外,亦要有gimmick。今次去咗近旺角中心果邊嘅番本,入口喺Netvigator隔離條扶手電梯上。餐廳唔多時段有唔同收費,如果想經濟一點,可選六點前或九點後入座大大隻字做緊生蠔promotion。有三款味道揀,新鮮蠔當然係揀原味。生蠔嚟到,入口新鮮,有蠔味,放題嚟講有生蠔真係一大gimmick基本上放題我唔會選擇食壽司,主打刺身,希靈魚 三文魚 赤貝 甜蝦等都非常新鮮。天婦羅 亦係必食,推介蕃薯!飲品一應俱全,但呢個櫃對我毫無意思。因為竟然酒精類都任飲,凍熱sake 啤酒 梅酒都有,我就全晚係咁隊凍sake,真係飲sake都歸本!值得一提係佢仲有蒸氣火鍋食,可惜我比較好刺身多D,所以都係下次再試!總結:抵食,基本上食生蠔同飲sake都已經歸本! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-09-05
143 瀏覽
之前吃過覺得還不錯,是日與男友再度挑戰肚皮極限。生蠔任食在日式放題來說比較少見,雖是急凍貨色卻也有啖啖蠔味,一點也不腥,三個口味中最喜歡茄汁那款。刺身方面以白肉拖羅比較少見,入口有油香,質地爽口,encore了一次。壽司小巧可以試多幾款,唯火炙三文魚比較多筋。焗帆立貝頗大隻的,醬汁味道偏甜,整體不過不失。番本的炸物倒也不錯,炸雞軟骨炸得乾爽,下酒一流。芝士年糕外脆內軟,天婦羅也乾爽不油膩。牛油炒雜菌入味好吃,不錯。 繼續閱讀
(以上食評乃用戶個人意見 , 並不代表OpenRice之觀點。)