番本日式放題 (已結業)

點入座 一去到已經寫左帶子 頭兩次以為漏單 之後要問恃應先話無 一開始已經係無點解唔一早同客人講？ 恃應重要唔好意思都唔講句 ⋯ 兩個字無呀就算 。 刺身一般 主要係蝦有d梅同有d唔乾淨 唯一有d噱頭就係有蒸氣鍋 都係一般 但算叫做任食黎講第一次見最後10:15 趕人走 ，都明白講左限時2小時 但其實周圍望已經有幾枱吉左 當然我地亦唔會坐到準備關門先走 純粹個人感覺唔太好埋單每人二百二左右 總括食物質素與價錢唔成正比 寧願加多幾十蚊去d質素好既放題

一上到去就已經見到寫了有幾樣菜式今天是沒有的，最主要是無了帶子刺身已經好想走了，環境算可以，但野食真係唔好有其望，一開始叫D主打菜先，刺身，串燒，前菜，和物，炸物，野食好快來到，先講刺身得幾款又無帶子主要三文魚已經唔新鮮其他刺身仲難食D肉梅的，叫了兩次已經無食了，串燒來得好快，快到可能係燒定的來到已經不太熱了又係唔好食，想食羊架仲要加錢，到天婦羅又係來得好快，又係炸定，好多野都做定同快餐店無分別，那個蒸氣鍋不講太多了可以不用吃的，唔知點解可以係旺角區排名第三位，有兩小時食七點入去八點三已經最後落單，八點九就叫你走了，好以後唔洗再去呢間了

放題周街都係 之前食過好多中伏的放題質素高但味道好的都要$300以上賣單想二百零蚊賣單質素又唔差的呢間番本係幾好的選擇當然 呢個價錢我都唔會Expect到有四五百蚊的質素但最起碼食物唔差 對得住個價呢到食物的選擇好有多刺身 串燒 沙律 壽司 飯烏冬 小食等等都有刺身厚切 幾新鮮 望落去都係鮮色甜蝦就唔夠鮮甜三文魚好肥美其他刺身都好爽口燒物方便牛舌真係太鹹 唔知佢重手左定點但幾爽口燒蠔有驚喜 芝士溶左配上蠔係一流燒汁翠肉瓜甜甜地 唔錯豆腐胡椒味幾重 亦都幾滑酒煮硯朋友覺得幾好食但個人唔太鐘意酒味太濃的食物銀芽就普普通通 無咩特別炸雞軟骨幾好唔會話太乾身棒棒餃子炸得好脆口總括黎覺食物質素中等至中上某些食物有特改善但有D食物係真心唔錯呢個價錢有咁的質素都收貨

訂枱訂8位，準時去到都竟然比6個位，如果無位係咪要提前通知客人得6個位，搞到迫埋一堆甘食，2邊既人得半張枱食野，叫個經理黎，問佢食飯會唔會坐半張枱食，佢同我講星期六將就下，咩叫將就下？可唔可以將就下做少2個人生意咪唔駛無枱，埋單你可唔可以將就下唔收錢？可唔可以將就下收6個人錢唔係收足8個錢？劣評，永不錄用

與蝦餅有約，只因想食原隻甜蝦，今次就括出去食一次放題(因減肥中), 從來放題唔會餓住走(除非難食), 今次一樣兩個抱住肚腩完成任務！Book左1930，1900到都安排到座位，如果1900到的朋友想walkin 都仲有位，但再遲半個鐘，就只有等早段入場的朋友。地方屬該大廈3樓全層，大枱不少，一大班朋友食都無問題，另一邊會安排人數較少，相對亦不太嘈吵。選擇這間因為交通方便，地鐵站出口行少少就到，蝦餅收工出來都好快就有得食。食物種類有好多，現在3人起更配有蒸氣鍋，用傳統藤蓋，鍋底有米，放題完前可成粥，蒸的材料有海鮮，蔬菜，健康之飾，粥底收集各種精華，旁邊三人枱的朋友食得好滋味！種類分成A-M紙，汽水雪糕自取。先講一開始就要點的刺身！店內的刺身是獨立有一位置專門處理，每次落單都會另外處理，所以好快就準備用。刺身有9款之多1. 三文魚2. 白玉拖羅3. 鯛魚4. 希靈魚5. 八爪魚6. 榮螺片7. 赤貝8. 北海道帶子9. 原隻甜蝦以上9款，全部都新鮮味美，但特別想推介榮螺片、赤貝及原隻甜蝦。榮螺片是原隻螺肉切半為片，入口先有淡淡甜味，一咬爽脆無比，無雪藏味，就算經職員處理，都仍有濃濃螺肉鮮味

因為星期日要番工，覺得要對自己好d，就決定放左工約埋家姐去食放題，研究過旺角一帶，覺得番本日式放題近之餘食物又唔差，於是決定去試下，好食就再帶埋屋企人去。差唔多7點15分去到，見到有人等緊枱，本身仲以為有排等，點知5分鐘唔洗就入到去，因為全層都係佢地嘅，所以餐廳好大，枱太多嘅關係條路有少少窄，不過行嘅時間小心d就無問題。一坐低第一時間睇meun剔野食，選擇都算多，有熱食拉麵燒物天婦羅等等，飲品甜品雪糕自取，飲品有汽水，果汁，茶，仲有忌廉溝鮮奶飲。食放題最重要嘅就梗係刺身啦，見到佢每一盤刺身都會有大量嘅碎冰墊係底，送到上你都係keep住冰凍新鮮之餘，仲唔會因為暴露左係室溫太耐，而令到魚生冇咁新鮮。我哋叫咗啲自己比較鍾意食嘅刺身，當然唔少得三文魚啦，魚肉嘅顏色好有光澤，而且魚肉上面嘅紋路都好清晰，厚切嘅魚肉食起上嚟更加有口感，覺得魚肉好肥美鮮甜，感覺有好豐富嘅魚油味。白肉拖羅刺身，第一次食味道唔錯，肉質係比其他魚肉較軟。甜蝦刺身，蝦比一般食過嘅都要大隻，蝦肉嘅味道好鮮甜。北海道帶子刺身，望落好新鮮喙好大粒，帶子口感嫩軟又有彈性。赤貝刺身肉質爽口，赤貝本身味道就比較淡，所以食之前一定要飲啖茶

心郁郁都係忍唔住，又同呀妹走左去食放題，揀左最近小巴站既番本，一落小巴行2分鐘已經上到去，係正旺中斜對面，非常方便。7點3上到去已經好full，等第3張枱，大概15分鐘就入得啦，個場分左2邊，好大地方，以放題黎講坐得唔算逼，而且侍應反應好快，上菜都好快。一坐低就梗係叫刺身先，竟然有赤貝同白玉拖羅，真係驚喜，另外再叫左三文魚，帶子，甜蝦，鯛魚，榮螺片。三文魚夠厚切肥美，呢排又話d三文魚有蟲，所以我都好仔細睇左先食，夠乾淨新鮮，帶子都幾大粒，唔係貝柱size，而且都幾creamy，咬落痴口，味道就偏淡，清清地咁。榮螺有咬口但就本身無咩味，鯛魚新鮮，比三文魚同白玉拖羅彈牙，甜蝦都幾大隻，鮮甜creamy，赤貝口感ok，但係就無乜厚度，亦唔係好甜，至於我最愛既白玉拖羅，絕對係放題中既超班級數，魚肉淋但絕對唔係梅，食個陣唔會覺得好有味，賣點係個after taste，甘甘甜甜，有d似劍魚但清新好多。另外壽司方面都有d mix and match，我地試左海膽葱吞拿魚壽司同鵝肝帆立貝壽司，細細粒一吙食得晒，海膽一般但對得起放題，配上濃濃魚油香既葱吞拿魚，鵝肝有d騷，同埋d辣椒絲好似多得劑，夾走d會

大胃王如我，經常都失驚無神拉著女朋友去打邊爐或者食個日式放題挑戰一下食量，這間番本日式放題已是第2次光臨，上次感覺不俗，今次且看水準有否下降。牛油帶子雖然細細隻，但味道不錯，牛油味有點淡，反而有蒜香。芝士扇貝是我上次吃過覺得好所以今次特意再點的，面層的芝子醬汁味美濃郁，扇貝肉雖然不大隻但也挺鮮甜，不會被芝士搶味。放題必點令你番本的刺身，這裡的三文魚紋路清晰，魚味香久存在口中，赤貝新鮮爽口，甜蝦鮮甜而且頭部的蝦膏十分甘香，帶子刺身更是我的最愛!燒蠔的面頭醬汁似是沙律醬，內裡配上香草及其他配料，有咬口之餘亦香氣四溢。吞拿魚海膽壽司小小一件，最上層的海膽雖未至於是頂級貨色，但也尚算新鮮。三色花之戀跟芥末三文魚卷，三文魚比刺身更肥美，魚子口感特別有層次；芥末蜜糖沒有甚至辣度，反而更像是沙律醬。蜆肉麵豉湯沒有沙，湯中加有昆布，湯底味道較淡，但蜆肉為麵豉湯加了一份鮮味。吃過不同種類的串燒及小炒後，終於來到甜品，我吃了芒果布丁為這個豐富晚餐劃上句號。到過這裡兩次我都依然未有機會試到蒸汽鍋 (要3人以上才有)，希望下次可以跟兄弟們來大快朵頤!!!

終於來到星期三，一個星期已經熬過一半了，據說周三打工仔的工作效率最高，其實我想說的是周三也是胃口作戰力最高的一天。這晚跟男朋友放工後決定來個大解放要大吃大喝，但非因有事要慶祝而去吃自助餐就好像有點奢侈，所以我們就到了評價好像不錯的番本日式放題了。我們達到時剛好6:30，即是$208加一，在放題中不屬貴價那一組別，且看價格便宜的放題又會有甚麼質素吧~ 一坐下侍應便介紹飲品及甜品可到凍櫃自取，不過酒類飲品則要在餐紙上點，侍應感覺斯文有禮，第一印象而令我加分不少。日式放題我也試過十間八間，但也是第一次看到點菜紙上每樣菜都附有圖片，餐廳不計成本之餘亦為客人提供了一個大方便。刺身我們點了常見的三文魚、希靈魚、榮螺片、赤貝、帶子及甜蝦，但沒想到連平日少見的白玉拖羅這裡也有。三文魚肥美而充滿魚油香味；赤貝新鮮但比較細小，一次過吃兩塊就口感更佳；甜蝦鮮甜亦沒有腥味；白玉拖羅是種挺特別的刺身，肉質較淋及清淡，但口感有點像棉花糖般柔軟所以我很喜歡。 帶子刺身的體積不大，不過肉身豐厚富彈性，鮮甜味不比特大帶子刺身輸蝕。辣味吞拿魚軍艦使我有點喜出望外，相信每件也是即點即整，所以紫菜才可如此香脆。吞拿魚的辣味

夏天？當然要食放題啦。有成半年無黎過，炎熱天氣急消暑，先黎幾小碟前菜先啦，唔該，小二。就係鍾意中華沙律嗰種凍而可口。胡麻豆腐，十分滑嫩，筷子難夾，忍不住叫了兩個，小巧吃多也清新不飽。鹽燒牛舌，細件但燒得靚又香，好好嚼。刺身類希靈魚爽口，三文切得不大但也肥美，甜蝦比一般的大。帶子最正，無限狂encore，點幾多又真來幾多，沒有漏單。壽司類呢間終於正常地，有花之戀食喇，三文蟹子沙律醬組合，無唔好食既道理。海鰻芝士卷，鰻魚上的鰻汁，望到口水流，吸睛呀，閃閃發光的模樣。飛魚子帶子沙律軍艦，好耐無食，好正噃又，帶子好香軟，加賣魚子好有口感呢。生蝦米紙菜卷，用左好多菜包住包住，菜好爽脆，米紙不太淋，還帶彈性，加了生蝦，感覺清新。飲品雪糕全自助，梅酒都有得任叫，呢下最驚喜。雪糕糯米糍有香竽，綠茶味，綠茶妹我吃好多呢，也沒有雪太硬的情況出現。地方幾大，坐得舒服，裝修都新，好就腳。

去完朗豪坊行街街 去到累就和肥去食放題 我地早去 所以又幾平178加一only壽司食少少 不想咁快飽 選擇都唔少 無話咀妙妙 個樣又幾靚 食味都ok炸物點了都唔少 樣樣都可以 當中的蕃薯波 芝士炸年糕 爆芝士 炸得香 脆脆脆 入面滑 大歡喜燒菠蘿好多汁 燒雞翼 我鍾意食豚肉串 足味又唔覺肥 確係餐廳推薦三文魚頭就較普通 不特別焗蠔帶子都香呀 面醬不太多360奶凍 都香奶味 但更濃更好 更像雪糕味 吃完好濟了喇果汁先生 都有得飲 呢樣鍾意D伙記呢 收碟收好快 幾有效率 唔會食到成枱係碟 迫迫咁放題幾平 發現家下放題既壽司好左 唔再從前咁大舊飯 刺身好細咁了員工個個幾好服務 有禮 欣賞

一直見呢間都好多好評，一於去試下！ 位置易揾，近旺角mtr exit B3岀口，上到去3樓，全層都係佢地，當日book8點30分，但早左到，就一於上去搏下可5可以早啲入去，上到去見到好多人，俾我迫迫下迫到埋去，同佢講book左8點半4位，估唔到俾我即入，果時係8點09分， good呀，仲要安排到梳化卡座俾我(我係openrice book時有要求到) 坐底即刻落刺身三文魚:普通螺:普通赤貝:唔錯甜蝦:普通帶子:唔錯八爪魚: 白玉拖羅:最好食 夠3位就會送依個蒸氣海鮮，材料都係任嗌，下底係粥底，上面蒸野既精華會落哂個粥底到，但可能我地5係嗌好多海鮮，所以個粥好淡 不過啲海鮮甘蒸法好鮮果，由其係個蝦！壽司都係so far so good 卷物，我覺得魚子果款好食 另一款普通熟食，其實仲有食其他野，但淨係影左甘多，我最推介係芝士年糕，芝士蟹子帶子，南瓜天婦羅，其他就普普通通甘，不過同行既人將成碟鰻魚炒飯食哂，我就覺得還可以啦！食品就自己岀去拎，有好多選擇，有果汁先生，康師傅，咸柑桔，韓國既野食，烏龍茶等等，酒類就要落order, 試飲梅酒，都幾好飲！總結: $208加一都

今次 同吃貨朋友又食日式放題，呢間係唔錯既選擇。 入去就叫左盤刺身， 三文魚和帶子都ok新鮮， 壽司嘅飯正常size， 但如果小啲會更好。 芝士炸豆腐好吃，咬開看到流心芝士，感覺好幸福。 焗蠔裏面的蠔太小， 上面啲忌兼太多，好濟。 人蔘雞湯好像沒有太多雞味，但可能因為本人喜歡飲人蔘，都好味。飲品的選擇多，有清酒 波子汽水，果汁，烏龍茶，綠茶。 我地要左兩湖清酒，好正。 最後要了一個芝麻雪糕。 發現原來清酒配芝麻雪糕都幾夾，幾好味。哈哈…侍應服務態度很好，很有禮貌，值得一去。

餐廳入座時間定了兩小時，但部份食物遲到，脫單情況亦常見；一到兩小時時限，侍應竟要求立即離座，在沒有其他溝通下，竟然清理枱上東西，食到一半，唯有掃興離開。最慶係餐廳座位仍有空桌，外面等位客人亦只得5、6人！

燒牛肉凍，燒雜菇凍，燒蝦串既蝦肉痴住竹簽，壽司只有10款揀，全部都係唔好食..攪到我咩都唔想食 只有甜蝦係正常 第1次下單20隻佢俾2隻我 我同佢反映 佢卑番20隻我態度麻麻野飲，牛奶公司雪榚杯，雪米糍任拎成間野只有甜蝦係正常