番本日式放題 (已結業)

旺角區有不少放題，這天與朋友經過開隨便選了一間，想不到質素也尚算不錯。除了任吃五花八門的食物外，還可以任選清酒、Asahi 啤酒及日本清酒。放題食物種類太多了，所以絕對沒有可能試盡所有款式，唯有只選擇一些有質素及自己喜愛的來吃。個人推介：三文魚壽司 一頗新鮮鵝肝帶子壽司 一 鵝肝分量雖然小，但入口即溶順滑，帶子鮮甜飛魚子帶子沙律軍艦 一 餡料多得快要滿瀉，咬下去很有口感芝士蟹子燒帆立貝 一 芝士的濃郁與帆立貝的鮮味完美結合虎蝦天婦羅 一 粉薄而且就算放了一會才吃也感覺很脆川風雞絲麻辣粉 一 估不到吃日式放題也有麻辣粉吃，味道不錯，而且也有韌度。 除了食物種類繁多外，飲品及雪糕選擇也很多元化，總括來說整個放題也相當超值。

幾個朋友約食飯，人多最好就係食放題啦唔洗就黎就去^^哩排有dd唔舒服，所以我今日主要都係食熟食料理，估唔到有驚喜喎好多時放題我都係主要食壽司刺身，冇咩食d熟食今次就特別鍾意哩2個一口牛，好嫩滑，唔覺有根，一d都唔韌，而且個調味好豐富唔會只得個咸味。藕片墨魚仔，藕片我唔中意太粉的，哩個熟度啱啱好好。墨魚仔都係，同藕片一樣咁爽口，一口一隻都唔怕冇儀態，哈。炸物我就鍾意炸芝士薯波同春卷春卷非常香口，唔會有成口粉既感覺，而且係新鮮炸起一d都唔油膩。芝士薯波就係我每次放題都會點的，哈純粹因為我鍾意芝士，而佢既芝士味係較淡，我朋友唔食芝士都可食到，一樣係新鮮炸起，冇油膩感。天婦羅蝦係較細隻，但個脆漿較得好好，脆卜卜，唔係擺到林晒謝晒氣果d，我個人覺得細隻仲好，可以食多幾隻，哈。另外仲試左d飽肚澱粉，拉麵個湯底超濃郁，而且有好軟滑既豬軟骨做配菜，都幾正，不過可惜我擺得太耐,令到d拉麵林晒，下次要即上即食先得呀。。。粥夠晒棉，但可能因為之前食個拉麵係好濃郁，令到我覺得佢較淡，食野果然係要分返個次序先得呀。。哈鰻魚飯都好香，但真係非常大碟，我諗最好有6個人以上先好嗌，唔係就浪費食物喇。而刺身雖然我冇食到

食放題幾時都提到"回本必食", 呢間名字非常搞鬼, 點樣先可以"番本"呢?! 價錢以入座時段計, 由$178-$208, 一般日式放題價錢!要"番本", 刺身當然要叫啦, 種類都算唔少, 最喜歡係佢個甜蝦, 鮮甜肉嫩, 一啖一隻好過癮, 其餘既三文魚及柱貝都好味道, 賣相都幾靚仔, 我地刺身都叫左2轉, 應該距離番本都不遠.......哈!食開凍食有條癮, 見有日式冷麵, 同友人SHARE都唔過份, 醬汁酸酸味幾開胃, 面頭有粟米蟹柳絲, 清淡得黎都幾岩胃口!唔食過壽司硬係未覺算食過日本菜, 壽司份量精緻, 飯量少, 唔怕食幾件就飽晒, 質數仲幾唔錯, 最愛佢既北寄貝壽司!叫返D熱食類, 如呢款清酒煮蜆, 食落有清酒味, 酒味唔太濃, 蜆食落無沙, 肉雖少但口感唔錯炸天婦羅叫左我喜歡既蝦, 南瓜, 芉頭等, 上枱時熱辣辣, 炸漿唔太厚身, 又唔會食到一口油, 水準有返咁上下呀!呢個串燒翠肉瓜, 燒完都仲咬落有水份, 配上醬汁一齊食, 可中和之前食既野!呢度仲包任飲汽水及酒類(清酒及梅酒), 試左款凍梅酒, 口感酸甜又冰凍, 令人胃口大開!今次番本行動應該成功.............

今日食咗晚市，服務員好勤力，反應又快，都幾滿意。但係係食物方面，雖然有個蒸鍋係幾好，又唔洗錢，但放題個邊嘅食物種類就少咗d，甜品得一兩款，味道都ok嘅，但200幾蚊真係可以食好d，雖然ok，但唔推介

那天晚上同朋友行過兆萬中心,看到3樓有日本放題很吸引,大家看了一會兒就同意選擇此餐廳,那裡裝修高級雅緻,使人感到舒適溫暖,坐下來時感受到座位寬敞舒服,當大家都說開餐了,order了好新鮮的訊刺身,天婦羅,焗蠔,芝士年糕,軟殼蟹手卷,人參雞湯,黑松露溫泉蛋等等,還有多鍾汽水,果汁,以$188加1=$206.8有不同鍾類美食,平過去洒店食

旺角地區很多日式放題餐廳，通病都是粗制濫造、漏單嚴重與地方淺窄。這家店沒有漏單，但食物種類相較少。味道，不要有要求。食物都是預先做好、現成翻叮或炸。刺身更不是甚麼好貨，因為說過這是放題的通病，既然這樣，為何要光顧這家呢？所以這家店不值一去。

今次就與朋友一齊放肆一番, 選擇放題, 朋友初時聽到放題, 已考慮價錢問題, 我用一個好安心的回覆----平、靚、正~就解除佢的疑慮。旺角有好多間放題, 自問自己未能所有都試過, 但覺得好的, 已可以不停encore,這店雖然好多人都會預先book位, 但都會盡量安排walkin的客人, 而且講清潔只少要等多長時間, 不會刻意胡亂留客人。當然我今次是相約朋友同行, 而且有心想食, 就一早book位。七點左右到, 已經人頭擁擁, 我喜歡這店的時間選擇, 不是在設定的時間(即6點前、6-8等)內進食, 而是不論你幾點到, 由入座起計可食2小時, 設定的時間只在於你在那段時間入座, 就有不同的收費。二話不說就點餐, 見到柯打紙都有十多張, 種類真係過百款, 花多眼亂, 餐具一早就預備好, 只是筷子用竹筷子, 可能避免洗得不夠乾淨, 不過我覺得整體上都用可循環餐具, 算不錯。開始就叫一些刺身試試吧~三文魚刺身—色澤油潤, 油脂分明, 入口有啖啖魚油香, 爽口有勁, 咬一兩口就油化了, 感覺不錯原隻甜蝦—非常開心有原隻甜蝦, 完整又美觀外, 更突顯貴價貨感覺。入口絕對比一般甜複爽口彈牙, 亦覺非

價錢又唔係平，啲壽司暖既，炸物又凍既。我都諗唔明點解甘多正評，睇完正評以為ok原來甘難食，我諗大家係出面比呢個價錢可以有好多選擇囉！！！其實款式唔多，又係正路野正路飲品，真係唔建議揀呢間

每次朋友聚會都會諗起番本， 原因係地點方便， 野食又多選擇， 自已鐘意食咩就點咩， 今次仲多左蒸氣火鍋黎得放題點會無刺身， 三文魚， 白玉拖羅， 鯛魚， 八爪魚， 榮螺片， 赤貝， 原隻甜蝦刺身， 最愛白玉拖羅同三文魚， 都好肥， 夠香口， 榮螺片同赤貝都好爽口芝士蟹子燒帆立貝， 每粒都佈滿芝士， 芝士味又唔會蓋過帆立貝本身既鮮味， 但就唔係點食到蟹子味北海燒蠔， 芝士配沙律醬，兩者夾埋味道都唔錯， 睇外殼好似好大件， 但入面粒肉就細粒左少少日式清酒煮蜆， 呢個係黎親番本都會叫既， 蜆肉雖然細粒， 但好鮮甜， 加上酒味唔濃，清清地，無得輸虎蝦天婦羅，脆醬夠薄，蝦肉岩岩好， 夠彈牙鐵板炒銀芽， 本身係諗住普通炒芽菜， 但估唔到內裹加左黑椒粒炒，但又唔會太辣， 都幾惹味，呢個係較驚喜的一款鹽燒雞中翼， 雞翼係唔會點失手的一款甜品同飲品就自已去冰櫃拎， 飲品有汽水， 紙包飲品等， 而甜品就有雪糕， 奶凍等，選揀較少同時都有酒提供， 有日本啤，清酒及梅酒， 試左梅酒，酸酸甜甜 ， 酒味唔會太勁，賣相又好有日本feel， 配海鮮一流

家姐生日，話想食個日本放題之前阿哥食過話OK，所以我地又試下～！上到三樓，WaO 出泥～星期四都好FULL啊～好彩有BOOK唔使點等～入面都好大呢～～～！好熱鬧～真係有D日本宵夜餐廳的感覺～！ 好多人食海鮮蒸鍋～不過我地兩個女仔應該食唔哂～放題夠了～～～因為選擇好多啊～！ ！食放題最怕浪費～所以第一輪先就住嗌～haha~人蔘雞湯：人參味濃，味道適中，出奇地不油！有追加兩碗 麻醬豆腐 ：麻醬不會太咸，好味！個豆腐好滑！正！沙律：沙律菜多過汁，正炸物: 選擇都多，好香，芝士年糕趁熱食！好煙靭！炸芋頭丸好味！牛利：好味，好入味又不會過咸，食到鮮味刺身：三文魚 正常，甜蝦夠鮮，好好味海鮮粥: 細細碗但好正！放耐左有少少結，加左杯熱水撈返稀就啱啱好！這個炒帶子正！玉子壽司飯少過料，絕對抵讚

黎開旺角唔知食咩好，見咁多好評就黎試下啦！刺身方面: 三文魚肥美，前後叫左幾次，仲有個xx貝(唔記得左個名)都好味，其他就一般天婦羅蝦: 印象中係推介食品，但本人不推介，太厚粉了牛油炒帶子: 呢個必食，食放題通常唔會食咁多熟食，但我地前後叫左3碟梅酒：放題少見既飲品，當然要試下啦，味道ok喎我覺得除了食物質素外，環境和服務都好重要。洗手間係同層2間餐廳共用，內裡幾乾淨，異想不到！服務方面，食親放題成日都漏單，呢間完全無呢個情況出現，good!

呢排忙到飛街, 想到以食作為減壓方法, 立即約埋友人一齊去食放題, 最方便地點梗係會諗到係旺角, 呢間可算係區中都算出名既日式放題餐廳價錢以入座時段訂價, 最貴都係二百零蚊, 限時食2個鐘, 時間都好夠食去到見到好多人係門口等候安排入座, 一早訂左位, 好快就被安排入座, 望下枱上既食物落單紙, 食物選擇都算多, 包括刺身, 壽司, 小食, 炸物, 燒物, 熱食, 飯/麵食及酒類(啤酒, 清酒及梅酒)任食仲包埋任飲, 自己去雪櫃拎飲品, 好多款式, 仲有雪糕任食, 唔怕無甜品~打頭陣當然係食刺身先, 除左落單紙上既白拖羅外, 全部點晒, 三文魚切得都唔細件, 甜蝦亦唔細隻, 個人可以食十幾隻, 總話黎講刺身食落係新鮮既雖然有人講諣食放題梗唔會壽司呢D咁飽肚野, 但眼見佢好多選擇, 有D係出面唔多見有, 一於點少少試下, 好彩佢SIZE細細, 飯量唔大舊, 一啖一舊都幾過癮, 水準OK!見到有中華冷麵, 不好飯類既友人雙眼發光, 係要點返一個, 食落夠冰凍, 配料包括青瓜, 蟹柳絲及粟米粒, 淋上酸汁好醒胃!食完凍野, 開始進行熱食, 點了日式煮珍珠蜆, 食落無沙, 加上有麻油, 都幾香

表弟之前考試有好成績,趁暑假就同佢食放題, 之前食過既番本印象唔錯, 加上地點方便, 就決定黎呢間再試, 一早訂好位, 6.30準時到達, 可食2小時, 平日5.30-6.30入座價錢係178+10%, 好抵食野食選擇都好多到放題必點既壽司, 選揀都好多, 有壽司, 軍艦, 手卷等, 仲有一頁叫創作卷物, 試左海鰻芝士卷, 芥茉蜜糖三文魚卷, 三色花之戀, 每款細細件, 可以留肚食其他野海鰻芝士卷, 海鰻香口, 估唔到同芝士又幾夾, 大家唔會搶左大家本身既味道芥茉蜜糖三文魚卷, 呢個好得意, 芥茉唔太辣, 蜜糖甜甜地配三文魚又幾得意, 感覺到三文魚仲滑D三色花之戀, 呢款好少見, 唔係間間有, 佢係有三文魚同另一款魚生包成, 上面再夾上魚子醬, 賣相好高檔, 三文魚同魚子醬都好香口手卷, 家人都鐘意食鰻魚, 鐘意佢夠香口,配上醬汁更惹味, 只嫌紫菜唔夠爽脆, 好硬鹽燒海老串, 都幾大隻下, 用鹽燒, 拎到蝦更加鮮甜, 蝦又燒得岩岩好, 好彈牙和風牛肉粒, 牛肉醃得好入味, 又煮到好淋, 配菜洋葱吸晒牛內味, 可以encore再encore烤有機菠蘿, 呢個係我去親放題都會點既, 燒完既

食品魚生新鮮，蒸鍋夠創意，飲品欠種類小位置放便，價錢一般，但坐位非常濟迫，食品種類小，沒有特別，中規中矩啦，唯一最新裝修，好靚嘅場，食物及飲品有代改善。哈哈哈哈。

好耐無去食放題喇去放題最開心就係可以任食刺身食到飽都唔會肉痛😁今日食呢間係之前有fd話可以食埋蒸海鮮點知原來要三位以上先有得食唯有下次多d人先啦去到都要等一陣先可以入坐。。。入到去店員就話2小時任食 45分鐘之前就會Last order 😅都幾快不過好彩佢上菜快，所以成餐2小時都好夠一坐底就去左睇有咩飲先都有好多選擇 最正係有Asahi任飲而唔洗加錢，我老公見到就😍😍😍哈哈酒方面仲有清酒同梅酒不過我酒量淺所以都係飲其他不過我嘅攻略係唔飲汽水，因為會飽肚😂寫哂食咩之後。。。我諗無10分鐘d野就一樣又一樣上枱好快我地張二人枱full哂😳😳😳隔離枱係咁望望望最開心係見到我d刺身😋😋😋樣樣都好新鮮呀！甜蝦係我嘅至愛雖然細細隻，但一啖一隻好甜美啊😍我起碼食左10幾20隻😂真係正！三文魚都無筋而且夠肥美，切得細細塊又係一口一塊，正呀！比較特別嘅有白雪雪嘅白玉拖羅我未食過，都未見過放題有 個味真係好似拖羅。。。好肥好多油如果唔係白色真係以為食緊拖羅赤貝都好爽口唔會腥 榮螺就淡淡地小食就選擇唔會話好多，但都夠哂我食串燒有海蝦啦牛舌啦燒豬腩肉同翠肉瓜當中燒豬腩肉比較少見，味道都好香口，好有韓feel😂炸