甘牌燒鵝

營業中

休息中

招牌燒鵝下莊十分肥美，入口即化，兩個人好快食曬蜜汁叉燒個人覺得一般，同其他店差唔多鵝紅爽滑又入味總體離講，食過翻尋味，會回頭同推薦俾身邊朋友據說以前排隊一粒鐘，宜家七點去完全唔使排隊

呢個我想食好耐㗎啦 一路都見到lunch time永遠勁多人排隊 所以一路都冇機會試 嗰次難得我有一個朋友嚟灣仔搵我食飯 佢可以早啲黎排隊所以我哋就試咗呢一間啦😏😏·甘牌燒鵝拼叉燒瀨粉 $74呢個一上枱嘅時候 我係哇咗出聲 因為我覺得佢真係切得好靚俾我🤩🤩我冇另外加錢嗌鴨髀 但係都有一隻鴨髀呢個感覺真係爽到不得了🤤可惜我覺得佢個味道係唔匹配佢個樣嘅🙊🙊明明隻燒鵝髀個樣好靚 但係唔知點解硬係食落去好似冇乜味咁 個鴨又無好嫩同埋好似無咩油分咁 所以冇好好食🙊個叉燒呢亦都比較乾 所以食落有少少鞋烚烚嘅感覺😂所以雖然佢好靚 但係我覺得佢比較一般 唔值得排咁耐 不過我有聽講過如果你係呢啲燒味舖 你想食靚啲 係一定要嗌佢貴啲個啲餐 我就咁嗌一個堂食既餐所以唔可以評論🤔🤣🤣·📍灣仔軒尼詩道226號寶華商業中心地舖

冬至晚上，與家人飯聚的地方乃甘牌燒鵝。酸薑皮蛋的薑帶微微的辣，皮蛋是溏心的，是一道開胃的前菜。韮菜豬紅普普通通，豬紅並不是太入味，韮菜有渣。燒味部份較為滿意，叉燒肥美香甜，咬下去燶邊位特別香口，肉汁充滿口中。燒肉亦不錯，肉質和肥膏都很爽，鹹味適中，唯一落差是燒肉皮未夠脆。燒鵝乃店之名物，焉能不點。鵝味果然濃郁，鵝肉在嘴裡油花洴發，連皮連鵝汁一同吃滋味無窮。沒有想像過燒鵝之外，豉油雞也是不差。豉油鹹中帶甜，雞肉亦滑，好吃。家人都給了讚！

如果過開香港，一定會去甘牌燒鵝吃午餐，以前要11點等位，佢開11:30分，通常內地人比例佔7成，東南亞客佔二成，香港人佔一成。今次好輕鬆，12點去到只在門外等了五分鐘（三張枱），入到去只見大部份是台灣客、星加坡、及本地人，同胞們已消失，甘牌燒鵝光復了🤪燒鵝皮脆肉鬆，入味👍👍👍百吃不厭豉油雞味道非一般，齒頰留香，個人覺得比燒鵝還要出色中午有set lunch供應，會包小食一客及一杯飲品，飲品就算簡單的擰茶，佢都調較到茶同檸檬個比例恰到好處，係好好飲嘅👍👍PS .溫馨提示各位食家，一定要堂食，千祈咪外賣，因為外賣焗完返到屋企完全唔同哂，我試過做節外賣豉油雞、燒肉及叉燒,到開飯食時味道完全兩回事😭所以強烈建議，一定要堂食，講到燒味，甘牌真係樣樣都掂，可以話冇得輸👍👍👍👍

今午路經附近，一於帶媽咪及閨蜜一齊試吓燒鵝太幸運無需等位，於是點了燒鵝油雞飯、燒鵝乳豬飯,燒鵝叉燒瀨粉，服務員好友善！並且提醒我們可以改為套餐，因為今日延長優惠時間！太好了又有湯飲，也有小食大家都大贊燒鵝幼嫩，皮脆，半肥瘦叉燒！乳豬略肥，飯香，必定再帶家人來，雖然要過2條隧道，值得嘅！

住左係灣仔幾年，成日經過呢間野，又話米芝連，又排隊，諗住實好食，點知，中伏！我係買外賣返屋企食。$280 半隻鵝跟一支鵝汁，一盒酸梅醬我一買完即刻食架啦！由於我家少爺要熱食，所以都急步，路程大約5分鐘到。一返到屋企一開個盒，見d皮已經失望，完全唔係脆皮，係巢曬皮，食落口又韌！好似燒得過火左咁，味道只係正常鵝味，冇咩特別！但一定仲差過係街市求其搵間燒味店買既鵝！$280半隻，一d都唔值，永遠唔再買！唔會再返去

由鏞記第三代自立門戶，使用祖傳秘製燒鵝及涵水食品。位置不多，環境尚升整潔。招牌燒鵝飯燒鵝外皮燒得甘香，肉質味濃、肉汁四濺。加上少見燒鵝汁，真是獨家燒鵝，只此一間。刀功不過如此，將鵝件斬得破碎，皮肉分開，好吃但個人認為不值冠為星星餐廳。涵水鵝肝新鮮、甘甜。同樣賣相不討好，味道亦沒有一試難忘的味道。總括來說，茶餐廳或中式燒味餐廳格局，價格一般，味道更是一般。懷著摘星之旅，卻抱以流沙的感覺，若有所失。不過，幸好跟叮叮一起品嘗，大家都一致認為中西區有更好的選擇。英雄所見略同。

甘牌燒鵝系灣仔都幾出名噶，平時落班經過我都會去斬料翻屋企食，而且好多街坊都會去幫襯，我感覺系因為性價比比較高，而且味道都吾錯噶原因吧，店鋪噶衛生都幾好噶，滴燒味好香啊，而且賣相都好吸睛，體見就覺得好食了，燒鵝燒得好靚，皮脆柔嫩，而且味道好香口，仲有滴汁汁，肉質很厚實，越食越好食，平時有時間都會去果邊食燒味噶。

甘牌燒鵝系灣仔都幾出名噶，好多街坊都會去幫襯，店鋪噶衛生都幾好噶，檯面都吾會有一種油淋林噶感覺，滴燒味好香啊，而且賣相好吸睛，體見就覺得好食了，味道好香口，仲有滴汁汁，肉質很厚實，越食越好食，平時有時間都會去果邊食燒味噶。

本人重來唔寫食評， 今日太氣結， 要告戒大家千其唔好中伏。本人今天下午見冇人排隊仲有位， 見你攞米芝連， 就試下你， 點知完全背脊骨落。該店店員服務奇差。 二百幾蚊唔收信用卡都已經離譜。 更離譜係個收銀極度冇禮貌粒聲唔出督下個牌（3百蚊以上先收信用卡）， 收完錢我要返張單仲勁冇禮貌扔比我。 而且咁貴一d都唔值， 選擇少， 價錢超級貴， 肥淋淋， 個下裝得浸皮同肥膏， 無肉既， 一定唔會再幫襯。 唔怪之得而家冇左遊客之後， 冇晒人幫襯。 應該好快捱唔住會執笠。

馳名燒鵝的名氣稱唔上，總體過得去但係未到米芝蓮嘅水準，價錢亦偏貴，口味過於重，燒鵝太鹹，而且又肥。叉燒味道還可以，但係一係太肥一係太瘦，口感欠缺。小菜皮蛋酸薑比較普通，無特別之處，溏心味道未夠，如果再甜啲就最好。

難得今天在事要到灣仔一趟，處理完一些事務後路過甘牌燒鵝，眼見時間許可決定入內再嚐那個馳名的燒鵝。首先講講餐廳的衛生情況，很好不錯的。餐枱椅子不會有油淋淋的感覺，不過地方較狹窄，對於我這個背包客嚟講不太方便。是次我點了二度食物，燒鵝下庒與手拍青瓜。青瓜爽脆汁醬味道濃郁，好吃。不過那個馳名的燒鵝，味道一般、不過不失。回想幾年前甘牌燒鵝初開業時，我同一位朋友慕名而來一嚐馳名燒鵝，記憶所及是好好吃的。今天再嚐感覺一般，比起坊間一些燒臘飯店的燒鵝沒有什麼特別。價錢方面還可以接受，燒鵝下庒$150、手拍青瓜$25及白飯$13，另加一服務費。

門外不太多人,很快就輪到我,大約等了5分鐘就到我叫了堂食套餐-A.甘牌燒鵝飯 74蚊, 都算便宜, 等了一會兒, 便有餐奉上有例湯,及滷水豆腐作前菜, 味道不錯皮脆肉滑,很好吃,服務很好,會再光顧

之前次次經過呢度都係人山人海，可能最近社會氣氛嘅問題，終於唔使排隊啦，咁就試一試啦，今次我叫咗佢嘅招牌燒鵝飯，分量足夠但燒鵝就係十分普通外皮燒得太乾，肉質較硬，價錢太貴啦，我諗係香港地有好多地方好過佢，真係一啲都唔值得排隊

每一次經過呢間餐廳出邊都會大排長龍，今次經過見到唔需要排隊所以決心一試！餐廳來位置只有10台左右，除咗我哋呢台之外其他全部都係遊客😂點解呢？因為好貴！菜單選擇唔多只有燒味或者滷水。不過當日好多滷水嘢食無返貨，最想食嘅滷水墨魚，豬頸肉都冇😑甘牌燒鵝 (上莊) (4/5)燒鵝上莊部份係近胸嘅位置，比較瘦，適合唔鐘意肥膏嘅人去食👍🏻首先，燒鵝皮燒得香脆，油脂味好香。肉質比較結實，咬落有種甘香嘅味道。食落有少少乾柴🤧另外配上黃豆醬同酸梅醬食，味道更佳。不過以例牌黎講，價錢有啲離地。滷水掌翼 (3/5)滷水濃味得黎唔會得死咸，仲食到陳皮嘅味👍🏻掌翼亦都滷得好入味，得好少肉，份量比較少。掌翼口感不過不失，同普通茶樓差唔多。價錢亦都徧貴。呢間餐廳定價太高，只係吸引到旅客嚟食，可一不可再