甘牌燒鵝

營業中

休息中

今日過開灣仔附近特登揸車過嚟想斬料返奶奶屋企加餸本來想買上庄例牌但係四點幾五點已經賣晒了所以唯有買下庄包裝都幾靚仔嘅不過返到屋企食落就真係非常失望😢我哋買咗例牌燒鵝同燒腩仔圖中可見份量都真係唔算多燒鵝個皮完全唔脆亦冇乜肉香唯一可取之處就係唔肥囉我真係諗唔明點解咁樣都可以拎米芝蓮🤡至於個燒腩仔就更加係非常差啲皮已經係冧晒亦冇話燒得好香真係好食過街市間燒味舖少少㗎咋如果咁樣嘅價錢咁樣嘅份量咁樣嘅味道真係唔會再俾第二次機會佢👎🏾

呢日我地慕名而來, 去試下位於灣仔, 6年蟬聯米芝蓮一星食府 -  甘牌燒鵝。門口掛住一隻隻既燒鵝同其他燒味, 好吸引人。平時午飯時間, 呢度都會見到長長人龍, 今次我地好幸運地一去到就可以入座。我地叫左個午市套餐 – 甘牌燒鵝飯 配小食滷水豆腐。燒鵝味道一般, 肉質不夠嫩滑而且有點韌, 鵝皮沒什麼油香, 很普通, 有點失望。反而豆腐好好食, 滷水味道好香好入味。甘牌燒鵝灣仔軒尼詩道226號寶華商業中心地舖港鐵灣仔站 A5 出口, 步行約4分鐘

甘牌燒鵝6/10👍🏻鏞記第三代自立門戶，6年蟬聯米芝蓮。每日從中國進口四斤半到五斤左右的鵝燒製。為左唔使排隊，3點幾先去，點知得5-6台客，同以前行過排長龍比完全唔同曬。餐前小吃滷水豆腐：8/10👍🏻豆味好重，唔係好重滷水味，但滷水係香嘅，如果好似我咁鍾意食豆類食物咁就好鍾意啦😝不過餐廳都係外邊來貨的者。西洋菜例湯：8/10👍🏻足料仲加左羅漢果，所以有甘味～燒鵝豉油雞湯瀨粉：6/10👍🏻燒鵝肉太薄，但燒到皮脆而且肉都滑，可惜真係比例麻麻。豉油雞的油好多。價錢：$74pp

以前屋企人成日買鏞記燒鵝外賣返屋企食，次次食都會好開心好滋味😄 呢間甘牌燒鵝嘅創辦人係甘崇轅，而甘崇轅嘅爺爺就係香港名鋪鏞記創辦人甘穗煇。記得疫情前，甘牌燒鵝門外都會有一條長長嘅人龍，畢竟連續六年都到拎米芝蓮一星，唔少客人都會慕名前來。加上門外掛住各種燒味，真係好吸引人去食。我見今日依家無咩人排隊，即刻入去食！店舖都唔算好大，但可以坐到三十幾位客人。店內裝飾都有些少中國風，天花掛咗一個個鳥籠，喺店內亦會看到一幅畫，幅畫意思係代表四代同堂大家開心地享受美食。另外有一幅「鵝」字字畫，係甘崇轅父親所寫，代表住餐廳對鵝或燒味嘅熱忱。好多客人都會叫一隻或半隻甘牌燒鵝，而今次我就同朋友叫堂食套餐，有主食、小食&餐飲；套餐一樣可以試到燒鵝，抵食好多！❤️ 套餐小食 - 手拍青瓜&滷水豆腐青瓜調味足夠唔算好辣，口感偏腍，唔係脆口嗰種。滷水豆腐都滷得幾入味，咬落去質感似發脹海綿，好多水份。好食度：⭐️⭐️(2/5)❤️ 老火靚湯中規中矩，都足料嘅，唔係味精湯。好食度：⭐️⭐️(2/5)❤️燒鵝拼燒味瀨粉 - 燒鵝+燒腩燒味份量比想像中少🤔 燒腩合格，皮脆、肉無豬膻味，但未至於令我相當驚喜。燒鵝用咗黑鬃鵝，皮下脂肪較

20201007🌤️Wednesday🌹每次經過「甘牌燒鵝」門前人頭湧現，今日特意安排午飯時間前到。店舖門上「甘牌燒鵝」的甘字是甘崇轅的父親甘健成用毛筆字寫出來， 意義非常大，甘崇轅的爺爺是香港名鋪「鏞記」創辦人甘穗輝。「甘牌燒鵝」的招牌燒鵝，以每日從中國進口四斤半到五斤左右的鵝燒製。抵達店舖之後，由廚師清洗並以秘製醬汁、鹽、填入鵝腹醃製，然後縫針。接著是上皮和落水的過程，風乾兩個小時左右，即可下爐燒一個小時，呈現瑪瑙紅的燒鵝皮脆有光澤，只是欠缺一種荔枝柴炭煙燻味。蜜汁金錢雞🐔：懷舊菜式，雞膶綿潤、油潤豐膄，加上週邊少少脆焦，感覺食神上身🤭🤭🤭鮮鵝肝腸🦢：未入囗先聞到玫瑰露和鮮肉香味，香氣四溢，入口即溶，令人垂涎三尺。現在已經到了中午用餐時間，座無虛席及生意非常好，服務員卻不會因為這樣而怠慢。我亦都欣賞他的地方就是座位有背椅。Food 👍👍👍👍Environment 👍👍👍👍Services 👍👍👍👍👍

嗰日屋企人話想食燒鵝，所以就嚟咗呢間平時好多大陸人排隊嘅舖頭晚市無燒鵝瀨，叫咗半隻燒鵝，一嚟到好香，不過唔係熱辣辣啱啱出爐無想像中咁好食但唔會過份咸 味道適中同埋我係夜晚上，無得叫燒鵝瀨所以一係上/ 下莊 + 瀨粉都要～$150樓上偏貴！好在都有啖茶飲 唔洗加茶錢有d部位好難咬 好un不過聽人講 好鵝就係好難咬 d肉實所以都無咩投訴

兩年前回港同外國朋友排隊食過呢間餐廳，今次再去食，食物水準依然一流，侍應招呼係等級。記得上次食完嘅時候，我哋仲外賣一隻燒鵝返去洒店做宵夜，我哋驚訝嘅地方係，隻外賣燒鵝係個盒入邊隔咗咁多個鐘頭都驚奇地好味，佢哋外賣嘅水準同堂食係一樣好美味，個汁確實令人回味。今次去食嘅原因係因為之前係另外一間食咗不知所謂嘅燒鵝，所以決心要食返一餐好嘅。一坐低覺得冷氣風口位有啲凍，餐廳侍應立即幫我換抬。餐廳侍應招呼十分細心，非常有禮貌。我想食燒鵝，侍應同我講話如果要食上庄，有新鮮出爐燒鵝但要等30分鐘，問我介唔介意，我當然唔介意啦，我話我可以飲住杯嘢等。人生中第一次飲凍鴛鴦，侍應好有耐性，解釋得非常清楚究竟凍鴛鴦係咩嚟嘅。我要求要少啲咖啡，個侍應同水吧職員講叫佢一定要記得少啲咖啡，佢哋嘅服務態度真係專業。好有心嘅服務。我對杯凍鴛鴦無好大嘅期望，點知喜出望外，杯嘢飲非常好味，唔係太甜又唔會好多冰。真係好好飲，如果唔係我要一個人食晒成份燒鵝，我應該會叫多杯飲。隻燒鵝嚟到,個皮好脆，啲肉好Juicy，用筷子夾住啲肉會有肉汁流出嚟㗎，完全冇碎骨，實在太開心啦，真係好好味。肉汁同脂肪比例均勻，唔會好肥。個汁好好味唔會

同屋企人去買燒味，要左半隻燒鵝，講唔好斬髀及上椿但佢斬了，之後見到得一個飯盒咁大，再三問佢係唔係我地的，職員話係，仲話佢地啲燒鵝係同人地果啲唔一樣，番到屋企打開見到隻髀係上層，底果啲都是碎件，點砌斬砌唔到半隻鵝出黎，味道仲要唔夠入味手😠😠😠，以為疫情好轉可以食番少少好野，順手促進經濟繁榮，點知換來嘅係失望！😠

很早之前就听说过甘牌烧鹅，一直没有机会去试试，疫情期间比较少人，就打包了一份回家吃。一打开，一份烧鹅湿糊糊的，顿时没了食欲，但是价格不便宜，还是要硬着头皮吃，果不其然，肉质很老，很难咬得动。食之无味弃之可惜，只能用来喂狗了。

疫情再現香港,十八區都有感染確診,餐廳沒有了晚市,那午市環境如何呢?這一天,我到訪了香港最有名氣之一既甘牌燒鵝疫情之下,再沒有以往百人排隊的盛況,也沒有客人了時值正午,坐無虛席變成只有三席,令人傷感,名店也如此光景,更何況小店?回歸主題,堂食套餐只限星期1-5,早上11-2時,假期不提供有a~e款,主打都係甘牌燒鵝飯或燒鵝雙拼飯,$74跟餐可選小吃一款,當然就係食皮蛋酸薑水準依舊,多年如一,連擺盤都係一樣,沒有因為疫情影響出品,值得一讚跟餐同樣可選老火湯或茶,凍飲麻煩加3想食豪華一點,另加$40蚊轉燒鵝脾位亦得,得左~燒鵝皮身薄,脂肪少,食落少了一絲脂香油感,半隻皮蛋開胃,大大碟飯都食得落鵝肉算嫩滑~另外順便提下,有外賣套餐甘牌燒鵝四寶,$72,有齊鵝,叉燒,紅腸,咸蛋,加老火湯,唔食堂食,買走得左~另外仲有單點燒味,營業時間去到9點半#甘牌燒鵝 #香港燒味 #港式燒味 

🌹［甘牌燒鵝］是我近來才認識的食店，原來已在香港一段時間，看見很多食評提及它是一間米芝蓮一星食店，在中環辦完事後，急不及待與老公一齊前往。🌹［甘牌燒鵝］位於灣仔軒尼詩道，不難搵，但亦不太近地鐵站，熱辣辣日子行到身水身汗，但為了食米之蓮燒鵝值得付出。我們到達食店的時候大約6:30 ，人不多，有座位不用排隊，店子不大，環境不是我喜歡嘅的類型，只想快點吃完離開！🤣🤣5🌟為滿分燒鵝🌟🌟🌟🌟🌟皮微脆，不肥不瘦，沒有臭酥味燒腩仔🌟🌟🌟🌟皮脆，不肥不瘦酸薑皮蛋🌟🌟🌟🌟皮蛋是糖心，與酸薑很夾個人評分5💙為滿分食物💙💙💙💙💙服務💙💙💙💙環境💙💙衛生💙抵食💙💙💙回頭率💙💙💙

鏞記停業裝修, 甘飯館也早已因租約期滿結業, 想不到最後能夠在這武漢肺炎繼續生存的甘家餐廳是甘牌燒鵝, 而且早已將其向亞洲其他地方發展, 但無論是香港本家還是在台灣或新加坡的分店, 評價也是好壞參半. 究竟連鏞記也被拿走的米芝連一星, 她何德何能可以維持下去! 簡單一碟七十多元的燒鵝飯, 配上酸薑皮蛋, 價錢並不太貴, 但只要見兩種不同顏色的燒鵝, 我心裏面涼了一節, 皮和肉毫無優異之處, 唉! 感覺很差. 至於酸薑皮蛋, 我也沒有興趣作評價了. 相比之下, 鏞記其實一點也不差.

今日星期五，食晏時間去咗灣仔一間好出名食燒鵝嘅餐廳，叫「甘牌燒鵝」食Lunch這間連續6年獲得「米芝蓮一星🌟」嘅餐廳，之前見到好多人排隊；今日大約1:45PM去到，過左食晏繁忙時間，得2-3人等，好快有位入座後我叫咗「堂食套餐」，這個套餐只係逢星期一至五早上十一時半至下午二時先有，我揀左i. 燒味套餐：「A. 甘牌燒鵝飯套餐 $74」ii. 跟套餐小食：手拍青瓜iii. 跟套餐餐飲：老火靚湯價格💰：$74味道😋：一般

今次和朋友心血來潮，想到這家出名的燒鵝店，此家店已連續多年成為米芝蓮的店。我們叫外賣回酒店吃。價錢一點也不便宜，下裝的燒鵝加滷豆腐鵝肝，兩碗瀨粉和一碟油菜已經要300多元。回到酒店打開一看，就看見燒鵝10分新鮮，皮上有一層油，看下去也覺得很好味。鵝肉鮮嫩多汁，鵝肉的油脂層不是很後，但吃下去很香。重點在它的皮，脆啊！好吃得不得了！再配上瀨粉，是絕配，太美味了。滷豆腐和鵝肝也不錯，只是鵝肝略肝了些，不像法國鵝肝那樣嫩。

由於疫情關係，晚飯時間去到這間餐廳終於不見人龍排隊，便立即入去試試。首先叫咗一個冷盤香醋黑木耳，味道都是預期的，不錯。跟住再叫皮蛋子薑，皮蛋子薑是非常夾啲，好好味。但$14一份就貴左少少，沒什麼功夫呢！再叫多個小食，鹵水蛋，食落鹵水味不夠香濃，不過，$10隻，還可接受。主角：甘牌燒鵝，要了一份例牌$155，看圖份量好似好多，實質用了很多豉油豆放厎，賣相真係呃到人🙁，味道一般，沒驚喜。肉質不夠軟滑。真的不覺得值這個價。試過就算⋯⋯